ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 18ى چريا ئێكێ يا 2015ێ ئه‌سمانێ دهۆكێ دێ ساهى بيت ل گه‌ل هنده‌ك ئه‌ورێن كێم، پلێن گه‌رمێ ژى دێ بلند بن.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دهۆكێ دێ ساهى بيت ل گه‌ل هنده‌ك ئه‌ورێن كێم.

پشكا پێشبينيان دايه‌ زايه‌ زانين كو دهێته‌ پێشبينيكرن بلندترين پلێن گه‌رمێ يێن پارێزگه‌هێن هه‌رێمێ ب ڤى ره‌نگى بن: دهۆك 30 پله‌، سلێمانى 31 پله‌، هه‌ولێر 32 پله‌ و كه‌ركووك 33 پله‌.

ئه‌ڤرۆ نيوز:

به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ راگه‌هاند كو به‌رى نيڤرۆيا ئه‌ڤرۆ رۆژا ئه‌ينى رێكه‌فتى 16ى چريا ئێكێ يا 2015ێ گه‌نجه‌ك د سكرێ دهۆكێ دا خه‌ندقى.

رائيدێ مافپه‌روه‌ر هێمن سلێمان، به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “نيڤرۆيا ئه‌ڤرۆ رۆژا ئه‌ينى رێكه‌فتى 16ى چريا ئێكێ يا 2015ێ پۆليسێن دهۆكێ ل سه‌ر روودانه‌كا خه‌ندقينێ د سكرێ دهۆكێ دا هاتنه‌ ئاگه‌هداركرن”.

زێده‌تر گۆت: “د ده‌مه‌كێ گه‌له‌ك نێزيك دا تيمێن رێڤه‌به‌ريا پۆليسێن پارێزگه‌ها دهۆكێ پشكا هه‌وارهاتنێ و به‌ره‌ڤانيا باژێرى ل جهێ روودانێ ئاماده‌ بوون و تيمێن نقۆمڤانان شيان د ماوه‌كێ كورت دا لاشى وى ژ ئاڤێ بيننه‌ ده‌ر”.

دا زانين ژى كو ئه‌ڤ كه‌سه‌ ب ناڤێ بارزان سالح قادر بوو و ژ دايكبوويێ 1994 و په‌رێن ڤه‌كۆلينێ بۆ دياربوونا راستيا روودانێ ل بنگه‌هێ پۆليسێن زاويته‌ هاته‌ ڤه‌كرن.