ئه‌ڤرۆ نيوز:
قانوونه‌كا نوو يا ئه‌لمانيا چو وارێ ب جهئينانێ كو رێ ب حوكمه‌تا وه‌لاتێ وان دده‌ت ئه‌و كۆچبه‌رێن مافێ كۆچبه‌راتيێ پێ نه‌هاتيه دان ڤه‌گه‌رينيت.
ئه‌ڤ قانوونا نوو يا بۆ په‌نابه‌ران هاتيه ده‌ركرن، بڕيار بوو ل 1ى چريا دويێ ب كه‌ڤيته وارێ بجهئينانێ، به‌لێ ئه‌ڤرۆ رۆژا شه‌مبى رێكه‌فتى 24ى چريا ئێكێ ده‌ست ب كار بوو و ب گۆره‌يى به‌ندێن ڤێ قانوونێ، ژ ئه‌ڤرۆ ب ره‌نگه‌كێ به‌رفره‌هـ ئه‌و كۆچبه‌رێن به‌رسڤا نه‌رێنى ل ئه‌لمانيا وه‌رگرتين دێ ڤه‌گه‌رينيته ئه‌وى وه‌لاتێ ژێ هاتين.
ئه‌ڤرو نیوز،بارزان مزوورى
پیشه‌نگ به‌درخان محه‌مه‌د سه‌لیم، بو مالپه‌رێ ئه‌ڤرو نیوز ئاشكرا كر كو ل سه‌ر جووت سایدێ سه‌ره‌كى شێخان به‌رامبه‌ر ئاڤاهیێ قائیمقامیا قه‌زا شێخان، ترومبێله‌ك ژ جورێ شوفرلێت ئوپترا تایبه‌ت وه‌رگه‌ریا و د ئه‌نجام دا شوفێر ب سه‌ختى بریندار بو و هاته ڤه‌گوهاستن بو نه‌خوشخانا شێخان یاگشتى و ژبه‌ر خرابیا برینێن وا بو نه‌خوشخانا ته‌نگاڤیا دهوك هاته ڤه‌گوهاستن ،
ناڤبرى ل دور ئه‌گه‌رێن رویدانێ دیار كر كو شوفێر بتنێ دناڤ ترومبێلێ بو له‌زاتیه‌ك بله‌ز بكارئینایه و لدوڤ وێ له‌زاتیێ نه‌شیایه كونترولێ ل سه‌ر ترومبێلا خو بكه‌ت و ژ ده‌ستا ده‌ردكه‌ڤیت و وه‌ردگه‌ریێت.
ئه‌ڤرو نیوز،بارزان مزوورى
ئه‌میره عبدالكه‌ریم،ئه‌نداما ئه‌نجومه‌نێ نوینه‌رێن عێراقى بو مالپه‌رێ ئه‌ڤرو نیوز ئاشكرا كر كو پشتى گازنده‌یێن جوتیارێن هه‌رێما كوردستانێ و تایبه‌ت پارێزگه‌ها كه‌ركوك گه‌هشتینه‌مه ژبه‌ر نه‌گه‌هشتنا پارێ وان یێ گه‌نمێ سالا 2014 و 2015 كو گه‌نم دایه سالویا و پاره وه‌رنه‌گرتنین ل 22/10/2015 ئه‌ندام په‌رله‌مان ل ئه‌نجومه‌نێ نوێنه‌رێن عێراقێ سه‌ره‌دانا وه‌زیرى دارایى كر و ئه‌و گازنده گه‌هاندنێ و وان ژى گازندێن جوتیارا گه‌هاندنه سه‌روك وه‌زیرێ عێراقێ حه‌یده‌ر عه‌بادى و ره‌زامه‌ندى هاته دان كو 500ملیون دولار و 100 ملیار دینار بو جوتیارێن باژێرێن عێراقێ بهێنه دان .
ناڤبریێ دیار كر كو به‌هرا كه‌ركوك دناڤ ڤى پاره‌ى دا یا هه‌ى 28،771،000،000دینارێ عێراقى چونكو حه‌تا نها وان پاره وه‌رنه‌گرتیه .
ئه‌ڤرۆ نیۆز، قائید میرۆ
گروپه‌كێ گه‌شتیاریێ هوله‌ندی حێبه‌تی ماینه هه‌مبه‌ر مێهڤانداریا كورددان و بڕیاره ل ڕۆژێن داهاتی سه‌ره‌دانا پارێزگه‌ها دهۆكێ بكه‌ن.
نادر رۆستی، په‌یڤدارێ ده‌سته‌یا گشتیا گه‌شت و گوزارا هه‌رێمێ بۆ ئه‌ڤرۆ نیۆز راگه‌هاند” پشتی هێرشێن داعش هژماره‌كا زۆرا كێم یا گه‌شتیارێن بیانی سه‌ره‌دانا هه‌رێما كوردستانێ كریه، به‌لێ نوكه شانده‌كێ گه‌شتیاریێ هوله‌ندی كو ژ 11 كه‌سان پێكهاتیه سه‌ره‌دانا هه‌رێما كوردستانێ كریه و پشتی سه‌ره‌دانا سلێمانیێ نوكه ل هه‌ولێرێ نه و بڕیاره لڕۆژێن بهێت سه‌ره‌دانا دهۆكێ بكه‌ن.
رۆستی گۆت” ئه‌ف گه‌شتیارێن هوله‌ندی زۆر دلخۆشن ب ره‌وشا هه‌رێما كوردستانێ و كه‌رتێ گه‌شتیاری بتایبه‌تی مێهڤانداریا خه‌لكێ هه‌رێما كوردستانێ و حه‌واندنا ئاواره‌یان دڤێ ره‌وشێ دا.
ئه‌ڤرۆ نیۆز، قائید میرۆ
په‌رله‌مانتاره‌كێ پارتی دیموكراتی كوردستان ته‌كه‌زكر، چو تشتێن فه‌رمی نینه بۆ وه‌رگرتنا پۆستێ سكرتێرێ په‌رله‌مانی ژ كۆمه‌لا ئیسلامی.
مه‌ردان خدر، په‌رله‌مانتارێ فڕاكسیۆنا پارتی ب ئه‌ڤرۆ نیۆز راگه‌هاند” سكرتێرێ په‌رله‌مانی بشێوه‌یه‌كێ ده‌مكی ب كۆمه‌لا ئیسلامی هاتبوودان و به‌هرا ئێكه‌تیێ یه، به‌لێ چو تشته‌كێ فه‌رمی نینه ئێكه‌تی ئه‌ڤی پۆستی ل كۆمه‌لێ وه‌ربگریت، تنێ نوكه به‌حسێ پێداچوونێ د پۆستێ سه‌رۆكایه‌تیا په‌رله‌مانی دا دهێته كرن، له‌وڕا خه‌لكه‌ك داخویانیا دده‌ن و به‌حسێ پۆستێ سكرتێرێ په‌رله‌مانی دكه‌ن.
مه‌ردانی دیاركر، پۆستێ سكرتێرێ په‌رله‌مانی ئه‌ڤه دوساله دایه كۆمه‌لا ئیسلامی و ئێكه‌تیێ به‌حسێ وه‌رگرتنه‌ڤا ئه‌ڤی پۆستی نه‌كریه، ئه‌گه‌ر بخوازن ژی هه‌ر پۆستێ وانایه، به‌لێ جارێ ئێكه‌تیێ لبه‌ر نینه وه‌ربگریت.
ئه‌ڤرۆ نیوز:
سه‌فین دزه‌یى په‌یڤدارێ حكومه‌تا هه‌رێما كوردستانێ دیاركر هه‌تا كو دووماهیا ڤێ حه‌فتیێ دێ به‌لاڤكرنا مووچێ هه‌یڤا ته‌موزێ یێ فه‌رمانبه‌ران ب دووماهى هێت و گۆت”
ل ده‌ستپێكا هه‌یڤا بهێت، دێ ده‌ست ب به‌لاڤكرنا مووچێ هه‌یڤا هه‌شت هێته كرن”.
دزه‌یى بۆ خه‌ندان دیاركریه كو ئه‌و هه‌یڤانه دشێن مووچێ هه‌یڤه‌كێ دابین بكه‌ن.
ئه‌ڤرۆ نیۆز، قائید میرۆ
لیژنا پێشمه‌رگه‌ی ل په‌رله‌مانێ كوردستانێ ره‌تكر چو پێشمه‌رگه و ئه‌فسه‌ره‌كێ بزاڤا گۆڕان ل وه‌زاره‌تا پێشمه‌رگه لسه‌ر ئینتیما سیاسی هاتبیته ده‌ركرن.
به‌هار عه‌بدولڕه‌حمان، بڕیارده‌را لیژنا پێشمه‌رگه‌ی ل په‌رله‌مانێ كوردستانێ ب ئه‌ڤرۆ نیۆز راگه‌هاند” پشتی به‌لافبوونا نوچه‌یێ نانبڕینا هژماره‌ك پێشمه‌رگه‌یێن سه‌ر ب بزاڤا گۆڕان، مه سه‌ره‌دانا ناحیا به‌حركێ كر و ل وه‌زاره‌تا پێشمه‌رگه‌ی دوڤچوونا ئه‌ڤێ پرسێ كر و ده‌ركه‌فت چو فه‌رمانێن فه‌رمی نینه بۆ هنارتنه‌ڤا ئه‌ڤان پێشمه‌رگه و ئه‌فسه‌رێن گۆڕان.
به‌هارێ گۆتژی” ئه‌فسه‌رێن سه‌ر ب بزاڤا گۆڕان بخوه داخوازا مۆهله‌تێ كریه وچووینه‌ڤه، تنێ هژماره‌ك پێشمه‌رگه ژلایێ فه‌رماندێن وانڤه هاتبوونه ئاگه‌هداركرن نه‌چنه ده‌وامێ، به‌لێ پشتی سه‌ره‌دانا مه هه‌موو هاتینه ڤه‌گه‌ڕاندن و چو ئاریشه نه‌ماینه.
ئەڤرۆ نیوز،زنار تۆڤی:
پیتەر کوک سکرتێرێ رۆژنامەڤانیێ وەزارەتا بەرگریا ئەمریکا دپرێس کۆنفرانسەکی دا ل پنتاگۆنێ دیارکر:حوکمەتا هه‌رێمێ ئاگەهداری لسەر ڤێ ئۆپەراسیونێ هەبوو،هێزێن پێشمەرگەی و ئەمریکا و ب هەڤکاریا فرۆکان ئەڤ ئوپەراسیۆنە ئەنجامدایە،چ وەلاتیێن ئەمریکی دناڤ گرتیان دا نینە،دڤێ ئوپەراسیونێ دا 69 زیندانی هاتینە ئازادکرن و 20 ژوان ژ هێزێن عێراقی بوون،هەروەسا دیارکر ژی: سەربازەک هاتیە کۆشتن و 4 پێشمەرگە برینداربووینە و ئەو گرتی هەمی بۆ کوردستانێ هاتینە رەوانەکرن.
ئه‌ڤرۆنیوز, ره‌زوان رۆژبه‌یانى
كۆمیسه‌ر حازم مه‌حه‌مه‌د ژ راگه‌هاندنا هاتن و چوونا قه‌زا به‌رده‌ره‌ش بۆ ئه‌ڤرۆ نیوز خویاكر كو ئه‌ڤرۆ ب شه‌ڤ ل ده‌مژمێر 7 روودانه‌كا هاتن و چوونێ ل سه‌ر رێیا گشتى به‌رده‌ره‌ش – كه‌له‌ك روودا و د ئه‌نجامدا 5 كه‌سان گیانێ خوه ژ ده‌ستدا.
حازم محه‌مه‌د بۆ ئه‌ڤرۆ نیوز دیاركر كو روودان دناڤبه‌را ترۆمبێله‌كا بى ئێم ده‌بلیو و تویوتا كرۆلا تایبه‌ت روودایه و د ئه‌نجامدا سێ زه‌لام و ژنه‌كێ گیانێ خوه ژ ده‌ستدایه و كه‌سێ پێنجى كو زه‌لامه‌ك بوو و هاتبوو برینداركرن بۆ نه‌خوشخانا ئاكرێ هاته ڤه‌گوهاستن، به‌لێ ژبه‌ر كویریا برینا وى ، وى ژى گیانێ خوه ژ ده‌ستدا.
نيشاندان