ئه‌ڤرۆ نیوز:
یوسف محه‌مه‌د ژ فراكسیونا گۆران كو نوكه ل نڤیسینگه‌ها په‌رله‌مانێ كوردستانێ ل سلێمانیێ ده‌وامێ دكه‌ت، كورێ خوه ژ قوتابخانێ خوه ئینا ده‌ر كو ل هه‌ولێرێ دخواند و ڤه‌گوهاسته سلێمانیێ.
باس نیوز به‌لاڤكریه كو كورى یوسف محه‌مه‌د ل قوتابخانا ئیشق ل هه‌ولێرێ ده‌وام دكر و ئه‌ڤرۆ ڤه‌گوهاستیه سلێمانیێ.
ئه‌ڤرو نیوز، بارزان مزوورى :
ئه‌فسه‌ره‌ك ژ هێزێن پێشمه‌رگه‌ى ل میحوه‌رێ كه‌سكێ بو مالپه‌رێ ئه‌ڤرو نیوز ئاشكرا كر كو نها ده‌مژمێر 12 شه‌ڤ 19/10/2015 چه‌كدارێن تیرورستێن داعش مژیلى كومبونه‌كێ بون دناڤ سایلویا كه‌سكێ دا و فروكه‌یێن هه‌ڤپه‌یمانان كومبونا وان ب 10 صاروخا بوردومان كر و ل دوڤ زانیاریێن دروست كو گه‌هشتینه‌مه كو 100 چه‌كدار د كومبونه‌كێ دا بوون، هه‌موو هاتینه كوشتن كو گه‌له‌ك ژ به‌رپرسێن وان ییێن بیانى دناڤ دا بون و ژماره‌كا ترومبێل و چه‌كێ وان ژى هاتینه ناڤ برن.
ژێده‌رى دیار كر كو ئاڤاهیێ سایلویێ ب تمامى ئینایه‌خار و هه‌رفاندیه.
ئه‌ڤرۆ نيوز:
ل گەل نێزیکبوونا دەستپێکرنا وەرزێ نوویێ خواندنێ ھندەک ساخلەتێن سەرەکیێن ھەین پێدڤیە تە ل گەل زارۆیێن خوە ھای ژێ ھەبیت، وەکو چاڤدێریا پاقژیێ و سەروبەرێ وی، بلا جلک و پێلاڤ و چانتین وی پشتگوە نەھاڤێژین ل دەمێ دچیتە قوتابخانێ.
ب ڤی رەنگی ھاریکاریا زارۆیێ خوە بکە دا دلرحەت و تەنا و و جوان و پاقژ بیت دەمێ دچیتە قوتابخانێ:
یاقژیا کەسوکی: پاقژی ئێک ژ وان کارانە کو پێدڤیە ل نک زارۆی ھەبیت، لەورا پێدڤیە بەردەوام سەرێن وان بشۆی و ب تایبەت دەمێ سەقایێ گەرم بیت، تو دزانی کو زارۆ گەلەک دلڤن و بتایبەت یێن کوڕ و خوە ددەت.
ل سەر ئاستێ جلکان و پاقژیا ژ سەرڤە یا باش ئەوە پتر ژ جلکەکی بکەیە بەر زارۆیان، و دا سپێدەھیان ئالۆز نەبی بۆ بەرھەڤکرنا جلکێن وان یا باش ئەوە ب شەڤ بۆ دروست بکەی.
ھندەک تشتێن دی ژی یێن ھەین پێدڤیە حەفتیێ جارەکێ یان دو جاران لێ بنێری وەکو بڕینا نینۆکان و شەکرنا پرچێ رۆژانە و شووشتنا ددانان و پاقژکرنا گوھان.
تەناھیا زارۆیان و پاراستنا ساخلەمیا وان: وەکو دبێژن زارۆ تێن و بێھنێن مرۆڤی نە، لەورا پێدڤیە چاڤێ تە ل ساخلەمی و تەناھیا وان بیت ل دەمێ خواندنێ، بۆ ڤێ چ ەندێ وان پێلاڤان بۆ بکڕە یێن پێن وان تێدا د حەت بن دا برێڤەچوونەکا تەنا پێ بکەن و پێن وان دج ساخلەم بن.
بۆ ساخلەمیا پشتا وان ژی پێدڤیە چاڤێ تە ل سەنگێ چانتێ وان بیت، لەورا ل گەل زارۆیێ خوە خشتی َوی یێ قوتابخانێ رۆژانە بەرھەڤ بکە و ئەو پرتووکێن وێ رۆژێ پێدڤی نەبیت ژ چانتەی دەربکە و ھەکە تایرە ب چانتەی ڤە ھەبن باشترە دا جار جاران ل دووڤ بکێشیت و بارێ وی سڤک بیت.
بۆ خوارنا نیڤرۆیان ژی پێدڤیە بزانی دێ چ خوران بۆ بەرھەڤ کەی، دەمێ تو شەربەتان دکڕی بلا دشروشتی بن وەکو شیری ل شوونا شەربەتان و سەندەویچێن پەنیری ل شوونا گەشتی و فێقیەکی ژی ل گەل بدێ.
جوانی و ماقوولیا زارۆیێن تە دێ سەرنجا خەلکی راکێشیت:
جوانی و ماقوولیا زارۆیێ تە دێ باوەریا ب وان زێدە کەت و سەرنجا خەلکی راکێشیت، ل گەل ھندێ دێ سەرنجا مامۆستایان ژی راکێشیت و دێ پرسیارا ناسناما دایک و بابێن وی کەن، لەورا یا باش ئەوە ھەمی دەمان جلکێن وان د ئوتی کری بن و پرچا وان یا شەکری بیت.
باشترین شەکرن بۆ کچان چێکرنا دو کەزیانە یان کەزیەکا ب تنێ و یا باش ئەوە ھندەک ئکسسواراتێن رەنگین ل گەل ب کاربینی.
ئەڤرۆ نیوز:
کۆمەکا زانایان راگەھاند کو تۆرا ئنترنێتێ دبیتە ئەگەرێ بلندبوونا فشارا خوینێ ل نک سنێلان و تێکدانا بڕبڕا پشتێ دکەت.
ئەنجامێن ڤەکۆلینەکا زانستی کو ١٣٥ سنێلان پشکداری تێدا کربوو و تیمەکێ زانستی ل نەخۆشخانا “ھنری فۆرد” ئەنجامدابوو باندۆرا تۆرا ئنترنێتێ ل سەر لەشێ سنێلان دەستنیشانکرن، و وەسا دیار بوو کو دبیتە ئەگەرێ بلندبوونا فشارا خوینێ ل نک وان.
ڤێ ڤەکۆلینێ باندۆرا ئنترنێتێ ل سەر ساخلەمیا سنێلان ب شێوەکێ گشتی ب خوەڤە گرتبوو، ەکو دیتنا چاڤان و رێیا روونشتنێ. وەسا دیار بوو کو بۆراندنا دەمەکێ درێژ ل سەر کومپیۆتەری دبیتە ئەگەرێ بلندبوونا فشارا خوینێ و تێکدانا بڕبڕا پشتی و ھندەک تشتێن دی.
ل سەر ڤان ئەنجامان شارەزا ژ سەمیانێن سنێلان دخوازن کو ھای ژ زارۆیێن خوە ھەبیت و نەھێلێن گەلەک دەمی ل سەر کومپیۆتەری ببۆرینن و زارۆیێن خوە ھان بدەن جار جاران پیاسان بکەن.
ڤەکۆلەران ئاشکرا کر کو بۆراندنا پتر ژ ١٤ سەعەتان د حەفتیێ دا ل سەر کومپیۆتەری ئاریشێن ساخلەمی بۆ سنێلان پەیدا دکەت، ئانکو نابیت رۆژێ ژ دو سەعەتان پتر کومپیۆتەری بکاربینن.
ئه‌ڤرۆ نيوز:
رێڤه‌به‌ريا به‌ره‌ڤانيا باژێرى ل دهۆكێ راگه‌هاند كو به‌رى ده‌مه‌كێ كێم ل دهۆكێ ئاگر به‌ربوو شوقه‌كێ ل به‌رامبه‌ر زه‌رى پارك و دو كه‌س دبريندارن.
رائيدێ مافپه‌روه‌ر بێوار عه‌بدولعه‌زيز به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “به‌رى ده‌مه‌كێ كێم ل ماسيكێ به‌رامبه‌ر زه‌رى پارك ئاگر به‌ربوو شوقه‌كێ و ب ده‌مه‌كێ كێم تيمێن ئاگرڤه‌مراندنێ گه‌هشتنه جهێ روودانێ”.
به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى زێده‌تر گۆت: “هه‌ر زوو تيمێن ڤێراگه‌هشتنا ده‌سپێكى كونترۆلا ئاگرى كر، به‌لێ ب مخابنى ڤه دو كه‌س بريندار بوون”.
رائيدێ مافيه‌روه‌ر هيڤى ژى ژ وه‌لاتيان خواست ده‌مێ به‌ره‌ڤانيا باژێرى كار دكه‌ت نه‌بنه ئاسته‌نگ و رێگر و خوه ژ جهێ كارێ وان بده‌نه پاش دا بشێن ب ره‌نگه‌كێ دروست كارێ خوه بكه‌ن.
ئه‌ڤرۆنیۆز، هه‌رهین محه‌مه‌د:
د.ئیبراهیم ئه‌حمه‌د سمو سه‌رۆكێ لژنا خواندنا بلند ل په‌رله‌مانێ كوردستانێ د په‌یجێ خوه‌یێ تایبه‌تێ فه‌یسبووكى دا ئاشكراكریه كو وى ئه‌ڤرۆ په‌یوه‌ندى ب وه‌زیرێ خواندنا بلند كریه و ب مه‌ره‌ما دانا عبورێ ب دو بابه‌تان ل زانكویێن ئه‌هلى و حكومى و وه‌زیرێ خواندنا بلند دیاركریه كو دێ كه‌ته دبه‌رنامێ كارێ خوه دا بۆ كومبوونا ئه‌نجومه‌نێ وه‌زاره‌تێ و كومبووما رۆژا دوشه‌مبى یا بهێت دێ گه‌نگه‌شه ل سه‌ر هێته‌كرن.
د.ئیبراهیم سمۆ خواستیه ژى سه‌رۆكێن زانكویێن كوردستانێ پشته‌ڤان بن بۆ ڤێ بریارێ داكو قوتابى ژێ مفادار بن، ژبه‌ر كو گه‌له‌ك قوتابى پێشمه‌رگه و هێزێن ئه‌منى بووینه و دڤێت ئه‌ڤه ل به‌ر چاڤ بهێته وه‌رگرتن.
ئه‌ڤرۆ نیۆز، قائید میرۆ
ئێڤاریا ئه‌ڤرۆ ئێكه‌م حاله‌تێ مرنێ ب ئه‌گه‌رێ ڤایرۆسا كۆلێرایێ هاته تۆماركرن و لیژنا ساخله‌می ژی دبێژیت، نێزیكی حه‌فتێ حاله‌ت هاتینه تۆماركرن.
ئاواز حه‌مید، ئه‌نداما لیژنا ساخله‌می ل په‌رله‌مانێ كوردستانێ ب ئه‌ڤرۆ نیۆز راگه‌هاند” بشێوه‌یه‌كێ فه‌رمی تنێ حه‌فت حاله‌تێن نه‌خۆشیا كۆلێرایێ هاتینه تۆماركرن، به‌لێ گوره‌ی دوڤچوونا مه وه‌كی لیژنا ساخله‌میێ بۆمه ئاشكرابوویه نێزیكی 70 حاله‌تێن نه‌خۆشیا كۆلێرایێ هه‌نه و پتریا وانژی ئاواره‌نه.
ئاوازێ دیاركر، مه‌غره‌بیا ئه‌ڤرۆ زانیاری گه‌هشتینه من وه‌لاتیه‌كێ پارێزگه‌ها سلێمانیێ ژ ئه‌گه‌رێ ڤایرۆسا كۆلێرایێ گیانێ خوه ژده‌ستدایه و ئه‌ڤه‌ژی ئێكه‌م حاله‌تێ گیان ژده‌ستدانێ یه ب كۆلێرایێ دهێته تۆماركرن لهه‌رێما كوردستانێ.
ئه‌ڤرۆ نیوز:
وه‌زاره‌تا دارایى ل گه‌ل به‌لاڤكرنا مووچێ هه‌یڤا حه‌فت، ده‌ست ب قه‌ره‌بووكرنا فه‌رمانبه‌رێن هه‌ردوو پارێزگه‌هێن هه‌ولێر و دهۆك كر و ئه‌ڤرۆ فه‌رمانبه‌رێن وه‌زاره‌تا دارایى هاتنه قه‌ره‌بووكرن.
ل گه‌ل تێكه‌لكرنا هه‌ردو ئیداره‌یێن هه‌ولێر و سلێمانیێ، بریار هاته دان موچێن فه‌رمانبه‌ران وه‌كو ئێك لێ بهێته كرن و قه‌ره‌بوویا هه‌ردو فه‌رمانبه‌رێن پارێزگه‌ها دهۆك و هه‌ولێر بهێته كرن چونكه مووچێن وان ل چاڤ ئیدارا سلێمانیێ یا ده‌مى كێمتر بوو، له‌وما ئه‌ڤرۆ ل گه‌ل به‌لاڤكرنا مووچه‌ى، فه‌رمانبه‌رێن وه‌زاره‌تا دارایى ب كوژمه‌كێ هاتنه قه‌ره‌بوكرن و چه‌ند وه‌زاره‌تێن دى ل گه‌ل دابه‌شكرنا مووچه‌ى دێ هێنه قه‌ره‌بووكرن.
ئه‌ڤرۆ نیۆز، رێوار مزیرى:
رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ رۆژا ئێكشه‌مبى 18/10/2015 ئێكه‌م رۆژا ده‌وامێ ل ئاڤاهیێ خوه یێ نوو ل گرێ ئێتیتێ ل پارێزگه‌ها دهۆكێ كر.
هه‌ژى گۆتنێ یه كو ئاڤاهیێ نوو یێ رێڤه‌به‌ریا گشتى یا ره‌وشه‌نبیرى ژ هه‌شت قاتان پێك دهێت و جهه‌كێ تایبه‌ت د ناڤ ئاڤاهى دا بۆ رێڤه‌به‌ریا كلتۆرى ل پارێزگه‌ها دهۆكێ هاتیه ته‌رخانكرن.
نيشاندان