ئه‌ڤرۆ نیوز:
ئه‌ندامه‌كا په‌رله‌مانێ عیراقێ ژ فراكسیونا پارتى دیار كر كو په‌رله‌مان ئه‌ڤرۆ دێ كۆم بیت و دێ ده‌نگى ل سه‌ر دو پرۆژێن گرنگ ده‌ت و ره‌نگه د ڤێ كۆمبوونێ دا باس ل چه‌ندین بابه‌تێن دى ژى بهێته كرن.
د. بێریوان خه‌یلان ئاشكرا ژى كر كو ده‌نگ ل سه‌ر كارتا نشتیمانى و وه‌به‌رئینانێ دێ هێته دان.
ئه‌ڤرۆ نیوز:
رێڤه‌به‌رێ ئاڤاهیێن قوتابخانان ل رێڤه‌به‌ریا گشتیا په‌روه‌ردا پارێزگه‌ها دهۆكێ بۆ ئه‌ڤرۆ دیار كر، زێده‌تر ژ دو سالانه چو قوتابخانا نه‌هاتینه ئاڤاكرن و هژمارا قوتابیان ژى سالانه زێده‌بیت، بۆ نموونه ل حه‌وشكى قوتابخانه‌كا 12 رێزى یا هه‌ى، ل سالا بۆرى سێ ده‌وام تێدا دهاتنه ب رێڤه‌برن، ئه‌ڤ ساله دێ بیته چار ده‌وامى و بانێ 25 قوتابخانا ژ ئاخێ هاتیه چێكرن و رێژا 85% قوتابخانێن دهۆكێ پێدڤى نووژه‌نكرنێ نه و 100 قوتابخانان پێدڤى ب نووژه‌نكرنه‌كا بله‌ز هه‌یه.
ئه‌ڤرۆ نیوز:
نوونه‌رێ حوكمه‌تا هه‌رێما كوردستانێ ل ئێكه‌تیا ئورۆپا دیار كر كو ل سه‌ر داخوازا په‌رله‌مانێ ئورۆپا شانده‌كێ بلندێ پێشمه‌رگه‌ى د گه‌ل لژنا ده‌رڤه یا په‌رله‌مانێ ئورۆپا دێ كۆم بیت و كۆمبوون ژى دێ وه‌كو گڤاشتنه‌كێ بیت بۆ هندێ وه‌لاتێن ئه‌ندام د ئێكه‌تیا ئورۆپا دا پتر هاریكاریان و چه‌كى پێشكێشى هێزێن پێشمه‌رگه‌ى بكه‌ن.
ئه‌ڤرۆ نیوز:
مه‌لا به‌ختیار به‌رپرسێ ده‌سته‌یا كارگێرى یا مه‌كته‌با سیاسى یا ئێكه‌تیا نیشتمانیا كوردستانێ راگه‌هاند” ئه‌گه‌ر ئێك ملیون به‌رمیلان رۆژانه بهنێرینه ده‌رڤه، هه‌ر كێشێن مه چاره‌سه‌ر نابن”
سه‌باره‌ت ب پرۆژێ چار حزبان بۆ پرسى سه‌رۆكایه‌تیا هه‌رێما كوردستانێ، مه‌لا به‌ختیار گوتى: ئێكه‌تى نیشتمانى كوردستان پابه‌نده ب پرۆژێ هه‌ڤپشكێ چار لایه‌نان و ئه‌م درژدین ل سه‌ر و لێ په‌شیمان نابین”.
ئه‌ڤرۆ نیوز:
نوره‌دین وه‌یسى رێڤه‌به‌رێ گشتى یێ سازیا كوردستان 24 راگه‌هاند: ل ده‌مژمێر 8 شه‌ڤێ ئێڤاریا رۆژا 2015/10/31 دێ ته‌له‌فزیون و رادیو و وێبسایتێ كوردستان 24 وه‌ك سازیه‌كا ده‌نگوباسان هێته به‌لاڤكرن و ل ده‌ستپێكێ ژى دێ په‌خشا كه‌نالى ب روومالكرنا هه‌لبژارتنێن په‌رله‌مانێ توركیا ده‌ست پێ كه‌ت.
ئه‌ڤرۆ نیۆز، قائید میرۆ
فه‌رمانده‌كێ كوردێن ئیزدی ئاشكراكر، هێشتا ده‌مژمێرا سفر بۆ ئۆپه‌ڕاسیۆنا رزگاركرنا شنگالێ نه‌هاتیه دیاركرن.
عه‌قید به‌ره‌كات عیدۆ، فه‌رماندێ پێشمه‌رگه‌یێن ئێزدی ب ئه‌ڤرۆ نیۆز راگه‌هاند” هنده‌ك كاروبارێن سه‌ربازی بۆ رزگاركرنا شنگالێ هاتینه‌كرن و هێزه‌كا زۆرژی گه‌هشتیه ده‌ڤه‌رێ، به‌لێ هێشتا ده‌مژمێرا سفر بۆ ئۆپه‌ڕاسیۆنا رزگاركرنا شنگالێ نه‌هاتیه دیاركرن.
به‌ره‌كات عیدۆ دیاركر، هه‌ڤپه‌یمانان رۆژێن بۆری كاره‌سات بسه‌ر داعش ئیناینه و داعش ژ ترسا هێزێن خوه ڤه‌كێشاینه ژ شنگالێ، له‌وڕا ئه‌گه‌ر هێرش بهێته ده‌ستپێكرن دێ ده‌مه‌كێ زوو هێته كۆنتڕۆلكرن.
ئه‌ڤرۆ نیۆز، قائید میرۆ
ئه‌ڤرۆ فڕۆكه‌یێن هه‌ڤپه‌یمانان ل كه‌سكێ و رۆژئاڤایێ دیجله دڕبێن مه‌زن ل تیرۆرستێن داعش داینه و زیانێن مه‌زن گه‌هشتینه تیرۆرستان.
عه‌قید دلشاد مه‌ولوود، به‌رپرسێ هۆبا راگه‌هاندنا فه‌رماندا زێره‌ڤانی ب ئه‌ڤرۆ نیۆز راگه‌هاند” سپێده‌هیا ئه‌ڤرۆ فڕۆكه‌یێن هه‌ڤپه‌یمانان هژماره‌ك چه‌كدارێن داعش كو ماتۆڕ سكیل پێبووینه ل دۆڕیانا كه‌سكێ و ئاسكی مووسل بۆردومانكرینه و زیانێن گیانی گه‌هشتینه تیرۆرستێن داعش.
دلشادی گۆتژی” هه‌ر ئه‌ڤرۆ به‌ری نیڤرۆ فڕۆكه‌یێن هه‌ڤپه‌یمانان بنكه و باره‌گایێن داعش ل گوندێ ته‌شتێ یێ سه‌ر ب میحوه‌رێ رۆژئاڤایێ دیجله كرینه ئارمانج و گوره‌ی زانیاریێن فه‌رمانده‌یا زێره‌ڤانی زیانێن مه‌زن گه‌هشتینه تیرۆرستێن داعش.
ئه‌ڤرۆ نیوز:
لدۆر ئه‌نجامدانا روونشتنان بۆ چاره‌سه‌ركرنا كێشێن دناڤبه‌را پارتی و گۆران دا، بزاڤا گۆران به‌رسڤا مه‌كته‌با سیاسییا پارتی دیمۆكراتی كوردستان دا و راگه‌هاند: ” مه داخازا روونشتان لگه‌ل پارتی نه‌كرییه و دڤێ ره‌وشێ دا چ پێنگاڤان لگه‌ل پارتی ناهاڤێژین.”
په‌یڤدارێ بزاڤا گۆران محه‌مه‌د ته‌وفیق ره‌حیم گۆت: گۆران چ پێنگاڤان لگه‌ل پارتی ناهاڤێژیت هه‌تا سه‌رۆكێ په‌رله‌مانی و وه‌زیرێن گۆران نه‌ڤه‌گه‌رنه هه‌ولێرێ و ره‌وشا په‌رله‌مانی ئاسایی دبیت” لدووڤ وه‌سفا وی.
ئه‌ڤرۆ مه‌كته‌با سیاسییا پارتی ژی لدۆر باسێ ناڤبه‌ركاریێ دناڤبه‌را پارتی گۆران به‌ییاننامه‌ك به‌لاڤكر و خویا كر كو: پارتی داخازا ناڤبه‌ركاریێ ژ چ ئالیه‌كێ نه‌كرییه و ب په‌سه‌ند نزانیت، و یا ئاشكرایه ئه‌ڤ روودانێن داویێ ژ ئه‌نجامێ ره‌فتارێن نه ژ هه‌ژی و دژی به‌رژه‌وه‌ندیێن بلند یێن نیشتمانی و دوور ژ عورفێن سیاسی یێن گۆران په‌یدابوویه.”
ئه‌ڤرۆ نیوز:
ئه‌حمه‌د گه‌رمیانى جێگرێ سه‌رۆكێ ئێكه‌تیا ماموستایێن كوردستانێ راگه‌هاند كو سوز ب وان هاته دان هه‌موو 30 رۆژا جاره‌كى، ماموستا مووچه‌ى وه‌ربگریت .
ئه‌حمه‌د گه‌رمیانى جێگرێ سه‌رۆكێ ئێكه‌تیا ماموستایێن كوردستانێ هیڤى خواست تاوه‌كو دووماهیا ڤى وه‌رزى، ئه‌گه‌ر حكومه‌تا هه‌رێما كوردستانێ نه‌شێن سێ مووچێن قه‌ر ل سه‌ر وێ ب دروستى بده‌ت، موچه‌كێ قه‌ر بۆ ماموستا و فه‌رمانبه‌ران دابین بكه‌ت و ب تنێ دو موچه ل ده‌ف حكومه‌تێ بمینن.
نيشاندان