ئه‌ڤرۆ نيوز:
جڤاتا دادوه‌رییا ئیراقێ، داخواز ژ هه‌موو دادگه‌هێن پارێزگه‌هێن ئیراقێ كر، بڕگه‌یێن قانوونا نوویا پاسپۆرتان بجهبینن، ل گۆری قانوونێ ژی، ئێدی رێڤه‌به‌ریێن پاسپۆرتان ل پارێزگه‌هان، ده‌ستهه‌لاتا دووباره ده‌رخستن و نووكرنا پاسپۆرتان هه‌یه.
ئه‌شواق جاف، ئه‌نداما جڤاتا نوونه‌رێن ئیراقێ بۆ وار گۆتی: پشتی په‌سه‌ندكرنا قانوونا نوویا پاسپۆرتان ل جڤاتا نوونه‌ران و ئیمزاكرنا وێ ژ ئالیێ سه‌رۆككۆماری ڤه، جڤاتا دادوه‌رییا ئیراقێ، داخواز ژ هه‌موو دادگه‌هێن پارێزگه‌هێن ئیراقێ كرییه، بڕگه‌یێن قانوونا نوویا پاسپۆرتان بجهبینن.
گۆت ژی: ئێدی ئه‌و قانوون دێ كه‌ڤیته د وارێ بجهئینانێ دا و پێدڤی ناكه‌ت وه‌لاتی بۆ دووباره ده‌رخستن و نووكرنا پاسپۆرتێن خوه، سه‌ره‌دانا به‌غدا بكه‌ن، به‌لكو رێڤه‌به‌ریێن پاسپۆرتان ل هه‌موو پارێزگه‌هان، مافێ دووباره ده‌رخستن و نووكرنا پاسپۆرتان هه‌یه.
نيشاندان
