ئه‌ڤرۆ نیوز:

نه‌ته‌وێن یه‌كگرتى ئاشكرا دكه‌ت كو ژمارا چه‌كدارێن داعش ل عێراق و سووریێ به‌ره‌ڤ كێمبوونێ یه‌ و بۆ پركرنا رێزێن خوه‌، داعش په‌نایێ دبه‌ته‌ به‌ر گه‌نجان و ب پاران وانا سه‌ردا دبه‌ت.
ئه‌لیزابیتا كارسكا سه‌رۆكا تیما تایبه‌تا سه‌ر ب نه‌ته‌وێن یه‌كگرتى كو ڤه‌كولین ل دۆر داعش كریه‌ دبێژیت: داعش دخوازیت سه‌رنجا گه‌نجان ب لایێ خوه‌ڤه‌ رابكێشیت و گه‌نجان ببنه‌ رێزێن خوه‌، ئه‌گه‌رێ وێ یه‌كێ ژى ئه‌وه‌ كو داعش به‌رده‌وام یێ به‌ره‌ڤ كێمبوونێ دچیت و داعش ب رێیا تورێن جڤاكى و ب رێكا پاران وانا سه‌ردا دبه‌ت.

ئه‌ڤرۆنیۆز، ئه‌یاد به‌روارى
سه‌رۆكێ روسیا هژمارا وه‌لاتیێن روسی و یێن وه‌لاتێن ئێكه‌تیا سوڤیه‌تی یا به‌رێ یێن دناڤ رێزێن داعشێ دا ئاشكراكرن و دبێژیت هژمارا وان دناڤبه‌را پێنج هه‌تا هه‌فت هزار كه‌سانه‌.
فلادیمێر پۆتین سه‌رۆكێ روسیا د كوپیتكا سه‌رۆكێن وه‌لاتێن ئێكه‌تیا سوڤیه‌تی یا به‌رێ ل كازاخستان دیاركر كو ئه‌و هژمارا چه‌كداران دێ بنه‌ مه‌ترسیه‌كا مه‌زن هه‌كه‌ بۆ وه‌لاتێن خوه‌ بزڤرن.
پۆتینی هوشداری دا ژ چوونا توندوتیژیا ل ئه‌فغانستانێ بۆ ناڤ وه‌لاتێن ناڤه‌راستا ئاسیا و تیرۆرست یێ ب هێز دكه‌ڤن و پلانێن خوه‌ یێ به‌رفره‌هبوونێ ژی نا ڤه‌شێرن.

ئه‌ڤرۆ نیوز:

ژ ئه‌گه‌رێ نقومبوونا به‌له‌مه‌كێ ل نێزیك كنارێن توركیا ، 12 كوچبه‌ر خه‌ندقین كو د ناڤ وان دا ژن و زارۆ هه‌نه‌ و چاره‌نڤیسێ 13 كوچبه‌رێن دى نه‌یێ دیاره‌.
ژێده‌ره‌كێ پاسه‌وانى یێن كه‌رێن توركیا راگه‌هاند” ل دورگه‌ها لیسبوس یا یونانى، به‌له‌مه‌ك كو 50 كوچبه‌ر هه‌لگرتبوون، نقوم بوو و ژ ئه‌گه‌رێ وێ 12 كوچبه‌ر خه‌ندقین و 25 دن ژى ژ ئالیێ تیمێن ده‌ریاڤانى هاتنه‌ رزگاركرن، به‌لێ هه‌تا نوكه‌ چاره‌نڤیسێ 13 كوچبه‌ران نه‌یێ دیاره‌.