ئه‌ڤرۆ نیۆز، قائید میرۆ
ژ ئه‌گه‌رێ بۆردومانا فڕۆكه‌یێن هه‌ڤپه‌یمانان بۆسه‌ر ده‌ڤه‌رێن نێزیك قه‌زا مه‌خموور هژماره‌ك چه‌كدارێن داعش هاتنه كوشتن.
ئه‌حمه‌د جاف، په‌یڤدارێ میحوه‌رێ مه‌خموور ب ئه‌ڤرۆ نیۆز راگه‌هاند” سپێده‌هیا ئه‌ڤرۆ فڕۆكه‌یێن هه‌ڤپه‌یمانان هه‌ر ئێك ژ گوندێن تلشعێر و نه‌سرو حومیده یێن میحوه‌رێ مه‌خموور بۆردومانكرن، هه‌روه‌سا هه‌ڤپه‌یمانان پاریزینگه‌هه‌كا به‌رهه‌م ئینا پانزینی ل نێزیك ناحیا گه‌یاره بته‌مامی وێرانكرن.
ئه‌حمه‌دی گۆتژی” ژ ئه‌گه‌رێ ئه‌ڤێ بۆردومانێ زیانێ، مه‌زن گه‌هاندن تیرۆرستێن داعش و هژماره‌ك چه‌كدارێن داعش هاتنه كوشتن، ئه‌ڤه ژبلی زیانێن ماددی یێن به‌ر باره‌گایێن داعش كه‌فتین.
ئه‌ڤرۆ نیوز:
سعودیێ وێنێ هزار و 100 حه‌جیان كو د روودانا مینا دا گیانێ خوه ژ ده‌ستداین داینه بالیوزخانه و هنارتیێن ولاتان ب مه‌ره‌ما نیاسینا وان.
سه‌عید ئه‌وحه‌دى سه‌رۆكێ ده‌سته‌یا حه‌جیێن كومارا ئیسلامیا ئیرانێ راگه‌هاند كو 228 حه‌جیێن ئیرانى گیانێ خوه ژ ده‌ستداینه د وێ روودانێ دا و هه‌روه‌سا هه‌تا نوكه 248 حه‌جیێن دى یێن وان د بێ سه‌روشوینن.
ئه‌ڤرۆ نیوز: بيستر
یاریێن گه‌را چارێ ژ خولا عیراقێ یا ته‌پا پێ بو یانێن پلا نایاب ئه‌ڤرۆ د چارچوڤێ كوما ئێكێ دا ده‌ستپێكرن و ل یاریگه‌ها خوه تیما ته‌پا پێ یا یانا دهوك به‌رده‌وامى دا ئه‌نجامێن خوه یێن لاواز و ژ ده‌ست دانا خالان ده‌مێ وه‌كهه‌ڤبووى ل گه‌ل مێڤانا خوه یانا ته‌له‌به ب گوله‌كێ.
د یاریكرنا دهوك و ته‌له‌بادا ل ده‌ستپێكێ ب هشیارى هه‌ردو یانه هاتنه د ناڤا یاریگه‌هێ دا و لێك گوهارتنا هێرشان هاته كرن بێ كو مه‌ترسین به‌رچاڤ ل سه‌ر گولێن ئێك دورست بكه‌ن هه‌ر چه‌نده ئاستێ یانا دهوك باشتر بوو لێ ل ده‌قیقا 36 به‌روڤاژى روودانا یانا مێڤان ب رێكا یاریكه‌رێ خوه عه‌بدولله‌تیف محه‌مه‌د گولا پێشكه‌فتنێ توماركر و ئه‌ف گوله بو ئه‌گه‌ر زێده‌تر رێكخستن ب كه‌ڤیته ناڤا رێزێن یانا دهوك ژبو گوهارتنا ئه‌نجامێ یاریێ لێ هه‌مى بزاڤ دبێ ئه‌نجام بوون هه‌تا نێڤا ئێكێ ب دووماهى هاتى.
د نیڤا دویێ دا و پێخه‌مه‌ت گوهارتنا ئه‌نجامێ یاریێ راهێنه‌رێ یانا دهوك گوهورینه‌ك ل ناڤا پێكهاتیێ تیمێ داكر ب تایبه‌ت ل هێلا هێرشبه‌ریێ و ل ده‌قیقا 56 ئه‌ف ئارمانجه ب جه هات ده‌مێ حاتم عه‌لى گولا وه‌كهه‌ڤیێ توماركرى و دووڤدا یاریكه‌رێن یانا دهوك به‌رده‌وامى دا دورستكرنا گڤاشتنا ل سه‌ر گولا یانا مێڤان لێ ئه‌ف چه‌نده بێ به‌رهه‌م بوو و چو ژ وان هێرشان نه ڤه‌گوهاستنه توماركرنا گولان و یارى ب وه‌كهه‌ڤى ب دووماهى هات.
ئه‌ڤرۆ نیوز:
د کۆنفرانسەکێ رۆژنامەڤانی دا ئەڤرۆ رۆژا سێشەمبی، دووماھیا کارێ وێنەگرتنا فلمێ کوردی (رەشە با) یێ دەرھێنەرێ کورد (حسێن حەسەن) ب ئامادەبوونا ستافێ فلمێ ناڤبری و چەندین سینەماکار و ھونەرمەند و ھونەردۆست و دەزگەھێن راگەھاندنێ ب شێوەیەکێ فەرمی ل چیایێ زاوا ھاتە راگەھاندن.
ھەژی گۆتنێ یە کو فلمێ (رەشەبا) ژ بەرھەمێ رێڤەبەریا ھونەرێ سینەمایێ ل دھۆکێ و کۆمپانیا میتۆس فلم یا ئەلمانی یە و بۆ دەمێ ١٨ مەھا بوو کار د قووناغا وێنەگرتنێ دا دھاتە کرن.
ئه‌ڤرۆنیوز, ره‌زوان رۆژبه‌یانى:
د رودانه‌كێ هاتن و چوونێ ل سه‌ر رێیا گشتى به‌رده‌ره‌ش بۆ بازگه‌ها مه‌ندان ل نزیك په‌یمانگه‌ها ته‌كنیكى به‌رده‌ره‌ش سێ ئافره‌ت بریندار دبن.
كۆمیسه‌ر حازم محمد ژ راگه‌هاندنا هاتن و چوونا قه‌زا به‌رده‌ره‌ش بۆ ئه‌ڤرۆنیوز خویا كر كو ئه‌ڤرۆ سێ شه‌مبى ل ده‌مژمێر(11:00)ێ سپێدێ د روودانه‌كا هاتن و چوونێ دا دوو ترومبێل ژ جۆرێ؛ توێتا پیك ئاب ده‌بل قه‌ماره؛ و ؛هۆندا ئه‌لنته‌را تایبه‌ت؛ پێك داداو د ئه‌نجام سێ ئافره‌ت بریندار بوون و هاتنه ره‌وانه‌كرن بۆ نه‌خوشخانا به‌رده‌ره‌ش ب مه‌ره‌ما چاره‌سه‌ریا وان.
كۆمیسه‌رێ هاتن وچوونێ ئاماژه دا وێ چه‌ندێ ژى كو ئه‌گه‌رێ روودانێ ژى بۆ وێ چه‌ندێ ڤه‌گه‌راند كو ترومبێله‌كێ بزاڤ كرى یه بچیته سایدێ دى دا , داكو هنده‌ك ترومبێلان ب هێلیت و ترومبێلا دى كه‌فتیه به‌ر سینگى وى و ڤێك كه‌فتیه و روودان دروست بوویه
ئه‌ڤرۆ نیوز:
ئه‌ڤرۆ ل سه‌لاحه‌دین سه‌رۆك بارزانى پێشوازیا عه‌بدولا كوردى بابێ شه‌هید ئالانى كر.
سه‌رۆك بارزانى سه‌ره‌خوشى و هه‌ڤخه‌میا خوه ب بابێ شه‌هید ئالان كوردى راگه‌هاند كو ژ ئه‌گه‌رێ وێ كاره‌ساتا دلته‌زین كو ب سه‌ر خێزانا وى هاتى كو كاره‌ساته‌ك بوویه بۆ هه‌موو كورده‌ك و خێزانه‌كێ و راگه‌هاند شه‌هیدبوونا ئالان و خێزانا وى هێمایێ مه‌زلومیه‌تا گه‌لێ كوردستانێ یه .
سه‌رۆك بارزانى هیڤى خواست خودێ مه‌زن سه‌بر و ئارامیێ بده‌ته بابێ شه‌هید ئالان و راگه‌هاند: هه‌موو ماله‌كا كوردستانێ مال و كه‌سوكارێن نێزیكێن وى نه.
ئەڤرۆ نيوز:
وەزارەتا دارایی و ئابوورێ ھەرێما کوردستانێ،د نڤیسارەکێ دا ئاراستەی تەڤایا وەزارەت و فەرمانەھێن نە گرێداییی ب وەزارەتێ کرینە، کو مەرج بۆ ئینانا پارەی ل دەرڤە بۆ ھەرێما کوردستانێ داناینە .
دڤێ نڤیسارێ دا ب ئیمزایا رێباز محەمەد وەزیرێ دارایی و ئابوورێ ھەرێما کوردستانێ ل سەرە ئاماژە ب وێ چەندێ دایە کو پشتەڤانی ب نڤیسارێن لەقێ بەنکا ناڤەندی ل ھەرێما کوردستانێ- ھەولێر دکەن،ب مەبەستا ئینانا پارەی ژ دەرڤەی وەلاتی بۆ ناڤ ھەرێما کوردستانێ ب رێکێن بالەفرخانێن نێڤ دەولەتی یا ھەولێر و سلێمانیێ ب ھەماھەنگی ل گەل رێڤەبەراتیا گشتی یا گومرک و پشکا ئاسایشێ ل ھەر دو بالەفرخانان بریار ھاتە دان، بجھکرنا ئەڤان رێنمایێن خوارێ ب مەبەستا ئاگەھداربوون و کارپێکرنێ:-
-دیارکرنا ژێدەرێ پارەی ب فەرمی و ل گەل بەرپرسیاریا ناڤبری بەرامبەر ب یاسایێ و لگوریی تومارەکا تایبەت ب شوشتنا پارەی،پێدڤیە سوزنامەیەکێ بدەت بۆ ئەوی پارەیی،پارە ژلایێ رێڤەبەراتیا یاسایی ل وەزارەتا دارایی بھێتە دیارکرن،ئەو پارە بۆ کێ و بۆ چ مەبەستێ یە و بێختە سەر حسابا بەنکی ل ھەرێما کوردستانێ و دیارکرنا کوژمێ پارەی بۆ ھەر ئێک جارێ و رەزامەندی ژی بتنێ دھێتە دان ب ھەر دو رێکێن بالەفرخانێن ھەولێر و سلێمانیێ.
ئەڤرۆ نيوز:
بەرپرسێ لقا ١٤ مووسل بۆ رۆژناما ئەڤرۆ دیار کر کو ھەرێما کوردستانێ پێ باشە ئەو خێزانێن د پرۆسا رزگارکرنا مووسلێ دا ئاوارە دبن ل دەشتا نەینەوا بھێنە ئاکنجیکرن بۆ ڤێ چەندێ ژی دێ پێتڤی ب ئێک ملیۆن و شەش سەد خیڤەتگەھان بیت کو بھێنە ڤەدان.
عسمت رەجەب، بەرپرسێ لقا ١٤ یا پارتی بۆ ئەڤرۆ دیار کر کو ئەو کەسێن پێشوازیا چەکدارێن تیرورستێن داعش دکر ب گەرمی دەمێ وان باژێرێ مووسلێ کونترۆلکری، نھا ئەو کەس بێزاربوینە ژ چەکدارێن داعشێ کو ژیانا وان ئیخستیە د مەترسیێ دا و پەیوەندیێن جڤاکی یێن وان یێن ژناڤبرین و ژیان ل گەلەک یا ب زەحمەت بوی.
عسمەت رەجەبی گوت ژی” ل دەمێ رزگارکرنا مووسل، ئەو کەسێن ژ باژێرێ ئاوارە، یا باش ئەو خەلک د ناڤبەرا باژێرێ مووسلێ و کوردستانێ دا بھێنە ئاکنجی کرن ل دەشتا نەینەوا کو بەری پرۆسا رزگارکرنا مووسلێ ھژمارەکا مەزن یا خیڤەتگەھان بھێنە ڤەدان، چونکی ھژمارا ئاکنجیێن باژێرێ مووسل نێزیک ئێک ملیۆن و شەش سەد ھزار کەسانە کو دێ پێتڤی ب ھژمارەکا مەزن یا خیڤەتگەھان بن”.
ناڤبری گوت کو گرنگە ئەو دەڤەرێن ل بن مادێ ١٤٠ بھێنە رزگارکرن چونکی ئەو دەڤەر بومە گرنگترن ژ باژێرێ مووسلێ کو ئاکنجیێن وان ئێزدی و مەسیحی نە و رزگارکرنا دەڤەرا دەشتا نەینەوا و باژێرێ مووسلێ ژی گرنگیا وێ ئەوە کو مەترسیا داعشێ دێ ژ ھەرێما کوردستانی دوور کەڤیت ، ئەو دەڤەرێن دەوروبەرێن مووسل ژی ئەوێن چەکدارێن داعشێ لێ ھەین، ھەر خەلکێ وان دەڤەرانە وھژمارەکا کێم ژ داعشێن بیانی یێن لێ ھەین”.
خویاکر ژی” دناڤ باژێرێ مووسلێ دا گەلەک گروپێن نوو یێن شەرکەر دژی داعشێ دروست بوینە و پلانێن سەرکەفتیانە ئەنجام ددەن کو کورد ژی یێن دناڤ وان گرۆپان دا ھەین”.
ئاشکراکر ژی کو پشتی رزگارنا مووسلێ دێ ژیان ل وی باژێری ب زەحمەت تر لێ ھێت، چونکی ئەو کەسێن ل باژێرێ مووسل دبن دەسھەلاتا داعشێ دا دژین، مێشکێ وان یێ ھاتیە شووشتن و یا ب زەحمەتە گەلەک ژ وان ئاوارێن قەستا ھەرێمێ کری دوبارە بزڤرنە مووسل.
نيشاندان