ئه‌ڤرۆ نيوز، زنار تۆڤى:
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
كلینیكێن نوشدارى یێن ئێڤاران به‌ر ب گرتنێ دچن
ئه‌ڤرۆنیۆز، سالار دۆسكى:
هشیار گولى ئه‌ندامێ لژنا ساخله‌میێ ل ئه‌نجوومه‌نێ جڤاتا پارێزگه‌هێ بۆ ئه‌ڤرۆ نیۆز دیاركر كو كلینیكێن ئێڤاریان ئه‌وێن حوكمه‌تێ بۆ هاریكاریا وه‌لاتیان ڤه‌كرین به‌ر ب گرتنێ دچن و ل زاخۆ ئێك هاتیه‌گرتن و ئه‌ڤه ژ به‌ر كو حوكمه‌تێ پێ چ نابیت ده‌رمانان بۆ بكریت.
ناڤبرى گۆت: دو كلینیكێن نوشدارى ل زاخۆ ڤه‌بوون(سه‌ید سالح یوسفى و خابوور) یا شه‌هید سالح یوسفى هاتیه‌گرتن چونكه ئه‌و نوشدارێن ئه‌وان جهان كاردكرن هه‌موویان ب خوه بنگه‌ه ڤه‌كرن و ده‌ستیردان وه‌رگرتن، نوشدار نه‌مان، دیسان بهایێ ده‌رمانان نیڤه‌ك خه‌لكى دا و نیڤه‌ك حوكمه‌تێ و ئێدى حوكمه‌تێ ژى پێ چ نه‌بوو بهایى بده‌ت هه‌موو كه‌ته سه‌ر خه‌لكى و هه‌كه بڤى ره‌نگى بیت دێ هێنه گرتن.
په‌رله‌مانى پێشنياز كريه كرێيا خواندنا ئێڤاران بۆ ڤێ رێژێ كێم ببيت
ئه‌ڤرۆ نيوز، ره‌وان نهێلى:
د.ئيبراهيم سمو سه‌رۆكێ لژنا په‌روه‌رده و خواندنا بلند ل په‌رله‌مانێ كوردستانێ بۆ ئه‌ڤرۆ نيوز دياركر كو وانا د حه‌فتيا چوويى دا كومبوونا خوه يا ئه‌نجامداى و ب رێيا سه‌رۆكايه‌تيا په‌رله‌مانى داخواز كريه كو داخواز ژ ئه‌نجومه‌نێ وه‌زيران بهێته كرن كو داخواز ژ وه‌زاره‌تا خواندنا بلند بهێته كرن كو كرێيا خواندنا ئێڤاران ل زانكۆ و په‌يمانگه‌هێن حكومى ب ڤى ره‌نگى كێم ببيت: پشكێن زانستى ژ مليونێك و 500 هزار ديناران زێده‌تر نه‌بيت و بۆ زانستێن مروڤايه‌تى ژ 800 هزار ديناران زێده‌تر نه‌بيت و په‌يمانگه‌هان ژ 500 هزار ديناران زێده‌تر نه‌بيت .
د.ڕێبوار کەریم به‌رپرسێ په‌يوه‌نديێن ده‌رڤه يێن زانكۆيا گه‌شه‌پێدانا مروڤى راگه‌هاندبوو: برياره رۆژا دوشه‌مبى 1 شوبانێ، كومبوونا وه‌زاره‌تا خواندنا بلند ل گه‌ل سه‌رۆك زانكۆيان بهێته ئه‌نجامدان و ل سه‌ر كرێيا خواندنێ رێكبكه‌ڤن.
چار كه‌س بریندار دبن
دینارته ، نه‌وزاد زاده هلۆرى:
ئێڤاریا ئه‌ڤرۆ رۆژا شه‌مبى ژ ئه‌نجامێ روودانه‌كا ترافیكێ چار كه‌س بریندار دبن.
رێكه‌فت زاهێر به‌رپرسێ راگه‌هاندنا هاتن و چوونا ئاكرێ بۆ ئه‌ڤرۆ نیوز گۆت : ( ئێڤاریا ئه‌ڤرۆ ل ده‌مژمێر 1:45 خوله‌ك رودانه‌كا ترافێكى ژ جورێ وه‌رگه‌ریان ل دوریانا گوندێ گربیش یا سه‌ر ب ناحیا دینارته‌ڤه درۆست بوو و د ئه‌نجام دا چوار كه‌س برینداربون ، و ئه‌و ترومبێلا وه‌رگه‌ریایى ژ جورێ هوندا ئه‌لنترا تایبه‌ت ب ره‌نگێ سپى بو)
زێده‌تر گۆت : ( بریندارێن روودانى َبو نه‌خوشخانا هه‌وارهاتنا ئاكرێ هاتنه ره‌وانه‌كرن داكو چاره‌سه‌ریا وان بهێته‌كرن ، و دیسان زیانێ، ماددێ، زور به‌ر ترومبێلێ كه‌فتینه )
هه‌یڤا بهێت دێ ده‌ست ب ئاڤاكرنا ژێرخانا غازا سرۆشتی يا هه‌رێمێ هێته‌كرن
ئه‌ڤرو نیوز ، نه‌وزاد زاده هلۆرى:
هه‌یڤا داهاتى دێ ده‌ست ب ئاڤاكرنا ژێرخانا غازا سرۆشتى یا كوردستانێ هێته‌كرن و په‌رله‌مان ژى ئاشكرادكه‌ت كو هه‌رێما كوردستانێ یه‌ده‌كه‌كێ زور یێ غازێ هه‌یه كو دشیاندایه ل ئاینده پێدڤیێن ئه‌وروپا دابین بكه‌ت.
دلشاد شه‌عبان جێگرێ سه‌رۆكێ لیژنا سامانێن سرۆشتى ل په‌رله‌مانێ كوردستانێ تایبه‌ت بو باس دیاركر كو ل گوره‌ى زانیاریێن كو وان ل وه‌زاره‌تا سامانێن سرۆشتى ده‌ست ئێخستینه ل هه‌یڤا شوباتێ دا ئه‌و كومپانیا كو رێكه‌تن ل گه‌ل هاتیه‌كرن دێ ده‌ست ب ئاڤاكرن و دامه‌زراندنا ژێرخانا به‌رهه‌مێ غازا سرۆشتى ل كوردستانێ كه‌ت )
دلشاد شه‌عبان-ى ناڤێ كومپانیێ ئاشكرا نه‌كر به‌لێ ئه‌و یه‌ك دیاركر كو كومپانیێن نافخویى ئه‌و شیان نینن ڤێ یه‌كێ بكه‌ت ژبه‌رڤێ كومپانیه‌كا بیانى دێ ڤێ یه‌كێ كه‌ت و گۆت : ( ل گوره‌ى راگه‌یاندنا ئه‌وێ كومپانیێ ئه‌و دكارن دماه‌یێ 270 رۆژان دا ژێرخانه‌یێ درۆست بكه‌ن ئانكو ئه‌گه‌ر بو ده‌ما نیڤ هه‌یڤێ ئه‌ڤ كاره بهێته‌كرن ئه‌ڤه رامانه كو دێ ل ده‌ستپێكا سالا 2017 دێ ژێرخانه‌یا ئه‌ڤى سامانێ سرۆشتى هێته ئاڤاكرن و دوڤدا قوناغا وێ یه‌كێ هێت كا چه‌وا ئه‌ڤ یه‌ك دێ ب بوریان ڤه بهێته‌گرێدان و غازێ فرێكه‌ن ده‌رڤه ، و لگوره‌ى مه‌زنده‌كرنا مه ئه‌گه‌ر چوو ئاریشه‌یێن سیاسى و ئه‌منى و ئاریشه‌یێن دن درۆست نه‌بن وه‌كو سه‌رهه‌لدانا هه‌ره‌شه‌یێن داعش ئه‌م دكارین ل ناڤه‌راستا سالا 2017 دا غازێ فرێبكه‌ین و پێشبینى دهێته‌كرن تا سالا 2019 هه‌رێم ب ته‌مامى ببیته خودانا هنارتنا غازا سرۆشتى.
وه‌زیرێ سامانێن سرۆشتى دیاركر كو ئه‌وان دڤێت سالانه 10 ملیار مه‌ترێن سێجا یا غازا سرۆشتى فرێبكه‌ن بو ده‌رڤه كو ده‌ستپێكێ دێ ب رێیا توركیا هێته هنارتن.
سه‌رۆكێ لیژنا سامانێن سرۆشتى ل په‌رله‌مانێ كوردستان ته‌كه‌ست لسه‌ر وێ یه‌كى َكر كو هه‌رێما كوردستانێ یه‌ده‌كا زور یا غازا سرۆشتى هه‌یه كو ل گوره‌ى داتاێن وه‌زاره‌تا سامانێن سرۆشتى 5 ترلیون و 200 ملیار مه‌ترێن چوار گوشه‌یه.
ب باوه‌ریا ناڤبرى ب بازاركرنا غازا سرۆشتى پیچه‌ك یا ب زه‌حمه‌ته و گوت ژى : ( د غازا سرۆشتى دا روسیا پله‌یا ئێكێ دهێت ژ به‌رهه‌مئینان و فروتنا وێ دا و 40% ژ پێدڤیێن ئه‌وروپا دابین دكه‌ت ، و روسیا ل گه‌ل ئه‌وروپا ئاریشه‌یێن هه‌یى و غاز وه‌كو كارته‌كا فشارێ به‌رامبه‌ر ئه‌وروپا بكاردئینیت و ئه‌وروپا ژى ژبلى روسیا هزرێ ل جهگره‌كێ دن دكه‌ت و روسیا شكه‌ست ب پرۆژه‌یێ نابوكو ئینایه ، و هه‌روه‌سا شكه‌ست ب پرۆژه‌كێ دن یێ بوریا غازێ ئینایه ژبه‌رڤێ پرسگرێك پتر یا سیاسى یه و ژبه‌رڤێ یا ب ساناهى نینه كو غازا كوردستانێ بهێته هنارتن به‌لێ ئه‌ڤ كاره دێ هێته‌كرنو ئاسویه‌كێ رون هه‌یه.
دلشاد شه‌عبان ته‌كه‌ست لسه‌ر وێ یه‌كى َكر كو ده‌ستپێكێ پلانانا حكومه‌تێ دێ ئه‌و بیت كو غازێ بو دابینكرنا پێدڤیێن نافخوه بكاربینیت و گۆت ژى : ( بو وێستگه‌هێن كاره‌بێ كو سالانه 2 بو 3ملیار دولار بتنێ بو غازێ دهێته ته‌رخانكرن و ئه‌ڤ یه‌ك ژى دێ ژ حكومه‌تا هه‌رێمێ ڤه‌بیت ، و هه‌روه‌سا بو ژیانا رۆژانه‌یا وه‌لاتیان دێ هێته بكارئینان ب تایبه‌تى دناڤ مالان دا )
په‌رله‌مانتارێ ناڤبرى دیاركر ژى كو هه‌رده‌ما ده‌لیڤه هه‌بوو حكومه‌تا هه‌رێما كوردستانێ دێ غازا خوه فرێكه‌تن ده‌رڤه ب تایبه‌تى بۆ توركیا.
ئه‌ڤه د ده‌مه‌كێ دایه كو مالپه‌را ( یه‌نى شه‌فه‌ق ) یا توركى لسه‌ر زارێ كومپانیا بوتاشه به‌لاڤكریه كو پرۆژه‌یێ راكێشانا بوریێ ب درێژاهیا 185 كیلومه‌تر و پانیا 40 ئینج كار تێدا دهێته‌كرن داكو غازا سرۆشتى یا هه‌رێما كوردستانێ بگه‌هیته توركیا و ب تورا غازا توركیاڤه بهێته گرێدان ، به‌لێ ئه‌نجومه‌نا هه‌رێما په‌ترول و غازا كوردستانێ ل 21/1/2016 د راگه‌یاندنه‌كێ دا ره‌تكریه كو د نهادا بوریا غازا كوردستان و توركیا كار پێ بهێته‌كرن.
ئه‌نجومه‌نا ناڤبرى دیاركر كو هه‌تا سالا 2019 غازا كوردستانێ ناهێته ڤه‌گوهاستن بو ده‌رڤه.
پێشتر په‌رله‌منتارێ كوردستانێ گۆران ئازاد كو زانیارى ل وه‌زیرێ سامانێن سرۆشتى وه‌رگرتینه بو باس دیاركربو كو رۆژانه هه‌رێما كوردستانێ 330 ملیون مه‌ترێن سێجا یا غازا سرۆشتى به‌رهه‌م دئینیت و گۆت : ( كومپانیا دانا غاز كارێ به‌رهه‌مئینانا غازا سرۆشتى یا كوردستانێ دكه‌ت به‌لێ نها حكومه‌تا هه‌رێما كوردستانێ ل گه‌ل دانا غازێ ئاریشه‌یێن زورێن هه‌یى ، و پشتى بو مه ده‌ركه‌فتى كو د بنه‌ره‌ت دا رێكه‌فتن دناڤبه‌را حكومه‌تا هه‌رێما كوردستانێ و كومپانیا دانا غاز د چارچوڤێ چه‌ند بنه‌مایه‌كان دا بویه و نه‌كریه گرێبه‌سته‌كا ته‌مام )
دحه‌فته‌مین كوربه‌ندا ئابوورى و وزه‌یێ ل ئیسته‌نبولێ ئاشتى هه‌ورامى وه‌زیرێ سامانێن سرۆشتى یا حكومه‌تا هه‌رێما كوردستانێ دیاركر كو ل سالا داهاتى هه‌رێما كوردستانێ دێ ده‌ست ب هنارتنا غازا سرۆشتى كه‌تن و گۆت : ( هه‌تا چوار سالێن دن دكارین هنارتنا غازێ بگه‌هینینه 20 ملیار مه‌ترێن سێجا )
ئاشتى هه‌وارمى ئه‌و یه‌ك ژى رونكر كو وه‌سا بریاره هه‌تا سالا 2019 هه‌رێما كوردستانێ رۆژانه 20 ملیار مه‌ترێن سێجا یا غازا سرۆشتى فرێبكه‌تن ده‌رڤه.
دلشاد شه‌عبان ته‌كه‌ست لسه‌ر وێ یه‌كێ كر كو ل گوره‌ى زاناریێن وه‌زاره‌تا سامانێن سرۆشتى هه‌رێما كوردستانێ وه‌كو پێگوركه‌ك 30% یا پێدڤیێن غازا ئه‌وروپا دێ دابین كه‌ت.
ئێكه‌تيا ماموستايان ژڤانێ به‌لاڤكرنا نيڤ موچه‌يێ دى ئاشكرا دكه‌ت
ئه‌ڤرۆ نيوز:
نه‌وزاد عومه‌ر، جێگرێ سه‌رۆكێ لقێ هه‌ولێر يێ ئێكه‌تيا ماموستايێن كوردستانێ راگه‌هاند كو پشتوان سادق وه‌زيرێ په‌روه‌ردێ ل گه‌ل رابه‌ر سه‌ديق بريكارێ وه‌زاره‌تا دارايى و ئابوورى يا حكومه‌تا هه‌رێمێ ئاخفتيه و سوز دايێ كو رۆژانێن سێ شه‌مبى و چوار شه‌مبى 2 و 3 شوبانێ نيڤ موچه‌يێ دى يێ ماموستايان بهێته به‌لاڤكرن.
راھێنەرێ نوو یێ یانا زێرەڤانی بنیاسن
ئەڤرۆ نیوز، ھەژار مەعروف:
راھێنەرێ یانا زێرەڤانی سلێمان رەمەزان پشتی دوھی بریارا دەست کارکێشانا خوە راگەھاندنی و ئەڤرۆ کارگێریا یانێ ژی رازیبوونا خوە ل سەر دەست کارکێشانا وی دایی و کارگێریا یانێ ژی ھزر ل ئینانا راھێنەرەکێ نوو کری یە .
ژێدەرێن دەنگوباسی یێن نێزیک ژ یانا زێرەڤانی دیاردکەن کارگێریا یانا زێرەڤانی گەھشتی یە رێککەفتنێ ل گەل راھێنەرێ یانا نەجەف یێ بەری نوکە عەلی وەھاب کو بەری نوکە ژی کارکریە دخولا کوردستانێ دا ل گەل یانا دھۆک.
ھەژی گوتنێ یە عەلی وەھاب ئەرکێ راھێنەریا چەندین یانێن عیراقێ کری یە ئەوژی یانێن دھۆک و حدود سەلاحدین و نەفت و سەماوە وەرگرتی یە.
یاریکەرەکێ کورد نێزیکی ئیمزاکرنا ھەڤبەستا یانەکا پرتوگالی بوویە
ئەڤرۆ نیوز، ھەژار مەعروف:
یاریکەرێ کورد و یانا سترومین یا نەرویجی ئەوا دخۆلا پلا ئێک دا یاریێ کەت دانیار عەلی محەمەد دوھی پەیوەندی ب راھێنانێن یانا CD Trofense یا پرتوگالی کر ئەوا دخۆلا پلا دو یاریێ کەت .
دانیار عەلی د داخویانیەکێ دا بۆ ئەڤرۆ نیوز دیارکر دوھی ئەو گەھشتی یە وەلاتێ پرتوگال و بریارە ئەڤرۆ یەکا خو یا ئێکێ یا راھێنانی ل گەل تیما خوە یا نوو بکەت ئەو دێ ل بن چاڤدێریا دەستەیا راھێنەریا تیمێ بیت بۆ ماوێ حەفتیەکێ پاش دێ بریار ل سەر ھێتەدانێ.
ھەژی گوتنێ یە دانیار عەلی یێ ١٨ سالی ژیانا خوە یا وەرزشی ل گەل یانا سترمین دەستپێکری یە ھەتا گەھشتی یە تیما لاوان و ژبەر نەبوونا ھەتا نوکە ب دروستی نەشیابوو جھێ خوە وەکو یاریکەرەکێ سەرەکی ل گەل تیما ئێکێ بینت .
ب وێنە: ژبەر شاشیا دادڤانان ریال مەردید سەرێ لیستەیا خولێ ژی دەست دایە
ئەڤرۆ نیوز:
مالپەرێ ریال مەدرید یێ عەرەبی وێنەیەک بەلاڤەکری یە کو دوی وێنەی دا ٩ شاشیێن دادڤانان بەرامبەر ریال مەدرید ل وەرزێ ئەڤ سالە ئاشکرا کرینە
مالپەرێ ریال مەدرید ئەو وێنە ژ مالپەرێ ئوکدیاریو یا ئیسپانی ڤەگوھاستی یە تێدا دیارکری یە کا چەند جاران دادڤانێن خولا ئیسپانی ئەڤ سالە زولم ل یانا ریال کری یە بووینە ئەگەرێن وەکھەڤی یان خوسارەتیێن یانێ کو ھەردیسان دیارکری یە ژی ھەکە شاشیێن دادڤانان نەبان نوکە ریال سەرکێشا خولێ بوو.
ھەردیسان د وی وێنەی دا دیارە دادڤانێن خولێ نەھـ پەنەلتیێن دروست بوو یانا ریال مەدرید ل وەرزێ ئەڤ سالە نە ھژمارتی نە .
بهايێ په‌ترۆلێ هێشتا گران بوو
پشتى ل ناڤه‌راستا ڤێ هه‌يڤێ بهايێ په‌ترۆلێ گه‌له‌ك هاتيه خوار، جاره‌كا دى بهايێ په‌ترۆلێ بلند بوو ڤه
ب گۆره‌ى راپۆرتا ئاژانسا رۆيترز بهايێ په‌ترۆلێ ل بازارێن جيهانێ بلندبوونه‌كا نوو ب خوه ڤه تۆماركر، ئه‌و بلند بوون ژى د ده‌مه‌كى دايه كو به‌رى نوكه بهايێ په‌ترۆلێ ل بازاران د بن 28 دۆلاران دابوو.
ئاژانسێ ئاماژه ب وێ چه‌ندێ كريه كو نها بهايێ ئێك به‌رميلا په‌ترۆلا برێنت د بازاران دا ب 34 دۆلار و 74 سه‌نتابه، د ده‌مه‌كى دا ل ناڤه‌راستا ڤێ هه‌يڤێ بۆ 27 دۆلار و 10 سه‌نتان هاتبوو خوار، ئه‌ڤه ژى مه‌زنترين هاتنه خوار بوو ژ 2003ێ وه‌ره، بهايێ به‌رميله‌كا په‌ترۆلا خاڤ ژى 34 دۆلار و 40 سه‌نته.
نيشاندان
WP Facebook Auto Publish Powered By : XYZScripts.com