ئه‌ڤرۆ نيوز:
ب تۆمه‌تا گه‌نده‌ليێ، دادگه‌ها ده‌سپاكيا حوكمى دو سال زيندانكرن بۆ وه‌زيرێ به‌رێ يێ ژينگه‌هێ ل عيراقێ ده‌ركر.
دادوه‌ر جومعه ساعدى، سه‌رۆكێ دادگه‌ها ده‌سپاكيێ ل به‌غدا د به‌ياننامه‌كێ راگه‌هاند: دادگه‌ها وان پاش ديتنا داخواز ل سه‌ر “سه‌رگۆن لازار سلێوه” وه‌زيرێ به‌رێ يێ ژينگه‌هێ ب تۆمه‌تا گه‌نده‌ليێ، حوكمێ زيندانكرن بۆ ماوێ دو سالان ب سه‌ر ناڤبرى دا سه‌پاند.
وه‌كو د به‌ياننامێ دا هاتى، د وێ روونشتنا دادگه‌هێ دا يا حوكم تێدا دايى، ناڤبرى ئاماده نه‌بووه، حوكم ژى ب گۆره‌يى مادێ 340 يێ قانوونا سزايان يا ژماره 1969 ده‌ركه‌فتيه.
ئاماژه ب وێ چه‌ندێ ژى كريه كو ناڤبرى هاتيه غه‌رامه‌كرن ژى ب پێدانا كۆمژێ 338 مليۆنا ديناران بۆ خه‌زينا ده‌وله‌تێ.
هه‌ر د وێ روونشتنێ دا جڤاتا بلندا دادوه‌ريا عيراقێ ل ناڤه‌راستا هه‌يڤا ته‌باخا بۆرى هاتبوو ئه‌نجام دا، بڕيار دا بوو ب دامه‌زاندنا دادگه‌ها تايبه‌ت ب ده‌سپاكيێ.
ئه‌ڤرۆ نيوز:
به‌رپرسێ په‌يوه‌نديێن ژ ده‌رڤه يێن پارتى ديموكراتى كوردستان راگه‌هاند كو پێدڤى بكه‌ت ڤه‌گه‌رنه رێكه‌فتنه‌كا نوو و پێدڤى بكه‌ت، دێ گورانكاريان د حوكمه‌تێ دا ئه‌نجام ده‌ن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 6ى چريا دويێ 2015 ئه‌سمانێ دهۆكێ دێ ژ هنده‌ك ئه‌ورێن كێم بۆ ئه‌ورێن ته‌مام هێته گوهۆڕين و دێ بارانه‌كا هوور باريت و ل سه‌نته‌رێ باژێرى ژى ئه‌گه‌رێ باران بارينێ يێ هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا ناڤه‌راست كو هه‌وايه‌كێ هه‌تا راده‌كى سار بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ دێ ژ هنده‌ك ئه‌ورێن كێم بۆ ئه‌ورێن ته‌مام هێته گوهۆڕين و دێ بارانه‌كا هوور باريت و ل سه‌نته‌رێ باژێرى ژى ئه‌گه‌رێ باران بارينێ يێ هه‌ى.
پشكا پێشبينيان دايه زايه زانين كو دێ ئاراستێ باى ژى باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى دێ 10كم بيت و پلێن گه‌رمێ ژى دێ د ناڤبه‌را 11 بۆ 20 پلان دا بيت.
ئەڤرۆ نیوز، ئەیاد بەرواری:
شۆفێرێ تایبەتێ سەرۆکێ تورکیا د ھەلبژارتنێن تورکیا دا ئەوێن ل ئێکی ڤێ مەھێ ھاتینە ئەنجامدان سەرکەفت و بوو ئەندامێ پەرلەمانێ تورکیا ژ ستانبۆلێ ل سەر لیستا پارتا داد و گەشەپێدانێ (ئەکەپە).
سایتێ (ھافینگتۆن پۆست) ژ سایتێ (ھەبەر تورک) ڤەگوھاستیە کو ئەحمەد حەمدی تشاملی، شۆفێرێ تایبەتێ ئەردوگانی ئەوێ بوویە پەرلەمانتار، چەندین سالان شۆفێرێ تایبەتێ ئەردوگانی بوو و بەری وی شۆفێرێ سەرۆکێ پارتا (رەفاهـ) و سەرۆک وەزیرێن وەغەرکری (نەجمەدین ئەربەکان) بوو.
ل دووڤ سایتێ ناڤبری، ھەوا پارتا داد و گەشەپێدانێ (ئەحمەد تشاملی) وەکو رۆژنامەڤان دابوو نیاسین و گرنگترین نڤیسەرێن گوشانە ل رۆژناما (ستار) یا نێزیک ژ حوکمەتا تورکی.
ئه‌ڤرۆ نيوز:
فه‌رماندێ فه‌رمانده‌يا شنگال ئه‌گه‌رى سه‌ره‌كى يێ گيرۆبوونا رزگاركرنا شنگالێ ژ ده‌ستێن چه‌كدارێن داعش ئاشكه‌را دكه‌ت و دبێژيت: “پارتيا كرێكارێن كوردستانێ (په‌كه‌كه) رێگره ل ئۆپه‌راسيۆنێن كۆنترۆلكرنا شنگال”.
قاسم شه‌شۆ ره‌خنێ ل (په‌كه‌كێ) دگريت و دبێژيت: “ئه‌و نه‌شێن ل شنگال ب مينن، هه‌كه خوه كاره‌ساته‌كا دى ژى ب سه‌رێ كوردێن ئێزدى بهێت، دئاماده‌ينه، به‌لێ ناهێلين په‌كه‌كه ل شنگال بمينيت”.
رووداو زانيه ژى ئه‌مريكا ژ ره‌فتارێن په‌كه‌كێ ل شنگال يا رازى نينه و ب ئاشكه‌را نه‌رازيبوونا خوه گه‌هانديه مه‌سعود بارزانى، سه‌رۆكێ هه‌رێما كوردستانێ.
ژێده‌ر: رووداو
ئەڤرۆ نيوز:
راپۆرتەکا سندۆقا دراڤێ نێڤدە‌ولە‌تی ئاشکرا دکە‌ت،عیراق و سعودیە و لیبیا و ھندەک وە‌لاتیێن روژھە‌لاتا ناڤین،ل دەمەکێ زوو ئیفلاس بن، ژ ئەگەرێ داکە‌تنا بھایێ پترولێ و نەشیانا ھە‌مەجورکرنا داھاتێن خوە، ھەر سال بودجە ل سەر داھاتێ پترولێ دئێتە دانان، سندوقا ناڤبری ئەو ئێکە ژی دیارکریە عیراق ب و‌ە‌لاتە‌کێ خاڤ و ھە‌لوەشیایی دھێتە ھژماریتن ژبەر شە‌ر و ھە‌ڤرکیان و کێمتر ژ سالێن سالێن دی عیراق دێ ئیفلاس بیت .
ل دووڤ راپۆرتا ناڤبری یا پێدڤیە عیراق بە‌رمیلا پترۆلێ ب بھایێ ٨١$ دۆلاران بفروشیت تا کورتھێنان د بوجێ دا دروست نە‌بیت کو دھێتە پێشبینیکرن رێژا کورتھێنانێ د بودجا سالا ٢٠١٦ دا بگە‌ھیتە ١١.٩% ئانکو ٢٣.٥ ترلیۆن دینار.
ھەروەسا راپۆرتێ دا ھاتیە دیارکرن کو مەزنترین وە‌لاتێن ھە‌ناردەکرنا پترولێ مەزنترین زیان بەردکەڤیت، ھە‌کە بھایێ پترولێ بمینیت ل دورێن ٥٠$ دۆلاران ھە‌لگرتیێن وان یێن نە‌ختینە‌یی بلە‌ز دێ بدوماھی ئێن ، ئابوورێ عیراقێ کێمتر ژ ٥ سالان و سعودیە و عومان ٥ سالان و کویت ٢٣ سالان ، بە‌حرێن ٢٥ سالان ، ئیمارات ٢٨ سالا دێ ب پترولێ قەتینن .
ھە‌رێما کوردستانێ ژی ئەڤە بۆ دەمەکێ کورتە سە‌ربە‌خو پترولێ دفروشیت ، روژانە ٤٢٥ ھزار بە‌ر‌میلێن پترولێ ژبلی پترولا کە‌رکوکێ دھنێریتە دەرڤە بۆ بدە‌ستڤەئینانا ئێک ملیار دۆلاران و ھە‌یڤانە بۆ دابینکرنا بودجێ دھێنە بکارئینان ، دڤێت بھایێ بە‌رمیلا پترۆلێ ٧٥$ دۆلار بیت تا ھە‌رێم بشێت ئێک ملیار دۆلاران بدە‌ستڤە بینیت ، ئەڤە ددە‌مە‌کی دایە کو پترۆلا ھە‌رێمێ دناڤبە‌را ٤٠ – ٥٥ دۆلاران ھاتیە فرۆتن ل چە‌ند مە‌ھێن بوری و ھاتیە پێشبینی کرن ئە‌ڤ وە‌لاتێن بە‌رھە‌م ھێنە‌رێن پترۆلێ ل رۆژھە‌لاتا ناڤین دێ نێزیکی ٣٦٠ ملیار دۆلار زیان بەرکەڤن ژئەگە‌رێ داکە‌تنا بھایێ پترۆلێ دئە‌ڤ سالە دا .
ئە‌ڤ بارودوخە نوکە عیراق و ھە‌رێما کوردستانێ ژی تێدا دبوریت، پێدڤی پلانە‌کا باش و فرە لایەنن بۆ چاککرنا ئابوورێ وەلاتی تا کو ھاریکارو پشتەڤان بیت بۆ قوناغێن بھێت .
ئه‌ڤرۆ نيوز:
د ماوەیێ پێنچ ھەیڤێن بۆری دا، کۆمپانیا ئەرتووش ل قەزا زاخۆ کو ب ئەرکێ پاقژکرنا دەڤەرێ رادبیت، بۆ ماوێ شەش جاران ژ ئالیێ باژێرڤانیا زاخۆڤە دھێتە سزادان. سەرۆکێ باژێرڤانیا زاخۆ دیار کر، ل گۆرەیی وێ گرێبەستا د ناڤبەرا حوکمەت و کۆمپانیا پاقژکرنا ناڤ باژێری دا ل زاخۆ، کۆمپانیێ پێگیری ب ھندەک بەندێن وێ نەکریە. نوونەرێ کۆمپانیا ئەرتووش ژی دبێژیت: ئەگەر نە خەمساریا کۆمپانیا وانە.
ئەندازیارێ مافپەروەر بژار مۆنیب سەرۆکێ باژێرڤانیا زاخۆ بو ئەڤرۆ دیار کر، ل گۆرەیی وێ گرێبەستا د ناڤبەرا حوکمەت و کۆمپانیا پاقژکرنا ناڤ باژێری دا ل زاخۆ، کۆمپانیێ پێگیری ب ھندەک بەندێن وێ نەکریە و گۆت: پشتی دۆپاتیا ئەنجامێن خەمساریا وان د ماوەیێ پێنج ھەیڤان دا، شەش جاران ژ لایێ باژێرڤانیا زاخۆ ڤە ھاتینە سزادان.
عەلی ئەحمەد وەلاتیەکێ تاخێ سێمالکا ئاشکرا کر کومپانیا پاقژیێ یا خەمسارە، پێدڤیە دووڤچوون و گڤاشتنێن زێدەتر ل سەر کۆمپانیێ بھێنە کرن، ژ بەر کو ئەڤە ھەیاما چەندین سالایە ئێک کۆمپانیا تەندەری وەردگریت، ئالۆگوری پێ ناھێتە کرن، ژبەر ھندێ ژی کۆمپانیا خەمساریێ دکەن و گۆت: پێشنیاز دکەم پاقژیا ناڤ باژێری ژ کۆمپانیا ئەرتۆش بھێتە وەرگرتن، چونکۆ ب چو شێوەیەکی زاخۆ وەکو پێدڤی ناھێتە پاقژکرن.
بەدرخان عەبدۆلعەزیز نوونەرێ کۆمپانیا ئەرتۆش ل زاخۆ بۆ ئەڤرۆ تەکەستکر کو گرێبەستا وان ھەتا دەستپێکا سالا نوویە، ئەگەر نە خەمساریا کۆمپانیا وایە، بەلکۆ ھندەک کێماسی د ناڤ کارمەندێن پاقژکرنێ ھەنە، ھندەک بەندێن نوو ب رێکەفتن مە ل گەل سەرۆکێ باژێرڤانیێ ل سەر خوە زێدەکرینە، ئەو ژی پێدڤیە ھەتا ھەشتی سپێدێ بازارێ زاخۆ بھێتە پاقژکرن، لێ ل گۆرەیی گرێبەستێ دا ھەر جھەکێ پیس بیت پێدڤیە د ماوەیێ ٢٤ دەمژمێران دا کۆمپانیا بھێتە ئاگەھدارکرن گلیشی راکەن، بەرۆڤاژی ژ نوو دھێتە سزادان و گۆت: سەرا خەمساریا شۆفێرەکێ کۆمپانیایێ سزا دەن، لێ جارەکێ ژی سۆپاسنامەیەک گەھاندیە مە.
نيشاندان