ئه‌ڤرۆ نیوز:
ل دووڤ ئه‌نجامێن ده‌ستپێكى یێن هه‌لبژارتنێن توركیا، پارتا داد و گه‌شه‌پێدان AKP حزبا ئه‌ردوگانى پرانیا كورسیێن په‌رله‌مانى توركیا مسوگه‌ر كریه و حكومه‌تا زورینه ل وى وه‌لاتى پێكبینیت.
ل دووڤ ئه‌نجامێن 89% ژ ده‌نگێن هاتینه جوداكرن، ئاكپارتى 50.2% یا ده‌نگان بده‌ستڤه ئیناینه و رێژا پێدڤى بۆ پێكئینانا حكومه‌تا پرانى بده‌ستڤه ئیناینه.
ئه‌ڤرۆنیۆز، ئه‌یاد به‌روارى
ل دووڤ دووماهی ئامارێن پرۆسا ڤاڤارتنا ده‌نگان د هه‌لبژارتنێن توركیا دا، هه‌ده‌پێ به‌ربه‌رستا 10% ژ ده‌نگان یێن ده‌ربازكرین.
ل دووڤ پشكا عه‌ره‌بی یێ سایتێ (یه‌نی شه‌فه‌ق) یێ توركی، هه‌تا نوكه 89،9% ژ ده‌نگان یێن هاتینه ڤاڤارتن و پارتیا داد و گه‌شه‌پێدانێ (ئه‌كه‌په) 41% ژ ده‌نگان یێن ب ده‌ستڤه‌ئیناین و پارتیا گه‌ل یا كۆماری ( جه‌هه‌په) 24،5% ژ ده‌نگان یێن بده‌ستڤه‌ئیناین و پارتیا بزاڤا نه‌ته‌وی (مه‌هه‌په) 11،9% ژ ده‌نگان یێن بده‌ستڤه‌ئینان و پارتیا دیموكراتی یا گه‌لان (هه‌ده‌په) رێژا 10،2% ژ ده‌نگان بده‌ستڤه‌ئینایه و پارتێن دی یێن پشدار د هه‌لبژارتناندا 3،3% ژ ده‌نگان بده‌ستڤه‌ئیناینه.
ل دووڤ وی سایتێ توركی، ل ده‌ڤه‌رێن باشوورێ رۆژهه‌لاتێ توركیا كو پتریا وان كوردن، پارتیا دیموكراتیا گه‌لان (هه‌ده‌په) رێزا ئێكێ یا ب ده‌ستڤه‌ئینای و پارتیا داد و گه‌شه‌پێدانێ (ئه‌گه‌په) ل ویلایه‌تێن ده‌ڤه‌رێن باكوور و ناڤه‌راست و باشوورێ توركیا ل رێزا ئێكێ دهێت و پارتیا گه‌ل یا كۆماری (جه‌هه‌په) ل ده‌ڤه‌رێن رۆژئاڤایێ توركیا ل رێزا ئێكێ دهێت.
هه‌ولێر، قائید میرۆ
وه‌زاه‌رتا ساخله‌میا هه‌رێما كوردستانێ د هه‌وه‌كێ دا 21 جهێن مه‌ساجكرنێ گرتن و وه‌زاره‌تا ساخله‌می ژی ته‌كه‌زكر، تنێ ئوتێلێن چوار ستێر و پێنج ستێر دشێن جهێن مه‌ساجێ ڤه‌كه‌ن.
دكتۆر رێكه‌وت حه‌مه ره‌شید، وه‌زیرێ ساخله‌میا هه‌رێما كوردستانێ ب ئه‌ڤرۆ نیۆز راگه‌هاند” ب مه‌ره‌ما كۆنتڕۆلكرنا جهێن مه‌ساجكرنێ و پاراستنا وه‌لاتیان ژ نه‌خۆشیێن دهێنه ڤه‌گوهاستن لیژنا بلندا رێكخستنا جهێن مه‌ساجێ ل ڕۆژێن بۆری پێنج سه‌ره‌دانێن مه‌یدا ل باژێڕێن هه‌رێما كوردستانێ ئه‌نجامداینه و كارینه 21 جهێن مه‌ساجكرن بگرن”.
دكتۆر رێكه‌وتی گۆتژی” ئه‌ف هه‌وا گرتنا جهێن مه‌ساجێ پشتی ,ێ چه‌ندێ دهێت، كۆ وه‌زاره‌تا ساخله‌می بڕیاردایه جهێن مۆهله‌ت نه‌بیت بهێنه‌گرتن و تنێ ئوتێلێن چوار ستێر و پێنج ستێر دشێن سه‌نته‌رێن مه‌ساجێ ڤه‌كه‌ن”.
ئه‌ڤرۆنیۆز، سالار دۆسكى:
مامۆستایه‌كێ زانكۆیێ ئاماژه دكه‌ت وێ چه‌ندێ كو دێ ده‌نگێن كوردان زێده‌بن و پێكئینانا حوكمه‌تا زورینه دێ گه‌له‌ك یا بزه‌حمه‌ت بیت و پارتا داد و گه‌شه‌پێدان نه‌شێت هیڤێن خوه بجهبینت.
زێره‌ڤان به‌روارى مامۆستایێ زانكۆیێ و شاره‌زا دكارۆبارێن توركیا دا بۆ ئه‌ڤرۆ نیۆز گۆت: هه‌لبژارتنێن گه‌را دوویى ل توركى ل ده‌مه‌كى دا هاتن، پشتى كو لایه‌نیین توركى نه كارین رێكه‌فتنا سیاسى ل سه‌ر دروستكرنا حكومه‌تا هه‌ڤپه‌یمانى دروست كه‌ن.
مامۆستایێ زانكۆیێ هێشتا گۆت: هه‌ڤركیا سه‌ره‌كى د نافا كوردان ب نوینه‌راتیا HDP و داد وگه‌شبیدان ل هه‌نده‌ك بازنێین سه‌ره‌كى یه وه‌كى ده‌فه‌را 3 ل استنبولی و باكوورى كوردستانى، كورد د ڤان هه‌لبزازتنا دى رێژا ١٠٪ ده‌رباز كه‌ن، چونكه گوهرینا رێژا ده‌نگان د ڤان هه‌لبژازتنا دا دێ دنافبه‌را MHP و AKP دا بیت چونكه داد وكه‌شبیدان د ماوه‌ى سى هه‌یڤێن بورى دا ل سه‌ر هه‌ستا تورك به‌رستى كار كریه و ل باده‌كا ده‌ركى ژى هه‌ول دایه خوه نێزیكى ئیكه‌تیا ئه‌وربى بكه‌ت كو ئه‌ڤ جه‌نده دێ كارتێكرنا ل سه‌ر ده‌نكین MHP و CHP كه‌ت د به‌رژه‌وندیا داد وكه‌شبیدان دا.
ئەڤرۆ نیوز، هۆشەنگ تاجر:
خەلکێ تاخا ئەلعەزیز یا سەر ب باژێرێ سیڤەرەکێ ل پارێزگەها روحایێ پشکداری د هەلبژارتنان دا نەکرن و راگەهاندن کو دەمەکە ئاڤ و کارەبا تاخێ مە تێک چوویە و حوکمەت ژی چو گرنگیێ نادەتە مە و ژ بەر هندێ ژی مە ناچینە سەر سندۆقێن دەنگدانێ، رۆژناما رادیکال یا تورکیا ژی دیار کر کو ١٨٢ کەسان ل وێ تاخێ مافێ دەنگدانێ هەبوو.
ئەڤرۆ نیۆز، قائید میرۆ:
ترۆمبێلەکا بۆمبڕێژکری یا تیرۆرستێن داعش ژلایێ ھێزێن پێشمەرگەی ھاتە پەقاندن، کو دخواست خالەکا پشکنینا پێشمەرگەی بکەتە ئارمانج.
غەیاس سورچی، پەیڤدارێ مەلبەندێ نەینەوا یێ ئێکەتیێ ب ئەڤرۆ نیۆز راگەھاند” ئەڤرۆ ترۆمبێلەکا ژ جۆرێ بی ئێم ل گوندێ عەوێنات یێ سەر ب ناحیا رەبیعە دخواست خوە ب خالەکا پشکنینێ یا ھێزێن پێشمەرگەی بپەقینیت، بەلێ بەری بھێتە پەقاندن پێشمەرگەی ترۆمبێل ژناڤبر و پەقی.
سورچی گۆتژی” ئەف ترۆمبێلا تیرۆرستێن داعش بەری بگەھیتە خالا پێشمەرگەی دیارە پێشمەرگەی ھەست ب تەقینێ کریە و پشتی نێزیکبوونێ پێشمەرگەی تەقە لێکریە و د ئەنجامدا پەقی و ژبلی زیانێن ماددی چو زیانێن گیانی نەبوون.
ئەڤرۆ نیوز، ئەیاد بەرواری:
رۆژناما الشرق الاوسط یا لەندەنی راپورتەک ل دۆر ھەلبژارتنێن ئەڤرۆ یێن تورکیا بەلاڤکریە و تێدا ئاماژە دا کو پارتیا دیموکراتیا گەلان (ھەدەپە) دخوازیت سەرکەفتنا خوە د ھەلبژارتنێن بۆری دا ل خزیرانا ٢٠١٥ ێ دوبارە بکەت دەمێ بوویە رێگر کو پارتا دادپەروەریێ و گەشەپێدانێ (ئەکەپە) زورینەیێ بدەستڤەبینیت.
رۆژناما ناڤبری دیارکر کو حزبا سەرۆکێ تورکیا (ئەکەپە) بزاڤێ دکەت ٢٧٦ کورسیان ژ سەرجەمێ ٥٥٠ کورسیێن پەرلەمانێ نورکیا بدەستڤەبینیت، پشتی د ھەلبژارتنێن بۆری دا ل ھەفتێ خزیرانا ٢٠١٥ ێ و بۆ جارا ئێکێ ھەر ھاتنا وێ حزبێ بۆ دەستھەلاتێ ل سالا ٢٠٠٢ ێ ، نەشیای زورینەیا پەرلەمانی بدەستڤەبینیت و ھەتاکو د دانوستاندنان دا ژی نەشیا حوکمەتێ پێکبینیت و د ئەنجامدا ھەلبژارتن ھاتنە دوبارەکرن.
ل دووڤ رۆژناما (الشرق الاوسط)، ھەڤڕکی د ھەلبژارتنێن ئەڤرۆ یێن تورکیا دا دێ د ناڤبەرا ئەردوگانی ئەوێ ھەڤرکێن وی ب بزاڤا زیندیکرنا حوکمرانیا سولتانێن ئوسمانی تومەتبار دکەن، و سەرۆکێ پارتا دیموکراتیا گەلان (ھەدەپە) دا (سەلاحەدین دەمیرتاش) پارێزەرێ گەنج کو ب (ئۆبامایێ کوردی) دھێتە ناڤکرن.
ئەڤرۆ نیۆز، ھۆشەنگ تاجر:
ئدریس بالوکەن بەربژێرێ پارتیا دیموکراتیک یا گەلان راگەھاند کو بەلگە د دەستێ وان دا ھەنە کو تیمێن تایبەت یێن تورکیا ل چەند قەزایێن سەر ب پارێزگەھا ئامەد و باتمانێ ب چەکێن خوە ل بەر بنگەھێن دەنگدانێ نە و ئاستەنگیان ل ھەمبەر کوردان دروست دکەن، ل ھەمبەر وێ یەکێ ژی جێگرێ سەرۆکێ پارتیا داد و گەشەپێدان نومان کورتولمیش راگەھاند کو چو راستی بۆ تشتەکێ وەسا نینن و ئەو کەس ئێمناھیا سندۆقان دپارێزن.
نيشاندان