ئەڤرۆ نیوز، ھەژار مەعروف:
د ھەلبژارتنێن ئەڤرۆ یێن ئێکەتیا تەپا پێ یا پارێزگەھا دھۆکێ بتنێ گوھورینەک پەیدابوو ئەوژی ل پوستێ داریی و د ڤان ھەلبژارتنان دا حەفت کەسان ھەڤرکی ل سەر پوستێن ئێکەتیا تەپا پێ کرن کو ئەڤ ھەلبژارتنە ب سەرپەرشتیا ئێکەتیا تەپا پێ یا عیراقێ ھاتنە رێڤەبرن.
ل پوستێ سەروکاتیێ دو کەسان خوە ھەلبژارت بوو ئەوژی د.محەمەد سەعید سەروکێ بەری نوکە و فەرمان یوسف سکرتێرێ یانا دھۆک د ئەنجامێن دەنگان دا د.محەمەد سەعید شیا ١١ دەنگان ب دەستخوڤە بینت و ھەڤرکێ وی فەرمان شەش دەنگ ب دەستخوڤە ئینابوون و ل پوستێ چێگری فەرزاد محەمەد ١٣ دەنگ ئینان و ل پوستێ سکرتێری سوبحی کامل خودانێ رێژەیا پتریا دەنگان بوو شیا ١٦ دەنگ.
ل پوستێ دارایی دو کەسان ھەڤرکی کر ھەر ئێک ژ عەبدورحیم یێ بەری نوکە و عەبدوللا عابد ئەوێ و ئەنجامێن دەنگدانێ دا عەبدوللا عابد شیا ١١ دەنگان بینت و رێڤەبەرێ دارایی یێ بەری نوکە عەبدورحیم شەش دەنگ ل پوستێ ئەندامەتیێ وەکو خوە ما دو کەسان ھەڤرکی کر ئەنجامێن دەنگدانێ دا ئەندامێ بەری نوکە حەجی حسێن شیا ڤی پوستی ب دەستخوڤە بینت پشتی ١٣ دەنگ ب دەستخوڤە ئینن و ھەڤرکێ وی نوونەرێ یانا زاخۆ بۆ ٤ دەنگان.
ھەژی گوتنێ یە رۆژا چوارشەمبیا بوری ھەلبژارتنێن پارێزگەھا کەرکوکێ ژی ھاتبوونە کرن ب ھەمان سیناریوو بتنێ گوھورینەک ل پوستێ دارایی ھاتبووکرن