ئه‌ڤرۆ نيوز:
وێنه‌كێ سێلڤى يێ چالاكڤانه‌كێ سورى يێ به‌رهنگار ل گه‌ل سه‌رۆكێ توركيا ره‌جه‌ب ته‌يب ئه‌ردوگان به‌لاڤ بوويه و پێله‌كا نه‌رازيبوونێ ل توركيا ده‌ستپێكريه و گه‌له‌ك د وێ باوه‌رێ دانه كو ڤى چالاكڤانێ ب ناڤێ رامي جراح كو ل كومبوونه‌كا كو ئه‌ردوگان ئاماده‌بوويه و ئه‌ڤ وێنه‌يه گرتيه و ڤيايه ب ڤى ره‌نگى ده‌ركه‌ڤيت و بێ رێزيێ به‌رامبه‌ر ئه‌ردوگان بكه‌ت.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا دوشه‌مبى رێكه‌فتى 25ى كانوونا دويێ يا 2016ێ ئه‌سمان دێ ب درێژاهيا ده‌مى ئه‌وره‌كێ باراناوى بيت و ل هنده‌ك ده‌ڤه‌ران باران دێ ب دژوارى باريت ل گه‌ل هه‌بوونا بريسيان و ل هنده‌ك ده‌ڤه‌ان ژى دێ به‌فر باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن نزمێن ده‌ريا سۆر بۆ سه‌ر هه‌رێما كوردستانێ دهێته پێشبينيكرن ئه‌سمان ب درێژاهيا ده‌مى ئه‌وره‌كێ باراناوى بيت و ل هنده‌ك ده‌ڤه‌ران باران دێ ب دژوارى باريت ل گه‌ل هه‌بوونا بريسيان و ل هنده‌ك ده‌ڤه‌ان ژى دێ به‌فر باريت.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك و ماوێ ديتنێ ژى 6 بۆ 8 كم بيت، پلێن گه‌رمێ ژى دێ د ناڤبه‌را (5 بۆ 8) پلان دا بيت.
ئه‌ڤرۆ نيوز:
رێڤەبەرێ گشتیێ باژێرڤانیان ل پارێزگەھا دھۆکێ راگەھاند، ھەتا نوکە داھاتێ کارگەھێن گلێشی یێ کێمە، لێ ئەم یێ بزاڤان دکەین کارەبێ ژ گلێشی چێ کەین، چونکو غازەک دناڤ گلێشی دا ھەیە ب ناڤێ غازا میسان و مە ل گەل ھندەک کۆمپانیا ئاخفتیە وێ غازێ بکەنە د بۆریان دا و بۆ وێستگەھێن کارەبێ بھێتە بکارئینان و نھا ئەم د قۆناغا پلان و گەنگەشێ داینە و گۆت ژی: سەرەرای ھەبوونا قەیرانان، ل سالا 2015 باژێرڤانیێن مە ژ ھەموو سالان پتر جادە قێرکرینە کو ب درێژیا 40 کیلۆمەتران رێ ھاتینە قێرکرن.
ئەندازیار ھەڤال ئامێدی، رێڤەبەرێ گشتیێ باژێرڤانیان ل پارێزگەھا دھۆکێ بۆ ئەڤرۆ دیار کر، ل سالا 2015 وان ب ھاریکاریا باژێرڤانیێن ب سەر رێڤەبەریا خوەڤە، سەرەرای قەیرانا ئابووری، کۆمەکا مەزن یا پرۆژێن خزمەتکاری ئەنجام بدەین و ژمارا وان ژی 22 پرۆژەنە و گۆت: پتریا پرۆژان ژی ب دووماھی ھاتینە، ب تنێ ھندەک پرۆژێن مەزن ماینە ھێشتا د بوارێ جێبەجێکرنێ دانە، وەکو پرۆژێ دەروازا زاخۆ، جوتسایدێ شێلادزێ، دەروازا ئامێدیێ و رێیا چرەی.
ناڤبری ئاماژە دا وێ چەندێ، پتریا پرۆژێن ھاتینە ئەنجامدان کۆمپانیان کرینە بێکو ئەو وەکو رێڤەبەری پێشینە و پارێن وان خەرج بکەن و گۆت: د سالا 2015 دا پتری 40 کیلۆمەترێن رێیان کو دبنە 373 ھزار مەترێن چارگۆشە ھاتینە قێرکرن و ئەڤە ژی خزمەتەکا مەزنە، چونکو چو سالان وەکو سالا بۆری جادە ل پارێزگەھا دھۆکێ نەھاتینە قێرکرن، سەرەرای ھندێ کو ئەم د قەیرانەکا ئابووری یا مەزن دا بووینە.
رێڤەبەرێ گشتیێ باژێرڤانیان ئەو یەک ژی دیار کر، ھەیڤانە پێشینەک بۆ کاروبارێن کارگێری بۆ ھەر باژێرڤانیەکێ دھێتە مەزاختن، بەلێ ژ بەر قەیرانا دارایی مە بریار دابوو د سالا بۆری دا ئەو پێشینە ب رێژا 60% بۆ خزمەتێن خەلکی بھێنە خەرجکرن و ب ڤی پارەی ئەم شیاینە ب کۆژمێ چار ملیار و 777 ملیۆن دیناران پرۆژێن جۆراوجۆر ئەنجام بدەین و گۆت: ب ڤی پارەی ھژمارەکا مەزن یا جادا ھاتینە قێرکرن و ڤەکرن و کربستونکرن و ئاڤرێژ ھاتینە ڤەکرن و باخچە ھاتینە چێکرن، ئەڤە ژی ئەو پارە بوو کو باژێرڤانیان ماف ھەبوو بۆ مێڤانداریا و ھندەک تشتێن دی یێن کارگێری ل دووڤ رێنمایێن دارایی ب مەزێخن، بەلێ مە ب فەر دیت وان مەزاختیان کێم بکەین و ل شوونا وان ل پرۆژێن خزمەتکاری ب مەزێخین.
ئەندازیار ھەڤال ئامێدی خویاژی کر، ھەتا نوکە داھاتێ کارگەھێن گلێشی ل کواشێ ھەتا رادەیەکی یێ کێمە، کارگەھا گلێشی ل ئاکرێ ژی ل بن دەستێ کەرتێ تایبەتە، بەلێ پرۆسا رێڤەبرنا وان کارگەھان پتر ژ بەر ھندێ یە گلێش ل بەر دەرگەھێن وەلاتیان بھێتە راکرن و ب شێوەکێ زانستی بھێتە پاراستن بێکو چو زیان بگەھیتە وەلاتیان.
ل دور مفا وەرگرتن ژ گلێشی ئەندازیار ھەڤال گۆت: پێنگاڤا دویێ ئەوە داھاتێ کارگەھێن گلێشی پتر لێ بھێت و بزاڤ ژی یێ دھێنە کرن کارەب ژ گلێشی بھێتە چێکرن، چونکو گلێش ھەردەم غازەکێ ب ناڤێ غازا میسان دروست دکەت، ب تنێ ھندەک ئامیرە دڤێن وێ غازێ کۆم بکەن و ئەو غازە بکەڤیتە د بۆریان دا و خزمەتا کارەبێ بکەت و ئەڤ ھزرە ھاتیە کرن و پلان ژی بۆ ھاتیە دانان و رەنگە ل ئایندەی ببیتە راستیەک و بھێتە جێبەجێکرن، ئەم ل گەل چەند کۆمپانیێن کەرتێ تایبەت ژی ئاخفتینە و وان پێشنیاز ژی داینە مە و مە گەنگەشە ژی ل سەر کریە و ھا ئەم د قۆناغا گەنگەشە و پلانێ داینە.
ئه‌ڤرۆ نيوز:
پوليسه‌كى به‌ره‌ڤانيا باژێرى ل ناحيا نه‌وجولى سه‌ر ب قه‌زا كفرى، ئوتومبێلا خوه دفروشت و هه‌ر پوليسه‌كێ رێڤه‌به‌ريا خوه، 500 هزار ديناران وه‌ك مووچه دده‌تێ.
شه‌هاب ئه‌حمه‌د ئيسماعيل بۆ دوارۆژ دياركريه: پشتى حكومه‌تێ نه‌شياى موچێ هه‌يڤا 9 بده‌ت و بارگرانيه‌كا زێده زێده ل سه‌ر فه‌رمانبه‌ران چێكرى، يا من پێ چێبووى و من دڤيا پيچه‌ك ژ خه‌مێن فه‌رمانبه‌رێن ل گه‌ل خو كێم كه‌م، ئه‌ز رابووم من ئوتومبێلا خوه فروشت و هه‌ر ئێكێ 500 هزار دينار من دانێ تاوه‌كو مووچه دهێن.
ئەڤرۆ نیوز:
قایمقامێ قەزا شنگالێ بۆ ئەڤرۆ دیار کر کو ھێزێن پێشمەرگەی ل رۆژا ئەینیا بۆری 22/1/2016 ل گوندێ کەنعان یێ نێزیک سەربازگەھا دۆمیز یا رۆژئاڤایێ شنگالێ سێ گۆرێن دی یێن ب کۆم دیتن، کو تەرمێن 170 کوردێن ئێزدی تێدانە، ھەموو ژی خەلکێ کۆمەلگەھێن گرعزیر و گرزەرکن و زارۆ و ژن ژی د ناڤ دا ھەنە.
مەحما خەلیل، قایمقامێ قەزا شنگالێ ئاشکرا کر، ھەتا نوکە چو بۆ ڤەکرنا گۆرێن ب کۆم یێن دەڤەرا شنگالێ نەھاتیە کرن و گۆت: “چەندین جاران مە داخوازا ڤەکرنا گۆرێن ب کۆم کریە، لێ مخابن ھەتا نوکە نەھاتینە کۆلان، چونکو رۆژان خەلک قەستا مە دکەن و داخواز دکەن رێز ل ھەستیکێن کوشتیێن وان بھێتە گرتن، ژ بەرکو بارنێن ڤێ دووماھیێ بارین ھەستیکێن د ناڤ گۆرێن ب کۆم دا ئینانیە دەر و دگەل خوە برینە، لەو ھەکەر ب رەنگی بمینن نابنە بەلگەنامە ل سەر جینۆسایدا شنگالێ و دێ بەرزە بن”.
ناڤھاتی خویا ژی کر، د ناڤ وان ھەر سێ گۆرێن ب کۆم دا تەرمێن 170 کۆردێن ئێزدی ھەنە و ھەموو ژن، زارۆ و زەلامن و خەلکێ کۆمەلگەھێن گرعزیر و گرزەرکن و گۆت: “ب دیتنا ڤان سێ گۆران ژی ھژمارا دیتنا گۆرێن ب کۆم ل دەڤەرا شنگالێ گەھشتنە 24 گۆران”.
گۆتژی: “ل سەر فەرمانا نێچیرڤان بارزانی، سەرۆک وەزیرێن ھەرێما کوردستانێ گورەستانەکا نشتیمانی ل نێزیک مەزارگەھێ شەرفەددین بۆ ڤەشارتنا تەرمێن وان گۆرێن ب کۆم ھاتیە دروستکرن، ئەم گەلەک یێ بزاڤان دکەین دەست ب کۆلانا گۆرێن ب کۆم بھێتە کرن و ھوسا نەمینن، دا کو ژ بەرزەبوونێ بھێنە پاراستن”.
قایمقامێ قەزا ئامێدیێ ئاماژە دا وێ چەندێ ژی کر، ئەو گۆرێن ب کۆم یێن دھێنە دیتن ھەکەر نوکە نەھێنە کۆلان ژی، پێدڤی یە ھەر چو نەبیت بھێنە پەرژانکرن ھەتا کار د کۆلانا وان دا دھێتە کرن، لێ مخابن ھەتا نوکە ھێژ نەھاتینە پەرژانکرن و گۆت: “رۆژانە کەسوکارێن قوربانیان داخوازێ ژ مە دکەن گۆرێن ب کوم بھێنە کۆلان و رێز ل ھەستیکێن مریێن وان بھێتە گرتن، مە ژی چەندین جاران ئەڤ داخوازیا وان گەھاندیە وەزارەتا شەھید و ئەنفالکریان، لێ دبێژن جارێ بودجە بۆ کۆلانا وان ل بەر دەست نینە”.
ئه‌ڤرۆ نيوز:
ماریا زاخارۆڤا پەیڤدارا وەزارەتا دەرڤە یا روسیا ل ئاڤاھیێ وەزارەتا دەرڤە د پرێس کۆنفرانسەکی دا پشتەڤانیا حوکمەتا خوە بۆ کوردان ئینا زمان. زاخارۆڤا ل سەر رەوشا تورکیا راگەھاند کو تورکیا ھەڤکارێ یەکێ یێ تیرۆرستێن داعشێ و کۆمێن سەر ب قاعیدەیە و گۆت: (د دەستێ مە دا بەلگەیێن کو ھاریکاریا تورکیا بۆ داعشێ و قاعیدە دسەلمینن، ھەنە و تورکیا یاریان ب ئاگری دکەت و دڤێت دەستێوەردانێ د رەوشا ناڤخوە یا سووریێ دا نەکەت و جارەکا دی سەروەریا ئاخا جیرانێ خوە بنپێ نەکەت).
ل دۆر رەوشا گشتی یا کوردان و ھەلویستێ روسیا ل ھەمبەر راگەھاندنا دەولەتا کوردی ل ھەرێما باشورێ کوردستانێ ژی زاخارۆڤێ راگەھاند کو کوردێن عیراقێ ل گەل عەرەبان پێکھاتەیا سەرەکینە ل عیراقێ و ھەر دەمێ بریارێ ل سەر ئاڤاکرنا دەولەتەکا سەربخوە وەربگرن ئەو دێ رێزێ لێ گرن و گۆت: (نەتەوا کورد د جۆگرافیا کو نھا تێدا دژیت ب ھزاران سال ھەنە و ھەبوونا وان د ھەموو پشکێن دیرۆکێ دا دیارە و ب سالان بۆ ئازادیا خوە خەبات کرینە و ھەر دەمێ دەولەتا خوە یا سەربخوە راگەھینن ئەم دێ رێزێ لێ گرن و ل دووڤ ھزرا مە مافێ کوردایە ل تورکیا، عیراقێ و سووریێ چارەنڤیسێ خوە دیار بکەن و ئەڤ مافێن وان یێن سروشتینە).
ل سەر شەرێ ل ھەمبەر داعشێ و کۆمێن سەر ب قاعیدە ڤە ژی ماریا زاخارۆڤا راگەھاند کو ھەکە تورکیا، قەتەر و ھندەک وەلاتێن دی ھەڤکاریا وان رێکخستنێن تیرۆرست نەکەن ئەو نەشێن خوە ل سەر پیان رابگرن و درێژە ب کریارێن تیرۆرستی بدەن و گۆت: (مە گەلەک جاران ھۆشداری دا وان وەلاتان دا کو دەست ژ ھەڤکاریا داعشێ و قاعیدە بەردەن و بەنزینێ نەکەنە سەر ئاگری، ژ بەر کو ھەر وەلاتەکێ ئاگری بلند بکەت ئەو ژی دێ تێدا سۆژیت و تشتێ مە ماتمای دھێلیت ئەمریکا، ئورۆپا و نەتەوێن یەکگرتیە ل ھەمبەر تورکیا، قەتەر و ھەڤکارێن دی یێن تیرۆرستان د بێدەنگن).
ل ئالیێ دی رابرت فیسک پەیامنێرێ ناڤدار یێ رۆژناما بریتانی ئیندێپێندێنت ل سەر رەوشا داویا سووریێ و عیراقێ و شەرێ ل دژی داعشێ راگەھاند کو د دەستێ وی دا بەلگە ھەنە کو ھندەک ئەندامێن داعشێ ب نھێنی د ناڤ حوکمەت و دەولەتا تورکیا دا کار دکەن و گۆت: (ئەز دێ د دەمەکی نێزیک دا بەلگەیێن د دەستێ خوە دا بۆ رایا گشتی ئاشکرا کەم و دیسان ل ئالیێ دی ھەکە ھندەک وەلات دەستێوەردانێ د کۆنگرێ سێیێ یێ جنێڤێ دا نەکەن ئەز باوەر دکەم دێ چارەکا سیاسی ژ کۆنگرێ دەرکەڤیت و دڤێت د کۆنگرێ دا نوونەرێن رۆژئاڤایێ کوردستانێ، عەرەبێن سوننە و عەلەوی جھێن خوە بگرن و مەرجێ دەست ژ کارکێشانا ئەسەدی ژی نەمینیت و بێی مەرج کۆنگرە بھێتە سازکرن).
ئەڤرۆ نیوز، ھەژار مەعروف:
ئێکەتیا تەپا پێ یا ھەرێما کوردستانێ د کومبوونا خوە یا دوھی دا ب فەرمی راھێنەرێ نوو یێ ھەلبژارتیێ کوردستانێ دەست نیشانکر بۆ پشکداری کرنێ د قارەمانیا کونیفا یا ئەڤ سالە ئەوا بریارە ل ھەرێما ئەبغازیا ل روسیا بھێتەکرن .
مالپەرێ ئێکەتیا تەپا پێ یا کوردستانێ دیارکری یە پشتی کومبوون ب دووماھی ھاتی بریار ھاتە دانێ خەسرو گورون وەکو راھێنەرێ ئێکێ ھەلبژارتیێ کوردستانێ بیت.
ژێدەرێن دەنگوباسی ل ناڤا ئێکەتیا تەپا پێ دیارکری یە دەست نیشانکرنا خەسروی بۆ وێ چەندێ ڤەدگەریت راھێنەرەکێ خودان شیان و شارازیەکا باش ل سەر یاریکەرێن خۆلا کوردستانێ ھەیە و ھەردیسان ئەوی راھێنەری دەم ھەیە دیڤچوونا ھەمی یاریکەرێن خولا کوردستانێ بکەت ژبەرکو نە گرێدای چو یانایە.
ھەژی گوتنێ یە خەسرو گورون بەری نوکە راھێنەریا ھەلبژارتیێ کوردستانێ کریە و ھەردیسان چەندین یانێن باژێرێ سلێمانیێ کری یە ئەوژی یانێن سلێمانی و کەمال سەلیم و نەوروز سیروان نوو .
نيشاندان