ئەڤرۆ نیوز، بارزان مزووری:
پێشەنگێ  هاتنوچوونێ بەدرخان محەمەد سەلیم، بەرپرسێ پشکا ھاتنوچونا شێخان بو مالپەرێ ئەڤرۆ نيوز ئاشکرا کر

كو سپێده‌هيا ئه‌ڤرۆ رۆژا شه‌مبى رێكه‌فتى 24ى چريا ئێكێ زارۆيه‌كى ترۆمبێلا بابێ خوه‌ يا ژ جۆرێ كيا تو ته‌ن د ناڤ بازارێ شێخان ل به‌رامبه‌ر قوتابخانا پێكڤه‌ژيان بۆش كر و د ئه‌نجام دا خوه‌ ل ترۆمبێله‌كا ئۆپل ئۆمێگا و هوندا ئه‌لنترا و جى ئێم تايبه‌ت دا و د دووڤدا ترۆمبێل نه‌راوه‌ستيا و چو ب ديوارێ بنگه‌هێ لالش كه‌ڤت.

گۆتژى: “زيانێن مه‌زن ب هه‌ر چار ترۆمبێلا كه‌فينه‌ و زارۆ ژى تووشى ترسه‌كا مه‌زن بوويه‌، به‌لێ ژ لايێ ساخله‌ميا خوه‌ ڤه‌ يێ ب سلامه‌ته‌”.

دا زانين ژى كو ئه‌ڤ روودانه‌ ژ ئه‌گه‌رێ خه‌مساريا بابێ وى زارۆيى روودايه‌ ل ده‌مێ ترۆمبێلا خوه‌ ل ناڤ بازارى راوه‌ستاندى و چووى كه‌لوپه‌لێن مالێ ب كريت و زارۆ ژى هێلايه‌ تێدا.

ناڤبری زێدەتر گۆت: “ئەڤرۆ دەواما قوتابخانێ نەبوو هه‌كه‌ دەوام هه‌بايه‌، دبيت زيانێن مه‌زن ل دووڤ خوه‌ هێلابان و قوربانى ژى لێ كه‌فت بان”.

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا چارشه‌مبى رێكه‌فتى 22ى چريا ئێكێ يا 2015ێ ئه‌سمانێ دهۆكێ دێ ب تمامى ئه‌وره‌كێ ناڤه‌ندى بيت و پاسان دێ بۆ ئه‌ورێن باراناوى هێته‌ گوهۆڕين و هنده‌ك جاران دێ بريسى ژى لێده‌ن.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دهۆكێ دێ ب تمامى ئه‌وره‌كێ ناڤه‌ندى بيت و پاسان دێ بۆ ئه‌ورێن باراناوى هێته‌ گوهۆڕين و هنده‌ك جاران دێ بريسى ژى لێده‌ن.

پشكا پێشبينيان دايه‌ زايه‌ زانين كو دێ ئاراستێ باى ژى باكوورێ رۆژهه‌لاته‌ ب ره‌نگه‌كى د ناڤبه‌را 10 هه‌تا 20 كم دا و ماوێ ديتنێ ژى دێ 8 بۆ 10 كم بيت.

ئه‌ڤرۆنیوز: كاروان باعه‌درى :
د كۆنگرێ نیڤده‌وله‌تى یێ ل دۆر ( به‌رفره‌هیا ئۆلى و ره‌وشه‌نبیرى و پێكڤه‌ ژیانێ ل رۆژهه‌لاتا ناڤین ) دا یێ كو ل پایته‌ختێ وه‌لاتێ یۆنانێ هاتیه‌ ل دارخستن ، نوێنه‌رێ میرێ ئێزدیان ل عیراقێ و جیهانێ په‌یڤه‌ك پیشكیش كر و تێدا داخوازكر ده‌رگه‌هێ مافێ په‌نابه‌ریتیێ بۆ ئێزدیان ل ئوروپا بهێته‌ ڤه‌كرن و ئێزدیێن ل كه‌مپێن توركیا بۆ وه‌لاتێن ئه‌وروپى بهینه‌ ڤه‌گوهاستن و پشته‌ڤانیا ئێزدیان بێته‌ كرن ژبۆ كاره‌ساتا ئه‌وا ب سه‌رێ ئێزدیان هاتى ل دادگه‌ها نیفده‌وله‌تى ب جینوساید بیته‌ ناساندن.
به‌رپرسێ نفیسینگه‌ها لالش ل په‌رستگه‌ها لالش لوقمان سلێمان بۆ ئه‌ڤرۆ نیوز گۆت : برین میر ته‌حسین به‌گ، نوێنه‌رێ میرێ ئێزدیان ل عیراقێ و جیهانێ و ( پیشیمام فارۆق ) دكۆنگرێ ( به‌رفره‌هیا ئۆلى و ره‌وشه‌نبیرى و پێكڤه‌ ژیانێ ل رۆژهه‌لاتا ناڤین ) په‌یڤه‌ك پیشكیش كر و به‌حسێ كاره‌ساتا شنگالێ كر و داخوازییا مافێ په‌نابه‌ریتیێ بۆ ئێزدیان ل ئه‌وروپا كر و هه‌روه‌هان خواست ئه‌و كه‌سێن ئێزدى یێن ل كه‌مپێن توركیا بهێنه‌ ڤه‌گوهاستن بۆ ئه‌وروپا و ئه‌و كاره‌ساتا ب سه‌رێ ئێزدیان هاتى ب جینۆساید ل دادگه‌ها نیڤده‌وله‌تى بهێته‌ ناساندن و ده‌ڤه‌ره‌كا ئارام بۆ وان ل عیراقێ بهێته‌ دابین كرن.
لوقمان سلێمان به‌رپرسێ نڤیسینگه‌ها لالش ل په‌رستگه‌ها لالش خویاكر : نوینه‌رێ میرێ ئێزدیان كۆمبوون ل نوێنه‌رێ ئه‌میندارێ گشتیێ نه‌ته‌وه‌یێن ئێكگرتى و سه‌رۆك وه‌زیرێن یۆنانێ و چه‌ندین كه‌سایه‌تیێن دى كرینه‌ .