ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژسێشه‌مبى رێكه‌فتى 19ى كانوونا دويێ يا 2016ێ ئه‌سمان دێئه‌وره‌كێ بارانى بيت و ل ده‌مێ دره‌نگى شه‌ڤ ژى به‌فره‌كا كێم دێ ل ده‌ڤه‌رێن بلند و چيايى باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن وه‌لاتێ توركيا و فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان دێئه‌وره‌كێ بارانى بيت و ل ده‌مێ دره‌نگى شه‌ڤ ژى به‌فره‌كا كێم دێ ل ده‌ڤه‌رێن بلند و چيايى باريت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15 كم دا و هنده‌ك و ماوێ ديتنێ ژى 9 بۆ 10 كم بيت، پلێن گه‌رمێ ژى دێ د ناڤبه‌را (5 بۆ 12) پلان دا بيت.
ئەڤرۆ نیوز:
رێڤەبەرێ گشتی یێ شەھیدان ل پارێزگەھا دھۆکێ بۆ رۆژناما ئەڤرۆ دیار کر کو ماملێن وەرگرتنا ئەردی ل باژێرڤانیا دھۆکێ ھەنە، بەلێ ھەکە ئەرد نەھێتە دابینکرن ما دێ چەوا ھێتە بەلاڤکرن.
نسرەت بادی، رێڤەبەرێ گشتی یێ شەھیدان ل پارێزگەھا دھۆکێ ل دۆر دانا یەکێن ئاکنجیبوونێ بۆ خێزانێن شەھیدێن شەرێ داعش ئاشکرا کر کو شوقە ل دھۆکێ نینن و ئاخفتنا وەزیرێ ئاڤەدانکرنێ بتنێ بۆ باژێرێن دی یێن ھەرێمێ بۆ و گۆت: ” نوکە ھەموو ئمتیازاتێن شەھیدان ژبەر قەیرانا دارایی یا ھەرێم کەفتیە تێدا ھاتینە راوەستاندن و سەرەرایی ڤێ چەندێ ئەو زارۆیێن شەھیدان یێن کو ل زانکۆیێن ئەھلی دخوینن سالانە وەزارەتا شەھیدان پارێ خواندنا وان د مەزاخت، بەلێ ئەڤ سالە پارە نینن ژبەر ڤێ چەندێ وەزارەتا شەھیدان ھەماھەنگی ل گەل وەزارەتا خواندنا بلند کریە کو ئەڤ سالە زارۆیێن شەھیدان پارێ خوە یێ خواندنێ نەدەن و بێ بەرانبەر ل زانکۆیێن ئەھلی بخووینن”.
دوھی 17/1/2016 ب ئامادەبوونا وەزیرا باژێرڤانی و گەشت و گۆزارێ و پارێزگەرێ ھەولێرێ و ئەنوەر حاجی عوسمان، جێگرێ وەزیرێ پێشمەرگەی و چەندین ئەندام پەرلەمانێن کوردستانێ 614 پارچێن ئەردی ژ لایێ باژێرڤانیا ھەولێرێ ڤە ل سەر کێم ئەندامێن سەنگەر و چەند تەخێن دی ھاتنە بەلاڤکرن.
ئەڤرۆ نيوز:
رێڤەبەریا کەشناسی و بیڤەلەرزا ھەرێما کوردستانێ راگەھاند، ھەرێما کوردستانێ سوبەھی دێ کەڤیتە بن پێلەکا دەریا ناڤەڕاست و ژ بەر ڤێ چەندێ دێ باران بارین دەستپێکەت و دھێتە پێشبینیکرن رێژەکا زۆر یا بارانێ ل سنۆرێ پارێزگەھا دھۆکێ بباریت.
رێڤەبەریا کەشناسی و بیڤەلەرزا ھەرێما کوردستانێ د راگەھاندنەکێ دا دیاردکەت ژی، کو ل رۆژا سێشەمبێ ئاسمانێ ھەرێمێ دێ عەور بن و پلێن گەرمێ دێ ھێنە گۆڕین و باران ب رێژێن جودا دێ باریت و دھێتە پێشبینیکرن بەفر ل دەڤەرێن چایی بباریت و پێلا بارانێ ھەتا رۆژا چارشەمبێ دێ بەردەوەوام بیت و ل رۆژا دووڤ دا ئەڤ پێلە دێ کێم بیت.
ئەڤرۆ نیوز:
رۆژناما یێنی شەفەق یا تورکیا د راپۆرتەکێ دا دیار کریە کو پشتی پەیوەندیێن تورکیا و روسیا تێک چوون، روسیا بزاڤێ دکەت کو کوردان ب تایبەتی ژی پارتیا کرێکارێن کوردستانێ و رێکخراوێن سەر ب وێ ل رۆژئاڤایێ کوردستانێ وەک کارتەکا گڤاشتنێ ل دژی تورکیا بکار بینیت و سەرەدانا سەلاحەدین دەمیرتاش ھەڤسەرۆکێ روسیا ژی بۆ وێ مەرەمێ بوو، چونکو ھەکە براستی روسیا بڤێت ھاریکاریا کوردان بکەت دەمێ داعشێ ھێرشی ھەرێما کوردستانی و رۆژئاڤایێ کوردستانێ کری دا ھاریکاریار کوردان بکەت، لێ روسیا نھا ژ بۆ بەرژەوەندیێن خوە دخوازیت کو کوردان وەک کارتەکێ ل دژی تورکیا بکار بینیت و ناخوازیت کو تورکیا پەیوەندیێن خوە ل گەل کوردان باش بکەت و سیاسەتا نھا روسیا برێڤە دبەت دێ زیانێن مەزن گەھینتە کوردان و ناھێلیت پرسا کوردی ل تورکیا ژی چارە بیت.
د پشکەکا دی یا راپۆرتێ دا ھاتیە دیار کرن کو کوردێن ھەرێما کوردستانێ پەیوەندیێن گەلەک باش ل گەل ئەمریکا و وەلاتێن رۆژئاڤا ھەنە و نھا ھەرێما کوردستانێ بوویە ناڤەندەکا گەلەک گرنگ بۆ رۆژئاڤا و رۆژانە سەرکردێن وەلاتێن ئورۆپا و ئەمریکا سەرەدانا ھەرێما کوردستانێ دکەن و د شەرێ ل دژی داعشێ دا ژی وان کورد ب تنێ نەھێلان، لێ مخابن سیاسەتا کو پارتیا کرێکارێن کوردستانێ و رێکخراوێن سەر ب وێ ل رۆژئاڤا برێڤە دبەن وەسا کریە کو ئالۆزی د ناڤبەرا کوردان دا دروست کەت و روسیا ژی ب سیاسەتا خوە یا نھا دخوازیت زێدەتر کوردان ژ ھەڤدو دوور دکەت و ئەو یەک مەترسیەکا مەزنە و دڤێت خەلکێ رۆژئاڤایێ کوردستانێ نەھێلن کو چارەنڤیسێ وان بکەڤیتە دەستێن چەند کەسەکان کو ل سەر ناڤێ وان بریارێن چارەنڤیساز بدەن.
د راپۆرتا رۆژناما یێنی شەفەق دا ئەو یەک ژی ھاتیە دیار کرن کو نھا ھەرێما کوردستانێ د بیاڤێ پەترۆلێ و ب تایبەتی ژی گازا سروشتی بوویە جھەکێ گەلەگ گرنگ و تورکیا و وەلاتێن ئورۆپا ژی بزاڤێ دکەن کو مفایێ ژ گازا سروشتی یا ھەرێما کوردستانی وەربگرن و ئەو یەک دێ رەوشا ئابووری یا ھەرێما کوردستانێ ژی گەلەک باش کەت، لێ روسیا بزاڤێ دکەت کو ب رێیا پارتیا کرێکارێن کوردستانێ ئالۆزیان دروست کەت دا نەھێلیت کو گازا ھەرێما کوردستانێ جھێ یا روسیا بگریت و ئەو یەک دێ زیانەکا مەزن گەھینتە کوردان، واتە روسیا نھا دخوازیت ب رێیا پارتیا کرێکارێن کوردستانێ کوردان بکەتە دو پارچە.
د دووماھیا راپۆرتێ دا ژی ھاتیە دیار کرن کو بەری دەمەکێ چەند بەرپرسێن روسیا ب نھینی سەرەدانا قەندیلێ کرینە و ل گەل سەرکردێن پارتیا کرێکارێن کوردستانێ کۆم بووینە و بۆ وان دیار کرینە کو روسیا بەرھەڤە ھاریکاریا وان بکەت و ژ بەر ھندێ ژی نھا شەرێ ل باژێرێن باکورێ کوردستانێ بەردەوام دکەت.
ئه‌ڤرۆ نيوز:
شیرەتکارا ئەلمانیا ئەنجێلا مێرکل د داخۆیانیەکێ دا راگەھاند کو ھەتا تورکیا پرسا کوردی و پرسێن دی یێن وەلاتێ خوە چارە نەکەت نەشێت خوە نێزیکی ئورۆپا کەت، چونکو ل تورکیا رۆژانە ژن و زارۆ دھێنە کوشتن و ئەردۆگان ژی بەحسێ دیموکراسیێ دکەت، ئەو یەک ب چو رەنگەکێ ناھێتە قەبوول کرن و وەلاتەک وەک تورکیا ب ڤێ رەوشا خوە نەشێت ببیتە ئەندامێ ئورۆپا.
ئه‌ڤرۆ نیوز ، نه‌وزاد زاده هلۆرى:
د كۆمبوونا 10 ده‌مژمێرى یا رۆژا شه‌مبى یا بورى یا ئه‌نجومه‌نا وه‌زیران پێشنیارا وێ یه‌كێ هاته‌كرن كو هه‌یڤانه حكومه‌ت چه‌ند داهات ده‌ستڤه بهێت ب وى رێژه‌یێ ژى موچه‌یى بده‌ت.
رۆژا شه‌مبى یا بوورى ( 16/1/2016) چه‌ند وه‌زیره‌ك ل مالا نێچیرڤان بارزانى سه‌روكێ حكومه‌تێ كۆمبوون و دوڤدا راگه‌هاند كو كۆمبوون 10 ده‌مژمێران ڤه‌كێشایه ، و پێشنیارا وێ یه‌كىچ هاتیه‌كرن كا حكومه‌تێ هه‌یڤانه چه‌ند داهات ده‌ستخوڤه ئینا ب هه‌ند موچه‌یێ فه‌رمانبه‌ران بده‌ت.
د كۆمبوونێ دا به‌حس ل وێ یه‌كێ هاتیه‌كرن هه‌ر چوو نه‌بیت حكومه‌ت هه‌یڤانه پشكا ( 20% ) بیت ، دكاریت موچه‌یێ فه‌رمانبه‌ران دابین بكه‌ت و یا گرنگ ئه‌وه بكاریت بده‌ت.
رۆژه‌كێ پشتى كومبوونێ وه‌زاره‌تا دارایى یا حكومه‌تا هه‌رێما كوردستانێ دیاركر كو دڤێ حه‌فتیێ دا نیڤا موچه‌یێ وه‌زاره‌تا په‌روه‌ردێ دابه‌ش بكه‌ت ، و ل ئاینده‌یه‌كێ نێزیك ( بێى كو ده‌مێ وێ بهێته دیاركرن ) نیڤا دن دێ هێته دابه‌شكرن.
ئه‌ڤرۆنیۆز، هه‌رهین محه‌مه‌د:
به‌رپرسێ سه‌ندیكا هونه‌رمه‌ندێن كوردستانێ، لقێ زاخو بۆ ئه‌ڤرۆ نیۆز دیاركر كو شڤێدى پشتى ده‌مژمێر دوازده هونه‌رمه‌ند عه‌دنان سالح توشى نه‌خوشیه‌یا جه‌لتێ بوویه و هاتیه ره‌وانه‌كرن بۆ نه‌خوشخانا زاخو.
مه‌هدى مونیر زێده‌تر گۆت: نوكه ته‌ندروستیا وى یا باشه و ژقوناغا مه‌ترسیێ ده‌ركه‌تیه.
نيشاندان