ئەڤرۆ نیوز:
زۆربەیا زەلامان حەزژێ چمێ بلند دکەن چونکو د چاڤێن زەلامی دا ژن پتر پێ سەرنج راکێش دبیت و ب دیتنا وی پتر مێیاتی و جوانیا وێ دیار دبیت، پیێن وێ پتر درێژ و زەعیف دیار دبن وەکو حوریا دەریایی دھێتە پێش چاڤێن زەلامی، ھەروەسا چمێ بلند پلا باوەری ب خوە بوونێ لنک ژنێ زێدە دکەت، ئەڤا ھەنێ ژی ژ گرنگترین فاکتەرێن سەرنج راکێشانا زەلامی یە بۆ ژنێ کو بیتە ویستگەھا پووتەدانێ لنک زەلامی، لێ دڤێت بزانی باوەری ب خوە بوون جودایە ژ گرداریێ ئانکو (غرور) ێ جوانە تە باوەری ب خوە ھەبیت و نە جوانە تو مرۆڤەکا مەغرور بی، خالا دیتر یا چمێ بلند کارتێکرنێ ل رێڤەچوونا ژنێ دکەت، زەلام حەزژێ وێ ژنێ دکەت یا خوە خار دکەت دەمێ ب چمێ بلند ب رێڤە دچیت چونکو ژنا چمێ بلند لبەر دکەت بەرکەتی ترە ژ ژنێن دیتر، ل دووماھیێ چمێ بلند بەژن و بالا ژنێ دیار دکەت و درێژ دبیت، ئەو زەلامێن بەژن بلند حەز دکەن ھەڤژینێن وان چمێن بلند لبەر خوە بکەن چونکو ھاریکارە بۆ نێزیکرنا بەژنا وێ ل گەل بەژنا وی، دیسا رەشاقە و کێشا ژنێ کێمتر دیار دکەت ژ کێشا سروشتی یا وێ، ھەکە ھەڤژینێ تە یێ بەژن بلند بیت و تو یا بەژن کورت بی دڤێت تو پێلاڤێن چم بلند لبەر بکەی ب تایبەت ل ھەلکەفت و ئاھەنگێن ھوون پێکڤە ل گەلێک دەردکەڤن.

ئه‌ڤرۆ نيوز:

ژیێ 30 سالیێ تایبەتمەندیا خوە یا ھەی و ژ ھەمی قۆناغێن دیێن ژیانێ یێ جودایە، لەورا یا پێدڤیە تو بزانی چ ب کێر ڤێ قۆناغێ دھێت و چ ب کێر ناھێت دا خوە ژێ دوور بکەی، و دا ب شێوەکێ نەگونجای دیار نەبی وببیە جھێرەخنەگرتنا جڤاکی یان ئاریشێن ساخلەمی و دەروونی.

ئەڤە قۆناغا جوداکرنێ یە د ژیانا ھەر کەسەکی دا چونکو ئەو وەختێ جوداکرنا قۆناغا گەنجاتیێ و گەھشتنێ یە و پێدڤیە ئەم ھندەک تشتان تاقی بکەین، ئەڤە ئەو ھندەک کاروبارن دڤێت ئەم بەری 30 سالیێ تاقی بکەین:
1- گەشتەک بۆ جھەکێ ڤەدەر وەکو سەرکەفتنا چیایی یان چوونا سەیرانەکێ بۆ جھەکێ دوور ژ مرۆڤان.
2- پشکداریکرن د ماراسۆنەکێ دا یان ھەر چ نەبیت نیڤا وێ تمام بکەی.
3- خوە ب پەرەشۆتێ ژ فرۆکێ بھاڤێژە ھەکە دەلیڤە چێبوو.
4- خوە فێری مەلەڤانیان بکەی و نقۆمڤانیێ د بنێ دەریایان دا.
5- سترانەکێ ل گەل ھەڤالێن خوە د ستودیۆیێ ڤە بێژە.
6- گەشتکرن بۆ وەلاتەکێ بیانی کو تو زمانێ وان نەزانی و ب تنێ بچی چونکو ئەو سەربۆرەکێ دڤێت تو تێدا دەرباز ببی.
7- ھندەک دەمێ خوە ب ھندەک چالاکیێن خوەبەخش ڤە ببۆرینە کو د بێ بەرامبەر بن.
8- ھەکە تە ترۆمبێل ھەبیت گەریانەکێ د وەلاتێ خوە دا بکە و دێ گەلەک کەسان بینی و ھەمی باژێرێن وەلاتێ خوە بینی.
9- گەشتەکێ ھەرە وەلاتەکێ بەفرین و بزاڤێ بکە خوە ل سەر بەفرێ بحلیسینە.
10- بزاڤێ بکە ل روودانەکا وەرزشی یا مەزن بەرھەڤببە وەکو مۆندیالا جیھانی یان ئولۆمپیاتان.
11- خوە فێری کارەکێ دەستی بکە وەکو پەیکەرتاشیێ یان دارتاشیێ.

ئەڤرۆ نیوز:
گەلەک جاران د سازیێن میدیایێ دا شیرەت دھێنە کرن کا چ پێدڤیە ژن بکەت دا ھەڤژینێ خوە نێزیکی خوە بکەت و خوە ل بەر دلی شرین بکەت، بەلێ کێم جاران بەحسێ وان شاشیان دھێتە کرن یێن زەلامی تۆرە دکەن و ژ ژنێ دوور دکەن بێی ژن بزانیت، ئەڤە ژی ھندەک ژ وان شاشیانە یێن ژن دکەت و ھەڤژینێ وێ ژێ تۆرە دبیت و ژێ دوور دکەڤیت:
داخوازێ ژێ نەکە دەست ژ ژیانا خوە یا کەڤن بەردەت:
ئەڤ مەرجە ل دژی ڤیانێ یە، چونکو دەمێ تو رازی دبی ببیە ھەڤژین و ھەڤپشکا ژیانا زەلامەکی ئەو رامانا وێ ئەوە تو یا ب ھەمی شتتێن وی رازی، ڤێجا چاوا دێ داخوازێ ژێ کەی دەست ژ ھەمی وان تشتان بەردەت؟
گەلەک نەمینە پێڤە:
گەلەک نەمینە پێڤە کو بۆ تە باخڤیت ھەکە یێ بێدەنگ بیت، ڤێ چەندێ بھێلە و بلا کاروبار بخوە دیار ببن.
یا دل خەلەت نەبە:
بلا پیچەک یا غەیوور بی دا ئەڤینیا خوە بۆ دیار بکەی، بەلێ نەھێلە ئەو غیرە کونترۆلێ ل سەر تە بکەت و باوەریێ بدە ھەڤژینێ خوە و وان رەفتاران نەکە باوەریا تە ب تە و ھەڤژینێ تە بشکێت.
بلا ئینانا زارۆیان رۆمانسیەتێ ژ بیرا تە نەبەت:
گەلەک جاران ژن دکەڤنە بن بەرپرساتیا خودانکرنا زارۆیان و لایەنێ رۆمانسی د ژیانا ھەڤچینی دا پشتگوە دھاڤێژن، بزاڤێ بکە ئەڤ چەندە روونەدەت، چونکو کێم زەلام د وان گوھۆرینان دگەھن یێن د ژیانا ژنێ دا پەیدا دبن پشتی زارۆ دبن.
ھەمی بەرپرساتیان نەھاڤێژە سەر ملێن زەلامی:
ھندەک بەرپرساتیان ب ستویێ خوە ڤە بگرە وەکو کرینا کەل و پەلان ژ مارکێتێ و ھندەک کاروبارێن دیێن سڤک بکە، وەنەکە ئەو ھزر بکەت یێ کەتیە بن بارێ بەرپرساتیێن مالێ و تو چ ھاریکاریان بۆ ناکەی.