زاخۆ,ھشیار دوبانکی:
پشتی شاندی تیما تەپا پێ یا یانا زاخۆ ئەوا پشکدار دخولا نایابا کوردستانێ دا بەر ب پایتەختێ کوردستانێ ڤە چووی ب مەرەما کرنا یاریا خوە بەرامبەر یانا ئارارات ژ یاریێن گەرا سیێ و دڤێ یاریێ دا پێشەکارێ لیبی خالد مەجدی ل گەل تیمێ نەچویە باژێرێ ھەولێرێ و  پشکداری د یاریا بھێت دا ناکەت .
تەھا عەبدولحەکیم برێکاری ئێنانا یاریکەران ل یانا زاخۆ بۆ ئەڤرۆ نیوز گوت : گوت :ھەتا نوکە یاریکەرێ ناڤبری لبن تاقیکرنا دەستەیا راھێنەرێ یانا زاخۆ دایە و ھەر دەمێ بریار ل سەر ئاستێ وی ھونەری خاتە دانێ وی دەمی ھەڤبەست دۆ ل گەل ھێتە ئێمزاکرن.

ئەڤرۆ نیوز:
دوھی ب سەرپەرشتیا راھێنەرێ خوە یێ نووی زێدان تیما ریال یەکا خوە یا ئێکێ یا راھێنانی ئەنجامدا ب ئامادەبوونا زێدەتر ژ شەش ھەزار پشتەڤانێن یانا مەلەکی کو زوربەیا یاریکەران د یەکا ئێکێ دا ئارارام بوو ل گەل راھێنەرێ خوە یێ نووی تایبەت ئەو یاریکەرێن حەزا چونا بێنیتیز ھەبوو.
راھێنەرێ نووی یێ یانا مەلەکی پشت بەستن ل سەر ستاڤەکێ نووی کری یە کو ھەمان ستاڤ بوو ئەوێن ل گەل وی ل تیما کاستیا ئانکو ریال مەدرید یا دوێ و زێدان دیارکری یە ئەوی باوەری ب شیانێن ئەڤان راھێنەران ھەیە .

ھاریکارێ راھێنەری دافید بیتو کو ئێک ژ نێزیکترین ھەڤالێن زەینەدین زێدانی یە ھەر ژ ١٨ سالی ل دەمێ ھەردوکان ل تیما کان یاری کر و بیتو د ژیانا تەپا پێ دا وەکو زێدان یێ سەرکەفتی نەبوو لێ د ژیانا راھێنەری دا یێ سەرکەفتی بۆ چەندین ستێر ل سەر دەستێ ئەڤی یاریکەری دەرکەفتی نە ل دەمێ تیما کان یا لاوان وەرگرتی یە و زێدان ل سالا ٢٠١٣-٢٠١٤ راھێنەرێ ئیتالی ئەنشلوتی رازیکر بیتو بینتە دناڤ ستاڤێ راھێنەریا یانا مەلەکی دا .

مسەعدی حەمیدو یێ فەرەنسی  دێ ھاریکارێ دوێ یێ زێدانی بیت  ھەر چەندە  ناڤبری نەیێ بەرنیاسە ل سەر ئاستێ تەپا پێ چو وەکو یاریکەر یان راھێنەر لێ زێدان باوەریەکا مەزن ب شیانێن وی ھەیە تایبەت ژلایێ ھونەری ڤە

برناردو ریکینا دێ راھێنەرێ شیانێن لەشی یێ یانا ریال مەدرید یێ نووی بیت ئەڤ ریکینا ئێک ژ راھێنەرێن بەرنیاس ل سەر ئاستێ ئیسپانیا بەری نوکە ل یانێن ئەشیبلیا و ئەتلەتیکو بلباو کارکری یە ل گەل راھێنەرێ بەرنیاس خواکین کاباروس و ھەردیسان کارکری یە ل ئەمریکا و ل سالا ٢٠١٣ جارەکا دی ڤەگەریا یانا ئەشیبلیا ل گەل  میتشێل راھێنەرێ نوکە یێ یانا مارسیلیا و ل وەرزێ ئەڤ سالە ل گەل یانا کاستیا ریال مەدرید یا دوێ بوو.

لویس لوپێس راھێنەرێ گولچیا دھێتە ھژمارتن ئێک ژ شارازاترین راھێنەر ل گەل ستاڤێ زێدان د ژیانا راھێنەریێ دا لویس یێ ٥٢ سالی راھێنەریا چەندین یانێن ئیسپانی و ئورۆپی وەرگرتی  یە و سەرپەرشتیا ناڤاس کری یە ل دەمێ ل یانا لیڤانتی و چەندین جاران ناڤاس گولچیێ سەرەکی یێ یانا ریال مەدرید یێ نوکە دیارکری یە کەسێ سەرەکی یێ پێشکەڤتنا ئاستێ من لویس لوپێس بوو