ئەڤرۆ نیوز:
یاریکەرێ ھەلبژارتیێ عیراقێ وی یانا سویند تاون یا ئینگلیزی ئەوا دخۆلا پلا دو دا یاریێ کەت بۆ پەیامنێرێ کەنالێ mbc دیارکری یە ئەو گەھشتی یە رێککەفتنێ ل گەل یانا سوانزی سیتی یا ئینگلیزی ئەوا یاریێ دخۆلا پلا نایاب دا کەت و بریارە ئەڤرۆ ھەتا سوباھی ب فەرمی ھەڤبەستا وی ل گەل وێ یانێ بھێتە راگەھاندن.
ھەژی گوتنێ یە یاسر قاسم نوکە دھێتە ھژمارتن ئێک ژ باشترین یاریکەرێن ھێلا ناڤین ل سەر ئاستێ ھەلبژارتیێ عیراقێ خودان رەگەز نامەیا برێتانی و عیراقی یە .
ئەڤرۆ نیوز، زنار تۆڤی:
دەرھێنەر و سینەماکارێ کوردێ مەزن یەلماز گۆنای سەرھاتیەکا ژیانا خۆ ڤەدگۆھێزیت دەمێ قوتابی ل وەلاتێ تورکیا و دبێژیت،دەمێ ئەز قوتابی ل قوناغا سەرەتایی ل قوتابخانێن تورکی،دەمێ ماموستایەکێ پۆلێ زانی ئەز کوردم،وی ماموستای ددانا من خۆ ھەکە من پرسیارا وی بەرسڤ دابا یان ژی بەرسڤ نەدا با.
پشتی من خواندنا خۆ بدوماھی ئینای و ئەز دەرچوویم،من دەست ب چێکرنا فلمان کر،من گۆە لێ بوو کو ئێشا پەنجەشێرێ یا ھاتیە وی ماموستای،لێ من ھەمی داھاتیێ وی فلمی بۆ چارەسەریا وی ماموستای مەزاخت،لەورا ھەمی ھەڤال و ئەو کەسێن ئەز نیاسیم حێبەتی مان.
گۆنای دبێژیت،من گۆتە وان ئەڤ کارە نە کارێ مرۆڤایەتیێ و (زەمیریە)،لێ من دڤیا ئەو ماموستا شەرم ژ نەفسا خۆ بکەت،ھەروەسا بزانیت کو کورد نە گیانەوەرن،لێ وان شیانێن ژ وان مەزنتر ھەنە بۆ لێبۆرینێ.
ئەڤرۆ نیۆز، قائید میرۆ:
پەرلەمانتارەکێ پارتی ئاشکراکر، شاندێ ھەرێما کوردستانێ لسەر داخوازا ئەمریکا سەرەدانا بەغدا کریە و بدەستێ ڤالاژی ڤەگەڕیایە.
شاخەوان عەبدولا، پەرلەمانتارێ پارتی لپەرلەمانێ عێراقێ ب ئەڤرۆ نیۆز راگەھاند” سەرەدانا شاندێ ھەرێما کوردستانێ بۆ بەغدا لسەر پێشنیارا ئەمریکایە و کارەکێ باشبوو، ژبەرکو ئەمریکا ئەف داخوازکریە و ئیدی حوکمەتا ھەرێما کوردستانێ تۆمەتبارنابیت ب تێکچوونا پەیوەندیێن دگەل بەغدا.
شاخەوانی گۆتژی” بەری شاندبچیت بۆمن داخویانی داینە کەنالێن راگەھاندنێ کو شاندێ ھەرێمێ دێ ب دەستێ ڤالا ڤەگەڕیت و نوکەژی ئەز یێ رژدم لسەر بۆچوونا خوە، ژبەرکو بەغدا ناخوازیت ئاریشەیێن دگەل ھەرێما کوردستانێ بھێنە چارەسەرکرن.
ئەڤرۆ نیوز، ھەژار مەعروف:
دەستەیا کارگێریا یانا زاخۆ یا بەردەوامە ل سەر دروستکرنا پروژا ژ پێخەمەت ب دەستڤە ئینانا کوژمەکێ پارەی بۆ بھێزکرنا شیانێن دارایی ل یانێ .
کارگێریا یانا زاخو ب فەرمی راگەھاندی یە پێشەنگەھا جلوبەرگێن وەرزشی یا تایبەت ب یانا زاخۆ ڤە کەفتە کاری و ل وێ پێشەنگەھێ ھەمی جلوبەرگێن گرێدای یانا زاخۆ دھێنەفروتن و داھاتیێ وێ بۆ یانا زاخۆ دڤەگەریت .
ئەڤرۆ نیۆز، قائید میرۆ:
ھژمارەک دەزگەھێن راگەھاندنێ بەلافکریە ئەڤرۆ ل میحوەرێ مەخموور ھژمارەک گوندێن بن کۆنتڕۆلا داعش ژلایێ حەشدا وەتەنی و پێشمەرگەی ھاتینە ئازادکرن.
ئەحمەد ئەنوەر، پەیڤدارێ میحوەرێ مەخموور ب ئەڤرۆ نیۆز راگەھاند” کو راستە ئەڤرۆ شەڕۆ پێکدادان ل میحوەرێ مەخموور چێبوویە دناڤبەرا داعش و ھێزێن ئەمنی، بەلێ چو گوند نەھاتینە ئازادکرن.
ئەنوەری گۆتژی” شاشیەک د پلانا ئازادکرنا ئەڤان گونداندا ھەبوو، میحوەرێ مەخموور سبە دێ بفەرمی داخویانیەکێ لدۆر ڤێ چەندێ بدەت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 1ى شوباتا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1243 |
| 1 يۆرۆيێ ئه‌ورۆپى | 1345 |
| 1 ليرێ توركى | 415 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، ھەژار مەعروف:
رۆژنامەیێن بریتانی دیارکری یە ھەڤالا رونالدویی یا بەری نوکە ئیرینا شایک یا روسی ژ ھەڤالێ خوە یێ نوکە ئەکتەرێ بەرنیاس یێ ئەمریکی برادلی کۆپەر ژی جودابووی یە ژبەر ھەمان ئەگەرێن ل گەل رونالدوی.
ئەوان رۆژنامەیێن برێتانی دیارکری نە ئیرینا دخوازت برادلی ژ دەیکا خوە جودابیت و وێ ژیانا خوە بینتە دەرێ ژبەرکو گرنگیەکا مەزن دا دەیکا خوە لێ ئەکتەرێ ئەمریکی ئەو داخوازیا وێ ب جھـ نە ئینا و ھەمان رۆژناما ئاماژە ب وێ چەندێ ژی کریە ئیرینا پشتی ژ برادلی جودابووی کەفتیە د ھەڤالینیەکا نووی دا ل گەل نمایشکارێ کور یێ برێتانی ستیفان جیمس کو ئەڤە دبیتە کەسێ سیێ پشتی ژ رونالدوی جودابووی ھەڤالینا ئەوان کەت کو دەست ژ دوان بەردایە
ھەژی گوتنێ یە ھەمان شێوە ئیرینا شایک داخوازی ژ رونالدو ژی کر بوو لێ یاریکەرێ یانا ریال مەدرید ئەو چەندە رەتکر بوو ژبەر ھەمان ئەگەر رونالدو ژی ب جھـ ھێلا بوو.
ئیرینا ل گەل دەیکا برادلی کو دخوازت دەیک و کورا ژێک جودا بکەت لێ ئەکتەرێ برێتانی خواست بەردەوامی ب دەتە ژیانێ ل گەل دەیکا خوە
ئیرینا ل گەل دوین جونسون یێ بەرنیاس روک قارەمانێ جیھانێ WWE کو دەمەکێ کورت ھەڤالینی ل گەل روکی ژی بوراند بوو
ئیرینا بوو ماوێ پێنج سالان مابوو ل گەل رونالدوی لێ ل دووماھی ئاریشە دناڤبەرا وێ و رونالدویی دا پەیدابوون پشتی داخوازی ژ رونالدوی کری ژ دەیکا خوە جودابیت کو رونالدوی ئەو داخوازیا وێ رەتکر بوو
ئەڤرۆ نيوز:
سترانبێژا گەنج لۆکا زاھیر ئاشکەرا کر، ھەتا نوکە چەندین جاران ژ وێ ھاتیە خواستن وەکو ئەکتەر پشکداریێ د فلمێن سینەمایی یێن کوردی دا بکەت، لێ ئەو رازی نەبوویە، و دبێژیت: ھەتا دمرم دێ بەس سترانان بێژم.
ناڤھاتیێ گۆت: دەمێ من دەست ب ھونەری کری، من سترانگۆتن ھەلبژارت، و سوپاس بۆ خودێ و ھەموو ئەو کەسێن ھاریکاریا من کرین، ئەڤرۆ ئەز خوە ب سترانبێژ دبینم، لەورا من ل بەرە نینە ژبلی سترانان چو کارێن دی بکەم.
ھێشتا گۆت: راستە ئەڤ داخوازە ژ من ھاتیە کرن، لێ ئەز رازی نەبوویمە، چونکو کارێ من نە ئەکتەری یە.
ل دۆر نووترین کارێ خوە یێ ھونەری گۆت: ئەلبۆمەکا سترانان یا دقۆناغا تۆمارکرنێ دا، و بتنێ چەند کارێن کێم ماینە، لێ ژبەر کاودانان ئەڤە دەمەکە مە راگرتیە، و ھیڤیا من ئەوە ل دو ھەڤێن بھێن ب دووماھی بینم، و بۆ نەورۆزێ بەلاڤ بکەم.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو هه‌تا نوكه چو ژڤان بۆ به‌لاڤكرنا مووچێ هه‌يڤا ئيلۆنێ يێ فه‌رمانبه‌ران ديار نه‌كريه، ئه‌ندامه‌كێ لژنا كاروبارێن داراى و ئابوورى و وه‌به‌رهێنانێ ل په‌رله‌مانێ كوردستانێ ژى دبێژيت ئه‌و ب چو ره‌نگى ئاگه‌هدارى به‌لاڤكرنا مووچه‌ى نه‌بووينه.
ب مه‌ره‌ما وه‌رگرتنا پێزانينان ل سه‌ر به‌لاڤكرنا مووچێ فه‌رمانبه‌رێن هه‌رێما كوردستانێ خه‌ندان په‌يوه‌ندى ب رابه‌ر سه‌ديق رێڤه‌به‌رێ ژمێريارى و بريكارێ وه‌زاره‌تا دارايى و ئابوورى كر.
ناڤبرى ب مه‌ره‌ما پشكداريكرنێ د كۆمبوونێ دا به‌رسڤ نه‌دا و سكرتێرێ ناڤبرى ژى بۆ خه‌ندان گۆت: “هێشتا چو ژڤان بۆ به‌لاڤكرنا مووچێ فه‌رمانبه‌ران ديار نه‌كرينه”.
گۆتژى: “كۆمبوونا نوكه بريكارێ وه‌زاره‌تا داراى تێدا چو په‌يوه‌ندى ب به‌لاڤكرنا مووچه‌ى ڤه نينه”.
سۆران عۆمه‌ر ئه‌ندامێ لژنا كاروبارێن دارايى و ئابوورى و وه‌به‌رهێنانێ ل په‌رله‌مانێ كوردستانێ بۆ خه‌ندان گۆت: “ئه‌م وه‌كو په‌رله‌مانتار ب چو ره‌نگه‌كى ئاگه‌هدارى به‌لاڤكرنا مووچێ فه‌رمانبه‌ران نينين”.
نيشاندان
