ئه‌ڤرۆ نيوز:
ئێكه‌تيا زانايێن ئاينێ ئيسلامێ ل كوردستانێ وه‌كو هه‌موو ئێكه‌تى و سه‌نديكايان دژاتيا خوه بۆ سيسته‌مێ نوو يێ مووچه‌ى راگه‌هاند و د راگه‌هاندنێ نڤيسيه: “زانايێن ئاينێ ئيسلامێ ده‌نگێ خوه د ئێخنه پال ده‌نگێ هه‌موو ئه‌وێن بڕينا ڤێ رێژا زۆر ره‌ت دكه‌ن”.
ده‌قێ راگه‌هاندنێ:
روونكردنەوەی یەكێتی زانایان دەربارەی پاشەكەوتكردنی مووچە
بەناوی خوای بەخشندەی میهرەبان
دوای هاتنی ئەو قەیرانە دارایییەی سەر هەرێمی كوردستان و نەدانی مووچەی فەرمانبەران بۆ ماوەی پێنج مانگ، كە ژیانی تەواوی خەڵكی كوردستانی تووشی شڵەژان و ناخۆشی كردو، بازاڕو كاری خەڵك وەستاوە، بۆیە هەموومان دڵخۆش بووین كاتێك حكومەتی هەرێمی كوردستان بڕیاریدا بە هەندێك پاشەكەوتەوە مووچەی تەواوی فەرمانبەران لە كاتی خۆی بدرێت، بەڵام ئەوەی نیگەرانییەكەی قوڵتر كردەوە ئەو رێژە زۆرە بوو كە حكومەت بە ناوی پاشەكەوتەوە لە مووچەی فەرمانبەرانی دەبڕێت، چونكە بەم رێژە زۆرەوە هیچ لە ژیانی خەڵك و فەرمانبەران ناگۆڕێت و، گرفتەكان زیاتر دەبن، زۆربەی خانەوادەكانیش تووشی گرفت و كێشەی خێزانی و كۆمەڵایەتی دەبنەوە، بۆیە وەك زانایانی ئایینی دەنگی خۆمان دەخەینە پاڵ دەنگی هەموو ئەوانەی بڕینی ئەم رێژە زۆرە رەت دەكەنەوە، لێرەشەوە داوا لە حكومەت دەكەین هەرچی زووە بەم بڕیارە دابچنەوە، چونكە خەریكە ناڕەزایی و بێزاری خەڵك دەگەنە لوتكە.
یەكێتی زانایانی ئاینی ئیسلامی كوردستان
7-2-2016
نيشاندان