ئەڤرۆ،زنار تۆڤی:
فلۆرنتینۆ پیرێز سەرۆکێ یانا ریال مەدرید یا ئیسپانی خەون ھەیە کو پێکھاتەکێ نوو بۆ یانا شاھانە دروست بکەت کو ھیچ یاریزانەکێ نوکە تێدا نینە،راپۆرتێن رۆژنامەڤانی ئەو پێکھاتی بەلاڤکریە و بەحس ل ھندێ دکەن کو پێرێزێ سەرۆکێ ریال مەدرید دڤێت د داھاتیەکێ نێزیکدا ڤان یاریکەران بینیتە ریالێ.
د پێکھاتیێ خەونا پیرێزیدا دی خیا گولچیە و ل ھێلا بەرگریێ ھەر ئێک ژ یاریکەران ئالابا ژ بەرشەلۆنە و ستۆنسی یاریزانێ ئیڤەرتۆن و مۆرینیۆ یاریزانێ لیڤەرپۆل و لاپۆرتایێ ئەتلەتیکۆ دبینیت.
ل ھێلا ناڤاراستێ خەونا پیرێزی ئەوە کو ھەر ئێک ژ یاریزانێ ریۆسێ دۆتمۆند و ھازاردێ چێلسی و بۆگباپێ فرەنسی و یانا یۆڤێنتۆس و ڤیراتیێ ئیتالی بکریت.

ھەروەسا بۆ ھێلا ھێرشبرنێ سەرۆکێ ریالێ دڤێت لیڤاندوڤسکی ھێرشبەرێ یانا بایرن میۆنخ و نەیمارێ یاریزانێ بەرشەلۆنا بکریت.
ھەر چەندە رۆژنامان وەسا دیارکریە کو ئەڤ پێکھاتیە وەک خەونایە،بەلێ بەری نوکە پیرێزێ سەرۆک شیایە ب حنێرا پارەی چەندین ستێرێن تەپاپێ وەک فیگۆ و زێدان و کالۆس و رۆنالدۆ و بێکھام و رائۆل د ئێک پێکھاتەدا دانیت.

ئەڤرۆ نیوز:
سەرارای دروکەفتنا وی زێدەتر ژ سێ ھەیڤان ژ یاریێن خولا پلا نایاب یا عیراقێ ھەتا نوکە یاریکەرێ یانا مینا یێ بەری نوکە و یاریکەرێ ھەلبژارتیێ سوریا عومەر ھرێبین گولکەرێ خولا پلا نایاب یا عیراقێ یە ب تومارکرنا دەھـ گولان کو یاریکەرێ ناڤبری ل ١-١٢-٢٠١٥ ژ یانا مینا ھاتیە ڤەگوھاستن بۆ یانا زەفرە یا ئیماراتی .
عومەر خرێبین نوکە ل وەرزێ ئەڤ سالە شیای یە ١٠ گولا توماربکەت ژ  نەھـ یاریێن وەرزێ ئەڤ سالە کرین کو دووماھی یاریا وی ل گەل یانا مینا ٨-١١-٢٠١٥ بوو پشتی وێ یاریێ یانا وی چار یاریێن دی کری نە ئەوی پشکداری نەکری یە .
ھەردو یاریکەران حەمادی ئەحمەد و موھند عەبدورەحیم ھەشت گول ھەنە و ھەر ئێک ژ محەمەد جەفال ژ ھەولێرێ و عەبدولقادر تارق ب پێنج گولان رێزا سیێ دھێن.

ئەڤرۆ نیوز:
راھێنەرێ پرتوگالی و یانا چێلسی یا ئینگلیزی ئەوێ بەری ماوەکا ژلایێ یانا لەندەنی ڤە ھاتیە دورخستن یێ نێزیکی خەونا خوە بیت بۆ وەرگرتنا ئەرکێ راھێنەریا یانا مانچستەر یوناید یا ئینگلیزی کو وی بەری نوکە ژی چەندین جاران دیارکر بوو خەونا ویە ئەرکێ راھێنەریا یانا مانچستەر یوناید وەربگریت ژبەرکو ناڤەکێ مەزن ھەیە ل ئورۆپا و برێتانیا.
رۆژناما دیلی مێل یا برێتانی دیارکر پشتی ب دووماھی ھاتنا وەرزێ ئەڤ سالە مورینیو دێ بیت راھێنەرێ یانا مان یوناید یا ئینگلیزی تایبەت پشتی وان ئەنجامێن نە چاڤەرێکری یێن راھێنەرێ یانێ یێ نوکە ڤان خال یێ ھولەندی.
وێ رۆژنامێ دیارکری یە ژی ھەردو لایەن ب نەھێنی ل گەلێک کومبوونە سەبارەت وەرگرتنا پوستێ یانا مان یوناید و ئینانا چەند ستێرێن بەرنیاس بۆ یانا ئینگلیزی بۆ وەرزێ بھێت بۆ ھەڤرکیا ناسناڤێ خولا پریمێرلیگ کو ماوەکە ئەڤ یانا یا ژی دورە.