ئه‌ڤرۆ نیوز: ڤه‌ده‌ر ره‌شاڤایی:
پۆلێی و سیمۆن دو خوشكێن جێمكن ل سالا 1912 ژ دایكبوونه، ل دووڤ گۆتنا وان ئه‌و سێ مه‌هان به‌ری وه‌ختێ ته‌مام ژ دایكبوونه و نۆشداران چ هیڤی ب مان وان ب ساخی نه‌بوو.
لێ پشتی چوار هه‌یڤان سه‌ره‌رای چاڤدانه‌كا ساده و ئاسایی وه‌ك زارۆكێن ئاسایی لێ هاتن، ئه‌ڤ ساله رۆژبوونا خوه یا 104 پێكڤه ل پاریسا پایته‌ختێ فره‌نسا كرن.
پۆلێی و سیمۆن دبێژن ئه‌گه‌رێ ژیێ وان یێ درێژ و ساخله‌مییا وان، لێك نێزیكیییا وانه بۆ هه‌ڤدوو، هه‌ر ئێك ژ وان سه‌ربخوویا خوه دپارێزن و ژۆرا خوه یا تایبه‌ت هه‌یه لێ د ئێك ئاڤاهی دا دژین و ژێك دوور ناكه‌ڤن.
شیره‌تا وان بۆ ژیانه‌كا ساخله‌م و ژیه‌كێ درێژ ئه‌وه كو: زێده‌گاڤی و زێده‌كاریێ د چ تشتان دا د ژیانێ دا نه‌كه، مادێن كحۆلی نه‌ڤه‌خۆ، گه‌له‌ك وه‌رزشێ بكه”
هه‌روه‌سا دبێژن وان ده‌مه‌كێ درێژ یارییا جمناستیكێ دكر و ژیێ خوه هه‌میێ ب به‌رده‌وامی پایسكل هاژووتیه.
هه‌ردو ته‌ماشای تێله‌ڤزیۆنێ دكه‌ن و گوهێ خوه دده‌نه موزیكێ، سیمۆن هه‌لبه‌ستان ببه‌رده‌وامی دنڤیسیت، خۆدێ چ زارۆ نه‌داینێ هه‌ر چه‌نده هه‌ردوویان د وه‌ختێ خوه دا شیكربوو.
ئەڤرۆ نیوز:
رۆژناما مارکا یا ئیسپانی دیارکر یانا بەرشەلۆنا دخوازیت ھەڤبەستێ ل گەل ستێرا ھێلا ناڤین یا یانا ئەرسینال و ھەلبژارتیێ ئەلمانیا مەسعود ئوزێل ئیمزابکەت پشتی وی ئاستێ بلند ل گەل یانا ئەرسینال ل وەرزێ ئەڤ سالە پێشکێشکری.
وێ رۆژنامێ تەکید ل وێ چەندێ ژی کریە یانا بەرشەلۆنا ب رێیا بریکارێ یاریکەری دەست ب دانوستاندنان ل گەل یاریکەرێ یانا ریال مەدرید یێ بەری نوکە مەسعود ئوزێل کریە ژی پێخەمەت ب ھێز ئێخستنا ھێلا ناڤینا یانا کەتەلونی ل وەرزێ بھێت کو دبیت ل ڤەگوھاستنێن ھاڤینا بھێت بەر ب کامپ نوو بچیت.
ئوزێل ل وەرزێ ئەڤ سالە پشکداری د ١٨ گولێن یانا ئەرسینال دا کریە کو شیای یە ١٦ گولان بۆ ھەڤالێن خوە بەرھەڤبکەت و ھەردیسان دو گول ژی تومارکری نە .
ھەژی گوتنێ یە مەسعود ئوزێل ھەڤبەستا ریال مەدرید ب کوژمێ ١٥ ملیون جینێ ئیسترلینی ئیمزاکر بوو پاش یانا مەلەکی ب کوژمێ ٤٢ ملیون جینێ ئیسترلینی فروت بوو یانا ئەریسنال .
ئه‌ڤرۆ نیوز: ڤه‌ده‌ر ره‌شاڤایی:
د پشكداریكرنا خوه دا د كۆنگرێ میونشن دا، مه‌سعود بارزانی سه‌رۆكێ هه‌رێما كوردستانێ هه‌تا نها دگه‌ل چه‌ندین سه‌ركرده و به‌رپرسێن وه‌لاتان كۆم بوویه، د كۆمبوونێن خوه دا بارزانی بزاڤا بده‌ستڤه‌ئینانا هاریكاریێن دارایی و سه‌ربازی بۆ هه‌رێمێ دكه‌ت و چه‌ندین وه‌لاتان سۆزا هاریكاریكرنا هه‌رێما كوردستانێ دایه.
تێ زانین كو كۆمبوونێن بارزانی دگه‌ل شاندێ، نێڤده‌وله‌تی یێن جودا جودا ل میونشن د به‌رده‌وامن.
ئەڤرۆ نیوز:
ھەلگرا ناسناڤێ خولا عیراقێ و سەرکێشا کوما ئێکێ یا خولا عیراقێ یا تەپا پێ تیما نەفت وەست ئەڤرۆ بریار دا ھەمی چالاکیێن خوە د خولا پلا نایاب یا عیراقێ دا راوستینت ژبەر ئەو رافتارا دوھی ل یاریا وان دا بەرامبەر یانا سەماوە رویدای کو پشتەڤانەکێ یانا سەماوە ھێرشکریە سەر یاریکەرێ یانا نەفت و ھەلبژارتیێ عیراقێ کەرار جاسم و پاش دادڤانێ یاریێ ب کارتا سور ژ یاریێ دورخستی .
یانا ناڤبری ب نڤێسینەکا فەرمی پێشکێشی ئێکەتیا تەپا پێ یا عیراقی کریە ھەتا ئێکەتیا ناڤبری بریارەکێ ل سەر ئەو کەسی نەدەن ئەوێ ھێرش کریە سەر یاریکەرێ ئەوان ئەو پشکداریێ دخولا عیراقێ دا ناکەن
ئەڤرۆ نیوز:
مالپەرێ سپورتس بلوستر راپورتەک بەلاڤەکر بوو تێدا ناڤێ دەھـ بەرنیاسترین ھێرشبەرێن بەرنیاس ل سەر ئاستێ جیھانێ ل مێژویا نوو یا بەرشەلۆنا یاری کری دیارکر بوون کو ل بیست سالێن بوری ژی ھێرشبەرێن بەرنیاس بوون.
تێری ھنری دناڤبەرا سالێن ٢٠٠٧ و ٢٠١٠
ساموێل ئیتو ٢٠٠٤ ھەتا ٢٠٠٩ یاری بۆ بەرشا کریە
کلویفەرت یێ ھولەندی دناڤبەرا سالێن ١٩٩٨ ھەتا ٢٠٠٤ یاری کریە
رونالدو یێ بەرازیلی ١٩٩٦ و ١٩٩٧ یاری بۆ یانا بەرشەلۆنا کریە
نەیمار ژ سالا ٢٠١٣ وەرە درێسێ یانا کەتەلونی پارێزیت
سوارێز ژ سالا ٢٠١٤ وەرە یاریێ کەت
ریڤالدو ژ سالا ١٩٩٧ ھەتا ٢٠٠٢ یاری کریە
ئیبراھیموڤیچ سالا ٢٠٠٩ ھەتا ٢٠١١
رۆنالدینیو ژ سالا ٢٠٠٣ ھەتا ٢٠٠٨
مێسی ھەر ژ سالا ٢٠٠٣ ھەتا نوکە یێ یاریێ ل یانا بەرشا کەت
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى راگه‌هاند: مووچێ وه‌زاره‌تا پێشمه‌رگه و فه‌رماندنا پێشمه‌رگێ زێره‌ڤانى و هێزا ئاماده ل گه‌ل جڤاتا ئاسايشێ و ده‌زگه‌هێ گشتيێ ئاسايشێ بۆ هه‌يڤا كانوونا دويێ سالا 2016ێ هاتيه مه‌زاختن.
د راگه‌هاندنێ دا كو وێنه‌ك بۆ ئه‌ڤرۆ نيوز هنارتيه ژى ئاماژه ب وێ چه‌ندێ دكه‌ت: “هه‌موو ئاماده‌كارى هاتينه كرن بۆ مه‌زاختنا مووچێ هه‌موو فه‌رمانگه‌هـ و داموده‌زگه‌هێن حوكمه‌تا هه‌رێمێ، ژ به‌ر هندێ ژى هيڤيدارين ب زووترين ده‌م ليستێن مووچان بۆ مه ب هنێرن، هه‌ڤدژى ڤێ چه‌ندێ دێ نه‌چار بيت مووچێ وان فه‌رمانگه‌هـ و داموده‌زگه‌هان مه‌زێخين يێن ليستا مووچێن خوه ئاماده‌كرى و گه‌هشتينه ده‌ستێ مه و كارێ هووربينيێ بۆ ئه‌نجام ده‌ين”.
بڕيار بوو رۆژا پێنجشه‌مبى مووچێ هه‌يڤا كانوونا دويێ يێ وه‌زاره‌تا په‌روه‌ردێ ژى بهێته به‌لاڤكرن به‌لێ ب گۆره‌ى داخۆيانيێن وه‌زاره‌تا دارايى، ليستا ناڤێن مامۆستا و فه‌رمانبه‌رێن په‌روه‌ردێ ل دووڤ سيسته‌مێ نوو ب وه‌زاره‌تێ نه‌گه‌هشت بوون.
ئه‌ڤرۆ نيوز:
په‌نه‌لێن رۆژا دويێ يا كۆنفرانسێ 52ێ يێ ئاسايشا ميونشن ل ئه‌لمانيا ئه‌ڤرۆ رۆژا شه‌مبى 13ى شوباتا 2016ێ يێ به‌ردوامه و بڕياره مه‌سعود بارزانى سه‌رۆكێ هه‌رێما كوردستانێ كو مێڤانێ كۆنفرانسى يه، گۆتاره‌كێ پێشكێش بكه‌ت.
ديسا بڕياره ده‌مژمێر 12:00ى نيڤرۆيا ئه‌ڤرۆ رۆژا شه‌مبى 13ى شوباتا 2016ێ مه‌سعود بارزانى سه‌رۆكێ هه‌رێما كوردستانێ د چارچۆڤێ كۆنفرانسێ ئاسايشا ميونشن ل گه‌ل شانده‌كێ پارتيا سۆشيال ديموكرات يا ئه‌لمانيا كۆم ببيت كو ژ لايێ ئۆپامانه سه‌ركراتيا وێ دهێته كرن و هه‌ڤده‌م سه‌رۆكێ فراكسيۆنا سوشيال ديموكراته ل په‌رله‌مانێ ئه‌لمانيا.
سه‌رۆكێ هه‌رێما كوردستانێ پاشان و ل ده‌مژمێر 18:00ى ئێڤارى ب ده‌مێ ئه‌لمانيا كوردستان ل گه‌ل شتاينمايه‌ر وه‌زيرێ ده‌رڤه يێ ئه‌لمانيا كۆم بيت.
ب گۆره‌ى پێزانينان سه‌رۆكێ هه‌رێما كوردستانێ رۆژا ئێكشه‌مبى 14ى شوباتا 2016ێ دێ ل گه‌ل وه‌زيرێ به‌ره‌ڤانيا ئه‌لمانيا كۆم بيت و بڕياره چه‌ندين كۆمبوون و ديدارێن دى يێن گرنگ ل گه‌ل سه‌ركردێن وه‌لاتان هه‌بن.
ژێده‌ر: رووداو
ئه‌ڤرۆ نيوز:
ب بڕياره‌كا حوكمه‌تا عيراقێ مووچێ حه‌شه‌د شه‌عبى ب رێژا 30% هاتيه كێمكرن.
ئه‌حمه‌د ئه‌سه‌دى، ئاخفتنكه‌رێ ب ناڤێ حه‌شه‌د شه‌عبى راگه‌هاند: مووچێ هێزێن حه‌شه‌د شه‌عبى ژى ب رێژا 30% هاتينه كێمكرن.
نيشاندان