ئەڤرۆ نیوز، ھەژار مەعروف:
پشتی ھەلبژارتیێ ئولومپی یێ عیراقێ یێ تەپا پێ شیای پلێتا سیێ ژ کێشوارێ ئاسیا بۆ دەربازبونێ بۆ ئولومپیادێن ریو دی جانێرو یا بەرازیل مسوگەر بکەت و ب پلێتا سیێ یا ئاسیا ھژمارە ھەلبژارتیێن دەربازبوونێ گەھشتە ١٥ ھەلبژارتیا و بتنێ ئێک پلێت مایە ئەوژی ژ یاریەکا چارەنڤێسی دێ دناڤبەرا ھەردو ھەلبژارتیێن ئەمریکا و کولومپیا دا ھێتەکرن و سەرکەفتی وێ دێ پلێتا دووماھیێ مسوگەر کەت.
ئەو ھەر پازدە ھەلبژارتیێن دەربازبوونا خوە مسوگەر کری ئەڤێن خوارێ نە
ئورۆپا دانیمارک، ئەلمانیا، سوید و پرتوگال.
ئاسیا ژاپون و کوریا ژوری و عیراق.
کێشوارێ ئەفریقیا جەزائێر، نێچریا و ھەلبژارتیێ ئەفریقیا ژوری.
ژ ئەمریکا ژوری ھەلبژارتیێ بەرازیل وەکو مێڤاندارا قارەمانی و ئەرژەنتین.
ئیقیانویس ھەلبژارتیێ فیجی .
ھەژی گوتنێ یە ھەر ١٦ ھەلبژارتیی دێ ھێنە بەلاڤەکرن ل سەر چار کومان و ھەر کومەک دێ پێکھاتی بیت ژ چار ھەلبژارتیا و خودانێن رێزا ئێکێ و دوێ دەربازی قوناغا ھەشتێ بن.

ئەڤرۆ نیوز:
راھێنەرێ یانا ئەتلەتیکو مەدرید دیگو سیمونی دیارکر ھێرشبەرێ تیما وی یێ ئیسپانی فێرنادو تورێس نەشێت پشکداریێ ل گەل تیما ئەتلەتیکو مەدرید دا بکەت ياريا بەرامبەر یانا بەرشەلۆنا ئەوا بریارە ئەڤ شەڤە  ل یاریگەھا کامپ نوو بھێتەکرن .
راھێنەرێ  یانا ئەتلەتیکو دیارکر ژی ھەتانوکە تورێس ژ ھنگافتنێ ب دووماھی نە ھاتیە و ناڤێ وی دناڤا لیستەیا پێکھاتیێ تیمێ دا نینە بۆ یاریا ئەڤرۆ و چار ھێرشبەر داخوازی ڤێ یاریێ کری نە ئەوژی ھەر ئێک ژی کاراسکو وگریزمان وجاکسون وفیتو.

ئەڤرۆ نیوز:
ژێدەرێن دەنگوباسی وەسا دیاردکەن پشتی یاریا دوھی دناڤبەرا ھەردو یانێن کەرکوک و زێرەڤانی دا ب دووماھی ھاتی و تیما زێرەڤانی دڤێ یاریێ دا بۆ یاریا پێنجێ ل دیڤ ئێک نەشیای سەرکەفتنێ ل وەرزێ ئەڤ سالە توماربکەت راھێنەرێ تیمێ سلێمان رەمەزان ئەوێ ل سێ وەرزێن بوری شیای سێ جاران ل دیڤ ئێک ناسناڤێ خولێ بۆ تیمێ ب دەستخوڤە ئینای بریار دایە دەست ژ ئەرکێ راھێنەریا تیمێ بەردەت ژبەر ئەو ئەنجامێن لاواز ل وەرزێ ئەڤ سالە .
چەند ژێدەرێن دەنگوباسی وەسا دیاردکەن   پشتی یاریێ ب دووماھی ھاتی  ئێکسەر راھێنەرێ یانا زێرەڤانی سلێمان رەمەزان ئەوێ ل سێ وەرزێن بوری شیای سێ ناسناڤان بۆ یانا زێرەڤانی ب دەستخوڤە بینت بریار دایە دەست ژ ئەرکێ خوە بەردەت ھەر چەندە ھەتانوکە ئەڤ نوچە ب فەرمی نە ھاتیە راگەھاندن لێ چاڤەرێ دھێتەکرن ئەڤرۆ ھەتا سوباھی کارگێریا یانێ بریار ل سەر وێ بریارا راھێنەرێ خوە بدەت .

ئه‌ڤرۆ نيوز:

فيدراسيونا ته‌پا پێ يا جيهانى بريارا سزادانا ریال مه‌دریدو ئه‌تله‌تیكۆ نه‌هێلا و ژێبر، ئه‌ڤرۆ فيدراسيونا ته‌پا پێ يا جيهانى ب ره‌نگه‌كێ دووماهيێ بريارا سزادانا ریال مه‌دریدو ئه‌تله‌تیكۆ ژێبر ژبه‌ر كو چ تومه‌ت ل سه‌ر نه‌هاتنه‌ سه‌لماندن.