ئەڤرۆ نیوز، ھەژار مەعروف:
بریارە ئەڤرۆ بەردەوامی ب یاریێن خولا فاستلینک یا پلا نایاب یا ھەرێما کوردستانێ بھێنەکرن ھەردو نوونەرێن پارێزگەھا دھۆکێ د کوما دوێ دا دێ یاریێن خوە ل یاریگەھێن خوە کەن .
ل یاریگەھا خوە تیما دھۆک دێ مێڤانداریا یانا سولاڤ کەت کو دڤێ یاریێ دا چاڤێ یانا دھۆک دێ بتنێ ل سێ خالێن یاریێ بیت داکو رێیا خوە خوشتر لێ بکەت بۆ دەربازبوونێ بۆ چارگوشا زێرین ژبەرکو ل یاریێن بھێت ئەرکێ یانا دھۆک یێ ب سانەھی نابیت.
نوونەرا دوێ یا پارێزگەھا دھۆکێ دڤێ کومێ دا تیما گارە دێ ل یاریگەھا خوە بەرامبەر یانا برایەتی کەت کو تیما گارە ل وەرزێ ئەڤ سالە بتنێ سەرکەفتنەک ھەیە ئەوژی ل سەر یانا برایەتی تومارکری یە ل دەستپێکا ڤی وەرزی دێ بزاڤێ کەت سەرکەفتنا خوە دوبارە بکەت و چارەگا دی ھیڤێن خوە ڤەگەرینت بۆ دەربازبوونێ بەرامبەر ھەر ئەنجامەکێ نە چاڤەرێکری دێ خرابی بۆ یانا گارە ڤەگەریت بۆ ھەڤرکیا دەربازبوونێ و گوپیتکا یاریێن ڤێ حەفتیێ دا تیما نەوروز دێ بەرامبەر یانا پێشمەرگە ھەولێرێ کەت ل یاریگەھا زانکو ل باژێرێ سلێمانیێ .

ئەڤرۆ نیوز، ھەژار مەعروف:
کارگێریا یانا دھۆک پشتی خوە ژ خولا پلا نایاب یا عیراقێ ڤەکێشای سەرارەی ئەو بزاڤێن وەزارەتا وەرزش لاوان یا عیراقێ و ئێکەتیا تەپا پێ لێ کارگێریا یانێ ھەتانوکە یا رژدە ژ ڤەکێشانا خوە بۆ خولا پلا نایاب و پشتی دوھی پشەکەک ژ ھەڤبەستا یاریکەرێن خوە دایێ ھەر دوھی کارگێریا یانێ دەست ژ ھژمارەکا یاریکەرێن خوە بەردا.
ئەو یاریکەرێن یانا دھۆک دەست ژی بەردەی ئەوژی ھەر ئێک ژ پیشەکارێ خوە یێ غانی سالومون تاجی و ھەردو یاریکەرێن ھێلا بەرەڤانیێ ئەحمەد ئیبراھیم و سەلاح ھیلال و یاریکەرێ ھێلا ناڤین حاتم عەلی.

ئەڤرۆ نیوز:
ھژمارەکا مەزن یا ستێرێن بەرنیاس ل سەر ئاستێ ئورۆپا و جیھانێ بەر ب خولا چین ڤە چووینە ئەوژی پشتی چەند کومپانێن مەزن ل جیھانێ سپونسەریا یانێن چینی وەرگرتی ژ پێخەمەت ریکلام کرنا ئەوان یانا .
یانا گوانزو قارەمانا خولا یا ئاسیا ئەو یانا ئەوا شیای ل ڤێ دووماھیێ کێشوارێ ئاسیا ھەژینت ژبەر ئەو ھەڤبەستێن مەزن ل سەر ئاستێ جیھانی و دووماھی ھەڤبەست ل گەل یاریکەرێ ھەلبژارتیێ کولومپیا و یانا ئەتلەتیکو مەدرید بۆ ب کوژمێ ٤٢ ملیون یورۆیا

یاریکەرێ یانا چێلسی و ھەلبژارتیێ بەرازیل ب کوژمێ ٢٨  ملیون یورۆیا ھەڤبەستا یانا جیانغسو سانینگ ئیمزاکری یە بریارە ل ڤەگوھاستنێن ھاڤینێ پەیوەندێ ب وێ یانێ بکەت

یاریکەرێ بەرازیلی ھەڤبەستا گوانزو ئیمزاکر بوو ل سالا بوری ١٥ ملیون یورۆیا

پاویلنو یاریکەرێ گوانزو ١٤ ملیون یورۆیا

یاریکەرێ ھەلبژارتیێ غانا ئاساموا جیان ب ١٠ ملیون یورۆیا ھەڤبەستا شانگھای یا چینی ئیمزاکریە

یاریکەرێ یانا رۆما جیرفینیو ھەڤبەستا یانا فورتونا یا چینی ئیمزاکر ب کوژمێ ١٨ ملیون یورۆیا کو ئەڤ یانا ل سالا ٢٠١٠ ھاتیە دامەزراندن

یاریکەرێ یانا ئەنتر میلان و ھەلبژارتیێ کولومپیا فریدی گواردین ب کوژمێ ١٣ ملیون یورۆیا چویە یانا شانگھای شینو

ئەلیکسون یێ بەرازیلی پەیوەندی ب یانا گوانزو کربوو ب کوژمێ ١٨.٥ ملیون یوریا

ستێرا ھەلبژارتیێ بەرازیل و یانا میلان یا بەری نوکە روبینھو ئەوێ نوکە ھاتیە ڤەگوھاستن بۆ یانا گوانزو ب کوژمێ ١١.٥ یورۆیا

یاریکەرێ سنگالی و یانا چێلسی و بشکتاش دیمبابای ب کوژمێ ١٨ ملیون یورۆیا چو یانا شنگھای شینو

ھەردو ستێرێن بەرنیاس ل سەر ئاستێ ئورۆپا ئەنیلکا و درۆگبا یاری ل ماوێ بوری ل خۆلا چینێ کری یە

راھێنەرێ ئیتالی یێ بەرنیاس مارشیلو لیپی سەرپەرشتیا راھێنەریا یانا گوانزو کری یە و پشتی وی سکولاری کو نوکە سەرپەرشتیا وێ یانێ کەت