ئەڤرۆ نیوز، ھەژار مەعروف:
ھەردو نوونەرێن پارێزگەھا دھۆکێ یێن پشکدار دخۆلا پلا ئێک یا ھەرێما کوردستانێ دا ئەڤرۆ د یاریێن خوە یێن ئێکێ دا توشی خوسارەتیێ بوون خوسارەت بوون کو تیما سێمێل ل یاریگەھا شێخان خوسارەت بوو ل سەر دەستێ یانا کویە ب دو گولا بێ بەرامبەر و تیما ئاکرێ ژ دەرڤەی یاریگەھا خوە خوسارەت بۆ ل گەل یانا گازی باکور ب دو گولان بەرامبەر گولەکێ.
ژ یاریێن دی یێن گەرا ئێکێ ژ خۆلا پلا ئێک یا کوردستانێ دەربەندیخان ل گەل پێشمەرگا سلێمانیێ بێ گول وەکھەڤ بوو ب ھەمان ئەنجام سەورە ل گەل ھەلو وەکھەڤ بوون، ب گولەکێ بێ بەرامبەر سیروان نوو سەرکەفت ل سەر سوران و ئاشتی ل سەر ئالتون کوپری ب ھەمان ئەنجام سەرکەفت,

ئەڤرۆ نیوز:
ئەنجامێ یاریا ئەڤرۆ یێ دناڤبەرا جەویە و نەجەف دا ژ خۆلا فوکس یا عیراقێ د بەرژوەندیا یانا زاخۆ دا ب دووماھی ھات پشتی یاریکەرێ یانا جەویە حەمادی ئەحمەد ل دقیقا دووماھیێ ژ یاریێ گولا ئێکێ و سەرکەفتنێ بۆ یانا خوە تومارکری ب ڤێ سەرکەفتنێ یانا جەویە سەرێ لیستەیا خولێ پاراست ب ٢٥ خالان بەرامبەر یانا نەجەف خالێن وێ ھەر مان ٢٠ خال رێزا چارێ ما ئەڤ یاریا ھەتا رادەیەکێ مەزن د بەرژوەندیا یانا زاخۆ دا بۆ ژبەرکو ھەر ئەنجامەکێ د بەرژوەندیا نەجەف دا ب دووماھی ھاتبا دا چیتە بەری یانا زاخۆ د لیستەیا خولێ دا.

ھەژی گوتنێ یە یانا زاخۆ نوکە ل رێزا دوێ دھێـت ب ٢١ خالان و مینا  رێزا سیێ ٢٠ خالان و نەجەف رێزا چارێ دھێـت لێ یانا زاخۆ کێمتر یاریەک کری یە

ئەڤرۆ نیوز:

ب کرنا شەش یاریان ئەڤرۆ دەست ب ھەڤرکیێن خۆلا پلا ئێک یا ھەرێما کوردستانێ یا تەپا پێ ھاتیەکرن کو ل وەرزێ ئەڤ سالە ھەردو یانێن گارە و ئاکرێ ژ پارێزگەھا دھۆکێ د پشکدارن .
ئەنجامێ نیڤا ئێکێ یێن ھەردو نوونەرێن دھۆکێ ب وکھەڤی ب دووماھی ھاتیە کو تیما سێمێل یاریگەھا شێخان یا وەکھەڤە ل گەل یانا کویە و تیما ئاکرێ ژ دەرڤەی یاریگەھا خوە ل گەل گازی باکوری ب گولەکێ یا وەکھەڤە .

ئەڤرۆ نیوز:
ب فەرمی ھێرشبەرێ ھەلبژارتیێ کولومپیا و یانا ئەتلەتیکو مەدرید جاکسون مارتینێز ژ یانا ئەتلەتیکو مەدرید بۆ یانا گوانزو یا چینی بەرامبەر ٤٢ ملیون یورۆیا کو دھێتە ھژمارتن بلندترین ھەڤبەست د مێژویا ڤەگوھاستنێن یانێن کێشوارێ ئاسیا.

یانا گوانزو بەری نوکە ژی ھەڤبەست ل گەل چەندین یاریکەرێن بەرنیاس ل سەر ئاستێ جیھانی مورکری نە و ل وەرزێ بوری شیابوو ھەردو ناسناڤێن خۆلا چینێ و قارەمانیا یانێن ئاسیا ب دەستخوڤە بینت
مارتینێز ئەوێ ل دەستپێکا ڤی وەرزی ژ یانا پورتو یا پرتوگالی ھاتیە ڤەگوھاستن بۆ یانا ئەتلەتیکو مەدرید کو ل وەرزێ ئەڤ سالە ١٥ یاری ل گەل ڤێ یانا ئیسپانی کر بوون شیابوو دو گولان توماربکەت و ژ سالا ٢٠١٢ ھەتا ٢٠١٥ ٨٧ یاری ل گەل یانا پرتوگالی کربوون شیابوو ٦٧ گولان توماربکەت.

ئەڤرۆ نیوز:
راھێنەرێ یانا بەرشەلۆنا لویس ئێنریکی ١٨ یاریکەر بۆ یاریا ئەڤ شەفە یا پێش دووماھیا کاسا شاھێ ئیسپانیا  داخوازکرن کو ناڤێ پێنج یاریکەرێن سەرەکی ل ناڤ پێکھاتیێ یاریا ئەڤ شەڤە یا بەرامبەر فالنسیا دا نین ئەوژی ھەر ئێک ژ برافو و ماسکێرانو، ئەلفێس،دوگلاس کۆستا و ساندرۆ رامێرێز.
ئەو یاریکەرێن ھاتینە داخوازکرن ھەر ئێک ژ یاریکەران تێرشتیگن، ماسیب، پیکێ، راکیتچ، ئێنێستا، سوارێز، مێسی، نەیمار، بارترا، مونیر حەداد، ئەلبا، سَرجی رۆبێرتو، ئەدریانو، ئەلێکس ڤیدال، ڤێرمالین و ماتیۆ.

ئەڤرۆ نیوز:
یاریکەرێ یانا مانچستەر سیتی و ھەلبژارتیێ کوتیڤوار یەحیا تورێ بۆ دەزگەھێن راگەھاندنا ئینگلیزی دیارکری یە ئەو دێ یانا مانچستەر سیتی یا ئینگلیزی پشتی ب دووماھی ھاتنا وەرزێ ئەڤ سالە بجھـ ھێلت چەندین یانێن بەرنیاس ل سەرئورۆپا ئامادەبوونا خوە دیارکری یە بۆ ئیمزاکرنا ھەڤبەستێ ل گەل تورێ یێ ٣٢ سالی.

ژلایەکی دیڤە رۆژنامەیێن ئیسپانی دیارکری یە یەحیا تورێ دێ یانا مانچستەر سیتی ب جھـ ھێلت ژبەر گواردیولای پشتی ب فەرمی ھەڤبەستا وی ھاتیە راگەھاند تورێ دخوازیت بەری راھێنەرێ ئیسپانی ئەرکێ یانا ئینگلیزی وەربگرت ئەو یانێ بجھـ بھێلت ژبەرکو تورێ ل دەمێ بەرشەلۆنا ب ھەمان شێوە ژبەر گواردیولای یانا بەرشەلۆنا بجھـ ھێلا بوو.

پشتی بەلاڤبوونا وی نوچەی یانا ریال مەدرید یا ئیسپانی دیارکری یە ئەو دخوازیت ھەڤبەستێ لگەل یەحیا تورێ ئیمزابکەن ئەوژی ل سەر داخوازیا راھێنەرێ یانا ریال یێ نوکە ژی پێخەمەت ب ھێزکرنا ھێلا ناڤینا یانا مەلەکی بۆ وەرزێ بھێت.