ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 18ى كانوونا دويێ يا سالا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1245 |
| 1 يۆرۆيێ ئه‌ورۆپى | 1345 |
| 1 ليرێ توركى | 410 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
وه‌زيرێ ناڤخۆ يێ سوريا “ليوا محه‌مه‌د شعێير” دزي ڤه چوويه قامشلۆ يا رۆژئاڤايێ كوردستانێ و ل گه‌ل سه‌ركرداتيا ته‌ڤده‌مێ كۆمبوويه.
ب گۆره‌ى پێزانينان د وێ كۆمبوونێ دا وه‌زيرێ ناڤخۆ يێ سوريا و ته‌ڤده‌م دا “ئالدار خه‌ليل” و “رێدار خه‌ليل” ئاماده‌بوون.
مالپه‌رێ “ئاڤێستا كورد” كو پشت به‌ستن ل سه‌ر مالپه‌رێ “DPA” يێ ئه‌لمانى كريه، زێده‌تر به‌لاڤكريه كو كۆمبوون ل تاخێ “قودوربه‌گ” هاتيه سازدان و سه‌ركردێن په‌كه‌كێ ژى ل وێرێ بوون.
ب گۆره‌ى پێزانينێن وى ژێده‌رى ل ده‌ڤه‌رێ، حوكمه‌تا سوريا ل گه‌ل رۆسيا پێداگريێ ل سه‌ر وێ چه‌ندێ دكه‌ن كو دڤێت د وێ كۆمبوونێ دا نوونه‌رێ په‌يه‌دێ د كۆمبوونا جنێف 3 دا ئاماده بيت.
ئه‌ڤرۆ نيوز:
ئێك ژ ديارترين ئه‌و ئه‌كته‌رێن كو د درامايا پارچه‌پارچه‌بوون سه‌رنجا بينه‌ران بۆ خوه راكێشاى ئه‌كته‌را توركى ئالينا بۆزه كو رۆلێ “خه‌زال” گێرايه.
.jpg)
ئەڤرۆ نیوز:
قەیرانا دارایی و تێکچوونا رەوشا ئابووری یا کوردستانێ ئاستەنگ بۆ ھەڤژینێن نوو خێزان پێکئینایی درۆستکرینە، ئەڤ یەکە بوویە سەدەم کو ئەو ئینانا زارویان پاشبێخن یان ژناڤ ببەن، پارێزەرەک دیار دکەت کو ڤێ یەکێ سزا بۆ ھەیە، مەلایەک ژی ب گونەە دبینیت.
ئیبراھیم ئەحمەد گەنجەکێ بێ کارە بۆ ئەڤرۆ دیارکر کو ئەو نھا ناخوازیت ھەڤژینا وی چوو زارۆیان بینیت و گۆت : ھەر چەندە دگەل پاشئێخستنا زارۆیی نینم، بەلێ ئەڤە نێزیکی سالەکێ یە من خێزان پێکئینایە و تا نھا مە چوو زارۆ نینن، ب خودانکرنا وان دنھا دا بەرپرسیاریەک مەزنە ب تایبەتی ئەگەر مرۆڤ بێ مووچە و کار بیت، زور کەسان دنیاسم ژبەر رەوشا دارایی پەیدابوونا زارۆیان پاش دئێخن.
بێریڤان کەریم دبێژیت: ھەر چەندە د جڤاکێ مەدا چوو ئافرەت و زەلامان ھزرا ژبەربرنا زارۆیی نەکریە بەلێ ئەگەر قەیران و نەخۆشیێن ژیانێ بەردەوام بن رەنگە ئەڤ یەکە ژی بھێتەکرن، بەلێ پاشئێخستنا زارۆیی بوویە تشتەکێ نورمال.
پارێزەر عومەر عەلی رێکانی ژ دادگەھا دێرەلوکێ دیارکر کو ژبەربرنا زارۆیی تاوانە پاشئێخستن ژی نورمالە و گۆت: ل گۆرەی قانوونا سزایێن عیراقی کو د ھەردوو مادەیێن417 و 418 دا بەحس دکەت ھەر ئافرەتەکا ب ھەر رێیەکا ھەبیت زارۆیێ خوە ژبەر ببەت یان رێ بدەت کو کەسەکێ دی ڤی کاری بۆ بکەت دێ ھێتە سزادان ب بەندکرنێ کو ژ سالەکێ پتر نەبیت یان دێ ھێتە غورامەکرن کو ژ 100 ھزاردیناران پترنەبیت یان ژی ب ھەردوو سزایان، گۆتژی ئەگەر کەسەکی ئەڤ یەکە دگەل ئافرەتێ کر دێ ھەمان سزا بۆ ھەبیت و ئەگەر ژ ئەنجامێ ڤێ یەکێ ئافرەتێ گیانی َخوە ژ دەست دا دێ ئەو کەس ھێتە زیندارنکرن ل گۆرەی نێرینا دادوەری، بەلێ ب شێوەیەکێ گشتی ھەتا حەفت سالان ئەو کەس دێ ھێتە زیندانکرن.
زێدەتر گۆت : ئەگەر تاوانبار نوشدار یان دەرمانساز یان دایکایەتی یان ھەر ئێکێ دی بیت کو پەیوەندی ب ڤێ یەکێ ڤە ھەبیت ل وی دەمی دێ بارودوخێ سزایێن توند ل سەر ھێتە بجھکرن، گوتژی ئەگەر ئافرەتێ ب مەرەما خوە پاراستنا ژ ھەتکبەریێ وەکو دەھمەن پیسیێ بیت ل وی دەمی دێ بارودوخێ سزایێن سڤکتر بۆ ھەبن و ئەڤ سزایە دێ بو خزمێن ئافرەتێ ژی ھەتا پلەیا دوو و سێ ژی ھەبیت.
پارێزەری ل دۆر پاشئێخستنا زارۆیان ئاشکراکر کو ئەگەر نەبیتە سەدەم کو ئافرەتێ ب ئێکجاری ل زارۆ بوونێ دوور بکەت ل وی دەمی دبیت تشتەک نورمال بیت ب مەرجەکی ھەردوو ھەڤژینان چوو کێشەیێن تەندروستی و جڤاکی ژ ئەنجامێ پاشئێخستنێ پەیدانەبن، گۆتژی بەلێ ئەگەر ئێکی ژ وان حەزا پەیدابوونا زارۆیان ھەبیت و ئێک ژ وان ببیتە ئەگەرێ پاشئێخستنێ کەسێ بەرامبەر سکالایێ تومار بکەت، ل وی دەمی دادگەە د شێت خوە ل کەیسێ بکەتە خودان و سزایێ وێ ژی دێ مینیت ل سەر نێرینا دادوەری.
مەلا جیھاد زێباری وتارخوینێ مزگەفتا گوندێ ھلورا ل شێلادزێ خویاکر کو چوو بنەما ژ بۆ پاشئێخستن و بەربرنا زارۆیی د ئاینی دا نینن، نورمالە پشتی ئەنجامدانا ھەڤژینیێ زارۆ ھەبن و باشترە شوونا زارۆیی پاشبێخن ھەڤژینیێ پاشبێخن، گۆتژی ژبەرکو یێ چارەسەریەکا سرۆشتی بۆ پاشئێخستنا زارۆیی بکەت ھەر وەکو وی کەسەک کوشتی، ژ خوە ئەگەر ئافرەتەک زارۆیی ژبەرخوە ببەت ئەڤە تاوانەک مەزنە.
ئه‌ڤرۆ نيوز:
بۆ زێده‌كرنا داهاتێ ناڤخۆ، دا كو بشێن مووچێ پێشمه‌رگه‌ى و فه‌رمانبه‌ران بده‌ن، حوكمه‌تا هه‌رێما كوردستانێ دڤێت گرنگيه‌كا زێده‌تر ب كه‌رتێ كاره‌بێ بده‌ت.
رۆژا 16ى كانوونا دويێ 2016 درێژترين كۆمبوونا حوكمه‌تا هه‌رێما كوردستانێ ل سه‌ر قه‌يرانا دارايى ب رێڤه‌چوو، كۆمبوون بۆ چاوانيا زێده‌كرنا داهاتى و دابينكرنا مووچێ فه‌رمانبه‌ران بوو.
د كۆمبوونا جڤاتا بلندا ئابووريا هه‌رێما كوردستانێ دا به‌حس ل وێ چه‌ندێ كريه كو كۆمپانيه‌كا بيانى يا ئاماده پشكه‌كا ئه‌وى كه‌رتى بگريته ستوويێ خوه دا كو داهاتێ هه‌رێمێ زێده بكه‌ت.
ئه‌ندامه‌كێ جڤاتا بلندا ئابوورى كو پشكدارى د كۆمبوونێ دا كريه بۆ رووداو راگه‌هانديه: “راسته به‌رهه‌مئينانا كاره‌بێ يا د ده‌ستێ كه‌رتێ تايبه‌ت دا، به‌لێ ڤه‌گوهاستن و ژێرخانا كاره‌بێ و وه‌رگرتنا داهاتى يا د ده‌ستێ حوكمه‌تێ دا، ديسا ژى وه‌رگرتنا وێ ب باشى ب رێڤه ناچيت”.
گۆتژى: “نوكه كۆمپانيه‌ك هاتيه پێش و پلانا خوه ئاشكه‌را كريه كو د ماوێ شه‌ش هه‌يڤان دا دێ كارێن خوه ته‌مام كه‌ت، ب ره‌نگه‌كى هه‌ر چ كه‌سه‌كێ كاره هه‌ى ل هه‌رێما كوردستانێ دێ ب خوه ڤه گرێده‌ت ب رێيا ناڤه‌نده‌كێ كو يا به‌رپرسه ژ به‌لاڤكرنا كاره‌بێ و به‌لاڤكرن ژى دێ وه‌كو كارتێن تله‌فۆتلت لێ هێت، ب گۆره‌ى ئه‌و رێژا كاره‌بێ يا دهێته مه‌زاختن پاره‌ى ژێ وه‌رگريت، كۆمپانى ئێدى ناهێليت ئێك دينارا كاره‌بێ ژى ل ده‌ف خه‌لكى بمينيت”.
ئەڤرۆ نیوز، ئەیاد بەرواری:
حاکمێ دوبەی و سەرۆک وەزیرێن ئیماراتێ محەمەد بن راشد راگەھاند، ل چەند ھەفتیێن بھێت حوکمەتا ئیمارتێ و شارەزایێن ئابووری دێ کۆمبوونەکا بەرفرەە کەن بۆ دانوستاندنێ ل سەر ئابوورێ ئیماراتێ پشتی پەترۆلێ.
حاکمێ دوبەی د بەرپەرێ خوەدا ل سەر تویتەری گوت” ئارمانج ژ وێ کۆمبوونێ دانانا بەرنامەکێ نیشتمانی یە ژبۆ دانانا ئابوورەکێ پێشکەفتی و بەردەوام بۆ نەڤیێن داھاتی”.
دیارکر ژی کو 70% ژ ئابوورێ ئیماراتێ پشت بەستنێ ب پەترۆلێ ناکەت، دێ ئارمانجا مە ئەوبیت ھەڤکێشەکا نوو بۆ ئابوورێ مە دانین کو پشت بەستنێ ب پەترۆلێ نەکەین کو گرێدای نزم و بلندبوونا بھایان بیت ل بازارێن جیھانی.
ئەڤرۆ نیوز:
ئەندامەکێ لیژنا باژێڕڤانیێ یا پەرلەمانێ کوردستانێ ئاشکرا کر، کریا خانی و ئاڤاھیان دگەل رەوشا نوکەیا ئابووریا ھەرێما کوردستانێ ناگونجیت و پێدڤیە کرێ بھێنە ئەرزانکرن، چونکو پارە کێم بوویە و کرێ وەکی خوە ماینە.
سیراج شێخ ئەحمەد، ئەندامێ لیژنا باژێڕڤانیێ ل پەرلەمانێ کوردستانێ بۆ رۆژناما ئەڤرۆ گۆت “د ڤێ قەیرانێ دا مە وەکی پەرلەمان چ پلان بۆ کێمکرنا کریا خانیان نینن، ئەڤە د دەمەکی دایە ژبەر قەیرانا دارایی پارە کێم بوویە و وەلاتیێن کرێدار نەشێن کریا بەرێ بدەن، ھەتا چ لایەنەکی ژی ئەڤ پێشنیارە نەگەھاندیە پەرلەمانی، بەلێ مە قانوونا ب کرێدانا خانی و مولکا ھەیە بۆ دیارکرنا کریا و ئاڤاھیان و بەری نوکە مە داخوازا راستڤەکرنا قانوونا کریێ کربوو، تنێ بەحسێ کرێداری نەھاتیەکرن د قانوونێ دا، بەلکو بەحسێ مافێ خوەدیێ ئاڤاھی و زۆر تشتێن ھاتیەکرن، بەلێ مەرەما سەرەکیا راستڤەکرنێ کێمکرنا کریێ بوویە، نوکە کریا خانی و ئاڤاھیان ب رێکەفتنا ھەر دولایەنێن کرێدار و خوەدیێ مولکی دھێتە دانان، ھندەک جھێن بازاڕێ گەرم و جھێ موشتەری زۆر خوەدیێ خانی و ئاڤاھیان کریەکا زۆر داخواز دکەت”.
سیراجی گۆت ژی “د ڤێ قەیرانێ دا پێدڤیە پەرلەمان د دەمەکێ زوو دا ل دۆر کریێ دوڤچوونێ بکەت، ب تایبەت لیژنا باژێڕڤانیان، چونکو کریەکا زۆر دھێتە وەرگرتن و دگەل رەوشا نوکە و قەیرانا دارایی ناگونجیت، مخابن پەرلەمانی کۆمبوونێن خوە راگرتینە”.
ئه‌ڤرۆ نيوز:
ژ بەر ڤێ قەیرانا ئابووری زێدەتری 50 کارگەھێن حەسو و رملێ کۆ ل سەر رووبارێ خازر کاردکر و پڕانیا خەلکی بۆ پرۆژان قەستا وان کارگەھان دکر، لێ وان ژی ژبەر نەبوونا کاری دەست ژ کرێکارێن خوە بەردایە.
حەماد محەمەد تەوفیق، خودان ئێک ژ کارگەھانە خویا کر، بەریا قەیرانێ زێدەتری ھەشت کرێکاران مە ھەبوون، لێ نھا ب تنێ ئێک کرێکار مایە، ئەو ژی وەک زێرەڤانێ ئامیرا و کرێکار ھەردوویە, ئەو کرێکارێن مە دەست ژێ بەرداین ژی نھا د بێ کارن و ژیانا خێزانێن وان ل سەر وان بوو و گۆت: ئەڤە چەندین ھەیڤە ئامیرێن مە کار نەکریە ژ بەر نەبوونا کاری و مە رەمل ھەیە و بەرھەڤیێن وێ رەملی ب نیڤ کوژمێ بەریا نھا بفرۆشین و بەریا ڤی بارودوخی قەلابەکا رەملێ ب 120 ھزاران بوو، لێ نھا ب 60 ھزارایە.
خودانێ کارگەھێ گۆت ژی: ئەم ل سەر خوسارەتیێ کاردکەین, ژ بەر کۆ د ماوێ شەش ھەیڤان دا ئەم روخسەتا کاری نوو دکەینەڤە و نووکرنەڤا وێ ژی پێدڤی ب دانا باجێ یە، ئەو ژی شەش ملیون دینارێ عیراقی نە و ھەنە ژی ئەڤە دو سالە کاردکەن بێ نووکرنا روخسەتا کاری، ژ بەر کۆ وان واستە ھەیە.
قاسم ئەحمەد ژی کرێکارەکە بەریا نھا ئێک ژ کارگەھێن سەر رووبارێ خازر کاردکر بۆ ئەڤرۆ گۆت: ل دەستپێکێ کار ھەبوو، ھەتا ھندەک رۆژان ئەم زور ماندوو دبووین ژبەر ھەبوونا کاری, لێ ھێدی ھێدی کار بەر ب سستبوونێ ڤەچوو، ھەتا گەھشتیە ئاستێ نەمانا کاری و خودانێ کارگەھێ ژی دەست ژ مە بەردا، ژ بەر کۆ وی ل سەر کیستێ خوە پارە ددان مە و بێ ئەم کاربکەین و گۆت: نھا ئەز و ھەڤالێن خوە بێ کار ماینە و ژیانا خێزانێن مە ژی ل سەر مەبوو و ب تنێ چەند رۆژان جارەکێ ئەم دچینە پالەیێ ل ھەر جھەکێ ھەبیت.
نيشاندان
