ئەڤرۆ نيوز:
بەرپرسێ لقێ سۆران و ئەندامێ سەر‌کرداتیا پارتی راگەھاند، بزاڤا گۆڕان یا تووشی بێ بڕیاریێ بووی و ب ڤێ چەندێ کێشە بۆ خوە و بۆ پارتێن دی ژی دروستکرینە.
د. عەلی تەتەر ئاشکرا ژی کر، نابیت بزاڤەکا وەکو گۆڕان کو فراکسیۆنا دویێ یە د ناڤ پەڕلەمانێ کوردستانێ دا ‌نەشێت بریارێ بدەت، و ب رێیا راگەھاندنێ ھەر کەسەک ژ لایێ خوەڤە ب ئاخڤیت و گۆت:(مە ئەزموون ل گەل گۆڕان یا ھەی، کو بزاڤێ بۆ لێدانا پێگەھێ پارتی و حوکمەتا ھەرێمێ دکەت، چو تشت د دووماھی پرۆژێ وان ژی دا نەبوو، ژ بلی گۆتنێن دوبارە یێن بەری نوکە).
بەرپرسێ لقێ سۆران گۆت ژی:( بزاڤا گۆڕان ژ ھەژمارەکا کەسان پێک دھێت، کو چو خالێن ھەڤپشک د ناڤبەرا وان دا نینن).

ئه‌ڤرۆ نيوز:

پارێزەرەکێ دادگەھا قەزا شێخان راگەھاند، کو شوفێرەکێ تەکسیێ ل دھۆکێ ژ نشکەکێڤە نەفەرەکی رادکەت و دبێژیتێ تایبەت دێ من گەھینیە کومەلگەھا شێخان دێ چمە قیڤاران، دگەھینتە رێیەکا ئاخێ و د پشت را سێ کێران لێ دەت و ترۆمبێلا وی دبەت.
پارێزەر کاوە زوبێر، ل دادگەھا شێخان بو روژناما ئەڤرو دیار کر کو ئەو کەسێ کێر ل شوفێرێ تەکسیێ دایی ناڤێ وی ب پیتا” ر، ق، ج” ئاکنجیێ باژێرێ دھۆکە بەری نھا مالا وی ل قەزا شێخان بۆ تەکسیەکێ دناڤ بازارێ دھۆک ب بھایەکێ گران دکریت دبێژیتە شوفێری دێ من گەھینیە شێخان دگەھنە کومەلگەھا مەھەت رێیەکا ئاخێ دبینیت دبێژیتە شوفێری ژڤێ رێ ھەرە نێزیک 100 مەترا رێ دوور دکەڤن دبێژیتە شوفێری تو ڤێرە راوەستە دێ چم “قیڤارا” کەم دێ ھێم ژ نیشکەکێڤە ب بەرزەی ڤە خوە نێزیک شوفێری دکەت سێ کێرا لێ دەت شوفێر بریندار دبیت ھەولدەت کو بەرەڤانیێ ل خوە بکەت دەست دەتە بەرەکی سەرێ وی دەت ئەو ژی بریندار دبیت تەکسیا شوفێری دبەت دچیتە نەخۆشخانا کومەلگەھا چرە بۆ چارەسەریا سەرێ خوە، گۆمان لنک نەخۆشخانێ دروست دبیت ژلایێ پولیسان ڤە دھێتە دەستەسەرکرن ڤەکۆلین ل گەل دھێتەکرن دان ب تاوانا خوە دکەت بۆ دادگەھا شێخان دھێتە رەوانەکرن ل دووڤ بریارا دادگەھا شێخان سزایێ حەفت سالان دھێتە زیندانکرن.
ناڤبری دیار کر کو شوفێرێ تەکسیێ بریندار دبیت ژنیشکەکێ رێڤینکەک د وێ رێ دھێت دگەھینتە نەخوشخانا شێخان چارەسەریا وی ھاتەکرن ،
و، ج، خ، خودانێ تەکسیێ بو روژناما ئەڤرو دیار کر کو دناڤ بازارێ دھوک بو چاڤەرێ نەفەران بو ژ نیشکەکێ ڤە کەسەک ھاتە نک وی یێ نەنیاس بۆ گۆتێ دێ تایبەت من گەھینیە کومەلگەھا شێخان دێ چمە “قیڤاران” من گۆتێ بلا مە بازارێ خوەکر ئەم ب ھەڤرا ھاتین گەھشتینە گومەلگەھا مەھەت شێخان رێیەکا ئاخێ یا گوندەکێ گەھشتینێ گوت ھەرە ڤێ رێیێ ل رێیا سەرەکی نێزیک 100 مەترا دویر بوین گوتە من ڤێرە راوەستە چم”قیڤارا” ئینم دھێم ژ نیشکەکێ ڤە خو ل نێزیک ترومبێلا من کر من ھایلێ نەبو کێرەک ئینادەر ئەس دانامە بەر کێرا لدوڤ دا من دەست دا بەرەکی دەستێ من گەھشتێ ئەو بەر سەرێ وی دا ئەز دناڤ ترومبێلێ ھاڤێتمە خارێ ترومبێلا من بر و چو من ھاش خونەبو حەتا ئەز گەھشتیمە نەخوشخانا شێخان یا گشتی .

ئەڤرۆ نیوز:
عەلی حسێن ئەندامێ ئەنجوومەنێ سەرکرداتیا پارتی دیمۆکراتی کوردستان راگەھاند، ل سەر داخوازا سەرۆک بارزانی سەرکرداتیا پارتی ئەڤرۆ دێ کۆم بیت و گۆت:(ھەکە سەرۆک بارزانی چو کار نەبن، ئەڤرۆ دێ ژ دەرڤە ڤەگەڕیت و سەرپەرشتیا کۆمبوونێ کەت).
عەلی حوسێن دیار کر کو سەرۆک بارزانی ژ ئەنجامێ دیدارێن ل گەل سەرۆک و کاربدەستێن وەلاتێن زلھێزێن جیھانێ، دێ پەیام بۆ خەلکێ کوردستانێ ھەبن و گۆت:(تەوەرەکێ کۆمبوونێ دێ بەحسکرن بیت ل سەر کاراکرنا پرۆسا سیاسی و قەیرانا دارایی).

ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا پێنج شەمبی رێککەفتی18/2/2016 دێ بڤی رەنگێ خوارێ بن ل سەرانسەری پارێزگەھا دھۆکێ:

ل ناڤ سەنتەرێ باژێرێ دھۆک دێ بڤی شێوەی بن:
سپێدێ : 1- جاددا بارزان قایمقامیێ
2- جاددا قازی بارزان شندوخا
ب شەڤ : 3- جاددا قازی محەمەد kro
4- جاددا شەھیدێن ئێکی شواتێ نێزیک ھولا دیلان
5- جاددا قازی محەمەد نێزیک یاریگەھا برا
تێبینی: ژبەر زوربونا روودانان 24 دەمژمێران رادار دێ ل جاددا بارزان شندوخا یا دانای بیت

رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان نێزیک گومەلگەھا مەھەتێ
2- جاددا سەرەکی یا شێخان نێزیک گوندێ دووشیڤان

رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا رۆڤیا نێزیک گوندێ مەم و زین
2- جاددا بەردەرەش بو ناحیا کەلەک نێزیک گوندێ گەویلان

رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا پیشەسازی دناڤبەرا ترافیکا ئازادی بو دوریانا گەرەکا پیشەسازی
2- جاددا سەرەکی یا راپەرین دناڤبەرا ترافیکا قەلعێ بو ترافیکا بەلدێ

رادارێن قەزا سێمێل دێ لڤان جھان ھێنە دانان
1- جاددا سەرەکی دناڤبەرا سێمێل بو کومەلگەھا دوومیز
2- جاددا سەرەکی یا تەناھی بو سێمێل نێزیک فاملی موول

راداراێن قەزا زاخو دێ لڤان جھان ھێنە دانان

1- جاددا سەرەکی یا بێدارێ

2- جاددا سەرەکی یا گەلیێ زاخو نێزیک گوندێ حەسەن ئاڤا

رادارێن قەزا ئامێدیێ دێ لڤانا جھان ھێنە دانان

1- جاددا سەرەکی یا سیارەتیکا بو سەرسنکێ

رادارێن ناحیا زاویتە دێ لڤان جھان ھێنە دانان
1- جاددا زاویتە بۆ دھۆک
2- جاددا ئێتیت بۆ دھۆک

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 19ى شۆباتا 2016ێ ئه‌سمان دێ ئه‌وره‌كێ كێم بيت و پاشان ب ته‌مامى بيته‌ ئه‌ور و ئه‌گه‌رێ بارانه‌كا هوور ل دره‌نگى شه‌ڤ هه‌يه‌.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دهۆكێ ژ ئه‌وره‌كێ كێم بۆ ئه‌ورێن تمام بهێته‌ گوهۆڕين و ئه‌گه‌رێ بارانه‌كا هوور ل دره‌نگى شه‌ڤ هه‌يه‌.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (11 بۆ 19) پلان دا بيت.