ئەڤرۆ نیوز، ھەژار مەعروف:
ژ چارچوڤێ یاریێن خولا پلا ئێک و دو سیێ یێن خولا تورکیا ئەڤرۆ ھژمارەکا یاریان ھاتەکرن و نوونەرێن باکورێ کوردستانێ ژی یێن پشکدار یاریێن خوە کرن .
دخولا پلا ئێک دا یانا شانلی ئورڤا ل یاریگەھا خوە توشی خوسارەتیێ بوو ل سەر دەستێ یانا سامسون سپور ب سێ گولان بەرامبەر دو گولان ژ چارچوڤێ یاریێن خولا پلا ئێک و د یاریێن خولا پلا دو دا یانا ئامەد سپور ژ دەرڤەی یاریگەھا خوە ل گەل یانا ئینگول سپور بێ گول و ئامەد خالێن خوە گەھاندنە ٢٨ خالان نوکە رێزا ھەشتێ دھێت و کێمتر دو یاریان ژ تیمێن دی.
ژ یاریێن خولا پلا سێ یانا دیاربەکر سپور شیا سەرکەفتنەکا مەزن ل سەر یانا ئەڤەلیک گوجو توماربکەت ب پێنج گولان بەرامبەر گولەکێ و یانا دیاربەکر ھیڤێن خوە گەشکرن بۆ دەربازبوونێ بۆ قوناغا پلەی ئوڤ و د ھەمان خول دا ڤان سپور ب سەرکەفت ل سەر باتمان ب گولەکێ بێ بەرامبەر و دێرسم سپور توشی خوسارەتیێ بوو ل گەل دەرنچە سپور ب سێ گولان بەرامبەر گولەکێ.

ئەڤرۆ نیوز:
رۆژ بوو رۆژێ رەوشا وەرزشا عیراقێ یا بەرەڤ تێک چونێ ڤە دچیت تایبەت پشتی ئەوان رویدانێن ل ڤێ دووماھیێ دخولا عیراقێ دا لسەر ئاستێ تەپا پێ ل  وەرزێ ئەڤ سالە رویدان لێ یاریا تەپا پێ ل عیراقێ بتنێ یا ب ئاریشە نینە بەلکو زوربەیا وەرزشا عیراقێ ب ڤی شێوەیە .
د یاریا دناڤبەرا ھەردو یانێن کوفە و کەربەلا ژ خولا تەپا دەستێ یا عیراقێ یاریکەرێن ھەردو تیمان ب دژواری ب شەرو و تێکدان چوون بو ئەگەرێ برینداربوونا ھژمارەکا یاریکەران بێکو کەس کونترولێ ل سەر ئەوان یاریکەران بکەن بۆ ماوەکی ئەو شەر یێ بەردەوام بوو.

ئەڤرۆ نیوز:
ئێکەتیا تەپا پێ یا ھەرێما کوردستانێ دوھی د کومبوونا خوە یا حەفتیانە دا چەند بریاریێن گرنگ دان پشتی یاریێن خولا پلا نایاب و پلا ئێک یێن حەفتیا بوری ب دووماھی ھاتین.
ئێکەتیا ناڤەندی د کومبوونا دوھی دا ھوشداریا دووماھیێ دا یانا زێرەڤانی کو کونترولا یاریگەھا خوە بکەن و رێکێ نەدەنە جەماوەرێ یانێ پشتی یاریێ بھێنە دناڤ یاریگەھێ دا پشتی ل یاریا بوری دا پشتەڤانەکێ یانێ ھاتیە دناڤ یاریگەھێ دا و ھەردیسان ھەمان ھوشداری دا یانا کەرکوکێ ژی.
ئێکەتیا تەپا پێ بریارا سەبارەت یاریا ئاکرێ و ھەلو چەندین بریار داینە  کو پشتی ب دووماھی ھاتنا وێ یاریێ چەند ئاریشە رویداینە، ژ ئەوان بریارا یاریا بھێت یانا ئاکرێ بێ جەماوەر دێ ل یاریگەھا خوە کەت و ب کوژمێ ٣٠٠٠٠ ھەزار دینارا ھاتیە سزادا و یاریکەرێ یانا ھەلو بێدار محەمەد سالح بۆ سێ یاریان ھاتە راوستاندن و ب کوژمێ ١٥٠٠٠٠ سەد و پێنجی ھەزار دیناران ھاتە سزادان ژبەر ئەو رافتارا دور ژ گیانێ وەرزشی پشتی یاریێ بەرامبەر جەماوەرێ ئاکرێ کری و سەرپەرشتێ یاریا دناڤبەرا ھەلو و ئاکرێ فەرھاد عەبدوللا ھەتا دووماھیا یاریێن قوناغا ئێکێ ژ خولا پلا ئێک یا کوردستانێ ھاتە راوستاندن ژبەر نەشیابوو کونترولا یاریگەھێ ب دروستی بکەت.