ئەڤرو نیوز، بارزان مزووری:
ل سالا 2014ێ 11 رۆژان به‌نداڤا مووسل كه‌فته ده‌ست چەکدارێن تیرورستێن، پاشان ژ لايێ پێشمەرگەیێن کوردستانێ ب ھەڤکاری د گەل فروکەیێن ھەڤپەیمانا دووبارە ھاتە کونترول کرن و کەفتە لبن کونترولا پێشمەرگەی.
وەزارەتا دەرڤە یا ئەمریکا راگەھاند، بەنداڤا مووسل بەر ب مەترسیێ ڤە دچیت ژ بەر دەرنەکەفتنا ئاڤا وێ نەدانانا چ ژێده‌رێ ئابووری وەکو کارگەھان یان چ ژێدەرێن دی یێن پروژێن ئاڤێ بو چ باژێرێن دی بەرەڤ مەترسیەکا مەزن دچیت بو سەر پارێزگەھا تکریت و مووسل و سامەرا ژیانا ملیونەھا کەسا د ئێخستیە مەترسیێ دا.
مالپەرێ بی بی سی دا دیار کریە کو دو ئەگەرێن سەرەکی پتر مەترسی خستیە سەر ژ وانا نەبونا چ ژێدەرێن دارایی ژبو نوێژەنکرن و بەرفرەکرنا بەنداڤێ و ئەگەرێ ململانێ دناڤبەرا حکومەتا بەغدا و حکومەتا ھەرێما کوردستانێ ،ژمارا کارمەندێن بەنداڤێ ژی بەرەڤ کێم بونێ چوینە ژبەر نەدانا موچێن وان یێن پێنج ھەیڤان .
ژ بوو مفا وه‌رگرتن ژ ئاڤێ و ب كارخستنا وێ د خزمه‌تا وه‌لاتيان دا، ل سالا 1984ێ به‌نداڤا مووسل هاتيه دروستكرن.
.
ئه‌ڤرۆنیۆز، ئه‌یاد به‌رواری
حوكمه‌تا تاجیكستانێ 13 هزار كه‌س نه‌چاركرن ریهێن خوه ب تراشن و 1700 ژن ژی ده‌رسوكێ ژ سه‌رێ خوه بكه‌ن د سالا 2015 ێ دا.
حوكمه‌تا وی وه‌لاتی ئه‌ڤ پێرابوونه وه‌كو پشكه‌ك ژ وێ هه‌وا وێ ده‌ستپێكری بۆ به‌رهنگاریا توندڕه‌ویێ ل تاجیكستانێ.
ئه‌ڤ هه‌وه ل مه‌ها گۆلانا 2015 ێ ده‌ستپێكربوو و گه‌هشتبوو وی راده‌ی رێگری ل چوونا حه‌جێ هاته كرن.
ئاكنجیێن تاجیكستانێ 8 ملیۆن كه‌سن كو 90% ژێ موسلمانن و هه‌ر ژ سالا 1994 ێ حوكمه‌ته‌كا علمانی ب سه‌رۆكاتیا سه‌رۆك (ئیمام عه‌لی ره‌حمانوف) یا حوكمڕانه ل وی وه‌لاتی.
په‌رله‌مانێ تاجیكستانێ ژی ل هه‌فتیا بۆری بریارا قه‌ده‌غه‌كرنا ناڤێن عه‌ره‌بی ده‌ركر، پشتی دیاردا ناڤلێكرنا ژدایكبوویێن نوو ب ناڤێ (محه‌مه‌د).
تاجیكستان دترسیت چه‌كدارێن تاجیكی یێن گه‌هشتینه داعشێ ل سنۆرێ ئه‌فغانستانێ و ویلایه‌تا (خراسان) دروستكری، ببیته گه‌ف ل سه‌ر تاجیكستانێ.
ل دووڤ ئه‌نستیتیۆتا شاهانه بۆ كاروبارێن نێڤده‌وله‌تی ل له‌نه‌ده‌ن، 500 وه‌لاتیێن تاجیكی یێن دناڤ رێزێن داعشێ دا و هه‌تا نوكه 100 ژ وان یێن هاتینه كوشتن.
ل مه‌ها ئیلۆنا 2015 ێ، تاجیكستانێ حزبا ئێكانه ل وی وه‌لاتی (حزبا رابوون) قه‌ده‌غه‌كربوو، و ل دووڤ وه‌زاره‌تا ده‌رڤه یا ئه‌مریكی ل دۆر ئازادیێن ئایینی، حوكمه‌تا تاجیكی ده‌رسوك ل قوتابخانان یا قه‌ده‌غه‌كری و به‌رهه‌ڤبوونا كه‌سێن ژیێ وان ژ 18 سالیێ كێمتر د ڕێ و ره‌سمێن ئایینی یا قه‌ده‌غه‌كری، دیسا حوكمه‌تا ناڤبری وه‌رگرتنا زارۆیێن ژیێ وان كێمتر ژ 18 سالیێ بۆ وانێن ئایینی بێ رازیبوونا خێزانێن وان، یا قه‌ده‌غه‌كری و نابیت كه‌سێن ژیێ وان كێمتر ژ 35 سالیێ داخوازا چوونا حه‌جێ بكه‌ن.
ئه‌ڤرۆ نیوز، رۆژهات لوقمان:
ئه‌ڤرۆ ل كومه‌لگه‌ها سیریێ ئاگر به‌ر دبیته مالا هاولاتیه‌كێ ب ناڤێ( فازل ئیبراهیم شاباز) و دئه‌نجامدا مالا وى دسوژیت.
سه‌ردار به‌لو به‌رپرسێ به‌رگریا به‌ره‌ڤانیا شارستانى ل شێلادزێ بو ئه‌ڤرۆ نیوز گوت: ل ده‌مێ رویدانێ خێزانا وێ مالێ ل مال نه‌بویه و ئاگرێ به‌ربوویه مالا و پشتى دووڤچوون هاتیه كرن، دیار بوو ژ ئه‌گه‌رێ شورته‌كێ كاره‌بێ روودان په‌یدا بوویه.
ئه‌ڤرۆ نيوز:
ئه‌ڤرۆ رۆژا ئه‌ينى رێكه‌فتى 22ى كانوونا دويێ 2016 و ل ده‌مژمێر 3:00ى ئێڤارى ل سه‌ر جادا سه‌ره‌كيا باتيفا بۆ زاخۆ ل نێزيك گۆندێ خه‌نده‌كێ روودانه‌كا ترافيكێ ژ جۆرێ لێكدان روودا.
ئه‌ڤ روودانه د ناڤبه‌را ترۆمبێله‌كا تايبه‌ت ئۆمێگا سپى و ترۆمبێله‌كا لێگزز تايبه‌ت رساسى دا بوو و د ئه‌نجام دا زيانێن گيانى نه‌بوون، به‌لێ زيانێن مادى ب هه‌ردۆ ترۆمێبلان كه‌فتن.
ژێده‌ر و وێنه: بنگه‌هێ هاتنوچوونێ ل باتيفا
ئەڤرۆ نیوز، بارزان مزووری:
پێشەنگێ هاتنوچوونێ بەدرخان محەمەد سەلیم، بەرپرسێ پشکا ھاتنوچوونا قه‌زا شێخان بۆ ئەڤرۆ نیوز دیار کر کۆ ئەڤرۆ رۆژا ئه‌ينى رێكه‌فتى 22 کانونا دويێ 2016 و ل ده‌مژمێر 12:15 ده‌قيقه ل سەر جوتسایدێ سەرەکيێ شێخان بۆ کومەلگەھا چرە ل نێزیک گوندێ زیناڤا ترۆمبێلەک ژ جورێ ھوندا تایبەت وەرگەریا د ئەنجام دا شوفێر ب دژواری بریندار بوو، مەترسی ل سەر برینێن وی ھەنە، بۆ نەخوشخانا شێخان یا گشتی ھاتە ڤەگوھاستن.
ناڤبری ل دۆر ئەگەرێن وەرگەریانێ ئاشکرا کر کو رێ جوتسایدە، شوفێر ب تنێ د ناڤ ترۆمبێلێ دا بوو، ب لەز چوویە نەشیایە کونترۆلێ ل سەر لەزاتیا ترۆمبێلا خوه بکەت وەردگەریێت پتر ژ دو جاران سەر ھەیکەلێ خوه دچیت بۆ دەرڤەی رێ.
ئەڤرۆ نیوز، زنار تۆڤی:
رێکخراوا لێبۆرینا نێڤدەولەتی دیاردکەت کو ئوپەراسیۆنێن سەربازی ل دەڤەرێن باکوورێ کوردستانێ بووینە هوکارێ سەپاندنا ب زۆری و قەدەغەیا هاتنوچوونێ و نەبوونا ئاڤێ و خزمەتگۆزاریێن پزیشکی و گەهشتیە ئاستێ ب سزادانا کۆمەل یا مللەتێ کورد.
هەروەسا ئەو راپۆرتە بدرێژاهی بەحسێ باکوورێ کوردستانێ دکەت و دبێژیت:پشتی مە لێکۆلینەکا مەیدانی ئەنجامدای کو خەلکەکێ زۆر ب ئەگەرێ شەری و سەپاندن و ئازاردانێ و دەمارگیریێ و زیان ڤێ کەفتییە و کو ئەو خەلک هەمی کوردن و ئەڤ رێکخراوە هۆشداریێ ددەتە تورکیا.
هەروەسا دبێژیت،کارەکێ ب زەحمەتە چاڤدێرێن نێڤدەولەتی بشێن بچنە ناڤ باژێرا و هێرشێن تورکیا بۆ سەر باژێر و باژێرکێن کوردستانێ ئاشکرا بکەن،ددەمەکی دا 200 هزار کەس د مەترسیێ دانە هەتاکو سزادانا ب کۆمەل.
جۆن دالهۆزن رێڤەبەرێ بەرنامێ و ئورۆپا و ئاسیا ناڤەراست دیارکریە،برینا خزمەتگۆزاریێن ئاڤ و کارەبێ و مەترسیێن خوارنێ و خزمەتگۆزاریێن تەندروستی دناڤا ئاگری دا ئاماژەیەکە بۆ وێرانکرنا خەلکێ و ئەگەرێ هندێ هەیە کو هەکە زوو نەهێتە چارەکرن ب ئێکجاری دێ ژ دەست چیت.
ئەڤ رێکخراوە زێدەتر دبێژیت:هێزێن تورکیا چەکێن قۆرس و قەناسەیان بکاردئینن،ژبەر مەترسیا رەوشێ گەلەک ژ چاڤدێرێن نێڤدەولەتی بۆ وان جهان یێن هاتینە قەدەغەکرن.
جۆن دالهۆزنی ئەوژی گۆتیە،دڤێت دەسهەلاتا تورکی رێو شوێنێن پێدڤی و ئاسایشێ بەرامبەر مافێن مرۆڤی بکاربینیت.
ئەڤرۆ نیوز، ھشیار دوبانکی:
رێڤەبەرێ یاریگەھا یانا زاخۆ ئاشکراکر ھژمارەکا باش یا جەماوەر و حەژێکەرێن یانا ل یاریگەھا نوو یا یانێ ئامادەبوون و ھەکە ئامادەبوونا جەماوەری د یاریا ئێکێ دا ب ڤی شێوەی بیت باوەرن ل یاریێن بھێت دێ گەلەک باشتربیت .
زێدەتر خالد مەلا سادق رێڤەبەرێ یاریگەھا یانا زاخۆ د داخویانیەکا تایبەت دا بۆ ئەڤرۆ نیوز دیارکر داھاتیێ پلێتێن ڤێ یاریێ ١٤ ملیون و نەھسەت و پازدە ھەزار دینارێن عیراقی بوون و ئەو دبینت ل یاریێن بھێت دێ ھژمارەکا مەزنتر یا جەماوەری ل یاریگەھێ ئامادەبیت تایبەت ل یاریێن ب ھێز جەماوەری دێ ھژمارا داھاتی و جەماوەری گەلەک زێدەتر بیت.
ئەڤرۆ نیوز، ھەژار مەعروف:
تیما تەپا پێ یا زاخۆ بەردەوامی دا سەرکێشیا کوما ئێکێ یا خۆلا فاست لینکا کوردستانێ سەرەرای وەکھەڤیا وێ ل گەل یانا ھەولێرێ بێ گول دوێ یاریێ دا ئەوا ئەڤرۆ ل یاریگەھا فرەنسو حەریر یا ئێکێ ھاتیەکرن ژ چارچوڤێ یاریێن گەرا پێنجێ و ب ڤی ئەنجامی زاخۆ خالێن خوە گەھاندنە حەفت خالان سەرێ لیستەیا خۆلێ پاراست و تیما ھەولێر خالێن خوە گەھاندنە شەش خالان ل رێزا دوێ دھێت.
ژلایەکی دیڤە ل یاریگەھا خوە تیما ھندرین شێیا سەرکەفتنا خوە یا ئێکێ ل وەرزی ئەڤ سالە توماربکەت پشتی ب سەرکەفتی ل سەر یانا کەرکوک ب گولەکێ بێ بەرامبەر و ب ڤێ سەرکەفتنێ ھندرین خالێن خوە گەھاندنە شەش خالان پێشڤە چو رێزا سیێ و کەرکوک پاشڤە چو رێزا چارێ و ھەردو یانێن شێروانە و ئارارات ب گولەکێ وەکھەڤ بوون.
نيشاندان