ئەڤرۆ نیوز:
تیما تەپا پێ یا ھەولێر بۆ یاریا چارێ ل دیڤ ئێک نەشیا سەرکەفتنێ توماربکەت د یاریێن خولا عیراقێ دا ئەڤ جارە ژی وەکھەڤ بووی ل گەل یانا سیناعە ل یاریگەھا سیناعە ل باژێرێ بەغدا بێ گول و ب ڤی ئەنجامێ تیما ھەولێر خالێن خوە گەھاندنە ٢٠ خالان ھەر ما رێزا حەفتێ و ھەتارادەکێ مەزن ھیڤێن وێ ب زحمەت کەڤتن بۆ دەربازبوونێ بۆ قوناغا نوخبە .
ژلایەکی دیڤە یانا جەویە ھەتارادەکێ مەزن دەربازبوونا خوە مسوگەر کر بۆ قوناغا نوخبە پشتی شیای سەرکەفتنێ ل سەر یانا کەربەلا توماربکەت ب گولەکێ بێ بەرامبەر، تیما مینا بەردەوامی دا ئەنجامێن خوە یێن لاواز ل قوناغا دوێ پشتی ئەڤرۆ ل یاریگەھا خوە وەکھەڤ بووی ب گولەکێ و خالێن خوە گەھاندنە ٢٣ خالان و پشتی ئەنجامێن ڤێ حەفتیێ ب دووماھی ھاتین بتنێ ئەڤ ئەنجامە د بەرژوەندیا یانا زاخۆ دا بوون ژبەرکو ھەردو ھەڤرکیێن وێ ھەولێر و مینا وەکھەڤ بوون و ل چار یاریێن بھێت یانا زاخۆ ب دو سەرکەفتنا ھەر تارادەکی دی دەربازبوونا خوە مسوگەر کەت.

ئەڤرۆ نیوز:
رۆژناما مارکا یا ئیسپانی سپرایزەک بۆ جەماوەر و حەژێکەرێن یانا ریال مەدرید دروستکر پشتی دیارکری دەستەیا نوژداریا یانا مەلەکی دیارکری یە یاریکەرێ بەرازیلی یێ ھێلا بەرەڤانیا تیمێ مارسیلو دێ بۆ یاریا بەرامبەر رۆما دێ یێ بەرھەڤبیت پشتی ب تمامی چارەسەریا ھنگافتنا وی ھاتیەکرن.

ئەڤرۆ نیوز، ھشیار دوبانکی:

پشتی ل ماوێ بوری یانا یانا نەفت ئەلجنوب داخوازی ژی راھێنەرێ یانا لاوێن زاخۆ چویتار عەلی کری ل گەل خوە ھەردو یاریکەرێن تیما لاوێن زاخۆ چیا شەفیق ز مراد عەلی ل گەل خوە بینت ب مەرەما پشکداری کرنێ د خولا عیراقێ دا ل سەر ئاستێ لاوان و ئەڤ ھەردو یاریکەران شیان بنە خالا سەرکەفتنا ڤێ یانێ و تیما خوە بەر ب رێزا سیێ بر ل سەر ئاستێ عیراقێ.

چوتیار عەلی د داخویانیەکێ دا بۆ ئەڤرۆ نیوز دیارکر ژبەر ئەو ئاستێ بلند یێ ھەردو کورێن زاخۆ د خولا عیراقێ دا ل سەر ئاستێ لاوان پێشکێشکری ھەردو یاریکەران مراد و نێچیرڤان ھاتنە داخوازکرن بۆ ھەلبژارتیێ لاوێن عیراقێ ھەردیسان داخوازی ژ ئەوی ھاتیەکرن ھژمارەکا دی یا یاریکەرێن زاخۆ راوانی باژێرێ بەغدا بکەت ژبوو تاقیکرنێ ل گەل ھەلبژارتیێ لاوێن عیراقێ پشتی ئاستێ ھەردو کورێن زاخۆ نێچیرڤان و مراد د خولا عیراقێ دا یتی .

ئەڤرۆ نیوز:
دادڤانێ نیڤدەولی یێ عیراقی و خولا عیراقێ حسێن ترکی دیارکر ئەو ھاتیە ئاگادارکرن ژلایێ دادگەھا رسافە ل باژێرێ بەغدا ئەو ئامادەی دادگەھێ بیت پشتی ئەندامێ ئێکەتیا تەپا پێ یا عیراقی و سەروک لژنەیا دادڤانان ل ئێکەتیا تەپا پێ تارق ئەحمەد سکالایەک ل سەر ئەوی تومارکری، ژبەر ئەو داخویانیێن حسێن ترکی ل دەزگەھێن راگەھاندنی دژی سەروک لژنەیا دادڤان دیارکری کو ئەوی گەندەلی کریە د کارێ خوە دا.

ئەڤرۆ نیوز:
راھێنەرێ یانا ھوڤینھایم یا ئەلمانی یولیان ناگلسمان دھێتە ھژمارتن بچووکترین راھێنەر د مێژویا خولا بوندس لیگا ئەلمانیا دا پشتی ئەرکێ راھێنەریا یانا ھوڤینھایم وەرگرتی ل جھێ راھێنەرێ ھولەندی ھوب ستفێنز ئەوێ ژ نشکەکی ڤە دەست ژ ئەرکێ راھێنەریا یانێ بەردەی .
یولیان ناگلسمان یێ ٢٨ سالی د ئێکەم تاقیکرنا خوە دا ل گەل یانا خوە یا نوو شیا ب ئەنجامەکێ باش ژ فێردەبرێمن ڤەگەریت پشتی شیای وەکھەڤ بیت ل گەل یانا فێردەبرێمن ب گولەکێ ل حەفتیا بوری .
یولیان ژبەر ھنگافتنێ ھەر زیکا دووماھی ب ژیانا خوە یا تەپا پێ ئینابوو ل پاش ئەرکێ راھێنەریا پێگەھشتین بایرن میونیخ ١٨٦٠ وەرگرت بوو، پاش سالا ٢٠١٠ وەکو ھاریکارێ راھێنەرێ ھوڤینھایم یێ پێگەھشتیان ھاتە دەست نیشانکرن و پشتی بورینا سالەکێ وەکو راھێنەر تیما ١٧ سالی ھاتە دەست نیشانکرن و ل وەرزێ بوری ل گەل تیما لاوێن ھوڤینھایم بۆ یاریکەرێن ١٩ سالی شیا ناسناڤێ خولا ئەلمانیا ب دەستخوڤە بیت و ناڤبری کارکری یە ژی وەکو ھاریکار ل گەل راھێنەرێ تیما ئێکێ ل وەرزێ ٢٠١٣