ئه‌ڤرۆ نيوز:

ڤایرۆسێ ئایدزێ ب تنێ ژێدەرێ ترسێ نینە دەمێ بابەت یێ گرێدای نەخۆشیێن سیکسی بیت. ھندەک نەخۆشیێن دی ژی یێ، ھەین و پتر د بەربەلاڤن و پێدڤیە وان نەخۆشیان بنیاسین بۆ ژیانەکا سیکسی یا ساخلەم و ژ ترسێ ڤالا.
چھێ داخێ یە ئەو نەخۆشیێن ب رێیا ھەڤبەندیا سیکسی بەلاڤ دبن بەر ب زێدەبوونێ نە ژ ئەگەرێ نەزانینێ و ھەڤبەندیێن سیکسیێن بێ پاراستن. ئەڤ پرسیار و بەرسڤە دێ زانینا تە ل سەر ڤان نەخشیان دیار کەن و دێ ھاریکاریا تە کەن کو پتر تێدا شارەزا بی.
ئەرێ ھەمی نەخۆشیێن ب رێیا سیکسی دھێنە ڤەگوھاستن چارە ھەیە؟
ئەڤە ل سەر وی جۆرێ نەخۆشیێ دمینیت، ھەکە ل دەمێ خوە ھاتە ئاشکرا کرن، ھندەک ژ ڤان نەخۆشیان ب ئێکجاری دھێنە چارەکرن، ل گەل وێ ژی ھندەک نەخۆشیێن ھەین ناھێنە چارەکرن وەکو نەخۆشیا “ھربس”. ل شوونا وێ پێدڤیە کونترۆلێ ل سەر بکەن و ب رێیا دەرمانان رەفتار ل گەل بھێتە کرن. پاشی یا گرنگ ئەوە تو دەرمانان ب رژدی وەرگری، ئەو نەخۆشیێن ب سیکسی دھێنە ڤەگوھاستن باندۆرێن نەرێنی و دلینی دکەن کو ب دەرمانان ناھێ،ە چارەکرن.
کوندۆم مۆڤ ژ ھەمی نەخۆشیێن سیکسی دپارێژیت، مانە وەیە؟
باوەریا کورە ب کوندۆمان مەترسیەکا مەزن، یا زانایە کو کوندۆم ب رێژا ٩٥-٩٧% مرۆڤی دپارێزیت، ل گەل بەراوێزەکێ مەترسیدار کو دبیت ھەمی تشت روودەن، بۆ نموونە دبیت “ھربس و تالیل” بھێتە ڤەگۆھاستن ھەکە لەشێ کەسێ ساخلەم گەھشتە لەشێ کەسێ تووشبووی، ل گەل ڤێ چەندێ ھەبوونا کوندۆمی باشترە ژ نەبوونا وی.
نەبوونا نیشانێن نەخۆشیێن ڤەگر ب سیکسی ئانکو نەبوونا نەخۆشیێ؟
نە دروستە، پشکنینەکا ھوور باشترین رێیە بۆ پشتراسبوونێ ژ نەخۆشیان، ل گەل دەمان نەخۆشیێن سیکسی نیشان دیار نابن یان ھەکە نەخۆشی میزن بوو ژ نوو دیار دبن، دبیت ببیتە ئەگەرێ ڤەگوھاستنا نەخۆشیێ بێی زانینا تە.
ئەرێ نەخۆشیێن سیکسیێن ڤەگر پشتی چارەکرنێ دزڤرنەڤە؟
ھەکە تو پتر ژ جارەکێ تووشی پەرسیڤێ بووی د ژیانا خوەدا، چو ئەگەر نینن کو ببنە رێگر بۆ تووشبوونا تە ب نەخۆشیێن سیکسی و پتر ژ جارەکێ چونکو ھەمی ڤایرۆسن، لەورا یا باش ئەوە مرۆڤی ھای ژ خوە ھەبیت، چونکو ھندەک کەس دەست ژ دەرمانان بەرددەن ھەکە نیشانێن نەخۆشیێ نەمان بێی نەخۆشی ب دووماھی بھێت.
دێ چ کەی پشتی نەخۆشیا سیکسی ل نک تە دیار بوو؟
پێدڤیە سەرەدانا نۆشداری بکەی و چارەی وەرگری، ل ھیڤیێ نەبە نیشان بخوە بچن و تو بخوە چێبی، ئەڤە نە پەرسیڤەکا نۆرمالە دێ ب خوە چیت، ھەمی ھەڤبەندیێن سیکسی راگرە ھەتا دچیە نک نۆشداری چونکو دبیت نەخۆشی بۆ ھەڤالا تە بچیت، ھەکە ئەو نەخۆشی ژ نک ھەڤالا تە ھاتبیتە تە بێژێ بلا قەستا نۆشداری بکەت دا چارەی وەرگریت.
دێ چاوا خوە پارێزی دا تووشی نەخۆشیێ نەبی.
خوە پاراستن ژ تووشبوونی ب تنێ رێیەکا ھەی ئەو ژی خوە دوورکرن ژ ھەڤبەندیێن سیکسی ل گەل گەلەک کەسان، ھەڤژینی باشترین رێیە بۆ خوەپاراستنێ ژ نەخۆشیێن سیکسیێن ڤەگر.
ئەرێ نەخۆشی ب رێیا ماچان دھێتە ڤەگوھاستن؟
پێشبینیەکا بچووک یا ھەی، بەلێ رامانا وێ ئەو نینە کو ب ئێکجاری نینە، ئانکو ب کورتی رێگرتن ژ ھەڤبەندیا سیکسی رێ ل بەر نەخۆشیان دگریت.
ئەز ھێشتا کچم، دبیت ئەز تووشی نەخۆشیان ببم؟
نە دروستە جووتبوون نە ب تنێ رێیا ئێکانە یا کو تو پێ تووشی نەخۆشیان ببی، دبیت نەخۆشی ب رێیا جھەکێ نەخۆش بھێتە ڤەگوھاستن، بۆ نموونە ب رێیا یاریکرنێ خو ھەکە نەگەھیتە جووتبوونێ ژی، ماچێن لێڤان دبیت رێ ل بەر نەخۆشیێ خۆش بکەت.

ئه‌ڤرۆ نيوز:

چو پێنەڤێت کو نڤستن رەگەزەکێ گەلەک گرنگە بۆ پاراستنا ساخلەمیا گشتی وەکو نۆشدار و ڤەکۆلەر و شارەزا دبێژن و ڤەدگێرن.
نڤستنا حەفت ھەتا ھەشت سەعەتێن بەردەوام یا نموونە یە، نڤستنا باش نە ب تنێ پیستی جوان دکەت، بەلێ یا ھاریکارە بۆ ھشیارکرنا مێشکی و باشکرنا بیردانکێ و زێدەبوونا بەرھەمئینانێ د کاری دا، ھەروەسا ھاریکاریا لەشێ و ئەندامێن وی دکەت کو کارێ خوە باشتر بکەن، ھەکە تە بڤێت خەوەکا باش و خۆش بکەی دڤێت تو ڤان تشتان ل بەرچاڤ وەرگری:
خوە خاڤکرن ل گەل گەرماڤەکا گەرم: رێزگرتن ل سەعەتا بیولۆژیا لەشی گرنگیەکا مەزن یا ھەی. پشتی رۆژئاڤابوونێ ب چەند سەعەتان پلا گەرماتیا لەشی نزم دبیت، کو ئەڤ چەندە ما ھانددەت بۆ نڤستنێ. ھەکە تە بڤێت بلەز د خەو بچی و خەوەکا کوور بکەی، یا باش ئەوە ب گەرماڤەکا گەرم سەرێ خوە بشۆی.
نڤستن ل ژوورەکا تاری: سەعەتا بیولۆژی یا لەش ل گەل تاریێ دھێتە تۆمارکرن. لەورا نڤستن ل ژوورەکا روھن ھاری تە ناکەت بۆ نڤستنا باش. ھەکە تە نەڤێت ل ژوورەکا تاری بنڤی پاتەکی ب سەروچاڤێن خوە ڤەنە دا خەوەکا کوور بکەی.
نڤستن پێدڤی ب ژوورەکا بێدەنگ ھەیە: بێدەنگکرنا ھەمی جۆرێن قەرەبالغێ وەکو ھاتن و چوونا ترۆمبێلان یان پست پستا ئامیرێن ئەلکترۆنی و کارەبایی، دێ ھاریکاریا تە کەت بۆ خەوەکا باشتر، ھەکە تو نەشیایی وان دەنگان کپ بکەی گوھێن خوە بگرە دا باش بنڤی.
پەتەنی و پەرۆکێن خۆش: پلا گەرماتیا ژوورێ دبیت ھاریکاریا تە بکەت بۆ نڤستنەکا خۆش یان ژی بۆ تە ببیتە کابووس. لەورا یا باش ئەوە مفای ژ بەتەنی و لحێفێن گونجای بۆ سەقایێ ژوورێ بکار بینە، ھەروەسا نەرماتیا بەتەنی و لحێفان یا ھاریکارە بۆ نڤستنێ.
بالیفکا دروست: بۆ ئارامیا سەری و ستووی بالیفکەکا رحەت و دروست بکاربینە دا کوالێتیا نڤستنا تە یا باش بیت و بکەڤیە خەوەکا کوور.