ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا چار شەمبی رێککەفتی10/2/2016 دێ بڤی رەنگێ خوارێ بن ل سەرانسەری پارێزگەھا دھۆکێ ل ناڤ سەنتەرێ باژێرێ دھۆک دێ بڤی شێوەی بن:

سپێدێ : 1- جاددا قازی محەمەد نێزیک یاریگەھا برا
2- جاددا بارزان گەڤەرکێ
ب شەڤ : 3- جاددا زرکا نێزیک گولخانا مالتا
4- جاددا قازی محەمەد kro
5- جاددا بارزان شندوخا
تێبینی: ژبەر زوربونا روودانان 24 دەمژمێران رادار دێ ل جاددا بارزان شندوخا یا دانای بیت

رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان نێزیک گومەلگەھا مەھەتێ
2- جاددا سەرەکی یا شێخان نێزیک گوندێ دووشیڤان

رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا رۆڤیا نێزیک گوندێ ئامیان
2- جاددا بەردەرەش بو ناحیا کەلەک نێزیک گوندێ گەورەسور

رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا میرزەند دناڤبەرا ترافیکا قەلعێ بو ترافیکا ئازادی
2- جاددا سەرەکی یا رالپەرین دناڤبەرا ترافیکا قەلعێ بو ترافیکا بەلدێ

رادارێن قەزا سێمێل دێ لڤان جھان ھێنە دانان
1- جاددا سەرەکی دناڤبەرا سێمێل بو کومەلگەھا دوومیز
2- جاددا سەرەکی یا دوبانێ
3- جاددا سەرەکی یا تەناھی بو سێمێل

راداراێن قەزا زاخو دێ لڤان جھان ھێنە دانان
1- جاددا سەرەکی یا بێرسڤێ نێزیک گوندێ مەلا عەرەب
2- جتددت سەرەکی یا تلکەبەرێ

رادارێن قەزا ئامێدیێ دێ لڤانا جھان ھێنە دانان
1- جادداسەرەکی یا سەرسنکێ بو قەدش
2- جاددا سەرەکی یا قەدش بو ئامێدیێ

رادارێن ناحیا زاویتە دێ لڤان جھان ھێنە دانان
1- جاددا زاویتە بو دھۆک
2- جاددا ئێتیت بو دھۆک

ئەڤرۆ نیوز:
چاڤدێرەکێ سیاسی دەربارەی نەبوونا بەرنامێ پێکڤە ژیانێ ل دەف پارتێن سیاسی ل ھەرێمێ بۆ ئەڤرۆ دبێژیت، دبەرنامێ ھەموو حزیان دا بەحسێ پێکڤە ژیانێ دکەن، بەلێ ئاریشە ل وی کەلتووری و وێ شێوازێ بیرکرنێ یە، کەلتوورێ قوناغا پێش دەولەتێ و جڤاکا گوندەواری و عەشیرەتی یێ کو ھەر ئێک خوە ب یێ دی نادەت و ب رکابەر و ب چاڤێ دوژمنکاریێ بەرێ خوە ددەنە ئێک، لەوما حزب و کادر و سەرکردە ھەر ژڤی جڤاکی دھێن، ژبەر ھندێ ئەو پیڤەرێن جڤاکی پتر کاریگەریا خوە یا ھەی ژ بەند و تێکستێن بەرنامی حزبی.
عەبدولسەلام بەرواری زێدەتر بۆ ئەڤرۆ دبێژیت” پێکڤە ژیان تشتەکە و پێکڤە کارکرن تشتەکێ دی یە، مەرج نینە ھەموو حزبێن وەلاتەکی وەک ئێک ھزر بکەن، یان پێکڤە کابینێ پێکبینن، ھەر دیمۆکراسی دێ لەنگ و ل سەر پیەکێ بیت، ھەکە پارت نەبن ل دەرڤەی حوکمەتێ، چونکی ھەبوونا ئوپۆزسیونەکا خورت و چالاک مەرجێن سەرەکی یێن دیموکراسیێ نە”.
عەبدولسەلامی ل دۆر پرسا چاکسازیێ و تێگەھێ وی گوت” تێگەھشتنەکا شاش یا بەلاڤە کو چاکسازیێ ل وێرێ دبینیت کو چەند بەرپرسان ب گوھۆرین، یان زیندان بکەین، یان مووچەی و ھندەک پۆستان کێم بکەین، ئەڤە ھەموو د خراب نینن، لێ دوور و نێزیک چو پەیوەندی ب چاکسازیێ ڤە نینە، چاکسازی پرۆسەکا بەردەوامە و نە تنێ ل دەمێ ئاریشان دھێتە ئەنجامدان، بەلکو پێدڤی ب دەمێ درێژ و پلان و کارەکێ ھەمە لایەنی یا ھەی”.
سەبارەت نەبوونا ئیرادا چاکسازیێ ل دەف حزبان، بەرواری دبێژیت” ھەر ئەو کەلتوورە وە ل حزبان کری وەکو ئاغا پارە و پۆستان بەلاڤ بکەن و نوکە گەلەک ب زەحمەتە بەرۆڤاژیا وێ بکەن، ھێشتا حوکمڕانی ب بەھا و پیڤەرێن جڤاکی دھێتەکرن، نەکو ب بەھا و پیڤەرێن عەقلانی، ژبەر ھندێ ب ساناھی نینە چاکسازی بھێنەکرن،چونکی دێ بەرژەوەندیا گەلەکان تێکچیت، ھەروەسا خەلکێ مە ژی راست نابێژیت، ھەموویان ئەڤە پێ خوەشە و ب خێرا ڤێ ڕێ ھەموو بوونە خۆدان مووچە و بێ زەحمەت دەستکەفت وەرگرت، گەلەک ژ وان یێن ب شەڤ و رۆژ دکەنە قێری، ھەکە ئەو تشت ب دەست بکەڤیت دێ بێ دەنگ بیت و بەرگریێ ژ وان دەستکەفتان کەت”
دیارکرژی” پێدڤیە مفای ژ زانست و ئەزموونێن جیھانی وەربگرین، چونکی مە بتنێ ئەڤ ئاریشە نینە و گەلەک ژ دەولەتان بەرنامێن سەرکەفتی ھەبوون بۆ ھندێ، ل ڤێرێ دا میدیا ب ھەموو ڕەنگێن خوەڤە ڕۆلەکێ گرنگ دگێڕیت، پێدڤیە بۆ خەلکی دیار بکەت کو چاکسازی تنێ ب ھندێ دھێتەکرن کو حوکمەت مەزاختیێن خوە کێم بکەت و داھاتێ خوەزێدە بکەت، ئەڤەژی دێ وەلاتی باجا وێ دەت و ھەکە ئەم ھەموو راست بێژین و دژی گەندەلیێ نە، پێدڤە ل بەرچاڤێن مە بیت کو دێ ڕێ ل پتریا وان دەستکەفتێن مە وەرگرتین ھێتەگرتن”.
خویاکر” پێدڤی نینە ھەموو حزبێن وەلاتەکی نێزیکی ئیک بن و نابیت پێکڤە د کابینەکا حوکمەتێ دابن و دژی ئێک بن وەکو (گۆران و کۆمەل) و ھندەک جاران ئێکەتی ژی، لەوما باشترە حوکمەت ژ وان لایەنان بھێتە پێکئینان ئەوێن دشێن 51% یا دەنگان مسۆگەر بکەن، بلا ئەوێن دی ئوپۆزسیونەکا ب ھێزبن، بەلێ ھەر دەرکەفتنەک ژ بەرژەوەندا گشتی بھێنە رسوا و شەرمزارکرن، ژبۆ دەرکەفتن ژڤێ قەیرانا سیاسی یا نوکە ل ھەرێمێ ھەی، لەوما گۆران و کۆمەل یێن ھندێ نینن دەرفەتەکا دی بدەینێ، گۆرانێ ل کابینا ھەشتێ نیشا مەدا کو ئەو حزبەکا سیاسەت و حوکومڕانیێ نینە، بەلکو تنێ ل سەر ھاندانا خەلکی دژی حوکمەتێ دژیت، ژبەر ھندێ باشترە ھەر کارێ خوە بکەت، و زوو پارتی و ئێکەتی و ئێکگرتوو حوکمەتەکا نوو پێکبینن”.
ب دیتنا وی” پتریا ئاریشێن مە ژبەر نەبوونا دەولەتێ نە و ھەکە ئەم بووینە دەولەت، گەلەک ژ وان ئاریشان نامینن”.