ئەڤرۆ نیوز، ھەژار مەعروف:
یاریکەرێ کورد و یانا فیرانسی یا پرتوگالی ئوسامە رەشید داخوازا لێبورینێ ژیانا دالکورد یا کوردی کر ئەوا دخۆلا پلا ئێک یا سوید دا یاریێ کەت پشتی یانا سویدی ب فەرمی پەیوەندی پێکری بۆ ئیمزاکرنا ھەڤبەستا ئەوان لێ یاریکەرێ کورد داخوازا لێبورینێ کر.
ئوسامە رەشید د داخویانیەکێ دا بۆ مالپەرێ ئەڤرۆ نیوز دیارکر ئەو دخوازیت خزمەتا یانا دالکورد بکەت وەکو یاریکەرەکێ کورد لێ ژبەرکو ئەو گرێدای ھەڤبەستا خوە یە ل گەل یانا فیرانسی نەشێت پەیوەندی ب یانا دالکورد بکەت.
زێدەتر ئوسامە دیارکر بەری نوکە ژی دو یانێن دی پەیوەندی ب ئەوی کرینە لێ یانا وی رازی نەبوو دەست بەردانا وی ب دەنێ.
ھەژی گوتنێ یە یانا فیرانسی دخۆلا پلا ئێک یا پرتوگالێ دا یاریێ کەت.

ئەڤرۆ نیوز:

فوتو، قەیس وەیسی:

ئێکەتیا تەپا پێ یا کوردستانێ ئەڤرۆ کومبوونەکا تایبەت سەبارەت ئەو رویدانێن د یاریا دوھی دناڤبەرا برایەتی و پێشمەرگە یا ھەولێرێ رویدای کو راھێنەرێ گولچیا یێ تیما پێشمەرگە ھێرشکر بوو سەر دادڤانێ یاریێ و یاری ھاتبوو راوستاندن بەری دەمێ دورست یێ یاریێ و

د کومبوونا ئەڤرۆ دا ئێکەتیا تەپا پێ چەندین بریاریێن توند بەرامبەر یانا پێشمەرگا ھەولێرێ دەرێخستن و ئەو بریارە ژی ب ڤی رەنگی بوون.
١- ئەنجامێ یاریێ ٣-٠ چنە د بەرژوەندیا یانا برایەتی دا ھاتە ھژمارتن .
٢- راوستاندنا راھێنەرێ گولچیا یێ یانا پێشمەرگە ھەولێرێ عەبدولخالق مەحمود ھەتا دووماھیا ژیانا وی ژبەر ئەو رافتارا بەرامبەر دادڤانێ یاریێ کری.
٣- یانا پێشمەرگە ب کوژمێ ٥٠٠ هه‌زار دبناران ھاتە سزادان .
ھەژی گوتنێ یە دڤێ کومبوونێ دا سەروکێ ئێکەتیا تەپا پێ یا کوردستانێ سەفین کانەبی ئامادەنەبوو ژبەر پشکداریا وی د کومبوونا کونیفا یا ھەرێمان دا ل وەلاتێ ئیتالیا.

ئەڤرۆ نیوز،زنار تۆڤی:
فیدراسیۆنا تەپاپێ یا ئورۆپا باشترین پێکهاتەیێ ئۆروپا بۆ سالا 2015 دەستنیشانکر کو تێدا پشکا شێری بەر ب یانەیێن ئیسپانی دکەڤیت.
ئەڤ پێکهاتیە ب رەنگەکێ فەرمی ل سەر سایتێ فەرمی یێ فیدراسیۆنا تەپاپێ یا ئۆڕوپا هاتیە بەلاڤکرن کو تێدا ئەڤ یاریکەرە ب رەنگەکێ راستەوخۆ هاتینه دیارکرن.
گۆلچی نۆیەر ژ یانا بایرن میۆنخ و هێلا بەرەڤانیێ هەر ئێک ژ دایڤد ئالابا و دانی ئالڤێس و بیکێ ژ یانا بەرشەلۆنا و سێرجیۆ ڕامۆس ژ یانا ریالمەدرید هاتینە هەلبژارتن
هێلا ناڤین هەر ئێک ژ ئینێستا ژ بەرشەلۆنا و خامس رۆدرێگز ژ ریالمەدرید و پۆل بۆگبا ژ یۆڤێنتۆس هاتینە دیارکرن
هێلا هێرشبرنێ مێسی و نیمار ژ یانا بەرشەلۆنا و کریستیانۆ رۆنالدۆ ژ یانا ریالمەدرید هاتینە هەلبژارتن.
نێردرا لە نامەنەرەوە