ئەڤرۆ نیوز، بارزان مزووری:

ئەفسەرەکى ژ ھێزێن پێشمەرگەی يێ سەر ب سوپایێ 3 ھێزا 12 ل میحوەری ناوەران کو نەڤیا ناڤێ وی دیار بیت بو مالپەرێ ئەڤرو نیوز ئاشکرا کر کو ل شەڤا بوری دەمژمێر 7 شەڤ 15/11/2015 بێ کو هێزێن پێشمەرگەی پێ ئاگەھداربن دوو برا خویشەک ژ بن دەستھەلاتا چەکدارێن تیرورستێن داعش رزگار دبن و خو دگەھینە ھێزێن پێشمەرگەیێن سوپایێ 3 ھێزا 12 ل ھنداڤا گوندێ فازلیە خو رادەستێ ھێزێن پێشمەرگەی دکەن.

خۆيا کر کو سێ كه‌س بوون، خویشکەک و دو برا بوون ب ناڤێ “عیماد عزه‌دین دایک بوویێ 1997، عه‌بدولغه‌نی عزه‌دین ژ دایک بوویێ 1999، ساریا عزه‌دین ژ دایک بوويا 1995″ ھەر سێ ژ وان کوردێن شەبەکن، خەلکێ گوندێ فازلیە یێ سەر ب ناحیا باشیک ڤە نه‌.

گۆتژى: “ل دووڤ لێکولینێن دەست پێکێ وان دانپێدان کر کو ئەڤە ژ دەست پێکا ھاتنا داعش بو گوندێ فازلیە چەندین جارا دھاتنە دەستەسەرکرن ب رەنگەکێ ھوڤانە ئەشکەنجەددان، دووماھیک جار ھاتنە بەردان چەند روژا د ناڤا گوندی دا مان و ھاتن خو رادەستێ پێشمەرگەی کرن نھا پتر لێکولین دگەل وان یا بەردەوامە د دووڤ دا دێ رادەستێ کەس و کارێن وان ھێتە کرن ل ھەرێما کوردستانێ ئاکنجی”.

دا زانين ژى كو ل دووڤ گوتنێن وان کو پشتی کونترول کرنا شنگال رەوشا وان گەلەک خراب بویە و ھەروەسا ئەو خەلکێ ل بن دەستھەلاتا وان ژی رەوشا وان خراب بویە ژ بەر گرتنا رێیا نیڤدەولەتی ئەوا ل شەنگال بو سوریا دچیت ھەموو کەل و پەل یێن ھاتینە برین ئەگەر ھەر بڤی شێوەی بیت دەلیڤەک کەڤیتێ خەلکێ مووسل ھەموو دێ خو گەھینتە میحوەرێن پێشمەرگەی ژبەر خرابیا رەوشا وان.

بو زانین گوندێ فازلیە سەر ب ناحیا باشیک ڤەیە لبن دەستھەلاتا داعشە ئاکنجیێن وێ کوردێن شەبەکن پتریا خەلکێ گوندی نھا گوندی ماینە گەھشتینە رێزێن داعش.