ئه‌ڤرۆ نيوز:
ئه‌ڤرۆ رۆژا ئه‌ينى رێكه‌فتى 16ى چريا ئێكێ يا 2015ێ بۆ رۆژا دويێ ل دووڤ ئێك جڤاتا نشتيمانى يا گۆڕان كۆمبوو و بڕياره ئه‌ڤرۆ دووماهى بڕيارا خوه ل سه‌ر مانا د حوكمه‌تێ دا بده‌ت.
گۆڕان دێ ئه‌ڤرۆ بڕيارێ ده‌ت
نووترين نووچه
- فازل میرانی: دەستهەلاتدارێن بەغدا كورد وەكو هەڤپشك قەبوول نەكرینە
- جێگرێ خەلیفەیێ داعشێ ب پێزانینێن مە هاتە كوشتن و سۆدانی ئاماژە ب وی رۆلی نەكر
- دۆنالد ترەمپ رۆلێ هەرێما كوردستانێ د كوشتنا سەركردەیەكێ داعشێ دا بلند د هەلسەنگینیت
- حەشدا شەعبی فەرمانێن فەرماندەییا گشتییا هێزێن چەكدار ل ئیراقێ بجهـ نائینیت، بەلكو فەرمانان ژ دەرڤەی وەلاتی وەردگریت
- پەرلەمانتارەك: ئەو سۆزێن وەزارەتا كۆچ و كۆچبەرێن ئیراقێ داینە ئاوارەیان بجهـ نەئیناینە
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
سه‌ره‌كى Twitter
کۆمپانیا تویوتا: ڤان وەلاتان ترومبێلێن تویوتا داینە داعشێ
ئەڤرۆنیۆز، ئەیاد بەرواری
ئەنجامێن ڤەکۆلینا ژلایێ کۆمپانیا تویوتا یا یابانی ڤە ھاتینە کرن ل دۆر ژێدەرێن ڤرێکرنا ھزارەھا ترومبێلێن تویوتا دیاردکەن کو چار وەلاتان ئەو ترومبێل یێن کڕین و داینە دەستێ گرۆپێن تیرۆرستی.
راپۆرتا ڤەکۆلینا کۆمپانیا تۆیوتا دەرکەفت پشتی ئەمریکا دلگرانیا خوە ژ ھەبوونا ٦٠ ھزار ترومبێلێن تویوتا ل دەف داعشێ ل سووریێ و عیراقێ و لیبیا دیارکری.
ل دووڤ ئاژانسا (النبڕ)، سووریا و روسیا ژی راپۆرتا کومپانیا تویوتا وەرگرت ل دۆر وان وێنێن ترومبێلێن کۆمپانیا ناڤبری ژ ھەوالگیریا لەشکری یا رووسی وەرگرتین و تێدا ژێدەرێن وان ترۆمبێلان دیاردکەت یێن بۆ داعشێ ھاتینە ھنارتن و تێدا ھاتیە ئاشکراکرن کو ھژمارا شاێیێ ھندەک ژ وان ترومبێلان یێن دناڤ وێ لیستا ترومبێلان دا ھەین کو ژلایێ ھندەک کۆمپانیێن سعودی و قەتەری و ئیماراتی ڤە ھاتینە کڕین زێدەباری ھندەک ترومبێلێن دی کو ژلایێ لەشکرێ ئوردنی ڤە ھاتینە کڕین ب ھاریکاریا ھندەک بەنکێن سعودی.
ژلایەکێ دی ڤە و ل دووڤ راپۆرتەکا رۆژناما (الدیار) یا لوبنانی، کۆمپانیا تویوتا د بەرسڤا واشنتۆن دا ل دۆر چاوانیا بدەستڤئینانا ترومبێلێن تویوتا ژلایێ داعشێ ڤە دیارکریە کو وێ لیستا کڕینا ١٠ ھزار ترومبێلێن تویوتا ژ لایێ نوری مالکی ڤە یا ھەی کو بۆ ھێزێن ئەمنی و تیمێن زێرەڤانانو ھندەک یەکەیێن لەشکرێ عیراقێ کڕی بوون، لێ دەمێ داعشێ مووسل و تکریت کونترۆلکرین دەستێ خوە دانا سەر ٩ ھزار ژوان ترومبێلێن تویوتا یێن رەنگ سپی و ژ ھینگێ وەرە ل عیراقێ و سووریێ ژلایێ داعشێ ڤە دھێنە بکارئینان.
بڕيارا ده‌سته‌سه‌ركرنا سێ سه‌ركردان دهێته ده‌ركرن
ئه‌ڤرۆ نيوز:
حه‌سه‌ن ئه‌لياسرى، سه‌رۆكێ ده‌سته‌يا گشتى يا ده‌سپاكيێ ل عيراقێ ب وه‌كاله‌ت راگه‌هاند، ده‌سته‌يا وان د رێيا دادگه‌ها تايبه‌ت ب ده‌سپاكيێ ڤه، فه‌رمانا ده‌سته‌سه‌ركرنێ بۆ سێ به‌رپرسێ بلندێن عيراقێ ده‌ركريه كو د تۆمه‌تبارن ب تێكڤه‌دانا گه‌نده‌ليێ و هه‌مان ده‌م ژ لايێ ده‌سته‌يێ ڤه د داخوازكرينه بۆ لێپرسينێ.
سه‌رۆكێ ده‌سته‌يا گشتيا ده‌سپاكيێ گۆتژى: “ژ ئه‌گه‌رێ تێكڤه‌دانا گه‌نده‌ليێ بڕيارا ده‌سته‌سه‌ركرنێ بۆ هه‌ر ئێك ژ نه‌نعيم عه‌بوب و عه‌بدولحسێن موردش ده‌ركريه كو هه‌ردويان به‌رى نوكه پۆستێ ئه‌ميندارێ گشتيێ به‌غدا هه‌بوو، ئه‌وان پۆستێ خوه د وارێ دارايى دا د به‌رژه‌وه‌نديا خوه دا ب كار ئينايه و سامانێ وه‌لاتيان ب هه‌ده‌ر دايه.
ه‌سه‌ن ئه‌لياسرى، سه‌رۆكێ ده‌سته‌يا گشتى يا ده‌سپاكيێ ل عيراقێ ئاماژه ب وێ چه‌ندێ ژى كر كو بڕيار بۆ عه‌بدولكه‌ريم عه‌فتان وه‌زيرێ كاره‌بێ يێ به‌رێ ژى ده‌ركريه كو بهێته ده‌سته‌سه‌ركرن و مافێ گه‌شتكرنێ بۆ ژ ده‌رڤه‌يى وه‌لاتى ژى نينه.
ده‌ست ب به‌رهه‌ڤیان بۆ ئازادكرنا ڤێ ده‌ڤه‌رێ ژ داعش دهێته كرن
ئه‌ڤرۆ نیوز:
هێزێن ئه‌منى یێن عیراقێ ده‌ست ب به‌رهه‌ڤیان كرینه بۆ رزگاكرنا باژاروكێ حه‌ویجه كو دكه‌ڤیته باشوورێ كه‌ركووكێ و نها دده‌ستى داعشدایه.
قایممقامێ حه‌ویجه سوبحان خه‌له‌ف دیاكر : 250 جه‌نگاوه‌رێن شیعه مه‌زهه‌ب كو ئه‌ڤه 6 هه‌یڤه یێ راهێنانان دكه‌ن دێ پشكداربن و پلان بۆ رزگاركرنا حه‌ویجه یێن ب دووماهى هاتى، ئه‌ڤ جه‌نگاوه‌ره، پشتى پشكداریێ د گرتنا حه‌ویجه دا دكه‌ن دێ ل گه‌ل سوپا و هێزا پێشمه‌رگه‌ى پشكداریێ د رزگاكرنا مووسل دا ژى كه‌ن”.
گۆڕان كێشه‌يه بۆ هه‌موو سیسته‌مێ سیاسیێ كوردستانێ
ئه‌ڤرۆ نیوز:
هێمن هه‌ورامى ئه‌ندامێ جڤاتا سه‌ركردایه‌تیا پارتى دیموكراتى كوردستان دیاركر كو بزاڤا گۆڕان كێشه‌شه بۆ هه‌موو سیسته‌مێ سیاسیێ كوردستانێ و گوت” ئه‌گه‌ره‌كێ سه‌ره‌كى یێ ئالوزیێن ڤێ دووماهیێ بزاڤا گۆران بوون، ئه‌وژى ژبه‌ر پابه‌ندنه‌بوونا وان ب رێككه‌فتنا ل گه‌ل پارتى دیموكراتى كوردستان هه‌ی”.
هێمن هه‌ورامى ئه‌ندامێ جڤاتا سه‌ركردایه‌تیا پارتى دیموكراتى كوردستان دیاركر ژى : پۆستێ سه‌رۆكێ په‌رله‌مانى ژ ئالیێ گۆران ڤه ب تایبه‌تى ژى ژ ئالیێ یوسف محه‌مه‌د ڤه هاته بكارئینان بۆ ژكارخستنا په‌رله‌مانى ، ب تایبه‌ت ژكارخستنا وێ هه‌ڤسه‌نگى و سازانێ كو یوسف محه‌مه‌د پێ بوویه سه‌رۆكێ په‌رله‌مانى.
دى سترانه‌كا عه‌بدولواحدى كلیپ كه‌ت
ئه‌ڤرۆ نیوز، هه‌رهین محه‌مه‌د:
سترانبێژ دلشاد زاخوى بۆ ئه‌ڤرۆ نیوزدیاركر كو نها مژوولى دو سترانا یه، ئێك ژوان سترانا یا هونه‌رمه‌ند(عه‌بدولواحد زاخویى ) یه بناڤێ ( تو دورى ئه‌ز بتنێ) وسترانا دوێ ژى بناڤێ( بێژه من ) كو ژپه‌یڤ و ئاوازێن هونه‌رمه‌ند عه‌بدلقهار زاخوى نه و ژڤانه ل ڤان نێزیكان هه‌ردو ستران بهێنه كلیپ كرن ل كوردستانێ.
خوه راده‌ستكرنا چه‌كدارێن داعش یا به‌رده‌وامه
ئه‌ڤرۆ نیۆز، قائید میرۆ
خوه راده‌ستكرنا چه‌كدارێن تیرۆرستێن داعش ل میحوه‌رێ گوێڕ یا به‌رده‌وامه و بۆیه دیارده، فه‌رمانده‌كێ پێشمه‌رگه‌ی ژی دبێژیت، هه‌تا نوكه هژماره‌كا زۆرا چه‌كدارێن داعش گه‌هشتینه سه‌نگه‌رێن پێشمه‌رگه‌ی.
عه‌لی چه‌مچه‌مالی، فه‌رماندێ پێشمه‌رگه‌ی ل میحوه‌رێ گوێڕ ب ئه‌ڤرۆ نیۆز راگه‌هاند” ئه‌ڤه بۆ ده‌مێ چه‌ند رۆژانه هژماره‌كا زۆرا چه‌كدارێن داعش خوه راده‌ستی هێزێن پێشمه‌رگه‌ی دكه‌ن و دده‌مێ نوكه‌دا، 30 چه‌كدار ل ده‌ف من هاتینه زیندانیكرن و پشتی ڤه‌كۆلینێن هویر دێ راده‌ستی هێزێن ئه‌منیێن هه‌رێمێ هێنه‌كرن.
چه‌مچه‌مالی دیاركر، ئه‌ف چه‌كدارێن داعش یێن هه‌تا نوكه خوه راده‌ستی پێشمه‌رگه‌ی كری پتریا وان عه‌ره‌بن و ل ره‌فتارێن داعش بێزاربووینه و زۆر ژوانا چه‌كدارێن شه‌ڕكه‌ڕبووینه و چه‌كێ خوه دانایه و خوه گه‌هاندیه چه‌په‌رێن پێشمه‌رگه‌ی، ئه‌مژی گوره‌ی پره‌نسپێن مافی مرۆڤی سه‌ره‌ده‌ریێ دگه‌ل ئه‌ڤان چه‌كداران دكه‌ین.
زاخۆ بۆ قارەمان
ئه‌ڤرۆ نیوز، زنار:
تیما باسكت بۆلا زاخۆ ب ناسناڤێ قاره‌مانیا باسكا پارێزگه‌ها دهۆكێ هاته خه‌لاتكرن پشتى سه‌ركه‌فتن د یاریا دووماهیا قاره‌مانیێ دا ل سه‌ر باسكا یانا دهۆك توماركرى ب ئه‌نجامێ 72_64 خالان، د وێ یاریێ دا ئه‌وا ل هۆلا گرتیا یانا دهۆك یا وه‌رزشى هاتیه كرن.
د ڤێ یاریێ دا تیما زاخۆ شیا ب تولا خوساره‌تیا خوه یا یاریا ئێكێ ڤه‌كه‌ت ده‌مێ خوساره‌ت بوى ل گه‌ل یانا دهۆك و سه‌ركه‌فتنێ ڤێ جارێ د یاریا دووماهیێ دا تومار بكه‌ت ب جوداهیا هه‌شت خالان، كو دڤێ یاریێ دا ئاستێ یانا زاخۆ گه‌له‌ك باشتر هاته دیتن و یاریكه‌رێ وێ فه‌رید ره‌عدى شیا 40 خالان توماربكه‌ت، به‌رامبه‌ر یاریگه‌رێن یانا دهۆك ل سه‌ر ئاستێ خوه یێ جاران نه‌بوون و تووشى چه‌ندین خه‌له‌تیان بون كو ئه‌گه‌رێ سه‌ره‌كى بوو تیم تووشى خوساره‌تیێ بیت.
بۆ زانین د ڤێ یاریێ دا دو یاریكه‌ر و راهێنه‌رێ یانا دهۆك خه‌تاب عومه‌ر ژ یاریێ هاتنه ده‌رخستن پشتى ژ گیانێ وه‌رزشى ده‌ركه‌فتین و نه رازیبونا وان ل سه‌ر بریارێن دادڤانێن ڤێ یاریێ كو بۆ ئه‌گه‌ر دادڤانه‌كى ژى یارى بجه هێلا ل سه‌ر گوتنێن راهێنه‌رێ یانا دهۆك.
لەشکرێ کوبا ژی دێ ھێتە سووریێ
ئەڤرۆنیۆز، ئەیاد بەرواری
کەنالەکێ تەلەڤزیۆنی یێ ئەمریکی ئاشکراکر کو ھێزەکا لەشکرێ کوبی بەر ب سووریێ چوون بۆ پشتەڤانیێ بەشار ئەسەدی.
کەنالێ (فوکس نیۆز) یێ ئەمریکی دیاکرکو سەربازێن ھێزا بژاردە یا لەشکرێ کوبی بەر ب سووریێ ب رێکەفتیە و کەنالێ ناڤبری خویاکریە کو ئەڤ پێزانینە ژلایێ پەیمانگەھا کوبی – ئەمریکی ل زانکۆیا میامی یا ئەمریکی یێن گەھشتینێ و شارەزایێن لەشکری یێن کوبی دێ سەرپەرشتیا مەشقکرنا لەشکرێ سووری و زریپۆشان کەن.
وی کەنالێ ئەمریکی بەلاڤکر ژی کو سەربازێن کوبی ل بن فەرمانداریا ( جەنەرال لوبولدۆ کینترا فرایس) فەرماندێ ھێزێن چەکدار یێن کوبی یێن ل سووریێ، بێ کو دیار بکەت کەنگێ چووینە وی وەلاتی.
فوکس نیۆز ئاماژە دا وێ چەندێ ژی کو بەرپرسەکێ بلند ل ھەوالگیریا ئەمریکی ئەو پێزانینە ل دووڤ راپۆرتێن ھەوالگیری بۆ کەنالی پشت راستکرینە کو دبیت ھێزێن کوبی ب ڕێیا فرۆکێن روسی بۆ سووریێ ھاتبنە ڤەگوھاستن.
رێڤەبەرێ پەیمانگەھا ڤەکۆلینێن کوبی – ئەمریکی ( جیم سوتشلیکی) ژ ئەفسەرەکێ عەرەبی ڤەگوھاست کو دو فرۆکێن روسی کو سەربازێن کوبی تێدا بوون یێن گەھشتینە فرۆکخانا دیمەشق یا نێڤدەولەتی و وی ئەفسەری پرسیارا ئەگەرێ ھاتنا وان بۆ سووریێ ژێ کریە و وان سەربازان بۆ یارکریە کو ئەو شارەزانە د بیاڤێ بکارئینانا زریپۆشێن روسی دا و یێن ھاتین بۆ پشتەڤانیا بەشار ئەسەدی.
رومادی و بێجێ دەرگەھێ ئازادکرنا مووسلن
ئەڤرۆ نیۆز، سالار دۆسکی
شارەزایەکێ لەشکەری ،ئەگەر بێجێ و رومادی بھێنە پاقژکرن داعش دێ فشارەکا مەزن کەڤیتە سەر پارێزگەھا نەینەوا .
حەسەن جیھاد شارەزایێ لەشکەری زێدەتر بۆ ئەڤرۆ نیۆز گۆت: ئەگەر رومادی و بێجی ھاتە ئازادکرن دێ بیتە فشارەکا باش ل سەر پارێزگەھا نەینەوا و ئەف کارە ل گەل پێشمەرگێ کوردستانێ دھێتەکرن و ل گەل ھەڤپەیمان کو مووسل زوو بھێتە ئازادکرن.
ھەمان شارەزا گۆتژی: ھەکە رقە ژی بھێتە ئازادکرن دێ فشارەکا مەزن ل سەر مووسل دروست کەت و نوکە گەلەک گرنگە یەپەکە و ئەمریکا ھەفکری ھەبیت بۆ گرتنا رقە و ئەڤە ژی دێ بیتە فشار بۆ سەر مووسل کو ب ساناھی بھێتە ئازادکرن .
نيشاندان
WP Facebook Auto Publish Powered By : XYZScripts.com