ئەڤرۆ نیوز:
زۆربەی جاران خەلک پەنایێ بۆ گرێدانا نڤشتیا و گرتنا فالا دبەن و ھەر ژ کەڤندا باوەری پێ ئینایە و ھەتا نھا ژی ئەڤ دیاردە ھەیە ب تایبەتی دناڤ جڤاکێن ڕۆژھەلاتیدا ب شێوەیەک ژ شێوەیان یا بەردەوامە، ژبەرکو ئێکە ژ دەرھاڤێژێن بیر و باوەرێن ئۆلی و جڤاکی.
کچەکێ بناڤێ (ە، ع) بۆ ئەڤرۆ دیارکر کو د گەل ژنبرا خوە سەرەدانا ژنەکا کارێ دروستکرنا نڤشتیا دکەت کر بۆ ھندێ زەلامێ وێ خیانەتێ لێ دکەت و ب دووڤ ژنەکا دی کەفتیە و گۆت: ل دەستپێکێ ئەو ژنە دێ وەک باوەریەکێ بۆ وان ژنا چێکەت ئەوێن سەرەدانا وان دکەن و فالەکێ ڤە کەت ب کوژمێ دەە ھزار دینارا و ل دووڤ سەروبەری ئەو ژنا سەرەدان کری دێ بێژیتێ زەلامێ تە یێ زەنگینە یان ھەژارە پشتی فالێ و دیارکرنا ھندەک سالوخەتێن زەلامێ وێ دێ بازاری دگەل کەت بۆ دروستکرنا نڤشتیەکێ ژ 300 دولاران تا 500 دولاران بۆ وێ و بۆ ژنبرا وێ ب 300 دولاران دروست کریە، گۆتژی داخوازا فانێلێ زەلامی و ئەو ئاخا دمینت ب پێلاڤا زەلامی ڤە بۆ وێ ژنا نڤشتیا چێدکەت بینیت پشتی وێ چەندی ژمارەکا نڤشتیا بۆ دروست کر ئێک بۆ بن بالیفکا زەلامی یادویێ بکەتە دناڤ جلکێن وی دا و یا سیێ بکەتە د ترومبیلا وی دا، زێدەباری خواندنا ھندەک ئایەتا ب ئاڤێ ڤە ول مالێ بھێتە رەشاندن و گوتێ پێش زەلامێ خوەڤە رینە خوار ودەە جارا ئایەتا کورسی بخوینە بلا ئەو نەزانیت.
زێدەتر گۆت: ھێشتا ئەم ل وێری ژمارەکا دی یا ژنان سەرەدانا وێ کر بۆ دروستکرنا نڤشتیا ھەموو ئەو کەس بوون کو زەلامێن وان دلپیس و د خرابن و خیانەتێ لێ دکەن و ب رێکا وێ ژنێ دێ ب حوکمی نڤشتیا زەلامی رەفتارین زەلامێ وان دگەل باش بکەن.
ژنەک ب ناڤێ پیروز ئاشکراکر کو کورێ وێ کێمک ھاتیێ و قەستا مەلایەکێ کریە بۆ چارەسەریێ ومەلای ب ئاڤێ ڤە خواندیە ودایە کوری و پێنج ھزار دینار داینە مەلای، گۆتژی ھەر ل وی دەمی ژنەکێ سەرەدانا وی مەلای کریە کو زەلامێ وی گرنگیێ پێ نادەت و خیانەتێ دکت، دیسا مەلای ب ئاڤێ ڤە خاند و گۆتە وێ ژنێ بدە زەلامێ خوە.
چالاکڤان عەبدولرەحمان سوبحی دبێژیت: ژ گەڤن دا نڤشتی و فال ھەبوون ودناڤ گەلێن بێ باوەر ونەزان پەیدا دبیت، گەلتورەکە ژ باب وبابیرا وئەو کەسێن شولێ فالا ونڤشتیا دکەن ژ ڤالاتیێ نەھاتینە تشتەک لنک وان ھەیە، گەلەک جاران ئارێشێن مەزن دناڤ خێزانێ دا پەیدا بووینە وژن ھاتینە بەردان دەمێ زەلام دزانیت ھەڤژینا وی نڤشتی بۆ دروست کرینە و ل زاخۆ زەلامەکی دەمێ زانی ھەڤژینا وی نڤشتی کریە دناڤ بالیفکا ویدا ئێکسەر ئەو ژنە بەردایە، گۆتژی زەلامەکی گوت بۆ ھەڤژینا خوە دێ ژنەکێ ل سەر تە ئینم ئەو ژی رادبت دچیتە نک ژنەکا نڤشتیێ دروست دکەت گیایەکی دەتی و دبێژتێ بێ زەلامێ تە بزانت بکە دناڤ خوارنێ دا، ئەو ژی خوارنێ دخوت ئێکسەر نەخوەش دبیت دەمێ سەرەدانا نوژداری دکەت نوژدار دبێژیت تە فلان جورێ گیای یێ خواری و پشتی زانی ھەڤژینا وی ئەڤ تشتە کریە ئێکسەر بەردایە، ھەروەسا ھندەک ژنکا تشتەک کریە د رێکا زەلامێ خوەدا وەکو سحرەک لێ کریە کو نەچیتە چ عەردا و ب زڤریتە مالا خوە.
مەلا مالک بەرپرسێ راگەھاندنا گشتیا ئەوقاف وکاروبارێن ئایینی ل دھۆکێ دیارکر کو ئەو تشتێن دئیسلامەتیێ دا ھەین وەکو پێڤە خواندن بۆ ھندەک نەخوەشیێن تایبەت دروستە و گۆت: چێکرنا نڤشتیێ ئەگەر ھندەک ئایەتین قورئانێ ل سەر بن و ل جھەکێ پیروز بھێنە راکرن رای دچت وان، بەلێ ئەو نڤشتین نوکە ئەم دبینین دەستێ خەلکی دا دی ھندەک دھێن نیشا مەدەن د بێژن مە ئەڤ نڤشتیە دمالا خوەدا دیتیە، ئەم سەحدکەینێ ھندەک ئاخفتنێن بێ رامان و ھندەک خەت یێن لێکرین کو چ رامانا نادەن یان ناڤێ ئەسحاب ل کەھف یێ ل سەر نڤێسی یان ناڤێن فریشتانە، ئەڤ تشتە دئایینێ ئێسلامێ دا نینە ئەو کەسێ چێدکەت وئەو کەسی دچیتە سەرەدانا وان پێدڤیە ل خوە ب زڤرن ئەڤە کارەکە نا گونجیت ل گەل ئایینێ مە.
زێدەتر گۆت: ھندەک ئایەتێن تایبەت ھەنە پێغەمبەرێ مە (س) دوپاتی ل سەر کریە ب نەخۆشاڤە بێنە خواندن دەروونێ وان ئارام بیت، ھندەک کەسا خوە کرینە مەلا و پارەکی وەردگرن، مەلا مالکی دا زانین ژی وان ژنان پشت راست دکەم بۆ ھندێ زەلامێن وان ل بەر رەشە بن حەش ئێکا دی بکەن ئەو ب نڤشتیا چارەسەر نابیت و نەشێت چ گۆھورینا ل زەلامێ خوە بکەت، گۆتژی وێ کچێ ژی پشت راست دکەم ناگەھتە خۆشتڤیێ خوە ب ڤێ رێ و فالک ئێکجار دئێسلامێ دا نینە وگونەھەکا مەزنە.