ئه‌ڤرۆ نیوز: ڤه‌ده‌ر ره‌شاڤایی:
ته‌رمێن دو فرۆكه‌ڤانێن كورد یێن د كریاره‌كا تیرۆری دا كو داعش به‌رپرساتییا خوه ژێ راگه‌هاندیه، هه‌لیكۆپته‌را وان لنێزیك فه‌لوجه هاتیه ئێخستن و شه‌هید كرن گه‌هشتنه هه‌رێما كوردستانێ.
نەقیب ئەحمەد نەهرۆ، و ملازمێ ئێكێ ئومێد جەوهەر، ئێك خه‌لكێ هه‌ولێرێ بوو و ئێك ژی یێ سلێمانیێ، ته‌رمێن وان بئاماده‌بوونا كه‌سوكارێن وان گه‌هشتنه فرۆكخانا هه‌ولێرێ.
ئه‌ڤرۆ نیوز: ڤه‌ده‌ر ره‌شاڤایی:
هه‌روه‌كی كه‌نالێ (CNN Türk) به‌لاڤكری كۆچكا سپی ل دۆر په‌قینا ل ئه‌نقه‌ر هاتیه كرن و پتری 28 كه‌سان كوشتی راگه‌هاند: هێشتا بۆ وان دیارنه‌بوویه و پشت راستنه‌بووینه كى ژ په‌قینا ئه‌نقه‌ره به‌رپرسه.
ئه‌ڤه دده‌مه‌كی دا یه توركیا هه‌ر ئێك ژ په‌یه‌دێ و په‌كه‌كێ ژ په‌قینێ تومه‌تباركرنه و په‌یه‌دێ و په‌كه‌كێ ئه‌ڤ تومه‌ته ره‌تكرینه و خویاكرینه كو ئه‌ڤه به‌هانه‌كا توركیا یه بۆ هێرشكرن ل سه‌ر كوردان.
ئه‌ڤرۆ نیوز: ڤه‌ده‌ر ره‌شاڤایی:
پشتی هێزێن سوریا دیمۆكرات ب سه‌ركێشییا یه‌په‌گێ نێزیك بووین ژ شكاندنا هێزێن توندره‌و ل باكۆرێ حه‌له‌بێ ل باژارێ ئه‌عزاز، توركیا بۆ پشتراستكرنا وێ یه‌كێ كورد سه‌ركه‌فتنێ نه‌ئینن پتری 500 چه‌كدارێن توندره‌و ژ سنۆرێ توركیا ده‌ربازی ناڤ ئاخا سوریا كرن.
ئه‌ڤ چه‌كداره دێ گه‌هنه 350 چه‌كدارێن دی یێن توركیا ل رۆژا ئێكشه‌مبی 14 مه‌هێ هنارتینه باكۆرێ حه‌له‌بێ.
توركیا تۆپبارانكرنا جهێن یه‌په‌گێ ل رۆژئاڤا كوردستانێ توند كرییه.
ئه‌ڤرۆ نیوز: ڤه‌ده‌ر ره‌شاڤایی:
ل دۆر دروستكرنا ده‌ڤه‌ره‌كا ئارام ل سوریا، هه‌ر ئێك ژ ئه‌مریكا و رووسیا بۆ ئێكه‌م جار بۆچوونه‌كا تا راده‌كێ وه‌كهه‌ڤ نیشان دا و ره‌تكرنا گاڤه‌كا ب وی ره‌نگی كر.
ڤیتالی چوركین نوونه‌رێ رووسیا ل نه‌ته‌وێن ئێكگرتی ل دۆر دروستكرنا ده‌ڤه‌ره‌كا ئارام ل سوریا كو داخازا سه‌ره‌كییا توركیا یه گۆت: نها گه‌له‌ك دره‌نگه باس ل ده‌ڤه‌ره‌كا ئارام بهێته كرن دده‌مه‌كی دا هه‌می ئالی ل سوریا هێرشێن ئاسمانی بۆمبه‌رانكرنان ئه‌نجام دده‌ن، بجهئینانا ده‌ڤه‌ره‌كا ب ڤی ره‌نگی نابیت.”
ژ ئالیه‌كێ خوه ڤه جه‌نه‌رال چارلز براون ژ هێزێن ئاسمانیێن ئه‌مریكا گۆت: دروستكرنا ده‌ڤه‌را ئارام ل سوریا دووره ژ ئارمانجا سه‌ره‌كی بۆ ژناڤبرنا داعش.”
هه‌ڤده‌م رژێما سوریا ژی د به‌یه‌ننامه‌كێ دا ئه‌ڤ داخازه ره‌ت كر و دیاركر قابلی بجهئینانێ نینه.
توركیا بۆ ده‌مه‌كێ درێژه داخازا ده‌ڤه‌ره‌كا ئارام ل باكۆرێ سوریا دكه‌ت كو دو مه‌ره‌مێن ئاشكرا ژێ هه‌نه ئه‌و ژی پاراستنا گرۆپێن ئۆپۆزسیۆن ل سوریا یێن ئه‌و پشته‌ڤانیێ لێ دكه‌ت، هه‌روه‌سا بۆ رێگرتن ژ هه‌ڤگرتنا كانتۆنێن ئه‌فرین و كۆبانێ ل رۆژئاڤا كوردستانێ.
ئه‌ڤرۆ نیۆز، رێوار مزیرى:
هونه‌رمه‌ندا مسرى ئیلهام شاهین ئاشكرا كر كو ئه‌و دێ شوو ب وى كه‌سى كه‌ت یێ ئه‌بو به‌كر به‌غدادى سه‌رۆكێ رێكخراوا تیرۆرستێن داعش بكوژیت و ئه‌و كه‌س هه‌لگرێ چو جۆرێ ناسنامێ بیت دروسته و گۆت: “دێ هه‌یڤا هنگڤینى ب شێوه‌كێ هوسا ل گه‌ل وى زه‌لامى بۆرینم كو خوه د خه‌ونێ ژى دا هوسا نه‌دیتبیت”.
ئیلهام شاهین، د داخویانیه‌كا رۆژنامه‌ڤانى دا كو د رۆژناما (القدس العربى) دا به‌لاڤبوویه ئاماژه دایه وێ چه‌ندێ كو هه‌موو مه‌زاختیێن ل هه‌ڤژینیا وان دهێنه مه‌زاختن دێ ئه‌و مه‌زێخیت و گۆت: “رزگاركرنا جیهانێ ژ ئه‌بو به‌كر به‌غدادى، دێ بیته پشكه‌كه بۆ ئاسایش و ئارامیا رۆژهه‌لاتا ناڤه‌ڕاست”.
ئه‌ڤرۆ نیۆز، قائید میرۆ
ئه‌ڤرۆ نیۆز هویرده‌كاریێن داشكاندنا كۆمپانیا كۆڕه‌ك تیلیكۆم ئاشكرادكه‌ت و ل گوره‌ی زانیاریێن ئه‌ڤرۆ نیۆز، ده‌مێ پشكدار بۆ ده‌مێ ده‌هـ ده‌قیقا دئاخڤین دێ سێ ده‌قیقه هێنه هژمارتن و حه‌فت ده‌قیقه دێ به‌ر داشكاندنێ كه‌ڤن، به‌لێ ئه‌گه‌ر ل ده‌هـ ده‌قیقا بۆری ئه‌ڤه دێ دوباره بیت.
ئه‌ندازیاره‌كی ل كۆمپانیا كۆڕه‌ك تیلیكۆم ب ئه‌ڤرۆ نیۆز راگه‌هاند” ئه‌ف داشكاندنا ل كۆمپانیا كۆڕه‌ك هاتیه‌كرن بۆ پشكدارێن خوه بڤی شێوه‌ی نینه كو خه‌لك تێگه‌هشتیه و راسته بۆ پارێزگه‌هێن هه‌ولێر و دهۆكێ بهایێ بكارئینانێ 70%ێ دابه‌زاندیه، لێ هه‌ر ده‌قیقا بكارئینانێ ب هه‌شتێ دینارانه و ئوفه‌ره‌ك بۆ پارێزگه‌ها هه‌ولێر و دهۆكێ هاتیه ڤه‌كرن.
ئه‌ڤی ژێده‌ری گۆتژی” بۆ مفاداربوون ل داشكاندنا كۆڕه‌ك تیلیكۆم ل هه‌ردو پارێزگه‌هێن هه‌ولێر و دهۆكێ، پێدڤیه پشكدار كورته‌نامه‌كێ بۆ هژماره 263 فڕێكه‌ن و دێ به‌رسڤا وان هێته‌دان بۆ كارابوونا هێلا وان، پشتی كارابوونێ، هه‌ر ده‌مێ پشكداره‌ك هێلا كۆڕه‌ك بكاربینیت، دێ سێ ده‌قیقا وه‌كی خوه پاره چیت، به‌لێ پشتی سێ ده‌قیقا هه‌تا دگه‌هیته 10 ده‌قیقا حه‌فت ده‌قیقێن دوماهیێ ناهێنه هژمارتن، واته ئه‌گه‌ر پشكداره‌ك بۆده‌مێ ده‌هه ده‌قیقا بێ قه‌تیان پاخڤیت تنێ دێ سێ ده‌قیقه ژ حیسبا وی چن و حه‌فت ده‌قیقه لسه‌ر كۆڕه‌كن.
ئەڤرۆ نیوز:
تیما تەپا پێ یا زاخۆ بریارە سوباھی یاریەکا ب ھێز ژ چارچوڤێ یاریێن خولا عیراقێ بەرامبەر یانا جەویە بکەت کو دڤێ یاریێ دا تیما زاخۆ دخوازیت بەری ژ گەشتا خوە یا بەغدا ب ڤەگەریت ب ئەنجامەکێ سەرکەفتی و دلخوش بۆ جەماوەرێ خوە ڤەگەریتە ھەرێما کوردستانێ .
دڤێ یاریێ دا تیما جەویە خودانا ئەرد و جەماوەر دێ بێ گڤاشتن چیتە دناڤا یاریێ دا ژبەرکو ھەتارادەیەکێ مەزن دەربازبوونا خوە بۆ خولا بژارە مسوگەر کریە و دبیت ڤێ یاریێ دا ھژمارەکا یاریکەرێن وێ یێن سەرەکی پشکداریێ نەکەن ژبەرکو پشتی پێنج رۆژێن دی یاریەکا گرنگ ژ قارەمانیا کاسا ئێکەتیا ئاسیا ھەیە ل گەل یانا شەباب زاھر یا فەلەسیتنی ، بەرامبەر تیما زاخۆ دێ ھەمی بزاڤێ کەت ب ئەنجامەکێ سەرکەفتی ژی یاریێ دەرکەفیت و ھیڤێن خوە گەش بکەت بۆ دەربازبوونێ بەری دو یاریێن بھێت ل یاریگەھا خوە بکەت .
ھەژی گوتنێ یە نوکە یانا جەویە ل سەرێ لیستەیا کوما دوێ یا خولا عیراقێ ھێت ب ٢٩ خالان و ھەرسێ یانێن مینا و شورتە و نەجەف رێزێن دوێ سیێ چارێ دھێت ب ٢٣ خالان و زاخۆ رێزا پێنجێ دھێت ب ٢١ خالان لێ یاریەکێ کێمتر ژ ئەوان و بەغدا ٢١ خال و ھەولێر ٢٠ خال.
ئه‌ڤرۆ نیۆز، قائید میرۆ
تیرۆرستێن داعش ب ماددێ كیمیایێ سه‌نگه‌رێن پێشمه‌رگه‌ی تۆپبارانكرینه‌و د ئه‌نجامدا هژماره‌ك پێشمه‌رگه برینداربووینه.
ژێده‌ره‌كێ ئاگه‌هدار ب ئه‌ڤرۆ نیۆز راگه‌هاند” حه‌فتیا بۆری ل میحوه‌رێ شنگالێ تیرۆرستێن داعش سه‌نگه‌رێن پێشمه‌رگه‌ی تۆپبارانكرینه و ماددێ كلور دناڤا تۆپێن داعشدابووینه و بۆیه ئه‌گه‌رێ برینداربوونا 30 پێشمه‌رگه‌یا و هاتینه هنارتن بۆ نه‌خۆشخانێن دهۆكێ.
ژلایێ خۆڤه‌ژی عیسا زێوه‌یی، فه‌رماندێ پێشمه‌رگه‌ی ب ئه‌ڤرۆ نیۆز راگه‌هاند” ئه‌ف جهێ هاتیه تۆپبارانكرن، سنورێ من نینه، به‌لێ من سه‌ره‌دانا جهێ تۆپبارانێ كریه و راسته داعش 33 تۆپ ل سه‌نگه‌رێن پێشمه‌رگه‌یداینه و ماددێ كلور تێدابوویه، كو بۆیه ئه‌گه‌رێ هه‌لاڤێتنا هژماره‌ك پێشمه‌رگه‌یان.
نيشاندان