ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 21ى شۆباتا 2016ێ ئه‌سمان دێ د ناڤبه‌را ساهى و ئه‌وره‌كێ كێم دا بيت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن بلندێن ده‌ريا سپى ناڤه‌راست بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دێ د ناڤبه‌را ساهى و ئه‌وره‌كێ كێم دا بيت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (14 بۆ 21) پلان دا بيت.

ئه‌ڤرۆ نيوز:

پۆليسێن هاتنوچوونێ ل پارێزگه‌ها دهۆكێ راگه‌هاند كو ئه‌ڤرۆ بابه‌كى كچا خوه‌ كوشت پشتى ب نه‌زانين ڤه‌ ترۆمبێلا خوه‌ دايه‌ سه‌ر كچا خوه‌.

رائيدێ مافپه‌روه‌ر ئازاد تاها به‌رپرسێ رێڤه‌به‌ريا هاتنوچوونا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 19ى شوباتا 2016ێ و د روودانه‌كا دلته‌زين دا ل باژێرێ زاخۆ بابه‌كى كچا خوه‌ يا بچووك كوشت”.

زێده‌تر گۆت: “ئه‌وى بابى ترۆمبێلا خوه‌ يا كوسته‌ر -كرێ- ب شاشى ڤه‌ ل زارۆيێ خوه‌ دا و ب مخابنى ڤه‌ زارۆى گيانێ خوه‌ ژ ده‌ست دا”.

ئەڤرۆ نیۆز، قائید میرۆ:
رێکخراوەکا مەدەنی ئیماژە بڤێ چەندێ دکەت، لبن گڤاشتنێن جۆدا نەچاربووینە بارەگەھێ بگرن و ئەڤرۆژی سەرۆکێ رێکخراوا وان ب ئێکجاری ھەرێما کوردستانێ بجە ھێلایە.
ژێدەرەکی ل رێکخراوا سکالا و چاڤدێری ب ئەڤرۆ نیۆز راگەھاند” کو ئەڤە بۆدەمەکێ درێژە گەفەکا زۆر لسەر رێکخراوامە ھەیە ل باژێڕێ سلێمانیێ ئەوژی ب ئەگەرێ پشکداریامە ل خۆنیشاندانێن ڤێ دوماھیێ، ھەتا ئەم ھاتینە نەچارکرن مە ئوفیسا رێکخراوا سکالا و چاڤدێری ب ئێکجاری گرتیە.
ژێدەری گۆتژی” سەرەرای گەفێن زۆر بۆسەر رێکخراوا سکالا، گەفەکا زۆر لسەر سەرۆکێ رێکخراوێ شیڤان زەنگەنەژی ھەبوویە و ھاتیە نەچارن ئەڤرۆ ھەرێما کوردستانێ بجە پێلیت و بەرەف دەرڤەی وەلاتی کۆچکریە و ب ئێکجاری کوردستانی َھێلایە.

ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ رۆژا ئه‌ينى ل سه‌ر رێيا سه‌ره‌كى يا باتيفا بۆ زاخۆ ئاگر به‌ربوو ترۆمبێله‌كا ته‌كسى.

مه‌سعود محه‌مه‌د، به‌رپرسێ بنگه‌هێ هاتنوچوونێ يێ باتيفا بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 19ى شوباتا 2016ێ و ل ده‌مژمێر 3:00ى ئێڤارى ل سه‌ر جادا سه‌ره‌كيا باتيفا بۆ زاخۆ ل نێزيك كۆمه‌لگه‌ها هيزاوا، ژ ئه‌گه‌رێ شورته‌كێ كاره‌بێ ترۆمبێله‌كا فيكترا كرێ -ته‌كسى- ره‌نگێ تبنى سۆت”.

به‌رپرسێ بنگه‌هێ هاتنوچوونێ يێ باتيفا زێده‌تر گۆت: “خۆشبه‌ختانه‌ گيان ب سلامه‌تن ب تنێ زيانێن مادى يێن مه‌زن يێ ب ترۆمبێلێ كه‌فتين”.