ئەڤرۆ نیوز، بارزان مزووری:
عوبەیدولا سلێمان تاھا،رێڤەبەرێ رێڤەبەریا بەلاڤکرنا کارەبا شێخان بۆ مالپەرێ ئەڤرۆ نیوز دیار کر کو د سالا بوری دا 957 کەس ھاتینە سزادان ژ ئەگەرێ سەرپێچی کرنا ھێلا کارەبێ ب شێوەیەکێ نەیاسایی ب و جھێن دڤێت کێشایە ب کوژمێ سەدو دو ملیۆن دینارا ھاتە سزادان بەردەوام تیمێن ژناڤبرنا سەرپێچیا دگەرێن بۆ ژناڤبرنا سەرپێچیا کو ئەڤ دیاردە بەرەڤ نەمانێ بچیت.
ناڤبری دیار کر کو ب کوژمێ پێنج ملیار و پێنج سەدو حەفتێ و حەفت ھزار دیناران جھێن میری و وەلاتی قەردارێن رێڤەبەریا کارەبا شێخانن ژ نەدانا پارێ کارەبێ پتریا وان جھێن میری سەر ب ئیدارا مووسل ڤەنە، میزانیا وان ھاتیە برین چەند جاران ب ناسیارێن فەرمی بۆ وان ھنارتینە کو قەرێ خوە بدەن کارئاسانی ژی بۆ وان دروست کریە کو ب رێیا ھەیڤانە بدەن ھەر نادەن داخواز ژ جھێن میری و وەلاتیان دکەین کو دەمێ دبیتە وەختێ قەرێ کارەبێ پارێ خوە بدەن، نەھێلن کو ببیتە کوژمەکێ مەزن بیتە بارگرانی ل سەر ملێن وان.
ناڤبری گۆتژی: “بۆ پێشمەرگەی و مالباتێن شەھیدا وەلاتیان گەلەک ھاریکارین د گەل وان ژ بوو دانانا سیستەمێ ھەیڤانە کو وەکو قستەکی بدەن دا ئەو بارگرانی ل سەر وان رابیت”.
ناڤبری زێدەتر گوت کو سالا بوری مەزنترین رێژەیا سەر پێچی و قەرێ کارەبێ ل دەف خەلکی و جھێن میری یە ئەگەر دزڤریت ژبەر قەیرانا نھا ئەم تێدا دبورین.

ئەڤرۆنیوز، سالار دۆسکی:
بەرپرسێ ئەزموونا ل رێڤەبەریا گشتی یا پەروەردێ ل پارێزگەھا دھۆک دیارکر ئەڤ سالە بریارەکا نوو بۆ قوتابیان دەرکەڤت ل دۆر پەرینێ و ئەڤە پشتی چێبوونا گەلەک ئاریشان.
فاخر ئەیوب رەشید بەرپرسێ ئەزموونا ل رێڤەبەریا گشتی یا پەروەردێ ل پارێزگەھا دھۆک بۆ ئەڤرۆ نیۆز گۆت: ئەڤ سالە و تایبەت ئەزموونێن دووماھیا سالیێ ل پولێن دەە و یازدێ ھەر قوتابیەکێ ب بابەتەکی بمینت و نمرا وی ژ (39) کێمتر بیت، ئەو قوتابی دێ کەفتی ھێتە ھەژمارتن و دێ مینتە ل پولا خوە.
کۆت: سالێن بوری ل قوناغێن ئامادەیی (عبور) ھەر قوتابێ نمرا وی ژ (40) سەردا با دا دەربازبیت، دچوو پولا دی و بێ سالا دووف دا تاقیکرنێ ب وێ ئەزموونێ بکەت، پەرینەکا دی ھەبوو پولێن دەە و یازدێ ئەگەر قوتابیەکی (39) ھەبا ل بابەتەکی دا دەربازبیت چیتە پولەکا دی و دڤیابا سالا دووڤ دا ئەو بابەت کربا ڤە، نوکە گوھۆرین کەفتنێ ل دووڤ بریارا پەروەردێ.
فاخری ئاشکراکر ژی کو ئەف بریارە ھات پشتی چێبوونا چەندین ئاریشان و گەلەک قوتابی ھەبوون کەفتن و نە چوونە تاقیکرنێن خوە و ئەڤە دەمەکی دا ناڤێن وا بۆ زانکۆیێ دەر کەفت بوو و باوەرنامە بۆ نەدھاتەدان.