ئەڤرۆ نیوز، زنار:
د یاریا ئسپانیول و بەرشەلونە دا ژ قوناغا شازدێ یا قارەمانیا کاسا شاھێ ئسپانیا ئەوا ب سەرکەفتنا بەرشەلونە ب دووماھی ھاتی چەندیت رویدانێن و گوتنێن دوور ژ گیانێ وەرزشی دەرھەقی یاریکەرێن بەرشەلونە و ھەڤژینا یاریکەرێ وێ جیرارد پیکێ ھاتنە پێش.
پشتی ب دووماھی ھاتنا ڤێ یاریێ ل ژورا خو گوھۆرینا یاریکەران شەر د ناڤبەرا گولچیێ بەرشەلونە تیر شتیگن و ھێرشبەرێ یانا ئسپانیول کایسیدو پەیدابویە زێدەباری ئەو یاریا زڤر یا یاریکەرێ ئسپانیول ئەلڤارو گونزالێس و لیونێل مێسی دا پەیدابوی.
ژلاییچ خوە ڤە پشتەزانێن یانا ئسپانیول چەندین لافیتە دەرھەقی بەرشەلونە و یاریکەرێن وێ بلند کربون کو تێدا گوتنێن نە جوان تێدا نڤیسابون و یا ژ ھەمیا گرنگتر لافیتەکێ دا دژی ھەڤژینا بەرەڤانێ بەرشەلونە جیراد پیکێ سترانبێژا کولومبیا ناڤدار نڤیسابوو ( شاکیرا یا مە ھەمیانە).

ئەڤرۆ نیوز، زنار:
کارگێریا یانا روما راگەھاند ئەوان لوشیانو سپالێتی دەستنیشانکر بۆ وەرگرتنا ئەرکێ راھێنەراتیا یانێ ل شوونا یێ فرەنسی رودی گارسیا ئەوێ دوھی ژ ئەرکێ راھێنەراتیا تیمێ ھاتیە دوورخستن.
بەری نوکە ل سالا ٢٠٠٥ ھەتا سالا ٢٠٠٩ راھێنەرێ روما بوو ل وی دەمی شیابوو کاسا ئیتالیا دو جاران ل گەل کاسا سوپەرا ئیتالی ل گەل ڤێ یانێ دەستخوە زە بیت دیسان دو وەرزان ژی رێزا دویێ د خولێ دا.
ئەڤرۆ ئێڤاری سپالێتی ڤەگەریا باژێرێ روما و پێشوازیەکا گەرم ژ لایێ پشتەڤانێن ڤێ یانێ لێ ھاتە کرن کو چەندین سالو بوو ل وەلاتێ روسیا و وەک راھێنەرێ یانا زێنت کار دکر.
ل رۆژا ئێکشەمبیا بھێت یانا روما دێ ب سەرپەرشتیا راھێنەرێ خوە یێ نوو دێ یاریا خوە یا ئێکێ ل گەل یانا ڤیرونا کەت ل یاریگەھا ئولومپیکو ژ یاریێن گەرا بیستێ ژ خولا کالچیو یا ئیتالی کو نوکە روما رێزا پێنجێ دھێت ب ٣٤ خالان د رێزبەندا خولێ دا.

ئەڤرۆ نیوز، ھەژار مەعروف:
نوونەرا باکورێ کوردستانێ تیما تەپا پێ یا ئامەد سپور دەربازبوونا خوە بۆ قوناغا ١٦ ژی کاسا تورکیا یا تەپا پێ مسوگەر کر پشتی ئەڤرۆ د یاریا خوە یا گەرا چارێ دا ژی یاریێن کوما ژ کاسا تورکیا سەرکەفتن ل سەر یانا شانلی ئورڤا تومارکری ب گولەکێ بێ بەرامبەر کو دبیتە سەرکەفتنا وێ یا سیێ ژ چار یاریان.
تیما ئامەد سپور خالێن خوە گەھاندنە ١٠ خالان رێزا دوێ دھێت کێمتر گولا ژی یانا باشکەشەھیر ئیستەبول ئەوا رێزا ئێکێ دھێت و ھەردو یانا بەری یاریێن کومان ب دووماھی بھێن ب دو یاریان دەربازبوونا خوە مسوگەر کرن بۆ قوناغا ١٦ کو ل ھەردو یاریێن بھێت ھەر ئەنجامەکێ توماربکەن چو کارتێکرن ل دەربازبوونا ئەوان ناکەت.