ئه‌ڤرۆ نیوز:
ئێكه‌تیا ئوروپا د كومبوونا بروكسلدا رێككه‌فتن كو 100 هزار ناڤه‌ندێن ڤه‌حه‌واندنێ بۆ پێشوازیكرنا په‌نابه‌ران ب درێژاهیا رێكا یونان تا ئه‌لمانیا بهێنه دابینكرن.
هه‌روه‌سا سه‌ركردێن ولاتێن ئێكه‌تیا ئوروپا رێككه‌فتن ل سه‌ر وێ یه‌كێ كو ئێكه‌تیا ئوروپا بۆ چاڤدێریكرنا سنوران، چالاكیێن خوه ل سه‌ر سنورێن یونان ومه‌كدونیا زێده‌تر لێ بكه‌ن بۆ توماركرنا ناڤێ وان كه‌سێن دخوازن ده‌رباز دبن.
ئه‌ڤرۆ نیوز:
ب گۆره‌یى نڤیساره‌كا فه‌رمى كو وێنه‌ك ب ده‌ست ئه‌ڤرۆ نیوز كه‌فتیه، تێدا هاتیه، وه‌زاره‌تا دارایى یا حوكمه‌تا هه‌رێما كوردستانێ دێ به‌ردوامیێ ده‌ته به‌لاڤكرنا موچێ هه‌یڤا تیرمه‌هێ ب ڤى ره‌نگێ ل خوارێ:
- ئه‌ڤرۆ رۆژا دوشه‌مبى 26ى چریا ئێكێ مووچێ رێڤه‌به‌ریا گشتى یا پۆلیسان ل وه‌زاره‌تا ناڤخۆ هێته به‌لاڤكرن.
- رۆژا سێشه‌مبى 27ى چریا ئێكێ مووچێ دیوانا وه‌زاره‌تا ناڤخۆ و فه‌رمانگه‌هێن سه‌ر ب وێ وه‌زاره‌تێ هێته به‌لاڤكرن.
- رۆژا چارشه‌مبى 28ى چریا ئێكێ دێ مووچێ وه‌زاره‌تا كاره‌بێ هێته به‌لاڤكرن.
- رۆژا پێنجشه‌مبى 29ى چریا ئێكێ دێ مووچێ وه‌زاره‌تا ئه‌وقاف و كاوربارێن ئاینى هێته به‌لاڤكرن.
ئه‌ڤرۆ نيوز:
رائيدێ مافپه‌روه‌ر، هێمن سلێمان، به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ ل ده‌مژمێر 1:30 ده‌قيقه پۆليس هاتينه ئاگه‌هداركرن ل سه‌ر مرنا گه‌نجه‌كى ل ناحيا رۆڤيا”.
زێده‌تر گۆت: “پشتى پۆليس گه‌هشتينه جهێ روودانێ و ده‌ست ب ڤه‌كۆلينێ هاتيه كرن ديار بوويه كو ئه‌ڤ گه‌نجه ب ناڤێ -محه‌مه‌د عه‌بدولعه‌زيز محه‌مه‌د-ه، د ژيێ 21 ساليێ دايه”.
به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ ئاماژه ب وێ چه‌ندێ ژى كر كو ڤه‌كۆلين ل بنگه‌هێ پۆليسێن رۆڤيا هاتيه تۆماركرن.
ئەڤرۆ نیوز، قائید میرۆ:
ھژمارەکا بەرچاڤ یا رێکخراوێن مەدەنی داخواز دکەن پێداچوون ب نمرەیێن وەرگرتنا قوتابیان بھێتەکرن و کریا خواندنێ ژی بھێتە كێمكرن.
سیروان گەردی، چالاکڤانێ مەدەنی بۆ ئەڤرۆ نیۆز گۆت” ئەڤرۆ مە پڕێنس کۆنفڕانسەکێ رۆژنامەڤانی گرێدا و تێدا، ب ناڤێ ١٣٥ رێکخراوێن مەدەنی داخواز ل حوکمەتێ کر، پێداچوون ب سیستەمێ وەرگرتنا قوتابیان ل زانکۆ و پەیمانگەھێن ھەرێما کوردستانێ بھێتەکرن، ژبەرکو ژبەر ڤان قەیرانان بێکاری زێدەبوویە و گەنج یێ دچنە دەرڤە.
گەردی دیارکر، مە داخوازکر ئەف قوتابیێن نمرەیێن وان ٥٠%ژی بھێنە وەرگرتن و کریا زانکۆیێن ئەھلی ژی بھێتە ئەرزانکرن، چونکە کریا خواندنێ زۆرە و زۆر قوتابی نەشێن کریێ بدەن.
ئەڤرۆ نیوز، سالار دۆسکی:
ب بریارەکا سەرۆکێ حوکمەتا ھەرێما کوردستانێ قوتابیێن ئێزدی ژ زانکۆیا مووسل بۆ زانکۆیێن کوردستانێ ھاتنەڤەگۆھاستن و ل دووڤ ئامارێن بنگەھێ لالەش یێ رەوشەنبیری بتنێ ١٥٠ ژوان قوتابیان یێن کولیژا پزیشکی نە.
جەعفەر سمو، بەرپرسێ راگەھاندنێ ل بنگەھێ لالەش بۆ ئەڤرۆ نیۆز گۆت: ب بریارەکا نێچیرڤان بارزانی سەرۆکێ حوکمەتا ھەرێما کوردستانێ قوتابیێن ئێزدی ئەوێن زانکۆیێن موسل دخاند ھاتنە ڤەگۆھاستن بۆ زانکۆیێن ھەرێمێ و ئەڤە ب رێکا بنگەھێ لالەش بوویە و ب ڤێ مەرەمێ قوتابیێن ناڤبری سوپاسیا بنگەھێ لالەشکرن.
جەعفەر سمویی گۆت ژی: ژمارا گشت قوتابیان ٩٠٠ قوتابی نە و بتنێ ١٥٠ ژوان قوتابیان یێن کولیزا پزیشکن و ھەر ھەموویان سوپاسیا سەرۆکێ حوکمەتا ھەرێما کوردستانێ و بنگەھێ لالەشکرن.
ئه‌ڤرۆنیۆز، ئه‌یاد به‌روارى
سه‌رۆكێ توركی هێزێن كوردی ل سووریێ ب وێ چه‌ندێ تومه‌تباركرن كو بزاڤا كونترۆلا باكوورێ سووریێ دكه‌ن و گوت توركیا وێ چه‌ندێ قه‌بوول ناكه‌ت.
سه‌رۆكێ توركیا ره‌جه‌ب ته‌یب ئه‌ردۆگان ل باژێرێ غازی ئه‌نتاب یێ توركی نه‌رازیبوونا توركیا ژ وێ پێرابوونا هاتیه كرن ئه‌وژی باژێركێ (گرێ سپیێ) بوویه پشكه‌ك ژ ئیدارا خوه‌سه‌ر یا كوردان.
سه‌رۆكێ توركی ره‌خنه ل وان وه‌لاتێن پشته‌ڤانیا هێزێن پاراستنا گه‌ل دكه‌ن، لێ ئاماژه ب ناڤێ چو ژ وان وه‌لاتان نه‌كر و گوت ژی” 1400 ئه‌ندامێن پارتیا كاركه‌رێن كوردستانێ (په‌كه‌كه) یێن دناڤ رێزێن هێزێن پاراستنا گه‌ل دا”.
ئه‌ردۆگانی گوت ژی” یا وان دڤێت كونترۆلكرنا هه‌موو باكوورێ سووریێ یه، ئه‌ز ب رۆهنی دێ بێژم ئه‌م قه‌بوول ناكه‌ین باكوورێ سووریێ ببیته قوربانیا پرۆژێ وان د بن هه‌ر ره‌وشه‌كێ دا، چونكی ئه‌ڤه گه‌فه ل سه‌ر مه و ئه‌سته‌مه بۆمه وه‌كو (توركیا) بێژین (به‌لێ) بۆ ڤێ گه‌فێ”.
هێزێن پاراستنا گه‌ل، بالێ له‌شكریێ په‌یه‌دێ ل خزیرانا بۆری باژێركێ (گرێ سپیێ) یێ سنۆری ل گه‌ل توركیا ژ ده‌ستێ داعشێ رزگاركربوو ب پشته‌ڤانیا ئه‌سمانی یا ئه‌مریكی و ل هه‌فتیا بۆری ژی بریارهاته دان بچیته ب سه‌ر ئیدارا خوه‌سه‌ریا كوردی ڤه.
ئه‌ڤرۆ نیوز:
سه‌رۆكێ پارتا ناسیونالستا توركیا مه‌هه‌پێ راگه‌هاند كو ئێكه‌م كارێ حزبا وى دێ ئه‌و بیت كو پروسا ئاشتیێ ل باكوورێ كوردستانێ و توركیا هه‌لوه‌شینیت.
ده‌وله‌ت باخچه‌لى سه‌رۆكێ مه‌هه‌پێ ل چارچوڤێ گوتاره‌كێ دا بۆ لایه‌نگرێن حزبا خوه ل ئه‌نقه‌ره یا پایته‌ختێ توركیا ره‌خنه ژ حكومه‌تا توركیا گرتن كو ل گه‌ل تیرورستان كوم دبیت كو مه‌ره‌ما وى ( پارتا كرێكارێن كوردستانێ یه) و گۆت” هه‌كه د هه‌لبژارتنێن په‌رله‌مانێ توركیا دا سه‌ركه‌فتین، ئێكه‌م كارێ مه دێ هه‌لوه‌شاندنا پروسا ئاشتیێ بیت”
ئه‌ڤرۆ نيوز:
ب گۆره‌يى نڤيساره‌كا فه‌رمى كو وێنه‌ك ب ده‌ست ئه‌ڤرۆ نيوز كه‌فتيه، تێدا هاتيه، وه‌زاره‌تا دارايى يا حوكمه‌تا هه‌رێما كوردستانێ دێ به‌ردواميێ ده‌ته به‌لاڤكرنا موچێ هه‌يڤا تيرمه‌هێ ب ڤى ره‌نگێ ل خوارێ:
- رۆژا دوشه‌مبى 26ى چريا ئێكێ مووچێ رێڤه‌به‌ريا گشتى يا پۆليسان ل وه‌زاره‌تا ناڤخۆ هێته به‌لاڤكرن.
- رۆژا سێشه‌مبى 27ى چريا ئێكێ مووچێ ديوانا وه‌زاره‌تا ناڤخۆ و فه‌رمانگه‌هێن سه‌ر ب وێ وه‌زاره‌تێ هێته به‌لاڤكرن.
- رۆژا چارشه‌مبى 28ى چريا ئێكێ دێ مووچێ وه‌زاره‌تا كاره‌بێ هێته به‌لاڤكرن.
- رۆژا پێنجشه‌مبى 29ى چريا ئێكێ دێ مووچێ وه‌زاره‌تا ئه‌وقاف و كاوربارێن ئاينى هێته به‌لاڤكرن.
نيشاندان