ئه‌ڤرۆ نیوز:
وه‌زاره‌تا پێشمه‌رگه‌ى د به‌یاننامه‌كێ دا داخواز دكه‌ت كو د خونیشاناندا په‌نا بۆ كارێن توندوتیژیێ نه‌هێته كرن و دیاركریه” توندوتیژیێ د خونیشادانان دا بكار نه‌ئینن، نابیت پێشمه‌رگێ د سه‌نگه‌ران دا، دلى وى ل دیف خێزان و كه‌س و كار و زارۆیێن وى را بیت.
وه‌زاره‌تا پێشمه‌رگه‌ى داخواز ژ چین و توێژ و لایه‌نێن سیاسى كریه كو ب ره‌نگه‌كێ ل سه‌ر خو و ئاشتیانه و ب رێكێن قانوونى داخوازا مافێن خوه بكه‌ن و دویر ژ توندوتیژیێ و هێرش كرنا سه‌ر باره‌گا و جهێن گشتى.
ئه‌ڤرو نیوز ،بارزان مزوورى
خالد ئه‌مین، خودانێ كو چه‌ند چێله‌كا ل ده‌ڤه‌را ئه‌تروش خودان دكه‌ت، بو مالپه‌رێ ئه‌ڤرو نیوز دیار كر كو ئه‌ڤه هه‌شت روژه چێلێن ده‌ڤه‌رێ توشى نه‌خوشیه‌كێ بوینه و ده‌ڤ و لێڤێن وان كول بوینه و چێل بێهێز دبیت و نه‌شێن عه‌له‌ف و خارنێ ژى بخون و روژ ب روژ لاواز دبن ،
ناڤبرى دیار كر كو هه‌ر گونده‌كێ ده‌ڤه‌را ئه‌تروش پتر ژ 100 چێل هه‌نه ژبلى گولكێن وان هه‌موو توشى ڤێ نه‌خوشیێ بوینه ب تایبه‌ت ئه‌ڤ نه‌خوشیه ل ده‌سپێكێ ل گوندێ مێرسیدا گرتیه به‌ره‌ڤ گوندێن ده‌وروبه‌ر چوینه و یا ڤه‌گره ب ئێكجارى هه‌موو چێل گرتینه.
د عیماد، رێڤه‌به‌رێ فیرته‌نه‌ریا قه‌سروك بو مالپه‌رێ ئه‌ڤرو نیوز دیار كر كو حه‌تا نها خودانێن وان چێلا سه‌ره‌دانامه‌ن ه‌كریه مه پێزانین ل سه‌ر نین.
ناڤبرى گوت :مه دكتورێن شه‌هره‌زا و زیره‌ك هه‌نه، مه ده‌رمانێن باش هه‌نه ئه‌گه‌ر ب وان ده‌رمانێن مه هه‌ین نه‌خوشیا وان نه‌چو ده‌رمانێن باشتر دێ بو دابین كه‌ین.
بۆ زاانین پتر ژ 700 سه‌رێن چێلا ل ده‌ڤه‌را ئه‌تروش هه‌نه،
ئەڤرۆ نیۆز، قائید میرۆ
گورەی زانیاریێن دەست ئەڤرۆ نیۆز کەفتی بزاڤا گۆڕان دێ ل کابینا حوکمەتێ ھێتە دەرکرن و حوکمەتەکا بێی گۆڕان دێ ھێتە چێکرن
ژێدەرەکێ ئاگەھدار بۆ ئەڤرۆ نیۆز دیارکر، بزاڤا گۆڕان ھەر ژدەستپێکا نەشیا خوە دناڤا حوکمەتێ دا رابگریت و دەست ئالۆزیانکریە، لەوڕا دێ بزاڤا گۆڕان ل حوکمەتێ ھێتە دەرکرن.
ژێدەری کو نەڤیا ناڤێ بھێتە بەلافکرن گۆتژی” نوکە کار یێ دھێتەکرن گۆڕان ل حوکمەتێ بھێتە دۆرخستن و دێ حوکمەتەکا نوو بێی پشکداریا گۆڕان ھێتە پێک ئینان.
ئەڤرۆ نیۆز، قائید میرۆ
پەرلەمانتارەکێ پارتی دیموکراتی کوردستان دیارکر، زەحمەتە پەرلەمان دڤێ رەوشێ دا بشێت کۆمبوونێ بکەت.
نازم کەبیر، پەرلەمانتارێ پارتی لپەرلەمانێ کوردستانێ ب ئەڤرۆ نیۆز راگەھاند” بڕیارە سبەی پەرلەمانێ کوردستانێ کۆمبوونەکێ ئەنجامبدەت و تێدا ژبلی ڤەخواندن بۆ پڕۆژە قانوونا پەیڕەوێ نافخۆیێ پەرلەمانی دانوستان لدۆر رەوشا نوکەیا ھەرێما کوردستانێ و ئالۆزیێن دەڤەرا سلێمانیێ بھێنەکرن.
نازمی گۆتژی” بەلێ ئەز پێشبینی دکەم ئەف کۆمبوونا سبە یا پەرلەمانی نەھێتە ئەنجامدان و سەر نەگریت، ژبەرکو رەوش یا ئالۆزە و رێڤەچوونا کۆمبوونێ دڤێ رەوشێ دا یا ب زەحمەتە.
ئه‌ڤرۆ نیوز:
مه‌سرور بارزانى راوێژكارێ جڤاتا ئاسایشا هه‌رێما كوردستانێ راگه‌هاند كو ده‌ستهه‌لاتا سلێمانیێ یا خه‌مسار بوویه د پاراستنا ئه‌ندام و باره‌گایێن پارتى دیموكراتى كوردستان.
د چه‌ند تویتاندا ل تور جڤاكى یا تویته‌ر، مه‌سرور بارزانى راوێژكارێ جڤاتا ئاسایشا هه‌رێما كوردستانێ راگه‌هاندیه: ده‌لاستهه‌لاتدارێن سلێمانیێ ب پلا ئێكێ به‌رپرسن ل شكه‌ستنا وان ل پاراستنا باره‌گا و ئه‌ندامێن پارتى .
مه‌سرور بارزانى دیاركریه ژى: هێرشكرنه سه‌ر باره‌گایێن پارتى ل ده‌مه‌كێ دایه كو ئه‌ندامێن ڤێ حزبێ د شه‌رێ دژى داعشدانه و ئه‌ڤ هێرشه خزمه‌تا به‌رژه‌وه‌ندیێن دوژمنێ كوردستانێ دكه‌ت.
ئه‌ڤرۆ نیوز:
په‌یڤدارێ ئه‌نجومه‌نێ سه‌ركردایه‌تیا پارتى دیموكراتى كوردستان ل سلێمانیێ، ئاماژه ب وێ یه‌كێ كر كو وان هنده‌ك باره‌گایێن خوه یێن راده‌ستى هێزێن ئێمناهیێ كر.
فارس نەورۆڵی په‌یڤدارێ ئه‌نجومه‌نێ سه‌ركردایه‌تیا پارتى دیموكراتى كوردستان ل سلێمانیێ راگه‌هاند: هه‌ستكرن ب به‌رپرسایه‌تیێ و بۆ وێ یه‌كێ خوێن نه‌هێته رێتن و برین زێده‌تر كویر نه‌بن، مه هنده‌ك باره‌گایێن خوه ته‌سلیمى هێزێن ئه‌منى كرن، ژبه‌ر كو ئه‌م ژ موعاناتێن خه‌لكى تێدگه‌هین.
ئه‌ڤرۆ نیوز:
به‌رپرسێ لقێ 12 یێ پارتى ل هه‌له‌بجه د كونفرانسه‌كێ رۆژنامه‌ڤانى دا ئه‌ڤرۆ راگه‌هاند” بزاڤا گوران به‌رپرسا ئێكێ یه ل وان هێرشێن بۆ سه‌ر باره‌گایێن پارتى دیموكراتى كوردستان دهێنه كرن و ئه‌وێن ئاژاوێ ل ناڤ خونیشادانان دكه‌ن یێن به‌رنیاسن و پارتى رێ ب وان نه‌دا یێن تێهنیێن خوینێ و ل سه‌ر فه‌رمانا سه‌رۆكایه‌تیا پارتى مه باره‌گایێن خوه دائێخستن بۆ وێ یه‌كێ د پاراستى بین ل خوێنرێشتنێ.
به‌رپرسێ لقێ 12 یێ پارتى ل هه‌له‌بجه دياركر كو خونیشاده‌ران خوه به‌ره‌ك ژى نه‌هاڤێته باره‌گایێ گۆڕان.
ئه‌ڤرۆ نیوز:
سه‌رۆك وه‌زیرێن فره‌نسا راگه‌هاند: قه‌یرانا سوریا دێ ب رێیا كومكرنا ئوپوزسیون و ده‌ستهه‌لاتێ بیت و دبێژیت” نابیت ئه‌و چاره‌سه‌ریه ب رێیا ئه‌سه‌د بیت.
مانویل فالس سه‌رۆك وه‌زیرێن فره‌نسا ددیداره‌كێ دا بۆ كه‌نالێ ئه‌لعه‌ره‌بیه گوت” چاره‌سه‌ریا قه‌یرانا سووریا ب تنێ دێ ب رێگا كومكرنا ده‌ستهه‌لات و ئوپوزسیونێ بیت و نابیت ب رێكا ئه‌سه‌د بیت، و پێدڤیه ئیران و توركیا و رووسیا د دانوستاندنێن تایبه‌ت ب سوریا پشكدار ببن.
ئه‌ڤرۆ نیوز، ئه‌كره‌م ئیبراهیم
ئه‌ڤرو پشتى نیڤرو به‌رێز فه‌رهاد ئه‌مین ئه‌تروشى پارێزگه‌رێ دهوكێ كومبونه‌كا به‌رفره‌ه دگه‌ل هه‌مى لایه‌نێن سیاسى ل پارێزگه‌ها دهوكێ گرێدا ,
به‌راهیێ پارێزگه‌رێ دهوكێ ئاماژه كره وان رویدانێن نه خوازراو یێن ل سنورێ پارێزگه‌ها سلێمانیێ رویداین و كارتێكرنا وان رویدانا ل سه‌ر ئایندێ هه‌رێما كوردستانێ و پروسا وێ یا دیموكراسى و دیار كر كو ئارمانج ژڤێ كومبونێ ئه‌وه هه‌فكاریه‌كا ته‌مام دنافبه‌را پارێزگه‌هێ و هه‌مى لایه‌نێن سیاسى دا په‌یدا بیت و رێك بهێته گرتن ل هه‌مى ره‌نگێن توند و تیژیێ و خرابكاریێ و ئه‌ف كومبونه بوهندێ یه ره‌وشا ئاراما پارێزگه‌هێ بهێته پاراستن و چ ده‌لیڤه نه‌هێته دان كو تیكدان ل پارێزگه‌هێ بهێته كرن و داخازیا هاریكارى و هه‌فكاریا هه‌مى لایه‌نا كر بو پاراستن و ئارامیا پارێزگه‌هێ ,,
هه‌روه‌سا پارێزگه‌رێ دهوكێ گوت : رێكێ ناده‌ین چ لایه‌نێ بیت بزاڤێ بكه‌ت ئارامیا پارێزگه‌هێ تێك بده‌ت ,
دلایه‌كێ دیێ هه‌ڤدیتنێ دا پارێزگه‌رێ دهوكێ دیار كر كو نوكه ل سنورێ پارێزگه‌ها دهوكێ رێژه‌كا مه‌زن یا ئاواره و په‌نابه‌را هه‌یه و بارێ پارێزگه‌ها دهوكێ گه‌له‌ك گرانه و ژلایه‌كێ دیڤه مه‌زنترین سنورى دگه‌ل تیرورستان هه‌یه ,,, پارێزگه‌رێ دهوكێ گوهداریا لایه‌نێن سیاسى یێن به‌رهه‌ڤ بوى كر و هه‌مى لایه‌ن دگه‌ل پاراستنا ئێك رێزیا كوردستانێ بون و نه دگه‌ل ڤان ره‌نگه كریارێن خرابكارى بون ئه‌وێن ل سنورێ پارێزگه‌ها سلێمانیێ هاتینه كرن و چه‌ندین پێشنیار بو ئارامكرنا ره‌شا نوكه هاتنه دیار كرن ,,
ل دیماهیێ دبرێس كونفراسه‌كى دا پارێزگه‌رێ دهوكێ سوپاسیا هه‌مى لایه‌نێن سیاسى یێن سنورێ پارێزگه‌ها دهوكێ كر بو حازر بونا وان و دیار كر كو ژبه‌ر ئه‌و ره‌شا نه‌خوش یا هه‌رێما كوردستانێ و تایبه‌تى پارێزگه‌ها سلێمانیێ هه‌ى و هیڤى خواست كو ئه‌و ره‌ش بهێته كونترول كرن ب زوى ترین وه‌خت داكو خولك دل ره‌حه‌ت ببیته ڤه و گوت : ئه‌ز دبیژم ره‌وشا مه یا سیاسى و ئابورى و یا ئه‌منى یا هندێ نینه ئه‌ف جوره كێشه بهێنه كرن و بخوش حالى ڤه هه‌مى لایه‌نێن سیاسى دل ته‌نگن ل سه‌ر ڤان رویدانێن رویداى ل قه‌لادزى و سه‌ید صادق و باژێركێن دى یێن سنورێ پارێزگه‌ها سلێمانیێ و هه‌مى لایه‌ن هیڤى خازن ئه‌ف جوره كێشه و ئالوزیه ل سنورێ پارێزگه‌ها دهوكێ نه رویده‌ن و ئارامى و ئاسایش بهێته پاراستن و سه‌ر و مالێ خه‌لكێ و سامانێ گشتى و باره‌گایێن حزبى هه‌مى بهێته پاراستن ,,
دیسان پارێزگه‌رێ دهوكێ سوپاسیا جه‌ماوه‌رێ دهوكێ ل هه‌مى قه‌زا و باژێركێن سه‌رب پارێزگه‌هێ ڤه كر كو هاریكار بوینه دگه‌ل ده‌زگایێن ئه‌منى و دگه‌ل ئیدارێ ژبو هندێ ره‌وش یا ئارام بیت ,,
هه‌روه‌سا پارێزگه‌رێ دهوكێ ئاماژه كره وێ كومبونا شه‌ڤا 9 /10 – 10 – 2015 یا لژنا ئه‌منى و دیار كر كو دكومبونێ دا هه‌مى ده‌زگایێن ئه‌منى ب كه‌ڤنه دئاماده باشیێ دا ژبو ئاراستنا هه‌مى باره‌گایێن حزبى ل سنورێ پارێزگه‌هێ دیسان ده‌زگایێن ئیدارى و جهێت ستراتیژى بهێنه پاراستن داكو چ كێشه نه‌كه‌ڤنه ڤێ پارێزگه‌هێ ,,دیسان پارێزگه‌رى دیار كر سه‌روكێ هه‌رێما كوردستانێ و سه‌روكێ حكومه‌تا هه‌رێمێ ئێكسه‌ر په‌یوه‌ندى ب جه‌نابێ وى كریه داكو هه‌مى شیانا بێخنه دكارى دا بو پاراستنا ئارامى و ته‌ناهیا پارێزگه‌هێ و باره‌گایێن حزبا بهێنه پاراستن ,, هه‌روه‌سا پارێزگه‌رێ دهوكێ دیار كر كو لایه‌نێن ئاماده‌بوى دكومبونێ داخاز كریه ئاماژه ب چه‌ند خاله‌كا بهێته دان ئه‌وژى :
یا ئێكێ هه‌مى لایه‌نێن سیاسى هاریكار بن دگه‌ل ئیدارى و ده‌زگایێن ئه‌منى و پشته‌ڤانیێ بكه‌ن و جه‌ماوه‌رێ خویێ حزبى و كادرێن خو ئاگه‌هدار ربكه‌ن نابیت ئه‌ف جوره خو پێشاندانه ناهێنه قه‌بیل كرن و رێك بو ناهێته دان و هه‌مى لایه‌نێن سیاسى كارێن تیكدانى ل سنورێ سلێمانیێ ئیدانه كرن و ئه‌ف چه‌نده رامانى هندێ ناده‌ت كو ئه‌م رێكێ ناده‌ین خو نیشاندان بهێته كرن مافى خو نیشاندانا مافه‌كێ ره‌وایه و مافه‌كێ یاسایى یه و ب یاسا هاتیه دان به‌لى ئه‌م ب ئاشكه‌را دبیژین كو ئه‌ف جوره خوو پێشاندانێن هاتینه كرن ل سنورێ پارێزگه‌ها سلێمانیێ ئه‌م رێكێ ناده‌ین ل پارێزگه‌هێ ئه‌ف ره‌نگێن خو ئێًشاندانا بهێنه كرن داكو ئایش و ئارامیا پارێزگه‌هێ تێك نه‌چیت و داخاز ژ خه‌لكى پارێزگه‌هێ كر داكو سه‌ر و مالى وان ب پارێزین ,,
دیسان داخازێ ژ ده‌زگایێن راگه‌هاندنێ دكه‌ین كو هاریكار بن بو هندێ وه‌زع ئارام ببیت و پێكڤه وه‌زعى ئارام بكه‌ین ,, راسته راگه‌هاندن گرنگه لێ هنده‌ك راگه‌هاند كار و هنده‌ك ده‌زگایێن راگه‌هاندنێ روله‌كێ نیگه‌تیڤ دبینن دڤان كاودانانا دا ,,
ل دیماهیێ پارێزگه‌رێ دهوكێ ب ناڤێ هه‌مى لایه‌نێن سیاسى یێن حازر بوى سلا ڤ بو هه‌مى پێشمه‌گێ قاره‌مان راوه‌نه‌كرن و چاڤێ وان ماچ كرن و گوت هیڤى دارم هه‌مى لایه‌ن پێكڤه به‌رپرسانه سه‌ره‌ده‌ریێ دگه‌ل ڤێ ره‌وشێ بكه‌ین و گوت هه‌ر ئێك ژمه خو دانیته جهێ وى پێشمه‌رگه‌ى ئه‌وێ دسه‌نگه‌رى دا و ببینیت ناف باژێرێن مه ئالوزى و نه‌خوشى تێدا هه‌یه ئه‌و پێشمه‌رگه دێ چاوا شێت به‌رگریێ ژمه كه‌ن و هه‌كه خودێ نه‌كه‌ت ئه‌ف پێشمه‌رگه به‌روكێن شه‌رى به‌رده‌ن و ره‌وش یا هندێ نینه و ئه‌م هه‌مى دزانین بودجه و موجه ژلایێ مالكى و حكومكه‌تا به‌غدا هاتیه برین و ئه‌ڤه فاكه‌رى سه‌ره‌كى یێ ڤێ ره‌شێ یه و دبیت فاكته‌رێن هه‌رێمى و ده‌ره‌كى ژى هه‌بن ,,
ل دیماهیا پرێس كونفرانسى دا پارێزگه‌رێ دهوكێ دیار كر كو هێله‌كا گه‌رم دنافبه‌را خودا وه‌كو ئیداره و هه‌مى لایه‌نێن سیاسى دا ڤه‌كه‌ین داكو بشێن ئاگه‌هدار بین ژ ره‌وشا هه‌مى لایه‌نێن سیاسى و هه‌مى هه‌فال هاریكارن بو هندێ پێكڤه كار بكه‌ین بو كونترول كرنا وه‌زعى ده‌ڤه‌رێ ,,
نيشاندان