ئەڤرۆ نیوز:
یاریگەھێن تەپا پێ ل عیراقێ بووینە جھێ دادانا فروکەیێن سەروک وەزیرێ عیراقێ حەیدر عەبادی کو دوھی د سەرەدانەکا خوە دا بۆ دەڤەرا شەھرەبان ل باژێرێ دیالا فروکەیێن وی ل یاریگەھا شەھرەبان دادان کو ئەو یانە ئێک ژ یانێن خۆلا پلا ئێک ل سەر ئاستێ عیراقێ.
ئەڤە دبیتە جارە گەلەکێ فروکەیێن عەبادی ل یاریگەھێن تەپا پێ دادەن تایبەت ل دەڤەر و قەزایێن عیراقێ و دو جاران ل یاریگەھا کەربەلا ژی ئەڤ چەندە دوبارە بوویە .
ئه‌ڤرۆ نيوز:
ئه‌ڤرۆ جڤاتا وه‌زيرێن هه‌رێمێ ب سه‌رۆكاتيا نێچيرڤان بارزانى كومبوو، د به‌ياننامه‌كێ دا جڤاتا وه‌زيران به‌لاڤكريه بۆ رونكرنا ره‌وشا هه‌رێمێ و تێگه‌هشتنا زێده‌تر، بريار هاته دان رۆژا شه‌مبيا بهێت ورك شوپه‌ك بۆ هه‌موو وه‌زاره‌تێن حكومه‌تا هه‌رێمێ بهێته سازكرن كو هه‌موو وه‌زير و بسپورێن وه‌زاره‌تێ پشكدار ببن و تێدا ب هويرى به‌حسێ ره‌وشا هه‌رێمێ بهێته كرن و پلانا حكومه‌تێ بۆ چاوانيا ده‌ربازكرنا ڤێ قوناغێ دێ هێته به‌رچاڤكرن.
ئه‌ڤرۆ نيوز:
نێچيرڤان بارزانى سه‌رۆك وه‌زيرێن هه‌رێما كوردستانێ راگه‌هاند: بۆ ڤه‌ره‌ڤاندنا گومانا خه‌لكى ل سه‌ر داهات و خه‌رجيێن حكومه‌تێ و ڤه‌ره‌ڤاندنا گومانێن خه‌لكى ل سه‌ر شه‌فافيه‌تێ، حكومه‌تێ هه‌لمه‌ته‌كا به‌رفره‌هـ يا پێزانينان و دياركرنا داتايان ده‌ستپێكريه بۆ وێ يه‌كێ وه‌لاتى ب تمانى ژ پێزانينێن سه‌باره‌ت داهاتێ هه‌رێمێ و چاوانيا خه‌رجكرنا وان ب ده‌ست بكه‌ڤن.
نێچيرڤان بارزانى زێده‌تر گوت: ئه‌م ب تنێ نه، دده‌مه‌كى دا ل جهێ دونيايێ ئه‌م يێ شه‌رێ دكه‌ين، و ژ ئاليێ دارايى ڤه بۆ روى ب روى بوونا داعش چ هه‌ڤكاريه‌كا دارايى بۆ هه‌رێمێ نه‌هاتيه كرن.
ئه‌ڤرۆ نيوز:
نڤيسنگه‌ها راگه‌هاندنا سه‌رۆكايه‌تيا جڤاتا وه‌زيران د راگه‌هاندنه‌كێ دا ل سه‌ر ده‌نگوباسێ ده‌ست ب سه‌رداگرتنا 276 مليار دينارێن هه‌ڤژينا ئاشتى هه‌ورامى ژ ئاليێ لژنه‌كا تايبه‌تا سه‌رۆكايه‌تيا هه‌رێمێ هاته ده‌نگ و ئه‌و ده‌نگوباسه ب نه‌وه‌يى ده‌رێخستيه.
جڤاتا وه‌زيران ره‌ت دكه‌ت كو ئه‌و ژنه ، هه‌ڤژينا ئاشتى هه‌ورامى بيت و ئه‌و ده‌نگوباسه ب نه‌راست هژمارتيه و دياركريه چ لژنێن ڤه‌كولينێ ژ سه‌رۆكاتيا هه‌رێمێ ل دور ڤێ پرسێ نه‌هاتينه پێكئينان.
ئه‌ڤرۆ نيوز:
جڤاتا وه‌زيرێن هه‌رێما كوردستانێ د كومبوونا ئه‌ڤرۆ دا بۆ روى ب روى بوونا قه‌يرانا دارايى چه‌ند برياره‌كێن گرنگ ده‌رێخستن.
كومبوونا ئه‌ڤرۆ يا جڤاتا وه‌زيران ب سه‌رپه‌رشتيا نێچيرڤان بارزانى سه‌باره‌ت قه‌يرانا دارايى و چاوانيا دابينكرنا موچێ فه‌رمانبه‌ران ده‌ستپێكر.
د كومبوونێ دا پارێزگه‌هێن هه‌ولێر و سلێمانيێ و دهۆك و هه‌له‌بجه ژى پشكداربوون و برياره چه‌ند برياره‌كێن گرنگ بۆ روى ب روى بوونا قه‌يرانا دارايى و دابينكرنا مووچان بهێنه ده‌ركرن.
د كومبوونێ دا بريار هاته دان ئه‌نجومه‌نه‌كێ بلند بهێته پێكئينان بۆ داهاتێ هه‌رێما كوردستانێ و سه‌رپه‌رشتيا خرڤه‌كرنا داهات و خه‌رجيان بكه‌ت، حكومه‌ت ژى ب دو قوناخان روى ب روى قه‌يرانا دارايى ببيت ، برياره ژى بۆ دروستكرنا هه‌ڤسه‌نگيێ ل بازارى، بهايێ كه‌ل و په‌لان و كرێيا خانى و خزمه‌تگوزاريان بهێته كێمكرن.
ئەڤرۆ نیوز، ھەژار مەعروف:
مالپەرێ نیڤدەولی یێ فیفا ناڤێ دەھـ زەنگینترین یاریکەرێن کچ ل جیھانێ ئاشکراکری نە کو موچەیێ وان یێ سالانە بەرامبەر یاریکەرێن کور گەلەک یێ کێمە.
ئەو یاریکەرێن کچ ب ڤی رەنگی نە.
ئەلکیس مورجان دھێتە ھژمارتن خودانا مەزنترین موچەیێ سالانە ل سەر ئاستێ وەرزشا کچان ئەوژی د گەھیتە ٤٥٠ ھەزار دولاران و ھەردیسان ئەڤ یاریکەرە ب شاھـ جوانا یاریکەرێن کچ دھێتە ھژمارتن
مارتا یاریکەرا بەرازیلی ئەوا زێدەتر ژ جارەکێ ب خەلاتێ باشترین یاریکەرا جیھانێ ھاتیە خەلاتکرن رێزا دوێ دھێت موچەیێ وێ یێ سالانە د گەھیتە ٤٠٠ ھەزار دولاران
ویمباک یاریکەرا ھەلبژارتیێ ئەمریکا ئێک ژ بەرنیاسترین یاریکەرێن ھەلبژارتیێ خوە یێ رێزا سییچ دھێت ئەوژی ب ٢٠٠ ھەزار دولاران
ھیسر میتس یا ئەمریکی ب موچەیێ سالانە ١٥٠ ھەزار دولاران رێزا چارێ دھێت
نیکولا بانکی یاریکەرا ھەلبژارتیێ ئەلمانیا و یا رەگەز ئەفریقی رێزا پێنجێ دھێت ب کوژمێ ٩٠ ھەزار دولاران سالانە
ئەماندین ھنری یاریکەرا ھەلبژارتیێ فەرەنسا و یانا لیون یا فەرەنسی رێزا شەشێ دھێت ب کوژمێ ٧٠ ھەزار دولاران
نیلا فیشر یاریکەرا ھەلبژارتیێ ئەلمانیا و یانا فلفسبورگ رێزا حەفتێ دھێت ب ٦٧ ھەزار دولاران 
ھوب سولو گولچیا ھەلبژارتیێ ئەمریکا رێزا ھەشتێ دھێت کو موچەیێ وێ یێ سالانە د گەھیتە ٦٥ ھەزار دولاران و ب جوانترین گولچیا جیھانێ دھێتە ھژمارتن.
گونێل فیلینگو یا کەنەدی رێزا نەھێ دھێت ب ٦٠ ھەزار دولاران
یاریکەرا ھەلبژارتیێ فەرەنسا و یانا پاریس سان جێرمان لور بولو رێزا دەھێ دھێت ب کوژمێ ٦٠ ھەزار دولاران سالانە کو ئەڤێ یاریکەرێ ٥٧ یاریێن نیڤدەولی ژی ل گەل ھەلبژارتیێ خوە ھەیە ل ھێلا ناڤین لایێ چەپێ یاریێ کەت.
ئەڤرۆ نیوز، ھەژار مەعروف:
پشتی زێدەتر ژ سێ حەفتیان یاریێن خۆلێ ھاتینە راوستاندن ژبەر پشکداریا ھەلبژارتیێ ئولومپی یێ عیراقێ ئەڤرۆ جارەکا دی دەست ب یاریێن خۆلا عیراقێ ھاتنەکرن و د چارچوڤێ یاریێن گەرا سیێ دا یێن ئەڤرۆ ھەتا رادەکێ مەزن ئەنجامێن ڤێ حەفتیێ د بەرژوەندیا یانا دھۆک دا بوون بتنێ یاریەک نەبیت ئەوژی تیما کەرخ شێیا پشتی بورینا ١٢ یاریان سەرکەفتنا ئێکێ توماربکەت ل سەر یانا نەفت ئەلجنوب ب دو گولان بەرامبەر گولەکێ و ب ڤی ئەنجامی خالێن خوە گەھاندنە ٨ خالان پێشکەڤت ب خالەکێ ل گەل یانا دھۆک و تیما دھۆک پاشڤە زفری رێزا دەھێ ب حەفت خالان لێ کێمتر یاریەکێ ژی یانێن دی.
ژلایەکێ دیڤە تیما سەماوە ل یاریگەھا خوە توشی خوسارەتیێ بوو ب گولەکێ بێ بەرامبەر ل گەل یانا زەورا گولا تیما زەورا ژلایێ یاریکەرێ وێ عەلا عەبدولزەھرە ل دەقیقا ٩١ ژی یاریێ ھاتنە تومارکرن و ب ڤی ئەنجامی زەورا سەرێ لیستەیا خولێ پاراست ٢٨ خالان بەرامبەر تیما سەماوە ھەر مان ١١ خال رێزا ھەشتێ دھێت و ھەلگرا وەرزێ بوری تیما نەفت وەست سەرکەفت ل سەر کارەبا ب سێ گولان بێ بەرامبەر و خالێن خوە گەھاندنە ٢٧ خالان و خالێن کارەبا مان ١٢ خال رێزا حەفتێ دھێت و تەلەبە و نەفت میسان بێ گول وەکھەڤ بوون.
ئەڤرۆ نیۆز، قائید میرۆ
لباژێڕێ مووسل چەکدارێن داعش ھەوەک بۆ دەستەسەرکرنا مامۆستایێن ئاینی دەستپێکر و ھەتا نوکە ھژمارەک مەلایێن مووسل ھاتینە دەستەسەکرن.
غەیاس سورچی، پەیڤدارێ مەلبەندێ نەینەوا یێ ئێکەتی نیشتیمانی کوردستان ب ئەڤرۆ نیۆز راگەھاند” گروپا تیرۆرستیا داعش ل باژێڕێ مووسل ھەوەکا دەستەسەرکرنا مامۆستایێن ئاینی دەستپێکریە و ھژمارەک گۆتارخوینێن مزگەفتێن باژێڕێ مووسل ب تۆمەتا ڤێ چەندێ بەرھەڤنەبووینە خەلکی ھانبدەن بچنە ناڤا رێزێن چەکدارێن داعش دەستەسەرکرینە.
سورچی گۆتژی” گورەی زانیاریێن گەھشتینە بەردەستێ مە چوار مەلایێن بەرنیاسێن موسل بەرەف جھەکێ نەدیار ھاتینە رەڤاندن کۆ ئەڤەژی ناڤێ، وانن، شێخ فارووق عەبدولا سەبعاوی، شێخ وەلید مەنسور، شێخ عەبدولکەریم مەلا ، شێخ یونس زەنوون.
ئەڤرۆ نیوز، ئەیاد بەرواری:
ئیدارا گەرمیان بریارا ڕاگرتنا دەوامێ ل ھەموو دامودەزگەھێن حوکمەتێ بۆ دەمێ سێ رۆژان د حەفتیەکێ دا دەرکر ژ ئەگەرێ بەردەوامیا قەیرانا نەبوونا مووچێن فەرمانبەران.
پەیڤدارێ ئیدارا گەرمیان (ھەڤال ئیبراھیم)، ل دووڤ (شەفەق نیۆز) گوت” بریار ھاتە دان دو رۆژان ژ ھەفتیێ ببیتە بێھنڤەدان بۆ فەرمانبەرێن دەڤەرا گەرمیان، ب ڕێیا کێمکرنا دەمژمێرێن دەواما فەرمی کو دێ بیتە ھەتا دەمژمێر 12 نیڤرۆ کو ب ڤێ چەندێ دێ سێ رۆژان دەوام بیت و سێ رۆژان بێھنڤەدان”.
ئيدارا گه‌رميان ژ ده‌ڤه‌رێن هه‌له‌بچه و كفرى و كه‌لار و خانه‌قين و چه‌مچه‌مال پێك دهات و نوكه هه‌له‌بچه بوويه پارێزگه‌هه‌كا سه‌ربه‌خوه.
نيشاندان