NO IORG
نووترين نووچه
Twitter

ئەڤرۆ نیۆز، ئەیاد بەرواری:

پەرلەمانتارەکێ عیراقی یێ بەری راگەھاند، مادێ ١١٦ ژ دستوورێ عیراقێ دبێژیت، عیراق ژ ھەرێمێن نە ناڤەندی پێک دھێت، خویاکر ژی ھندەک مادێن دی د دستووری دا یێن ھەین کو دبێژن پێدڤیە ھەرێمان زێرەڤانێن خوە ھەبن.

تەلال زەوبەعی پەرلەمانتارێ بەرێ یێ سونی بۆ کەنالێ (الاتجاە) گوت” ھێزێن پێشمەرگەی شەرعیەتا خوە یا ھەی، ژ بەر کو ئەو زێرەڤانێن ھەرێما کوردستانێ نە، د ڤێ قۆناغێ دا ژی ھزرا پێکئینانا ھەرێمان ل عیراقێ یا خوە سەلماندی ژ بەر ڤی بارودۆخێ نوکە یێ عیراق تێدا دبۆریت”.
زەوبەعی گوت ژی” ئەمریکا یا ھاتی دا عیراقێ پارچە بکەت و ھندەک لایەنێن عیراقی ژی د رازی نە ل سەر پرۆژێ پارچەکرنا عیراقێ، لێ ڤێ چەندێ ل بەرامبەر جەماوەرێ خوە ئاشکرا ناکەن”.

553

ئه‌ڤرۆ نيوز:

کولیسترول کەرستەکێ پێکھاتیێ روونێ توورکری یە و یاد ناڤ خوینا مروڤیدا ھەی، ئەم گەلەک مفای ژ کولیسترولی دکەین، بۆ نموونە دھێتە بکارئینان بو دروستکرنا شانێن نوی و ھورمون و ڤیتامین پروتینێن ساخلەم و پێدڤی د لەشیدا، دەمێ کولیسترۆل زێدەدبیت و بوریێن خوینێ دگریت، و خوین نەگەھیتە لەشی دبیتە ئەگەرێ گەلەک نەخوشیان وەک جەلتا دلی و مێشکی.
د. ھەلات ێالح، تایبەتمەندا خوراکیێ دیارکر کو دو جورێن کولیسترولی یێن ھەین یێ باش کو دناڤ لەشیدا یێ ھەی و یێ خراب د ناڤ خوارنێدا یێ ھەی و گۆت: کولیسترولێ باش ئەوە ژ خوینێ وەردگریت و دبەتە مێلاکێ دا پوچ بکەت و نەھێلیت و نەبیتە ئەگەرێ ئاریشا و نەخوشیان بو لەشێ مروڤی، کولیسترولێ خراب ئەوە دەمێ زێدە دبیت دمینیتە ب بوریێن خوینێ ڤە و بوری تەنگ دبن، لەورا خوین کێم بگەھیتە ئەندامێن لەشی دبیتە ئەگەرێ وان نەخۆشیێن مەترسیدار وەکی جەلتا دلی و جەلتا مێشکی و کارتیکرنێ ل گولچیسکان ژی دکەت، ئەڤ کولیسترۆلە دناڤ میلاکێ و گولچیسکا و ھیِک و خوارنێن ئاڤیدا یێ ھەی.
د.ھەلاتێ دیارکر ئەو کەسێن کێشاوان یا زێدە یان نەخۆشیا شەکرێ ھەبیت یان فشارا وی یا خوینێ یا بلند بیت ئەڤ کەسە د پێدڤینە پشکنینا کولیسترولی بکەن، چونکی دبیت دڤان دەما دا کولیسترول یێ زێدە دبیت ل دەف وان کەسان و گۆت: مروڤێن کێشاوان کێم ژی کولیسترول ل دەف زێدە دبیت، بەلێ ئەڤە گرێدایە جنیتیکی ڤە و لەشێ وان زێدە کولیسترولی دروست دکەت، ئەڤەژی گرێدایە ب کێمبوونا پروتین و ئەنزیمان د لەشێ واندا .
تایبەتمەندا خوراکیێ دیارکر کو کێمبوونا لڤینا و وەرزشا روژانە و دیسان کێشانا جگاران و خوارنا خوارنێن پری روین کو دناڤ بەرھەمێن گیانەوەران یێن ھەین وەکی گوشتی و قەیماغێ و نیڤشک و کریِما دا ھەین و ئەگەرێن سەرەکی یێن زێدەبوونا کولیسترولی یە د لەشیێ مروڤیدا .
دیارکر ژی بو خوپاراستنێ ژ کولیسترولی دێ خوە دووربکەن ژ جگارە کێشانێ وخوارنێن تویرکری، ھەروەسا وەرزشەکا روژانە بکەن و کێشا خوە ببینە خوار ئەگەر یێ قەلەو بیت و خوارنن ڤایبەر تێدا بخوون و ھەروەسا بو ب دەستڤەئینانا کولیسترولێ باش د لەشیدا گویز و گەزو و باھیڤا و زەیتا زەیتونا و یا گۆل بەروژێ دیسان فێقی و خەزرەواتا بخوون، دیسا گۆت: بو چارەسەرکرنا ئەو کەسێن کولیسترول ل دەف ل دەستپێکێ دێ ریجێمەکا خوارنێ دەینێ، ھەکە مفا ژێ ھاتە وەرگرتن دێ چارەسەریا وی ل سەر ریجێما خوارنێ بیت، بەلێ ئەگەر مفا ژێ وەرنەگرت دێ چارەسەریاوان برێیا دەرمانان کرن.

ئه‌ڤرۆ نيوز:

وه‌كو هوون هه‌موو دزانن پتريا كه‌سان پشتى هاتنا ڤێرژنێ 9 ios هه‌موو خزمه‌تێن ئه‌پل هاتنه‌ ڤه‌گوهاستن بۆ سه‌ر وى ڤێرژنى، به‌لێ د وى ڤێرژنى دا حه‌فت كێشێن به‌رچاڤ يێن هه‌ين دێ نوكه‌ به‌حس كه‌ين.

ئێك: installation problems كێشا دانلودكرنا سوفتوێر يان پرۆگرامان:

وه‌كو هوون د زانن ل ده‌مێ دانلۆدكرنا به‌رنامان، ده‌ما كودێ نهێنى يێ ئه‌پل ئايدى دێ نڤيسيت retry يان ئايكو دێ ره‌ش بيت و تژى نابيت.

دو: Getting Stuck at ‘Slide to Upgrade’ screen

ئه‌ڤ كێشه‌ گه‌له‌ك يا زێده‌يه‌ و ب تايبه‌ت بۆ يێن ژ جۆرێ iphone5G
په‌يدا دبيت و ل ده‌مێ ئه‌بده‌يتكرنا وێ بۆ 9 ios دێ نڤيستيتslide to upgread  ل وى ده‌مى ژى دێ راوه‌ستيت و تو نه‌شێى چ بكه‌يى.

ئه‌ڤ كێشه‌ ژ ئه‌گه‌رێ هه‌بوونا زێده‌ ياfile crash  يان file cache ئانكو زێده‌بوونا فايلێن زێده‌ ژ ئه‌گه‌رێ گه‌له‌ك ب كارئينانا ئايفۆنێ و چاوانيا ديلێتكرنا ماچيان يان ديلێتكرنا فايلێن زێده‌ به‌رى ئه‌بده‌يتكرنێ.

بۆ نه‌هێلانا وێ كێشێ ئايفۆنا خوه‌ بpc  ڤه‌ گرێده‌ و د ناڤ pc ڤى به‌رنامه‌يى دانلۆد بكه‌، لينك: http://www.tongbu.com/zhushou/.

پشتى دانلۆدكرنا وى به‌رنامه‌يى هه‌ره‌ پشكا
more  ژ پرۆگرامى و ل وێرێ داخوازا clean cache & file log store & fix apple logo  بكه‌ و ئه‌و پشك ژى هه‌موو د تايبه‌تن ب پاقژكرن و رێكخستنا مۆبايلا ته‌.

ئه‌ڤ كێشا مه‌ ل سه‌ر به‌حس كرى زێده‌تر ل گه‌ل وان ڤێرژنێن كه‌ڤن بۆ يێ نوو روو دده‌ت بۆ نمۆنه‌ ماوه‌ك بيت ته‌ ئايفۆن ئه‌بده‌يت نه‌كربيت.

سێ: touchscreen not working or Unresponsive كارنه‌كرنا له‌مسێ:
كارپێكرنا له‌مسێ ژى د ڤى سيسته‌مى دا هنده‌ك جاران يا خاڤه‌ يان دێ هه‌ست پێ كه‌يى كو ب دروستى كارێ خوه‌ ناكه‌ت و ئه‌ڤه‌ ژى دلته‌نگيێ ل ده‌ف ب كارئينه‌رێن ڤێ مۆبايلێ په‌يدا دكه‌ت.

چار: App Crashing issue:

وه‌كو هوون هه‌موو دزانن پشتىios 8.3  و خوارى وان نه‌شێن فايلێن زێده‌ ديلێت بكه‌ن بۆ نمۆنه‌ قه‌بارێ نوكه‌ يێ فه‌يسبۆكى 138 مێگابايته‌، نێزيكى 200 مێگابايتا تشتێن ته‌نه‌ ئانكو فايلێن زێده‌نه‌ و ب چو ره‌نگه‌كى ژى نه‌شێت ديلێت بكه‌يى خوه‌ هه‌كه‌ بچيه‌ د ناڤ pc ژى دا، د ڤه‌شارتى نه‌ دا كو ب ره‌نگه‌كێ سه‌ربه‌خۆ ده‌ستكاريێ د فايلان دا نه‌كه‌ن بۆ نمۆنه‌ پتريا ياريان ب شێوێ ديكيۆمێنت د هه‌لگرتى نه‌ و ئه‌ڤه‌ ژى د به‌رژه‌وه‌نداdevloper  ان دايه‌.

پێنج: iOS 9 is slow يێ ب له‌ز نينه‌:
وه‌كو گه‌له‌ك ژ مه‌ هه‌ست پێكرى كو ios 9 گه‌له‌ك يێ خرابه‌، خوه‌ ل گه‌ل ڤێرژنێن نوو ژى، هه‌ر چه‌نده‌ ئه‌پل راگه‌هاند كو قه‌بارێ ڤى ڤێرژنى ژ يێن ژ به‌رى خوه‌ گه‌له‌ك كێمتره‌ به‌لێ وه‌سان نه‌ده‌ركه‌فت و گه‌له‌ك ب خاڤى دهێته‌ ديتن و ئه‌ڤه‌ ژى ژ ئه‌گه‌رێ قه‌بارێ وى يه‌iphone4s ,  phone 5 &5c&5s ipad 2&3&4

شه‌ش: iOS 9 Battery life problems كێشێن ده‌مێ پاتريێ:

پارتى ژى گه‌له‌ك يا بێ مفايه‌ و نه‌چارين كار بpower save  بكه‌ين.

حه‌فت: iOS 9 Wi-Fi Problems كێشێن واى فاى:
واى فاى گه‌له‌ك يێ بێ هێز بوويى و چاره‌سه‌رى ژى ب وێ رێ يه‌ كو تو downgrade بكه‌ى بۆ ڤێرژنێ به‌رى نوكه‌.

ژێده‌ر:  iphonehacks

ئەڤرۆ نیوز،زنار تۆڤی:

ژ ئەنجامێ بوردۆمانکرنا فرۆکێن سۆپایێ تورکی کارەبا ھەرسێ گوندێن دێشێش و ئەدنێ و سەرەرو ل دەڤەرا بەرواری بالا ب تەمامی ھاتیە برین و نوکە ئەو گوند ماینە بێ کارەب.

شڤێدی لدەمژمێر ١١:٣٠ فرۆکێن سۆپایێ تورکی گەلیێ قۆمریێ و گەلیێ دێشێشێ ل دەڤەرا بەرواری بالا بۆ ماوێ پتر ژ دەمژمێرەکێ بوردۆمانکرن و د ئەنجامدا زیانەکا مەزن گەھاندە خەلکێ وان گوندان و چەندین زەڤیێن وان ب تەمامی سۆتن و ھەروەسا فرۆکان بۆمبە ل نێزیک ھێلا گشتی یا کارەبێ داینە و زیان گەھانیە ھێلا کارەبێ و ل چەندین جھان تێلە ھاتینە قۆتکرن، نوکە خەلک نەوێرن زوو ب زوو ھاتنوچوونێ د وی جھی را بکەن.

وەلاتیەکێ گوندێ قۆمریێ بۆ ئەڤرۆ نیوز دیارکر:فرۆکان بۆمبە ل ناڤا زەڤیێن وی داینە زیانەکا مەزن گەھاندیە زەڤیێن وی ھەمی سۆتینە و نوکە ژی ئاگرەکێ مەزن بەربوویە زەڤی و دارستانا وی گوندی و گۆت ژی: “شڤێدی فرۆکان ترسەکا مەزن بۆ خەلکێ گوندی پەیداکر،چونکی بۆمبە ل نێزیکی گوندی کەفتینە. د ھەمان دەمدا شڤێدی فرۆکان گوندێ ھێسی ب دژواری بوردۆمانکریە چەندین بۆمبە ل نێزیکی گوندی داینە”.

تێلێن كاره‌بێ بۆردۆمان

ئەڤرۆ نیوز، ئەیاد بەرواری

شرۆڤەکارەکێ سیاسیێ لوبنانی راگەھاند، ھێرشێن ئەسمانی یێن ھەڤپەیمانیا نێڤدەولەتی دژی داعشێ ل عیراقێ دکەت د رژد نەبوون و پرۆژێ ئەمریکی ئارمانج ژێ دروستکرنا ئاژاوێ یە و سەرەدەریکرنە ل گەل گرۆپێن تەکفیری.
سەمیر ئەلموحسن شرۆڤەکارێ سیاسیێ لوبنانی د بەرنامێ (دیدارا تایبەت) دا یا کەنالێ (الاتجاە) گوت” ب چو شێوەکی ھەڤپەیمانیا نێڤدەولەتی یا رژد نینە د ھێرشێن خوەدا دژی داعشێ ل عیراقێ و ھەکە بەراوردیەکێ دناڤبەرا ھێرشێن ئەسمانی ئەوێن ھەڤپەیمانیا عەرەبی ب سەرۆکاتیا سعودیێ ل یەمەنێ دھێنە ئەنجام ددەت کو دبنە ٤٠٠ ھێرشێن ئەسمانی د ئێک رۆژ دا و ھێرشێن ئەسمانی یێن ھەڤپەیمانیا نێڤدەولەتی ب سەرۆکاتیا ئەمریکا ل عیراقێ، دێ بۆمە دیاربیت کو ھێرشێن ئەمریکا ناگەھنە ١٠% ژ وان ھێرشێن ئەسمانی یێن سعودیە ل یەمەنێ ئەنجام ددەت” .
ناڤبری ب ڤێ بەراوردکرنێ، گومانا خوە ژ نیەتێن ئەمریکا د شەرێ تێرۆرێ دا بەرچاڤکر و گوت” ھەکە بۆ روسیا ھاتبا دووپاتکرن کو ئەمریکا یا رژدە د شەڕێ تێرۆرێ دا، نەچار نەدبوو مایێ خوە د سووریێ دا بکەت و ھێزێن خوە بھنێریتە سووریێ و ھەر ژ دەستپێکێ ئەمریکا دەست د دروستکرنا ئاژاوێ دا ھەبوو و سەرەدەری ل گەل گرۆپێن تەکفیری دکر و پشتەڤانیا دارایی و لوجستی و چەکی بۆ وان گرۆپان دھات ب ڕێیا تورکیا”.
خویاکر ژی” پرۆژێ ئەمریکا ل دەڤەرێ دروستکرنا ئاژاوێ یە و ژناڤبرنا لەشکرێن وەلاتێن دەڤەرێ یە، روسیا ژی ھەر ژ دەستپێکێ پشتەڤانا سووریێ بوو، چ ل جڤاتا ئاسایشا نێڤدەولەتی و چ ب ڕێیا ھنارتنا ھاریکاریان و ئەڤرۆ و ژ بەر ھەلویستێ ئەمنی، روسیا ھێزێن خوە ھنارتنە سووریێ و ڤێ پێنگاڤێ ئەمریکا شەرمزارکر و نەچارکر گۆتارا خوە یا بەرێ ل بەرامبەر سووریێ بگوھۆڕیت”.

ئەڤرۆ نیوز، بارزان مزووری:

عسمه‌ت رەجەب، بەرپرسێ لقا ١٤ ل مووسل ئه‌ڤرۆ نيوز دیار کر کو دوھی مەغرەب ٢٦ ئەیلونا ٢٠١٥ێ چەکدارێن تیرورستێن داعش دو پارێزەرێن کچ كو بەری ھەیڤەکێ يه‌ دەستەسەرکر بوون ب ناڤێ” نزال شھاب الجبوری و نەوال الدباغ” ھەردو ژ وان سێدارەدان.
ناڤبری دیار کر کو ھەر د ھەمان رۆژ دا چەکدارێن تیرورستێن داعش پێنج ژ ئافرەتێن د ناڤ کەتیبا “خەنسا ” یێن رێکخستیێن داعش دا ل پارێزگەھا مووسل كو گەلەک ژ وان  ئافرەتێن بیانی بوون ژ ئه‌گه‌رێ نه‌پێگريكرن ب رێنمايان سێداره‌دان

به‌رپرسێ لقێگۆتژی: “ئێک ژ سەرکردەیێن مەزن یێن داعش بەرپرسێ دارایی یێ داعش ب ناڤێ ” ئەبو خەتاب” ل تاخێ ره‌فاع ب ده‌ستێ هنده‌ك چه‌كدارێن نه‌نياس هاته‌ كوشتن”.

ئه‌ڤرۆ نيوز:

وه‌زاره‌تا ئه‌وقاف و كاروبارێن ئاينى ل هه‌رێما كوردستانێ راگه‌هاند كو پشتى ب جهئينانا فه‌ريزا حه‌جێ بڕياره‌ سوبه‌هى حه‌جيێن هه‌رێما كوردستانێ ژ وه‌لاتێ سعوديێ ڤه‌گه‌رنه‌ ناڤ كه‌سوكارێن خوه‌.

سه‌ردار قوربانى، ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى ل هه‌رێما كوردستانێ د داخۆيانيه‌كێ دا راگه‌هاند كو پشتى ب دووماهى هاتنا ئه‌ركێن حه‌جيان د فه‌ريزا حه‌جێ يا ئه‌ڤ ساله‌ دا، بڕياره‌ سوبه‌هى رۆژا دوشه‌مبى رێكه‌فتى 28ى ئيلۆنا 2015ێ كاروانێ ئێكێ يێ حه‌جيێن هه‌رێما كوردستانێ ب رێيا فرۆكخانا نێڤده‌وله‌تيا هه‌ولێر ڤه‌گه‌رنه‌ ناڤ كه‌سوكارێن خوه‌.

سێ هزار و 650 حه‌جيێن هه‌رێما كوردستانێ بۆ ب جهئينانا فه‌ريزا حه‌جێ به‌ر ب وه‌لاتێ سعوديێ چووبوون و ژ وان ژى چار حه‌جيان گيانێ خوه‌ ژ ده‌ست دايه‌ و حه‌جيايه‌كێ ژى زارۆيه‌ك بوويه‌.

ئه‌ڤ ساله‌ د دو بوويه‌ران دا، زێده‌ترى هزار كه‌سان بوونه‌ قوربانى كو يا به‌رى مه‌زن ئه‌و بوو يا د رۆژا ئێكێ جه‌ژن دا روودايى و نێزيكى 800 كه‌سان تێدا گيانێ خوه‌ ژ ده‌ست دا.

1535

ئه‌ڤرۆ نيوز:

هێلى لۆڤ سترانبێژا شۆخا كورد چه‌ند وێنه‌يه‌كێن خوه‌ ل لوبنان ل ئێك ژ مه‌له‌ڤانگه‌هێن ئۆتێلا لێ ديمينيت به‌لاڤكرن و بووينه‌ جهێ سه‌رنجا حه‌زژێكه‌رێن وێ.

ب مه‌ره‌ما گه‌شته‌كێ و پشكداريكرن د چه‌ند به‌رنامێن تله‌ڤزيونى دا، سترا شۆخا كورد، هێلى لۆڤ، سه‌ره‌دانا وه‌لاتێ به‌يرۆت يێ لوبنانى كر و پشكدارى د چه‌ندين به‌رنامێن تله‌ڤزيۆنى دا دكه‌ت.

هه‌ر د ماوێ ڤێ سه‌ره‌دانا خوه‌ دا، ل ئۆتێلا لێ دمينيت چه‌ند وێنه‌كێن خوه‌ ل سه‌ر مه‌له‌ڤانگه‌ها لێ دمينيت ل تۆرا جڤاكيا ئينستگرامى به‌لاڤكرن.

هێلى لۆڤ 4

444

رۆژناما دەیلى مەیليا بريتانى راگه‌هاند كو هەستیێن سێ ژنان یێن هاتیە دیتن کو پێ دچیت ئێک ژ وان هەستیێن مۆنالیزایێ بن.
شارەزاییێن ئالیێ رۆژنامەڤانیێ بۆ رۆژنامەیا دەیلى مەیل راگەهاند، ئەستی یێن تابلۆیێ ب ناڤ و دەنگێ هونەرمەند داڤینشى د بن ژێرزەمینەکا پشت گوهـ ئێخستى هاتیە ڤەدیتن.
رۆژناما دەیلى مەیلا بریتانى ئەوژى بەڵاڤ کر، د بن ژێرزەمینەکا کاڤل بوویا ئیتالیادا ب ناڤێ فلۆرێنس سانتیئۆرسۆلا، ئەستی یێن سێ ژنان یێت هاتیە دیتن کو پێ دچیت ئێک ژ وان ئەستی یێن لیزا گێراردینی دێل جیۆکۆندۆ، ئەو ژنا ب ناڤ و دەنگ بیت، کو ب مۆنالیزا یا هاتیە ناسکرن و هەڤدەم ژنا سێ یەما فرانسیسکۆ یێ بازرگانێ بناڤ و دەنگێ ئیتاڵی بوو.
گێراردینى ب وێنەیێ ب ناڤ و دەنگێ مۆنالیزا، ناڤ و دەنگ دەرکر، کو ژ لایێ وێنەکێش لیۆناردۆ داڤنشى ل ساڵانێن 1503 هەتا 1504 یێ هاتیە کێشان، ئەو خاتوون ل ساڵا 1542 ل تەمەنێ 63 ساڵیێ دا چۆ بەر دلۆڤانیا خودێ.

mona liza 1 mona liza 2

ئه‌ڤرۆ نيوز:
ئەدھەم بارزانی ئەندامێ بەرێ یێ سەرکردایەتیا پارتی و پەرلەمانێ کوردستانێ ب ڕێیا پەیچێ خوە یێ فیسبووکی پێشنیارەکێ بەرچاڤ دکەت و داخواز ژ وەلاتیان دکەت بۆچوونا خوە ل سەر وێ پێشنیارێ بەرچاڤ بکەن.
ئەدھەم بارزانی د وێ پێشنیارا خوە دا دبێژیت ” دێ پرسیارەکێ ئاراستەی ھەوە کەم ل سەر بنەمایێ وێ چەندێ کو بەردەوام بۆچوونا جەماوەری ل دەف من یا گرنگ بوو و پیتەی پێ ددەم، ئایا بۆچوونا ھەوە چیە کو ب بزاڤەکا جەماوەری، سیاسی یا نوو بزڤرم دناڤ مەیدانا سیاسی دا ل کوردستانێ؟”.

website security
WP Facebook Auto Publish Powered By : XYZScripts.com