ئه‌ڤرۆ نیوز:
ل دووڤ چه‌ند ژێده‌رێن ئێمناهیێ ئه‌ڤرۆ فرقه‌كا سه‌ر ب هێزێن ئه‌مریكى ڤه، ل رۆژئاڤایا مووسل ئوپه‌راسیونه‌ك ل دژى داعش ئه‌نجامدایه كو تێدا ب رێیا خوبه‌ردانا هه‌وایى، 9 فرۆكێن شه‌رى پشكداربووینه.
ئه‌ڤ ئوپه‌راسیونه پشتى وان پێزانینێن هه‌والگرى هات كو بۆ دیاربووى چه‌ند سه‌ركردێن داعش ل وێ ده‌ڤه‌رێ نه و د ئه‌نجامدا سێ سه‌ركردێن داعش هاتینه كوشتن و ئوپه‌راسیونێ زێده‌تر ژ نیڤ ده‌مژمێرى ڤه‌كێشایه.
ئه‌ڤرۆ نيوز:
سپێدەهیا ئەڤرو چوار شەمبی 27/1/2016 ئێكەتیا ماموستایێن كوردستانێ لقا دهۆك دگەل رێڤەبەریا گشتی یا پەروەردەیا پارێزگەها دهوكێ و سەرجەم پەروەردەیێن قەزایێن سەرب پارێزگەهێ ڤە و لیژنەیا پەروەدێ ل ئەنجومەنێ پارێزگەها دهوكێ ل دور رەوشا ماموستایان كومبون.
پاشان كونگرەیەكێ روژنامەڤانی هاتە سازكرن و عەبد یوسڤ رێڤه‌بەرێ گشتی یێ پەروەردەیا پارێزگەها دهوكێ راگەهاند كو ئەو بەردەوام د پەیوەندیا دانە دگەل حكومەتێ بو دابین كرنا موچەیێ ماموستایان لێ هەر لایەك یێ ئاگەهدارە كو قەیرانا نوكە گەلەك یا دژوارە ژبەرڤێ چەندێ مە دكومبونێ دا#بریار دا كو دەستوریی ب #ماموستایێن_نافخویی بێتە دان كو روژەكێ نەچنە دەوامێ و یێن ژ #دەرڤەژی دوو روژان نەچنە دەوامێ تاكو ئەڤ قه‌یرانە چارەبیت و بو جێبەجێ كرنا ڤێ چەندێ ژێ مە رێ ب رێڤەبەرێن قوتابخانەیان دایە كو ئەو روژێن بهێنڤەدان بو مامۆستایێن خو دیاركەن.
هەڤدەم وەهبی یونس سەروكێ لقا دهۆك یا ئێكەتیا ماموستاییێن كوردستانێ گوت ئەم سوپاسیا هەمی ماموستایان دكەین یێن كو دڤێ رەوشێ دا خوبەخشانە وانەیان دبێژن و ئەم ماموستایێن خو یێن بەرێز دلنیا دكەین كو هیچ مافەكێ وان ناهێتە خارن و مە بریار دایە كو دگەل#سەندیكا_كرێكارێن ڤەگوهاستنێ هەڤدیتنان ئەنجام بدەین و داخازێ ژێ بكەین كو هاریكاریا ماموستایان بكە ب تایبەت یێن ژ دەرڤەی باژێران كو كرێ یا هاتن و چونێ بو كێم بكەن , كێم كرنا دەواما ماموستایان چارەیەكا باشە بو ڤی بارودوخی .
به‌روارى بالا ، زنار توڤى:
بارینا به‌فرێ و درۆستبونا جه‌مه‌دێ لسه‌ر هه‌ر تشته‌كێ ته‌ر بوویه سه‌ده‌م كو قوتابیێن ده‌ڤه‌را به‌روارى بالا نه‌كارن بچنه ده‌وامێ و ئه‌ڤه سێ رۆژه ده‌وام نه‌هاتیه‌كرن.
محه‌مه‌د سه‌لمان قوتابیه‌كێ قوتابخانا بریفكایه ل گوندى هرورێ ل ده‌ڤه‌را به‌روارى بالا بو ئه‌ڤرۆ نیوز گۆت : ( ئه‌ڤه سێ رۆژه ئه‌م وه‌كو قوتابیێن قوتابخانا بریفكا نكارین ژبه‌ر سر و سه‌رما و جه‌مدینا عه‌ردى بچینه قوتابخانێ و ئه‌ڤ یه‌ك ژى كارتێكرنێ ل خواندنا مه دكه‌ت )
عه‌بدوللا هونه‌ر ئه‌و ژى قوتابیه‌كێ قوتابخانا ئاڤایه ل هه‌مان ده‌ڤه‌ر بو ئه‌ڤرۆ نیوز دبێژیت : ( پله‌یێن گه‌رمایێ بوو 10 پله‌یان و پتر هاتینه‌خوارێ و ئه‌ڤ یه‌ك ژى بوویه سه‌ده‌م كو هه‌مو كولان و تاخ و جاده و جهێن ته‌رێن ده‌ڤه‌را به‌روارى بالا ببنه جه‌مه‌د و سه‌ره‌راى كو سر و سه‌قه‌مه‌كا زور زور ژى په‌یدابوویه و مروڤ نكاریت چه‌ند خوله‌كه‌كان ده‌رڤه راوه‌ستیت )
زێده‌تر گۆت : ( ئه‌ڤه سێ رۆژه ئه‌م نكارین بچنه قوتابخانێ و ئه‌گه‌ر هوسا سه‌رما یا به‌رده‌وام بیت ئه‌م نكارین بچینه قوتابخانێ )
لگوره‌ى زانیاریێن ئه‌ڤرۆ نیوز سرو سه‌رما و جه‌مدینا عه‌ردى و هه‌ر تشته‌كێ ته‌ڤایا ده‌ڤه‌را به‌روارى بالا ڤه‌گرتیه ب تایبه‌تى گوندێن هرور و بریفكا و بلیزانك و چه‌ند گونده‌كێن دن.
ئه‌ڤرۆ نيوز:
جڤاتا وه‌زاره‌تا په‌روه‌ردێ د كومبوونا خوه يا ئه‌ڤرۆ دا، چه‌ند برياره‌ك دانژ وان، پێدانا موله‌تا خواندنا ئه‌هلى ب رێنمايێن نوى، پێداچوون ب كرێيا خواندنا قوتابخانێن ئه‌هلى و به‌رچاڤ وه‌رگرتنا ره‌وشا ئابوورى يا كوردستانێ، پێكئينانا لژنه‌يه‌كێ بۆ پێداچوونێ ب په‌يكه‌رێ رێڤه‌به‌ريێن وه‌زاره‌تا په‌روه‌ردێ، هاندانا زێده‌تر بۆ هه‌لمه‌تا نيشتمانى بۆ نووژه‌نكرنا قوتابخانان، هه‌ولدان بۆ ڤه‌ديتنا داهاتێ زێده‌تر بۆ وه‌زاره‌تا په‌روه‌ردێ.
هه‌ولێر، قائید میرۆ
تاڤگه ئه‌حمه‌د ئه‌نداما فڕاكسیۆنا گۆڕان ل په‌رله‌مانێ عێراقێ د داخویانیه‌كێ دا دیاركر، حه‌یده‌ر عه‌بادی سه‌رۆك وه‌زیرێن عێراقێ ب په‌رله‌مانتارێن كورد راگه‌هاندیه یێ به‌رهه‌ڤه موچێ 900 هزار فه‌رمانبه‌رێن هه‌رێمێ بمه‌زێخیت، بڕیارده‌رێ لیژنا دارایی و ئابوری ژی دبێژیت، چو راستی بۆڤێ چه‌ندێ نینه. ئه‌حمه‌د حاجی ره‌شید، بڕیارده‌رێ لیژنا دارایی و ئابوریا په‌رله‌مانێ عێراقێ ب ئه‌ڤرۆ نیۆز راگه‌هاند ” ئه‌ڤ زانیاریێن به‌حسێ ڤێ چه‌ندێ دكه‌ن حه‌یده‌ر عه‌بادی سه‌رۆك وه‌زیرێن عێراقێ راگه‌هاندیه دێ موچێ 900 هزار فه‌رمانبه‌رێن هه‌رێما كوردستانێ مه‌زێخیت چو راستی بۆ نینه، چونكو حه‌یده‌ر عه‌بادی چو زانیاری لدۆر هژمارا فه‌رمانبه‌رێن هه‌رێما كوردستانێ نینه و چو سۆزێن وه‌سا نه‌داینه، تنێ عه‌بادی گۆتیه گوره‌ی قانوونا بودجێ گشتیێ عێراقێ ئه‌گه‌ر هه‌رێما كوردستانێ رۆژانه 550 هزار به‌رمیلێن پتڕۆلێ فڕێكه‌ت ده‌رڤه ب رێیا سۆمۆ، باج و داهاتێ نافخۆیێ هه‌رێمێ بده‌ته به‌غدا، وی ده‌می حوكمه‌تا عێراقێ دێ پشكا 17%ێ ده‌ته هه‌رێما كوردستانێ ل پارێ به‌رده‌ست.
حاجی ره‌شید گۆتژی” چو په‌رله‌مانتاره‌كی سه‌رۆك وه‌زیرێن عێراقێ نه‌دیتیه هه‌تا ئاخفتنه‌كا وه‌سا بكه‌ت، نوزانم په‌رله‌مانتارا تاڤگه ئه‌حمه‌د په‌رله‌مانتارا گۆڕان ئه‌ف ئاخفتن كیرێ ئینایه، هه‌موو نڤیسارێن فه‌رمی به‌رده‌ستێ منن ل لیژنا دارایی و ئابوری و هه‌تا هه‌رێم نه‌فتا خوه راده‌ستی به‌غدا نه‌كه‌ت و قانوونا ته‌عریفا گۆمركی وه‌كی عێراقێ بجه نه ئینییت چو پاره ناده‌ته هه‌رێما كوردستانێ.
ئه‌ڤرۆ نيوز: ره‌وان نهێلى:
دامه‌زرێنه‌رێ فێسبوكێ مارك زوكيبرج دوهى ل فێسبوكێ خوه نڤێسيه: ئه‌ڤرۆ رۆژا ده‌واما منه پشتى موله‌تا بابينيێ، نزانم چ بكه‌مه به‌رخو….. مارك زوكيبرج وێنێ كه‌نتورا جلكێن خوه به‌لاڤكريه كو ب ڤى ره‌نگى يه و ئێك ره‌نگ:
ڤى وێنه‌ى ده‌نگڤه‌دانه‌كا مه‌زن ل فێسبوكێ دروست كر و هنده‌كان نڤێسى يه :
ئه‌ڤه‌يه مارك
ملياردێره، به‌لێ پارا بۆ جلك و ترۆمبێلان نامه‌زێخيت، به‌لكو پارێ خوه بۆ پێشڤه‌چوونا مروڤايه‌تيێ دمه‌زێخيت.
ئەڤرۆ نیوز، بارزان مزووری:
جەبار کەریم، نوونەری کومەکا خێرخوازێن ھاریکاری بۆ کوردستانێ کومکرین ل ئەلمانیا بۆ ئەڤرۆ نیوز ئاشکرا کر کو یازدەمین کاروانێ ھاریکاریێ گەھشتە ھەرێما کوردستانێ پێک دھات ژ چل تەنێن جلوبەرگا و پێلاڤ و دوشەک و ھەموو پێتڤیێن زڤستانێ ھەموو ژ وان نەھاتینە بکارئینان ژ لایێ کومپانیا ب ناڤ و دەنگ “ئالدی” پێشکێشی مالباتێن شەھیدا و خێزانێن پێشمەرگەھێن کوردستانێ و مالێن ھەژار و کێم دەرامەت ژ بەر بارودوخێ نھا یێ ھەرێما کوردستانێ گەلەک کارتێکرن ئێخستیە ل سەر ژیانا وان.
ناڤبری دیار کر کو کاروانێ دووازدێ ب ئانەھیا خودێ کومەکا ھاریکارییێن دارایی وەک پارە ل ئەلمانیا ھاتیە کومکرن بۆ ھەرێما کوردستانێ دھێنە رەوانەکرن بو ھەژارو کێم دەرامەت و ئاوارەیان.
ناڤبری گۆت: “د کوچا ملیۆنی دا ل سالا 1991 من د گەل کەسەکێ 72 سالی یێ ئەلمانی ھاریکاری ل ئەلمانیا ب رێیا فرۆکێ گەھاندنە باژێرێ باتمانێ ل باکورێ تورکیا نھا ئەو کەس یێ ساخە د گەل مالباتا خوە ل باژێرێن ئەلمانیا دگەرێن ھاریکاریا کۆم دکەن و بۆ ھەرێما کوردستانێ فرێ دکەن د گەلەک کاروانێن ھاریکاریان دا ئەو ب مالباتا خوە ڤە ھاتیە کوردستانێ ھەتا ھاریکاری گەھاندینە ھێزێن پێشمەرگەی ھەردەم ئەو کەسێ ئەلمانی دبێژیت حەتا بمرم مالباتا من ژی دێ بەردەوام خزمەتا کوردا کەت”.
ناڤبری زێدەتر گۆت: “ل دەست پێکا پێلا ئاوارەیان روو ل ھەرێما کوردستانێ کری پەیوەندی ب من کر و گۆت دا دەست ب کۆمکرنا ھاریکاریا بکەین بۆ ھەرێما کوردستانێ چونکو نھا کوردستان کەفتیە د رەوشەکا خراب دا ژ بەر ئاوارەیان ل دەست پێکا ھاتنا ئاوارەیان 2014 ھەتا نھا ئەڤە کاروانێ یازدێ یە دگەھیتە ھەرێما کوردستانێ”.
ئه‌ڤرۆ نيوز، نيوار محه‌مه‌د سه‌ليم:
رۆژنامه و مالپه‌رێ هاولاتى، هه‌تا هه‌يڤه‌كا دى دێ به‌رده‌وام بن و ل 25ى شوباتا بهێت دێ بۆ ده‌مه‌كێ نه‌ديار هێنه راوه‌ستاندن.
ئه‌ڤرۆ نيوز: زه‌رى نه‌وزاد:
ل دووڤ ئاماره‌كا كومپانيا ADC يا تایبەت ب ڤه‌كولينێن بازارى، دياربوويه ل چارێكا دووماهيا سالا بوورى، داخوازى ل سه‌ر كومپيوته‌رى ب رێژا 6% كێم بوويه و ئه‌گه‌رێ ڤێ يه‌كێ ژى ڤه‌گه‌رنديه بۆ زێده‌بوونا داخوازيان ل سه‌ر ئاميرێن زيره‌ك.
كومپانيێ ئاماژه ب وێ يه‌كێ دايه كو سالا بوورى داخوازى ل سه‌ر ئاميرێن ئه‌پل ب رێژا 6% زێده‌بوويه ژ ئه‌گه‌رێ نزميا بهايێ وێ و داهێنانێن به‌رده‌وام د بوارێ چاكسازيێ دا.
ئەڤرۆ نیوز، مەحمود نھێلی
ژ ئەگەرێ قەیرانا ئابوری و رەوشا ھەرێمێ و ژ بۆ پتر ھاریکاری کرنا وەلاتیێن دەڤەرێ و بتایەبتی ژی نەخوشان و کێم دەرامەتان ھندەک ژ جھێن بازرگانی و ساخلەمی و کلینیکێن نوژداری بھاییێن خوە کێم کرینە.
دکتور نەجیب رێڤەبەرێ ساخلەمیا قەزا ئامێدیێ بۆ ئەڤرۆ نیوز دیارکر، کو ژ بەر رەوشا نھا یا ھەرێمێ و بارودوخێ ئابوری یێ وەلاتیان و نەبوونا موچەیان مە فەردیت ل ھند جھێن نوژداری یێن دەڤەرێ کێمکرنا دانینە سەر بھایان و گۆت : (20% ژ بھایێن تاقیگەھا مە یا نوژداری ل شێلادزێ کێمکرینە و ئەڤە ژی دێ بێتە ھاریکاریەک بۆ خەلکێ دەڤەرێ).
نيشاندان