ئەڤرۆ نیوز:
ھەردو نوونەرێن ھەرێما کوردستانێ دخولا پلا نایاب یا عیراقێ دا ھەولێر و زاخۆ ھەتارادەکی ژ یاریێن ئەڤرۆ یێن خولا عیراقێ مفاداربوون تایبەت خوسارەتیا یانا شورتە.
د یاریێن ئەڤرۆ دا تیما سیناعە بەردەوامی دا ئەنجامێن خوە یێن باش ل یاریێن قوناغا دوێ و ئەڤ جارە شیا سەرکەفتنەکا گرنگ ل سەر سەرکێشا کومێ تیما جەویە توماربکەت ب دو گولان بێ بەرامبەر و تیما نەجەف ب سەرپەرشتیا راھێنەرێ خوە یێ گونج عیماد محەمەد بەردەوامی دا ئەنجامێن سەرکەفتی ئەڤ جارە شیا سەرکەفتنێ ل سەر یانا شورتە توماربکەت ب سێ گولان بەرامبەر دو گولان ل یاریگەھا شورتە و ھەردو یانێن بەغدا و مینا بێ گول وەکھەڤ بوون.
ھەلویستێ کوما دوێ یێ خولا عیراقێ نوکە ب ڤی رەنگی یە
جەویە ٢٥ خال ژ ١٣ یاریان
نەجەف ٢٣ خال ژ ١٤ یاریان
زاخۆ ٢١ خال ژ ١٣ یاریان
مینا ٢١ خال ژ ١٣ یاریان
بەغدا ٢١ خال ژ ١٣ یاریان
ھەولێر ١٩ خال ژ ١٤ یاریان
شورتە ١٧ خال ژ ١٣ یاریان
کربەلا ١٦ خال ژ ١٤ یاریان
حدود ١١ خال ژ ١٤یاریان
سیناعە ٩ خال ژ ١٤ یاریان

ئەڤرۆ نیوز:
ھێرشبەرێ یانا دھۆک جاسم محەمەد سلێمان ئەوی دوھی ب فەرمی راگەھاندنی ئەوی کاروانێ خوە ل گەل یانا دھۆک ب دووماھی ئینا پشتی بورینا ١٨ سالێن خزمەتێ ل گەل وێ یانێ و  ئەڤرۆ ب فەرمی ھەڤبەستا یانا گارە ئیمزاکر بوو یاریێن مای ژ خولا پلا نایاب یا کوردستانێ .
مالپەرێ فەرمی یێ فێسبوکی یێ  یانا گارە پوستەک بەلاڤەکری یە تێدا دیارکری جاسم محەمەد سلێمان ھێرشبەرێ یانا دھۆک ل یاریێن بھێت دێ یاریێ بۆ تیما گارە یا پشکدار دخولا کوردستانێ دا کەت پشتی ھەردو لایەن گەھشتی نە رێککەفتنێ .
ھەژی گوتنێ یە جاسم محەمەد دیارکر بوو ئەوی پێکھاتیێ یانا دھۆک ب جھـ ھێلا پشتی خوە ژ خولا عیراقێ ڤەکێشای و ژبەر ھژمارا یاریکەرێن تیما خولا کوردستانێ زێدەبووینە ئەوی یانا دھۆک ب جھـ ھێلا و دەلیڤە دا ئەو یاریکەرێن گەنج یاری ل خولا کوردستانێ بکەن.

ئەڤرۆ نیوز:
نوکە سێ یاری ژ ھەڤرکیێن خۆلا فوکس یا عیراقێ دھێنەکرن ژ چارچوڤێ یاریێن پاشئێخستی ل یاریگەھا خوە تیما جەویە سەرکێشا کوما دوێ یا خوسارەتە ل گەل تیما رێزا دووماھیێ د لیستەیا خولێ دا تیما سیناعە ب دو گولان بێ بەرامبەر و ھەردو یانێن شورتە و نەجەف ب گولەکێ وەکھەڤن و ل یاریگەھا خوە تیما بەغدا بێ گول ل گەل یانا مینا یا وەکھەڤە.

ئەڤرۆ نیوز:
ھەردو یانێن یوڤانتوس و مانچستەر یوناید ھەڤرکیا ئێک کەن بوو دەستڤە ئینانا گولکەرێ یانا ئیفەرتون رومێلو لوکاکو ئەوێ ل وەرزێ ئەڤ سالە شیای ئاستەکێ بلند دخولا ئینگلتەرا دا پێشکێشکری.
رۆژناما “کویری دیلو سپورت” یا ئیتالی دیارکری یە یانا یوڤانتوس یا لێگەریانا ھێرشبەرەکی کەت تایبەت پشتی ھێرشبەرێ وی یێ ئیسپانی موراتای دیارکری ئەو دێ ل دووماھیا ڤی وەرزی جارەکا دی ڤەگەریتە یانا ریال مەدرید ڤە و دبیت یانا مانچستەر گەلەک ئاریشا بوو یانا یوڤانتوس دروست بکەت ژبەرکو یانا مان یوناید دیارکری یە ئەو یا بەرھەڤە ٦٥ ملیون جینێ ئیسترلینی پێشکێشی ھێرشبەرێ بەلجیکی و یانا ئیفەرتون لوکاکو بکەت .