ئه‌ڤرۆنیۆز، ئه‌یاد به‌رواری
پشتی سه‌رۆكێ گامبیا ل مه‌ها بۆری وه‌لاتێ خوه وه‌كو (ده‌وله‌تا ئیسلامی) راگه‌هاندی، حوكمه‌تا وی وه‌لاتی ل به‌ركرنا ده‌رسوكێ ل سه‌ر فه‌رمانبه‌رێن ژن ل ده‌زگه‌هێن حوكمه‌تێ سه‌پاند.
به‌رپرسه‌كێ وه‌زاره‌تا په‌روه‌ردێ ل گامبیا، ل دووڤ (هاڤینگتۆن پۆست)، ئه‌ڤرۆ چار شه‌مبی راگه‌هاند، فه‌رمانه‌ك بۆمه یا هاتی كو نابیت ئێدی فه‌رمانبه‌رێن ژن دده‌مێ ده‌واما فه‌رمی دا، د سه‌ركول و بێ ده‌رسوك بن.
ئه‌ڤرۆ نيوز:
وه‌زاره‌تا ڤه‌گوهاستن و گه‌هاندنێ يا حكومه‌تا هه‌رێما كوردستانێ د راگه‌هاندنه‌كێ دا دياركريه كو وان داخواز ژ هه‌موو كومپانيێن ئه‌نته‌رتێتێ يێن موله‌تا كاركرنێ هه‌ى ل وه‌زاره‌تا ڤه‌گوهاستنێ كريه كو بهايێ پشكداريكرنا وه‌لاتيان د خزمه‌تگوزاريێن ئه‌نته‌رنێتێ دا كێم بكه‌ن و ئه‌م هيڤى خوازين پێگرى ب داخوازيا مه بهێته كرن.
د راگه‌هاندنێ دا هاتيه كو بۆ به‌رچاڤ وه‌رگرتنا ره‌وشا هه‌رێما كوردستانێ، بريار هاتيه دان بهايێ ئه‌نته‌رنێتێ بهێته كێمكرن.
ناڤێن كومپانيێن موله‌ت هه‌ين:
ئه‌ڤرۆ نيوز:
محه‌مه‌د شمشيك جێگرێ سه‌رۆك وه‌زيرێن توركيا د كۆنگره‌يه‌كێ رۆژنامه‌ڤانى دا ل ئه‌مريكا ب كوردى به‌رسڤا رۆژنامه‌ڤانه‌كێ كورد يێ خه‌لكێ ئيرانێ دا كو بۆ جهێ دلخوشيا به‌رهه‌ڤبوويان.
محه‌مه‌د شمشيك سياسه‌تمه‌داره‌كێ كورده خه‌لكێ باتمانێ يه ، پێشتر وه‌زيرێ دارايى يێ توركيا بوو، ل سالا 2015 وه‌ك جێگرێ سه‌رۆك وه‌زيرێن توركيا ئه‌حمه‌د داود ئوغلو ده‌ست ب كاربوو.
ئه‌ڤرۆنیۆز، ئه‌یاد به‌رواری
رۆژنامه‌كا توركی ناڤێن وه‌لاتێن پشته‌ڤانیا پارتیا كاركه‌رێن كوردستانێ (په‌كه‌كه) دكه‌ن و ئه‌و چه‌كێن وان وه‌لاتان یێن په‌كه‌كه بكاردئینیت ئاشكرا دكه‌ت كو تێدا رۆسیا ل رێزا ئێكێ دهێت و بریتانیا ل رێزا دویێ دهێت.
ل دووڤ سایتێ (توركیا پۆست)، رۆژناما (یه‌نی شه‌فه‌ق) یا توركی به‌لاڤكریه كو په‌كه‌كه بۆ دابینكرنا چه‌كی پشت به‌ستنێ ب پلا ئێكێ ل سه‌ر رۆسیا دكه‌ت، كو چه‌ندین جۆرێن چه‌كی دده‌ته په‌كه‌كێ وه‌كو قه‌ناسه و ره‌شاش و بنگه‌هێن مۆشه‌كان، دیسا په‌كه‌كه پشت به‌ستنێ ب ڕه‌نگه‌كێ سه‌ره‌كی ل سه‌ر چه‌كێ رۆسی دكه‌ت.
ل دووڤ وێ رۆژناما توركی، بریتانیا ل رێزا دویێ، كو هێزێن بریتانی سندوقێن ته‌قه‌مه‌نیان بۆ چه‌كدارێن په‌كه‌كێ ل توركیا دهنێریت، دیسا هنده‌ك چه‌كێ بریتانی یێ هاتیه دیتن كو بۆ كارێن كوشتنێ دهاتنه بكارئینان.
ئاشكرا ژی دكه‌ت كو” ئه‌لمانیا و ئیتالیا ل رێزا سیێ و چارێ دهێن، كو په‌كه‌كێ چه‌ك و بۆمبێن ئه‌لمانی و ئیتالی ژی یێن هه‌ین، دیسا ئه‌مریكا و چینێ ژی هنده‌ك چه‌ك یێ بۆ په‌كه‌كێ هنارتی”.
ئه‌ڤرۆ نيوز، زنار زۆبێر:
ئه‌ڤرۆ ژماره‌كا دى ژ ياريێن خولا فاستلينكا نايابا كوردستانێ هاتنه كرن و د گرنگترين يارى دا يانا زێره‌ڤانى تووشى خوساره‌تيه‌كا مه‌زن بوو ل سه‌ر ده‌ستێ هه‌ڤركا خوه يانا هه‌ولێر ل ياريگه‌ها وێ.
ل ده‌سپێكا ڤێ ياريێ ئه‌وا به‌رى ده‌مه‌كێ كێم ب دووماهى هاتى، يانا زێره‌ڤانى ب هێز هاته د ياريێ دا و شيا ل ده‌قيقا ئێكێ گۆلا خوه يا ئێكێ ب رێيا ياريكه‌رێ خوه په‌يمان عه‌زيز تۆمار بكه‌ت، پاشان هه‌ر زوو سستى و خاڤى ل ده‌ڤ ياريكه‌رێن يانا زێره‌ڤانى په‌يدا بوو و بۆ ئه‌گه‌رێ هندێ يانا هه‌ولێر خودانا ياريگه‌هێ هێرشێن ئێك ل دووڤ ئێكێ ببه‌ته سه‌ر تيما يانا زێره‌ڤانى و ب ڤێ چه‌ندێ ژى شيا به‌رى يارى ب دووماهى بهێت ل ده‌قيقێن 45 و 46 دو گۆلان تۆمار بكه‌ت.
د نيڤا دويێ دا، يانا هه‌ولێر ب هه‌مان ئاست هاته دياريێ دا و ترس ل ده‌ڤ ياريكه‌رێن زێره‌ڤانى يا ئاشكه‌را بوو و ئه‌و بوو د ڤێ نيڤێ دا سه‌ره‌راى ژ ده‌ستدانا ژماره‌كا زۆر يا ده‌ليڤێن گۆلكرنێ ل وێ نيڤێ ژى سێ گۆلان ل سه‌ر زێره‌ڤانى تۆمار بكه‌ت و ياريێ د به‌رژه‌وه‌ندا خوه دا ب دووماهى بينيت ب ئه‌نجامێ پێنج گۆلان به‌رامبه‌ر گۆله‌كێ بۆ زێره‌ڤانى.
گۆلێن يانا هه‌ولێ ژ لايێ هه‌ر ئێك ژ باسم مسته‌فا پيشه‌كارێ سورى و فه‌رحان شوكر دو گۆل و سالح ڤه هاتنه تۆماركرن.
ب ڤێ چه‌ندێ يانا زێره‌ڤانى خودانا ناسناڤێ سێ وه‌رزێن بۆرى ل دووڤ ئێك ب دو خالان ل دووماهيا رێزبه‌نديا خولێ دهێت و يانا هه‌ولێر ژى بۆ سه‌ركێشا ڤێ كۆمێ ب چار خالان.
ئەڤرۆ نیوز،زنار تۆڤی:
ژ ئەگەرێ بارینا بەفرەکا زۆر ل دەڤەرا بەرواری بالا و گرتنا رێیا چەندین گوندان،چەند قوتابخانێن ڤێ دەڤەرێ نەچاربوون تاقیکرنێن کورسێ ئێکێ لدەمژمێر 12 تاکو 1 پشتی نیڤرۆ ئەنجام بدەن.
دیار عەبدی قوتابیەکێ ئامادەیا بریفکا بەرواری بۆ ئەڤرۆ نیوز گۆت:رۆژانە پتری دو دەمژمێران ئەم ب پیا دچین ھەتاکو ئەم دگەھینە قوتابخانێ،ژبەرکو بەفرەکا زۆر باریە و ترومبێل نەشێن ھاتنوچوونێ بکەن،ئەم گەلەک برێڤە دوەستین و گەلەک سەرمایە و ھەتاکو ئەم دگەھینە قوتابخانێ ئەم گەلەک زەحمەتێ دبینین.
محەمەد سەلمان قوتابیەکێ دییە دبێژیت:ئەڤە چەند ڕۆژە بۆ ماوێ پتر ژ دو دھمژمێران ئەو ب پیا ژ گوندێ ھرۆرێ دھێن،ژبەرکو رێک نەھاتیە ڤەکرن و ھەر چەندە ئەم گەلەک وەستیانێ دبینین،لێ ئەم نەچارین ژبەڕکو مە تاقیکرن یێن ھەین،لێ قوتانخانێ تاقیکرنێن مە یێن کرینە دەمژمێر 12 ھەتاکو ئەم بگەھینە قوتابخانێ و تاقیکرن ژمە نەچن.
ناسر محەمەد سەعید رێڤەبەرێ پەروەردا قەزا ئامێدیێ بۆ ئەڤرۆ نیوز دیارکر:رێڤەبەرێ گشتی یێ پەروەردێ دەلیڤە دایە قوتابخانێن وان دەڤەرێن بەفر لێ دبارن کو بۆ سلامەتیا قوتابیان و برێڤەچونا پرۆسا خواندنێ،ھەر چ دەمێ وان بڤێت دیاربکەن بۆ ئەنجامدانا تاقیکرنان.
ئه‌ڤرۆ نيوز:
سۆدا ئەڤا دناڤ ڤەخوارنێن گازی دا ھەی (کۆلا، پێپسی، فرێش،..ھتد) ھندەک ماددین زیان بەخش ل خۆ ڤەدگریت ئەو ژی ئەڤەنە:
1- ترشیا فسفوریک: ھەستیکا زەعیف دکەت و ددانا خراپ دکەت.
2- گەلەک شەکرا فروکتوزێ: مرۆڤی قەلەو دکەت و ئاستێ دوهنى زێدە دکەت.
3- رێژەکا زۆر یا شرینکەرێت دەستکرد: وی کەسی پەرۆشتر لێدکەت بۆ ڤەخوارنا وێ.
4- رەنگدەرێ کارمێل: ھندەک ڤه‌کولین دیار دکەن کۆ ئەڤ جورە ماددە پەنجەشێرێ چێدکەت، ژ بەر ھندێ زیانێن ڤەخوارنێن گازی یێن رەنگدايی (وەکو کۆلا، فانتا، پێپسی) پترن ژ یێن بێ رەنگ(وەکو سڤن،سپرایت).
5- فورمالدیھاید (کۆ ئەو ژی پەنجەشێرێ چێدکەت) ھەر چەندە د ناڤ سودایێ دا نیە لێ دەما تێکھەلی ئەسپارتامێ دبیت دبیتە ماددەکا زیان بەخش.
6- بەنزەواتێت پۆتاسیۆمێ: ئەگەر ل بەر هه‌تاڤێ بمینیت دێ ماددێ بەنزینێ لێ دروستبیت کۆ یا مەترسیدارە بۆ میزلدانێ ب تایبەتی.
7- رەنگدەرێن خوارنێ: کارێ مەژی تێک ددەت، تەرکیزێ ناھێلیت، و رەفتارێ چالاکیا رادەبەدەر دروستکەت ب تایبەتی ل دەڤ زارۆيا.
ئەڤرۆ نیوز:
دەزگەھێ CIES یێ دیڤچوونا ل زانکویا نوشاتیل یێ سویسری راپورتەک بەلاڤەکری یە ل سەر گرانترین یاریکەر ل سالا ٢٠١٦ ل ڤەگوھاستنێن بھێت کو گرنگی پێ ھاتیەکرن کو ستێرا یانا ریال مەدرید کریستیانو رونالدوی پاشڤەچوویە بەرامبەر مێسی و نیمار بھایێ ڤەگوھاستنا ئەوان بلندتر لێ ھاتیە.
مێسی ژ یانا بەرشەلۆنا ل رێزا ئێکێ دھێت ٢٥٠.٧ ملیون یورۆ
نیمار یێ ٢٣ سالی رێزا دوێ ھات ١٥٢.٧ ملیون یورۆ
یێ بەلجیکی ھازارد ژ یانا چێلسی رێزا سێ دھێت ب ١٣٠ ملیون یورۆیا
یاریکەرێ پرتوگالی و یانا ریال مەدرید رونالدو رێزا چارێ دھێت ب ١١٤ ملیون یورۆیا
ھاری کین یێ ٢٢ سالی ژ یانا توتنھام رێزا پێنجێ دھێت ب ٩١.٣ ملیون یورویا
رەحیم ستیرلینگ رێزا یێ ٢١ سالی ژ یانا مانچستەر سیتی رێزا شەشێ دھێت ب ٨٩.٨ ملیون یورو
ئەنتونیو کریزمان یێ فەرەنسی ژ یانا ئەتلەتیکو مەدرید رێزا حەفتێ دھێت ب ٨٨.٣ ملیون یورو
لویس سوارێز ژ بەرشەلۆنا ب ٨٦.٣ ملیون یوریا ل رێزا ھەشتێ دھێت
سێرچیو ئەگوێرو ب کوژمێ ٨٢.١ ملیون یورۆیا رێزا نەھێ دھێت
یاریکەرێ یانا ئەرسینال ئەلکیس سانشێز رێزا دەھێ دھێت ب ٨١.٩ ملیون یورۆیا
ئه‌ڤرۆ نيوز:
دبیـت پرسیارەکا سەیر بیت. لێ نۆکە ھندەک ڤەکۆلینا یا دیارکری کۆ زەلامی ھندەک گوھرینێن ھەیڤانە رووددەن ل سەر ھەردوو ئاستێن فسیولوژی و دەروونی.
ھەیڤ کارتێکرنێ ل سەر گەلەک تشتێن گەردوونی دکەت و ب تایبەتی ل ئاڤێ کۆ دەریا ھەلدچن دەمێ ھەیڤ ل ئەسمانی تەمام دبیت (چاردەشەڤی) کۆ دبێژنێ (مد وجزر)، وەک یا خویایە کۆ پێکھاتا لەشێ مرۆڤی پتر ل 60% ئاڤە، لەورا ئەو ژی دکەڤیتە ژێر کارتێکرنا ھەیڤێ دا.
ل دووڤ وان ڤەکولینان: د گەل تەمامبوونا ھەیڤێ ئاستێ ھندەک ماددە و ھورمونێن لەشی د ناڤ خوینێ دا گوھرین ب سەردا دھێت وەک کورتیزول و ئەدرینالین و تێستوستیرۆن کۆ ھێزا لەشی زێدەتکەن، لەورا یا ھاتیە دیتن کۆ رێژا تاوانا و توندوتیژیێ و دەستدرێژیێن سێکسی د وان رۆژێن ھەیڤ تێدا تەمام دبیت گەلەکا زۆرترە (رۆژێن 13 و14 و15 ژ ھەیڤا ئەسمانی).
و ئەڤ راستیە یا بەربەلاڤە دناف کلتۆرێ وەلاتێن روژئاڤا ب تایبەتی پشتی نمایشکرنا چەند فلمەکێن ھۆلیودێ وەک فلمێ The Wolf Man (ئانکۆ مرۆڤێ گورگ) و چەندین فلمێن دی کۆ تێدا مرۆڤ (د شەڤا ھەیڤ دبیتە چاردە شەڤی) وەک دڕندەکی لێ دھێت و پرچ و نینۆکێن وی درێژدبن و تاوانێن جوراوجۆر ئەنجام ددەت و پشتی بۆرینا ڤان شەڤان دزڤریتەڤە و دبیتەڤ مرۆڤ.
لێ ئەڤ راستیە د ناڤ ئولێ ئیسلامێ ژی دا ھەیە دەما پێغەمبەرێ مەزن سلاڤێت خۆدێ ل سەربن ئامۆژگاریا موسلمانا کری ب رۆژیگرتنێ د ڤان رۆژان دا کۆ دبێژنێ (ايام البيض) کۆ دبنه رۆژێن 13 ھەتا 15ێ ل ھەیڤێن ئەسمانی-قمری) چونکی رۆژیگرتن ھێزا مرۆڤی دادبەزینیت و ئاستێ ھورموناتا رێک دئێخیت و د ئەنجام دا ئەڤ جۆرە کردارێن نەرەوا د جڤاکی دا دڤان رۆژان دا نامینن.
نيشاندان