ئه‌ڤرۆ نيوز:
سه‌رۆكايه‌تيا هه‌رێما كوردستانێ ته‌قينێن باژێرێ ئه‌نقه‌ره يێ پايته‌ختێ توركيا و ته‌قينا ئامه‌دێ يا باكوورێ كوردستانێ شه‌رمزار دكه‌ت و ئاماژه ب وێ يه‌كێ كريه كو ئه‌ڤ كرياره دێ كێشان كويرتر لێ كه‌ن.
سه‌رۆكايه‌تيا هه‌رێما كوردستانێ هه‌روه‌سا دياركريه: تيرور مه‌ترسيه‌كا جدييه ل سه‌ر سه‌قامگيريا سياسى و پێكڤه‌ژيان و ئاسوده‌ييا ناڤخويا توركيا و ئه‌گه‌ره‌كێ بۆ كوربوونا گرفتان و به‌ره‌ڤ پێشچوونا كێشان، گه‌له‌ك ب دژوارى ڤان كريارێن تيرورستى شه‌رمزار دكه‌ين.
ئەڤرۆ نیوز:
ژێدەرێن دەنگوباسی وەسا خویادکەن ل چەند رۆژێن بوری ل بارەگایێ ئێکەتیا تەپا پێ کومبوون ھاتیەکرن ژلایێ سەروک و ئەندامێن ئێکەتیا تەپا پی ژبەر شێوازی خولا بژارە یا عیراقێ کو بریارە ھەر کومەکێ چار یانە دەربازی خولا بژارە بەن.
ھەردیسان ئەوان ژێدەران دیارکریە ژی یاریێن خولا بژارە دێ ب شێوەیێ خرفەبوون ل ئێک باژێر ھێنەکرن ئەوژی یان ل ھەولێر یان ل بەسرا کو یاریگەھێن ئەڤان ھەردو باژێران تێرا وێ چەندێ ھەنە یاری ل بھێنەکرن لێ ئەوژی ب مەرجەکی ھەکە ئەو تیم سەرنەکەفتنە قوناغا بژارە ھەر تیمەکا ژ ئەوان سەرنەکەفیت دێ یاری ل وی باژێری ھێنەکرن.
ئەڤرۆ نیوز:
بۆ جارا دوێ ل ڤی وەرزی تیما زێرەڤانی ھەلگرا ھەرسێ ناسناڤێن بوری یا خولا کوردستانێ توشی خوسارەتیەکا مەزن بوو ئەڤ جارە ل گەل یانا شێروانە ب چار گولان بێ بەرامبەر دوێ یاریێ دا ئەوا ئەڤرۆ ل یاریگەھا شێروانە ھاتیەکرن و ب ڤی ئەنجامی شێروانە شیا ھیڤێن خوە گەش بکەت بۆ مانا خوە دخولێ دا و ھەردیسان ھەڤرکی ل سەر ئێک ژ پلێتێن دەربازبوونێ.
ژلایەکێ دیڤە ل یاریگەھا خوە تیما ھەولێرێ ھەتا رادەیەکێ مەزن رێیا دەربازبوونا خوە خوشکر پشتی شیای سەرکەفتنێ ل سەر یانا ھندرین توماربکەت ب سێ گولان بەرامبەر گولەکێ سەرێ لیستەیا خولێ پاراست و ھەردو یانێن کەرکوک و ئارارات بێ گول وەکھەڤ بوون و مفادارا ڤێ حەفتیێ یانا زاخۆ بۆ سەرارای نەکرنا یاریا خوە دڤێ حەفتیێ دا ئەنجامێن یاریێن دى د بەرژوەندیا وێ دا ب دووماھی ھاتن و رێزا دوێ پاراست .
پشتی یاریێن گەرا دوێ ژ کوما ئێکێ ب دووماھی ھاتین ھەلویست ب ڤی شێوەیە
ھەولێر ١٥ خال
زاخۆ ١١ خال
شێروانە ١٠ خال
کەرکوک ١٠ خال
ئارارات ٩ خال
زێرەڤانی ٩ خال
ھندرین ٦ خال
ئه‌ڤرۆ نيوز:
پارتى ديموكراتى كوردستان د راگه‌هاندنه‌كێ دا ژ ده‌رئه‌نجامێ كۆمبوونا ئه‌ڤرۆ يا جڤاتا سه‌ركرداتيا خوه ب سه‌رپه‌رشتيا نێچيرڤان بارزانى راگه‌هاند كو ئه‌و پشته‌ڤانيێ ل بڕيارا چاكسازيێن سه‌رۆكێ هه‌رێما كوردستانێ بۆ حوكمه‌ت و پارتى دكه‌ت.
ده‌رباره‌ى پرسێن ناڤخۆى ژى رادگه‌هينيت كو پێكڤه ژيانا سياسى و نه‌ته‌وه‌ى و ئاينى ژێده‌ريا ئاشتيا جڤاكى يه و زالبوونه ل سه‌ر كێشه و ئاريشه و ئاسته‌نگان و پێشكه‌فتنا وارێن جودا يێن ژيانا كۆمه‌لگه‌هێ.
ده‌قێ راگه‌هاندنا جڤاتا سه‌ركرداتيا پارتى ديموكراتى كوردستان
پرۆسەی سیاسی لە عێراق رۆژ لە دوای رۆژ زیاتر ئاڵۆزتر دەبێت و رەهەندی نوێ و جیاوازتر لە پێشوی لێ پەیدا دەبێت، لە رووی پەیوەندییەكان بە وڵاتانی عەرەبی و دراوسێكانی و دونیا بەگشتی و، لەرووی بەشداری و هاوبەشیی پێكهاتەكانی نەتەوەیی و ئایینی و ئاینزایی بە تایبەتی.
بە تایبەتی تریش لەم كابینەیەدا كە سیاسەتی پەراوێز خستنی كورد لە داڕشتنی بڕیار و سیاسەتی گشتیی ناخۆیی و دەرەكیدا، ئەم رەوتە لادانە لە رێككەوتن و پێكەوەكاركردن و هەمان بڕوبیانوی حكومەتە یەك لە دوای یەكەكان دووبارە دەكاتەوە.
لە لایەكی دیكەوە حكوومەتی بەغدا هیچ ئیلتیزامێكی دەستووری و یاسایی سەبارەت بە هێزی پێشمەرگەی كوردستان جێبەجێ ناكات، لە كاتێكدا كە لە شەڕێكی قوڕسدایە لە بەرامبەر تیرۆریستان و بەرگری لە نیشتیمان دەكات، هەروەكو هەوڵێكی جدیش نادات بۆ سوككردنی باری ئەو ژمارە زۆرەی ئاوارەو پەنابەرانەی كە رویان لە كوردستان كردووە.
ئەمانەو چەندین رەفتارو كرداری دیكەی دەسەڵات بەرامبەر بە هەرێمی كوردستان، لە بڕینی مووچە و شایستە داراییەكانی كوردستان گرفتی بۆ هاونیشتمانیانی كوردستان دروست كردووە كە بەبێ پێداچوونەوە و راستكردنەوەی ئەم رەفتارانە بارودۆخی عێراق و پرۆسەی سیاسی بەرەو ئاقارێكی خراپتر لە ئێستا دەبات.
ئێمە لە پارتی دیموكراتی كوردستان لەگەڵ زامنكردنی مافی هەموو پێكهاتە نەتەوەیی و ئایینی و ئاینزایی داین و، دەبێ دەوڵەتی عێراق لە لایەن هەموانەوە بە هاوبەشی و هاوكاری بەرێوە بچێت.
هەروەها سەبارەت بە پێشنیاری ئەم دواییەی سەرۆكی ئەنجومەنی وەزیرانی عێراق، كۆبوونەوە پشتگیریی لە وەڵامی حكومەتی هەرێمی كوردستان دەكات كە دەڵێ، ئەگەر حكومەتی عێراق ئامادەبێت تەواوی مووچەی هەموو فەرمانبەران و پێشمەرگە بدات، ئەوا حكومەتی هەرێم ئامادەیە بڕە نەوتی پێویست رادەست بكات. لە هەمانكاتدا داوا لە حكوومەتی فیدراڵ دەكەین كە قەرزەكانی هەرێم، بەتایبەتی قەرزەكانی ساڵی 2014 بداتەوە.
بارودۆخی ناوخۆیی كوردستان
پێكەوە ژیانی سیاسی و نەتەوەیی و ئایینی، سەرچاوەی ئاشتی كۆمەڵایەتی و زاڵبوون بەسەر گرفت و ئاستەنگەكان و پێشكەوتنی بوارە جیاجیاكانی ژیانی كۆمەڵگا دەزانین و، بەردەوام لە هەوڵ دابوین زمانی دیالۆگ و لێكحاڵی بوون بنەما بێت بۆ لێكنزیك كردنەوەی جیاوازیەكانمان و، دژی دەستەبەندیی دژ بە یەك و لۆژیكی پیلان و پشت شكاندن بوین، چونكە باوەڕمان بە هەبوونی بیروبۆچون و ئایدۆلۆژیای جیاواز هەبووەو هەیە و، دژی زاڵبوونی بەرژەوەندیی حزبی بووین بەسەر بەرژەوەندیە نەتەوەیی و نیشتمانیەكانماندا.
ئەم بارودۆخەی ئێستای كوردستان و ناوچەكە لە هەموو كاتێك زیاتر پێویستی بە تەبایی و یەكڕێزیی هەیە و لەو راستایەشدا درێغیمان نەكردووە، لەمەودواش درێغی ناكەین بۆ دروستكردنی، چونكە ئەم رووداو و پێشهات و ئەگەرانەی هەن بەرپرسیاریەتی دەخاتە سەرشانی هەموو لایەك و ناكرێت بە پاساوی دور لە واقیع خۆی لێ بدزرێتەوە.
بە زەرورەت و بەرژەوەندی گەلەكەمانی دەزانین بە خۆداچونەوە هەبێت و بە نەفەسێكی سەردەمیانەو یەكتر قبوڵكردن مامەڵە لەگەڵ یەكتر و لەگەڵ واقیعەكەدا بكەین دور لە هەستی رق و تۆڵەكردنەوە.
هەرچەندە لەم دواییانە هەوڵێكی تێكدەرانە لە هەندێ لە ناوچەكانی كوردستاندا لە ئارادایە بۆ هاندان و ئاڕاستەكردنی كەسانێك بۆ هێرشكردنە سە بارەگاكانی پارتیمان بە مەبەستی ئاڵۆزتركردنی بارودۆخەكە كە، بێگومان نە جەماوەری كوردستان و نە لایەنە خەمخۆرەكانی كوردستان و نە ئێمەش وەكو پارتی چاوپۆشی لەو كارە مەترسیدارانە هەرگیز ناكەین كە مەرامی هەندێ خەڵك و لایەنی دەرەوەی سنووری باشوری كوردستانە.
* قەیرانی دارایی و باری بژێوی هاونیشتمانیان لەبەر چەندین هۆكار بەرەو خراپبون چووە، ئەمە ئەركی لایەنێك و دوو لایەن و حكومەت بە تەنیا نییە كە لەخەمی چاككردن و بەرەنگاربونەوەی بێت، بەڵكو ئەركی هەموو لایەنە سیاسییەكان و تاك تاكی خەڵكی كوردستانە، شان بدرێتە بەر چاكسازی و چاككرنەوەی هەڵەكان و سیاسەت و نەهجی بەڕێوەبردن بە شێوازێك بێت كە گۆنجاو بێت لەگەڵ پێویستی قۆناغەكەو پێشكەوتنەكان و، دابینكردنی ژیانێكی ئاسودە لە هەموو روێكەوە بۆ هاووڵاتیان.
چاكسازی و هەوڵە بەردەوامەكانی حكومەتی هەرێم لەو بارەوە بە باشی دەنرخێنین و پشتیوانی دەكەین، هەروەكو پشتیوانی لە داوا رەوا و یاساییەكانی خەڵكی كوردستان بە گشتی و مووچە خۆران بە تایبەتی دەكەین، كە بە رێگای یاسایی و ئاشتیانە داواكانیان بخەنەڕوو، دوور لە هاندان بۆ تووندوتیژی كە رەوشەكە پتر ئاڵۆز دەكات و، بەمەش ئاشتیی كۆمەڵایەتی دەكەوێتە بەر مەترسی.
سەبارەت بە بڕیاری جەنابی سەرۆكی هەرێم بۆ چاكسازی لە حكومەت بە پێویستی ئەم بارودۆخەی دەزانین بۆ كەمكردنەوەی قورسایی سەرشانی هاووڵاتیان لەڕووی ئابووری و ئیداریەوە و بە هەنگاوێكی دڵسۆزانەی دەزانین و، بەو بۆنەوە كۆبوونەوە پشتیوانی بێ سنووری خۆی بۆ دەردەبڕێت.
هەروەها سەبارەت بە بڕیاری چاكسازی و رێكخستنەوەی كاروباری كارگێڕی و دارایی لە ناو پارتیدا بە هەنگاوێكی پێویست بۆ پتر بەدیهێنانی دادپەروەری و شەفافیەت دەزاندرێ، بۆیە لەلایەن تێكڕای دامودەزگاكان هاوكاری و ئاسانكاری پێویستی بۆ دەكرێت و، كۆبوونەوە لە روانگەی دڵسۆزیی ئەم هەنگاوە پشتیوانی خۆی دەردەبڕێ.
سڵاو لە پێشمەرگە قارەمان و خۆڕاگرەكانی كوردستان
سڵاو لە كەسوكاری شەهیدانی سەر بەرزی كوردستان
سەركەوتن بۆ ئیرادەی گەڵەكەمانە
بژی كورد بژی كوردستان
ئەنجومەنی سەركردایەتی
پارتی دیموكراتی كوردستان
١٨ ی شوباتی ٢٠١٦
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى شوباتا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1255 |
| 1 يۆرۆيێ ئه‌ورۆپى | 1380 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیۆز، قائید میرۆ:
بڕیارە جارەکادی نوونەرێن مامۆستا دگەل حوکمەتا ھەرێما کوردستانێ لدۆر گازندەیێن مامۆستا کۆمبن و بەرپرسەکێ ئێکەتیا مامۆستاژی دبێژیت دەمێ کۆمبوون نەھاتیە دیارکرن.
ئەحمەد گەرمیانی، جێگرێ سەرۆکێ ئێکەتیا مامۆستایێن کوردستانێ ب ئەڤرۆ نیۆز راگەھاند” بڕیارە نوونەرێن مامۆستا دگەل سەرۆکایەتیا جڤاتا وەزیرێن ھەرێما کوردستانێ کۆمببن و د کۆمبوونێ دا دانوستان لدۆر گازندێن مامۆستا بھێنەکرن، بەلێ دەمێ کۆمبوونێ دیارنینە.
گەرمیانی گۆتژی” مامۆستا و نوونەرێن وانا دلگرانن ب خشتێ موچێ ھەیڤانە و گورەی پێدڤی نیف موچە ب تەخا مامۆستا نەھاتیەدان و ھژمارەکا زۆرا مامۆستا نیف موچەژی وەرنەگرتیە.
ئەڤرۆ نیوز:
ھەلبژارتیێ فوتسالا عیراقێ بۆ رۆژا دوێ ل دیڤ ئێک توشی خوسارەتیێ بۆ د قارەمانیا ئاسیا یا فوتسالێ دا پشتی بەری دەمەکێ کێم ل گەل ھەلبژارتیێ ئوسترالیا خوسارەت بووی ب پێنج گولان بەرامبەر سێ گولان د یاریا دەست نیشانکرنا رێزا پێنجێ د قارەمانیێ دا و سەرکەفتی ڤێ یاریێ پلێتا دەربازبوونێ بۆ موندیالا جیھانی ل کولومپیا وەرگرت.
یاریکەرێن عیراقێ ب ڤێ خوسارەتیێ قارەمانی ب جھـ ھێلا پشتی سێ خوسارەتی ل دیڤ ئێک داین ل سەر دەستێ ھەلبژارتیێ ئیران و ئوزباگستان و ئوسترالیا و د ھەردو یاریێن دەستپێکێ دا ژ خولێ شیابوون سەرکەفتنێ ل سەر چین و ئوردون توماربکەن.
ئەڤرۆ نیوز:
بریارە سوباھی بەردەوامی ب یاریێن خولا فاستلینک یا ھەرێما کوردستانێ بھێنەکرن و ھەردو یانێن گارە و دھۆک دێ ل یاریگەھا گارە د یاریا دێربیا پارێزگەھێ دا ھەمبەری ئێک کەن د یاریەکا پری ھەڤرکی .
دڤێ یاریێ دا تیما دھۆک دێ چیتە دناڤا یاریگەھێ دا بۆ سێ خالێن یاریێ داکو رێیا خوە خوشتر لێ بکەت بۆ دەربازبوونێ بۆ چار گوشا زێرین، بەرامبەر تیما گارە ژبلی سەرکەفتنێ دڤێ یاریێ دا چو ئەنجامێن دی د بەرژوەندیا وێ دا نینە ھەکە ب خوازیت سەر دەربازبوونا چار گوشا زێرین بکەت .
ژلایەکێ دیڤە ل یاریگەھا برایەتی ھەردو تیمێن برایەتی و پێشمەرگا ھەولێر دێ ھەمبەری ئێک بکەن و نەوروز دێ ل گەل سولاڤ کەت.
بەری یاریێن گەرا سیێ ھەلویستێ کوما دوێ ب ڤی رەنگی یە
دھۆک ١٤ خال
پێشمەرگە ھەولێر ١١ خال
برایەتی ١٠ خال
گارە ٩ خال
نەوروز ٨ خال
سولاڤ ٢ خال
ئەڤرۆ نیوز:
بڕیارە حوکمەتا ھەرێما کوردستانێ بھایێ خوارنێ ل خوارنگەھێن ھەرێمێ ئەرزان بکەت و سەرۆکێ کۆمەلا ئوتێل و خوارنگەھان ژی دبێژیت “خوارن و ئوتێل بۆ گەشتیارا ھاتینە ئەرزانکرن، ھەروەسا پتری سەد ئوتێل و خوارنگەھان ب ئەگەرێ قەیرانا دارایی ھاتینە گرتن”.
ھێرش ئەحمەد، سەرۆکێ کۆمەلا خوارنگەە و ئوتێلێن ھەرێما کوردستانێ بۆ رۆژناما ئەڤرۆ گۆت “پشتی ھاتنا قەیرانا دارایی پتری سەد ئوتێل و خوارنگەھێن ھەرێما کوردستانێ ھاتینە گرتن و ئەڤە د دەمەکی دایە کو ھژمارەکا زۆرا کێم ھاتینە ڤەکرن، مخابن ھێشتا گرتنا ئوتێل و خوارنگەھان یا بەردەوامە و رۆژانە ل سەر ھەر سێ پارێزگەھێن ھەرێما کوردستانێ دھێنەگرتن، ژبەرکو چ بازاڕ نەماینە و زیانەکا مەزن گەھاندیە خوەدیێن وانا و ھژمارەکا زۆرا کرێکار و کارمەندان ژی بێکار ماینە”.
سەرۆکێ کۆمەلا خوارنگەە و ئوتێلێن ھەرێما کوردستانێ ئاشکرا ژی کر کو د دەمێ نوکە دا چ ئوتێل نینن قازانجی بکەن و ب تنێ زەرەرێ دکەن و گۆت “ئەڤە ژی بۆ وێ چەندێ ڤەدگەڕیت کو پتریا مێھڤانان ژ دەڤەرێن ناڤین و باشوورێ عیراقێ دھاتن و نوکە چ مێھڤان ل دەرڤەی ھەرێما کوردستانێ ناھێن، ئەڤە ژبلی گرانیا کریا کارەبێ و کریا کارمەند و کرێکاران”.
ھێرش ئەحمەد گۆت ژی” مە بڕیار دایە 50%ێ بھایێ ئوتێل و خوارنگەھا بۆ گرۆپێن گەشتیاری بھێتە کێمکرن و نابیت چ خوارنەک ژ 10 ھزار دیناران دەرباز ببیت، بۆ خەلکێ ناڤخۆیی ژی نوکە حوکمەت مژوولی ئەرزانکرنا بھایێ خوارنێ یە ل خوارنگەھێن ھەرێما کوردستانێ و بڕیارە بھایێ خوارنێ بۆ 30%ێ بھێتە کێمکرن و نوکە ژی تا رادەیەکێ خوارن ئەرزان بوویە، چونکو بھایێ گوشتی ژی ل بازاڕی ئەرزان بوویە”.
نيشاندان
