ئه‌ڤرۆ نيوز:
زەیتا زەیتوونا گەلەک ل دەوروبەرێن دەریایا سپی دھێنە ب کارئینان و ئێمنترین تشتە بۆ ساخلەمی و دلێ مرۆڤی و تایبەتمەند شیرەتان دکەن کو رۆژانە زەیتا زەیتوونا ل سەر خوارنێ بھێتە زێدەکرن، بەلێ ڤەکولین دبێژن کو خوارنا وێ ب رەنگەکێ رێکخستی مرۆڤی ژ نەخوشیێن دلی و گرتنا خوینھنێران دپارێزیت و دیسان زەیتا زەیتوونا یا ب مفایە بۆ نەخوشێن شەکرێ و کاردکەت دژی پەنجەشێرا قولونێ و دیسان بۆ نەخۆشێن رەبوویێ ژی گەلەک یا باشە.
ئه‌ڤرۆ نيوز:
لەشێ مرۆڤی دێ تێکچیت دەمێ خەلەتیەک دکەڤیتێ، لەشێ مە وەکو سیستەمێ کومپیوتەری یە و ھەر دەمێ خەلەتیەک پەیدابوو دێ کونترول ئیشارەتێ دەتە مرۆڤی و دڤێت چارەبکەی.
ئێشانا سینگی و بێھنتەنگی و گێژیاتی ھندەک نیشانێن بەرچاڤن بۆ مرۆڤان، بەلێ ھندەک ئاریشەیێن دیتر ژی ھەنە رەنگە مرۆڤی ژناڤ ببەن وەکو ئێشانان و ھەبوونا وەرەمان دلەشیدا و پرسیار ل ڤێرێ ئەوە ئەرێ کەنگی ئەو جھێ مەترسیێ نە؟
1- کێمبوونا کێشا لەشی بێی ھەبوونا ئەگەرەکێ بەرچاڤ: رەنگە ل پشت ڤێ چەندێ ھندەک نیشانێن ب مەترسی ھەبن، شولمان دبێژیت: ھەکە تو ل دووڤ رێجێمەکا خوارنێ دچی ھەلبەت دێ سەنگێ تە کێم بیت، بەلێ ھەکە خوارنا تە نەھاتە گوھارتن و سەنگێ تە کێم بوو رەنگە ئەو نیشانا نەخۆشیەکا ب مەترسی بیت. و دیسان دبێژیت: ل دەمێ ھەبوونا پەنجەشێرا ھێلدانکا بەرڤاژی ڤێ چەندێ پەیدادبیت و ل وی دەمی دێ شلەمەنی دناڤ لەشیدا کومڤەبن و ژن دێ وەسان ھزر کەت کو یا قەلەو دبیت، بەلێ ھەکە سەنگێ مرۆڤی یێ جێگیربیت و ئێکسەر گوھۆرین پەیدابوون پێدڤیە شیرەتان ژ نوشدارەکی وەربگریت.
2- ترتریبوون دئاخفتنێ دا، فالنجی بوون، بێھێزی، ئەو ئێشانا وەکو دەرزیکا یان وەکو سوتنێ و تەمبەلبوون: ئەڤە ھەموو نیشانێن جەلتەیا مێشکی نە، لەورا یا پێدڤیە ل سەر توشبووی سەرەدانا نێزیکترین بنگەھێ تەنگاڤیان بکەت، ژبەرکو چارەسەریا زوو دێ توشبووی ژ پوچبوونا مێشکی پارێزیت، بەلێ ترتریبوونا ئاخفتنێ ھندەک جاران بێی مرۆڤ ھەست پێ بکەت پەیدادبیت، ل دووڤ گوتنێن شولمانی رەنگە ئەو ببیتە ئەگەرێ جەلتێ دخوینێ دا یان خوین بەربوون د موودەماران دا پەیداببیت.
4- سەرئێشان ھەکە گەھشتە ستووی و گەرماتیا لەشی بلند بوو: ئەو نیشانێ ب ھەودانا سحایا یان مێشکی ددەت، دەمێ ھەودان یا بەکتری بیت توشبووی نەشێت ستوویێ خو ل سەر سینگێ خۆ راکەت، شولمان زێدەدکەت و دبێژیت: پێدڤیە ئێکسەر نەخۆش دەرمانێن دژەزیندەوەر ب کاربینیت داکو بەکتریا بھێنە کوشتن بەری بگەھنە مێشکی.
5- ھاتنا عادەیا ھەیڤانە پشتی ژیێ چل سالیێ: دبیت ئەڤە نیشانا توشبوونێ بیت ب پەنجەشێرێ و ھندەک ژن وەسان ھزر دکەن کو ئەڤە ژ برینەکێ پەیدادبیت، بەلێ شولمان دبێژیت: دوبارە ھاتنا عادەیا ھەیڤانە پشتی چل سالیێ رەنگە نیشانا پەنجەشێرا مالبچووکی بیت .
ئەڤرۆ نیوز، شەھلا رێکانی
لدووڤ ئەنجامێ راپرسیەکێ دەرکەفتیە پتریا زەلامێن فرەنسی د کارێن مالێ دا ھەڤکاریا ژنێن خوە دکەن.
ل پەی ئەنجامێ ئەوێ راپرسیا ژ ئالیێ ڤەکولەرێن پەیمانگەھا ئەیبسوس- سازنزا ھاتیە ئەنجام دان، دەرکەفتیە کو 44% زەلامێن فرەنسی ھەڤکاریا ژنێن خوە دکەن د کارێن مالێ دا.
د ھەمان دەمدا لدووڤ راپرسیێ زەلام و ژنێن فرەنسی ب ھەڤڕا و ب ئاوایەکێ یەکسان کارێن خوە دناڤبەرا خوەدا دابەش کرینە، ھەروەسا د ئەنجامێ راپرسیێ دا ئەو چەندە ژی دەرکەفتیە کو پتریا زەلاما مژوولی بکارئینانا گێسکێ کەھرەبێ و پاقژکرنا کەلوپەلێن ناڤمالێ نە، دگەل ھندێ ژی ھەر روژ پێدڤیێن گرنگێن روژانە دکڕن.
ژ ئالیەکێ دیڤە 68% ژنێن فرەنسی ئەوێ چەندێ ئاشکرا دکەن کو پتریا وان زەلاما کارێن سەرەکی یێن ناڤمالێ دکەن و بەرامبەری ڤێ چەندێ 62% ئەو کوڕ و کچێن تازە ژیانا ھەڤژینیێ پێکئینای ب ئاوایەکێ زور باش ھەڤکاریا ئێکدو دکەن و د کاروبارێن ئێکدودا د پشکدارن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 31ى كانوونا دويێ يا سالا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1240 |
| 1 يۆرۆيێ ئه‌ورۆپى | 1340 |
| 1 ليرێ توركى | 410 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
چه‌نده‌كێ به‌رى نوكه كۆمبوونا شاندێ هه‌رێما كوردستانێ ب سه‌رۆكاتيا سه‌رۆكێ حوكمه‌تا هه‌رێما كوردستانێ ل گه‌ل شاندێ به‌غدا ب دووماهى هات.
بۆ چاره‌كرنا كێشا ناڤبه‌را حوكمه‌تا هه‌رێما كوردستانێ و حوكمه‌تا عيراقێ، شانده‌كێ هه‌رێما كوردستانێ ئه‌ڤرۆ رۆژا ئێكشه‌مبى رێكه‌فتى 31ى كانوونا دويێ سه‌ره‌دانا به‌غدا كر و نوكه كۆمبوونا هه‌ردو لايان ب دووماهى هات.
وه‌ڤدێ هه‌رێما كوردستانێ نێچيرڤان بارزانى، سه‌رۆكێ حوكمه‌تا هه‌رێما كوردستانێ سه‌رۆكاتيا وى دكه‌ت و هه‌ر ئێك ژ قوباد ته‌له‌بانى، جێگرێ سه‌رۆكێ حوكمه‌تا هه‌رێما كوردستانێ و فوئاد حسێن، سه‌رۆكێ ديوانا سه‌رۆكاتيا هه‌رێمێ و فه‌لاح مسته‌فا، به‌رپرسێ فه‌رمانگه‌ها په‌يوه‌نديێن ده‌رڤه يا هه‌رێما كوردستانێ و سه‌فين دزه‌ى، ئاخفتنكه‌رێ ب ناڤێ حوكمه‌تا هه‌رێما كوردستانێ يێ ل گه‌ل شاندێ سه‌رۆكێ حوكمه‌تا هه‌رێما كوردستانێ.
ئەڤرۆ نیوز:
ھونەرمەندا ناڤدارا عەرەب شرین عەبدولوەھاب راگەھاند، ئەو ژبریارا خوە یا بەری نوکە یا لێڤە بووی و ل دەمێ بھێت دێ شوو کەت.
ناڤبریێ د بەرنامەکێ ھونەری دا گۆت: پشتی ئەزو ھەڤژینێ خوە ژێکڤە بووین، من بریاردا بوو ئێدی شوو نەکەمە ڤە و بتنێ بژیم. لێ پشتی چەند سالان بۆ من دیاربوو بریارا من نەیا دروست بوو، چونکو رۆژ بۆ رۆژێ ئەز یا ھەست ب ڤالابوونەکێ دکەم و ھەست پێ دکەم تشتەکێ سەرەکی د ژیانا مندا یێ کێمە، لەورا ئەز ژوێ بریارێ لیڤە بوویمە و دووماھی ئاخفتنا من ئەوە دێ شووکەم.
ھێشتا گۆت: ل دەمێ بۆری چەند کەسان داخوازا ھەڤژینیێ ژمن کرینە، لێ ئەز رازی نەبوویمە، لێ ژئەڤرۆ وێڤە دێ یا رازی بم، و بتنێ من مەرجەک ھەیە، ئەو ژی ئەو کەسێ ئەز شوو پێ دکەم رێگریێ ل من نەکەت.
ئەڤرۆ نیوز:
بریارە ئەڤ شەڤە ل یاریگەھا خوە یانا ریال مەدرید مێڤانداریا یانا ئیسپانیول بکەت ژ چارچوڤێ یاریێن گەرا ٢٢ ژ خۆلا ئیسپانیا یا تەپا پێ و چاڤەرێ دھێتەکرن بۆ ڤێ یاریێ راھێنەرێ فەرەنسی یێ یانا ریال مەدرید زێدان پشت بەستنێ ل سەر ھەمان پێکھاتیێ تیمێ بکەت یێ یاریا بوری بتنێ گوھورینەکێ د پێکھاتیێ خوە دا کەت ئەوژی ل ھێلا بەرەڤانیێ .
نافاس دێ گولا یانا ریال پارێزیت دڤێ یاریێ دا
ل ھێلا بەرەڤانیێ سێرجیو راموس دێ ل جھێ پیپێ کەت ئەوێ توشی ھنگافتنەکێ بووی و نوکە راموس ژی ب تمامی ژ ھنگافتنێ ب دووماھی ھاتیە
یاریکەرێ فەرەنسی فاران دێ ل ھێلا بەرەڤانیێ وەکو یاریکەرەکێ سەرەکی کەت
ل ھێلا بەرەڤانیێ لایێ راستێ دانی کارباخال و لایێ چەپێ مارسَلو یاریێ کەن
ل ھێلا ناڤێن زێدان دێ پشت بەستنێ ل سەر ھەمان یاریکەرێن یاریێن بوری کەت ئەوژی ھەر ئێک ژی تونی کروس و ئیسکو، لوکا مودریچ و خامیس رۆدرێگیز
ل ھێلا ھێرشبەریێ مەکینا گولێن ریال مەدرید ل وەرزێ ئەڤ سالە رونالدو و کەریم بن زیما ئەوێ ھەردەم سەرکەفتی ل یاریگەھا سانتیاگو بێرنابیو
ئەڤرۆ نیوز:
سترانبێژا دووری وەلات ھێلی لۆڤێ ل سەر لاپەرێ خوە یێ تایبەتێ ئنستیگرامی راگەھاندیە، ئەو خوە ب شێرە کچ دنیاسیت، و گۆت: راستە ئەز سترانبێژم، بەلێ ئەز کچەکا شۆرەشگێرم ژی،چونکو دەستپێکا منا سترانگۆتنێ وەکو شۆرەشەکێ بوویە، و ھەتا ئەزدمرم دێ شانازیێ ب وێ دەستپێکێ بەم.
ھێشتا گۆت: دەمێ من دەست ب سترانگۆتنێ کری گەلەک ئاستەنگ بۆ من پەیدا بوون، چونکو من ھندەک پێنگاڤ ھاڤێتن، بەری من چو سترانبێژێن کچ نەھاڤێتبوون، لەورا ئەز تووشی ھندەک رەخنان بووم، لێ من بۆ خوە نەکرە خەم و بەردەوامی ب وێ پلانێ دا یا کو من باوەری پێ ھەی.
د دووڤدا گۆت: بۆ دەمێ چەند ھەیڤانە ئەز مژوولی ئەلبۆمەکا نوومە، لێ من نەڤێت لەزێ تێدا بکەم، چونکو ھەر کارەکێ بلەز بھێتە کرن دێ یێ خاڤ و سست بیت.
ل دووماھیێ دبێژیت: ل دەمێ بھێت دێ بۆ حەزژێکەرێن دەنگێ خوە سۆپرایزەکێ چێکەم، لێ من نەڤێت نوکە ل سەر باخڤم.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا دوشه‌مبى رێكه‌فتى 1ى شۆباتێ يا 2016ێ ئه‌سمان دێ ساهى و هنده‌ك ئه‌ورێن كێم بيت و پاشان ژى ئه‌و ئه‌ور دێ پيچه‌كێ زێده‌تر لێ هێت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن نزمێن ده‌ريا سۆر بۆ سه‌ر هه‌رێما كوردستانێ دهێته پێشبينيكرن ئه‌سمان دێ ساهى و هنده‌ك ئه‌ورێن گه‌له‌ك كێم بيت و پاشان ژى ئه‌و ئه‌ور دێ پيچه‌كێ زێده‌تر لێ هێت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى دێ 9 بۆ 10كم بيت، پلێن گه‌رمێ ژى دێ د ناڤبه‌را (0 بۆ 10) پلان دا بيت.
نيشاندان
