ئه‌ڤرۆ نيوز:

چاڤدێره‌كێ سياسى دبێژيت: “ئه‌و كۆنگرێ ب ناڤێ نه‌ته‌وى ل برۆكسل هاتيه‌ ئه‌نجام دان، كۆنگرێ نه‌ته‌وى نه‌بوو، چونكو پرۆگرامێ وێ ژ لايێ په‌كه‌كێ ب تنێ ڤه‌ هاتبوو دارێژتن، ژ به‌ر وێ چه‌ندێ كۆنگرێ په‌كه‌كێ بوو.

چاڤدێرێ سياسى و مامۆستايێ زانكۆيێ “د. سالح مه‌لا عومه‌ر عيسا” بۆ مالپه‌رێ فه‌رميێ پارتى ديموكراتى كوردستان گۆت: “ئه‌و كۆنگرێ ل برۆكسل ژ لايێ چه‌ند پارته‌كان ڤه‌ هاتيه‌ ئه‌نجامدان ب تايبه‌ت ل سالا 1999ێ  ژ لايێ په‌كه‌كێ ڤه‌ ب ره‌نگه‌كێ تاكلايه‌نه‌ هاتيه‌ دامه‌زراندن، بێ گۆمان نه‌شێين بێژينێ كۆنگرێ نه‌ته‌وى، چونكو ئه‌ڤه‌ يێ په‌كه‌كێ يه‌ و نه‌يێ هه‌موو كوردايه‌، چونكو ئه‌و ب خوه‌ پرۆگرامێ كۆنگره‌يى ديار دكه‌ن نه‌ ژ لايێ هه‌موو پارتێن كوردى ڤه‌ دهێته‌ دياركرن.

د. سالح گۆتژى: “هه‌كه‌ نوكه‌ ته‌ماشه‌ى كاودانێن ده‌ڤه‌رێ و جيهانێ بكه‌ين دشێين بێژين كێشێن هه‌ر پارچه‌كێ تايبه‌ت ب خوه‌ ڤه‌ نه‌ و د جودانه‌ ژ پارچێن دى.

مامۆستايێ زانكۆيێ ئاماژه‌ ب وێ چه‌ندێ ژى كر كو په‌كه‌كێ ئه‌زموون يا ل سه‌ر كوردستانا سوريێ هه‌يى و رێ ناده‌ت پارتێن دى كاروبزاڤێن خوه‌ ئه‌نجام بده‌ن، ئه‌ڤجا ئه‌و رێ ب پارتێن رۆژئاڤايێ كوردستانێ ناده‌ت كارێن خوه‌ بكه‌ن دێ چاوان شێت پرۆگرامێن نه‌ته‌وى دانيت.

گۆتژى: “پرۆگرامێ كۆنگره‌ى ب حه‌زا په‌كه‌كێ هاتيه‌ دانان و وه‌سان نيشا پارتێن دى دده‌ت هه‌كه‌ پێ خۆش بيت پشكدار بن و هه‌كه‌ پێ نه‌خۆش بيت، بلا پشكداريێ نه‌كه‌ن، ژ به‌ر هندێ ئه‌ڤه‌ نابيته‌ كۆنگرێ نه‌ته‌وى، به‌لكو كۆنگرێ په‌كه‌كێ يه‌”.

ئه‌ڤرۆ نیوز:  ڤه‌ده‌ر ره‌شاڤایی:
به‌ری مه‌هه‌كێ حكومه‌تا توركیا سێ رۆژنامه‌ڤانێن كه‌نالێ (VICE News) ل باكۆرێ كوردستانێ ده‌سته‌سه‌ركربوون،
پشتی 11 رۆژان ژ زیندانكرنێ دو رۆژنامه‌ڤان بناڤێ (فیلیپ پێندلبێری ) و (جه‌یك هانراهان) كو خه‌لكێ بریتانیا بوون سه‌ربه‌ست هاتنه‌ به‌ردان، لێ هێشتا رۆژنامه‌ڤانێ سیێ (موحه‌مه‌د ئیسماعیل ره‌سوول) كو خه‌لكێ هه‌رێما كوردستانێ یه‌ نه‌هاتییه‌ به‌ردان و د زیندانه‌كا توركیا دایه، رێڤه‌به‌رییا كه‌نالێ ناڤهاتی بۆ چه‌ندین جاره‌ ژ توركیا دخازیت كو وی ئازاد كه‌ن.
ناڤهاتی ب تیرۆرێ هاتیه‌ تۆمه‌تباركرن كو وه‌كی رێكخراوێن مافێ مرۆڤی دیاركری چ بنه‌مایێن خوه‌ نینه‌، رێكخراوێن وه‌ك لێبۆرینا نێڤده‌وله‌تی و لژنا پاراستنا رۆژنامه‌ڤانان و پێن یا نێڤده‌وله‌تی و بده‌هان رۆژنامه‌ڤانێن ناڤدار ئه‌ڤ كارێ حكومه‌تا توركیا شه‌رمزاركرییه‌.
موحه‌مه‌د  ئیسماعیل ره‌سوول یێ 24 سالی، رۆژنامه‌ڤانه‌كێ خۆدان شیانه‌ و به‌رییا نها بۆ كه‌نالێ (ئه‌لجه‌زیره‌) و (ئه‌سۆشیه‌تد پرێس) ژی كاركرییه‌.

ئه‌ڤرۆ نيوز:

مالپه‌رێ فه‌رمى يێ ئێكگرتوويا ئيسلامى كوردستان ژ زارده‌ڤێ د. محه‌مه‌د ئه‌حمه‌د جێگرێ ئه‌ميندارێ گشتيێ يێ يه‌كگرتوو ڤه‌ رووهنكرنه‌ك به‌لاڤكر و تێدا ره‌تكر كو ئه‌وێ حزبێ پشكدارى د كۆنگرێ نه‌ته‌وى يێ كوردى ل برۆكسل دا نه‌كربيت.

ده‌قێ روونكرنێ:

سلاڤ به‌رێزان كه‌نالێن رووداو و ناليا وه‌سان به‌لاڤكريه‌ كو ئێكگرتوو يا پشكدار نينه‌ د كۆنگرێ نه‌ته‌وى يێ كوردى دا، به‌لێ راستى ئه‌ڤه‌يه‌ كو جارا ئێكێ نينه‌ يه‌كگرتوو پشكداريێ دكه‌ت به‌لكو ئه‌ڤه‌ چه‌ندين جاره‌ يا پشكداره‌ و ئه‌ڤ ساله‌ ژى به‌رێز ئاراس شالى گۆتارا ئێكگرتوو پێشكێش كر.

من ژى ب تنێ هند گۆتيه‌ كو ئێكگرتوو نوونه‌رێن خوه‌ يێن ژ ده‌رڤه‌ دهنێريت بۆ پشكداريكرنێ و بۆ راستكرنا ڤى بابه‌تى ژى من په‌يوه‌ندى ب هه‌ردو كه‌نالان كريه‌ دا كو وێ پێزانينێ راستڤه‌كه‌ن.