ئەڤرۆ نیوز، ئەیاد بەرواری
ژێدەرەکی ژ وەزارەتا دەرڤە یا عیراقێ راگەھاند، پتریا بالۆزێن عیراقێ ل دەرڤە پترە ژ ٢٥ سالان ل عیراقێ نەژیاین و ھەلگرێن رەگەزنامێن بیانی ژی نە و ئەڤە سەرپێچیەکا دیارە د عورفێن دبلوماسی دا و پتریا وان ژی دەڤەرێن بەغدا نزانن و ھەتا ناڤێن پارێزگەھێن عیراقێ ژی نزانن و تنێ خۆلێن بلەز بۆ دەمێ شەش ھەیڤان ل وەزارەتا دەرڤە یێن بۆ ھاتینە ڤەکرن .
وی ژێدەری ل دووڤ سایتێ (عیراق تایمز) گوت ژی” دامەزراندنا بالیۆزێن عیراقێ ل وان وەلاتان لێ ژیاین ل خۆلا دویێ یا نوری مالکی ھاتیە کرن و گەلەک ژ وان پاسەپۆرتێن بیانی ژی ھەبوون، حەبیب سەدر بالیۆزێ عیراقێ ل فاتیکانێ ژ مرۆڤێن عەمار حەکیم بوو و بەربژارێ جڤاتا بلند یا ئیسلامی بوو و ب کێشەکا گەندەلیێ ژ تۆرا راگەھاندا عیراقی دەرکەفتبوو، لوقمان فەیلی ژی کو بالیۆزێ عیراقێ بوو ل ئەمریکا، ھەلگرێ رەگەزناما ئوسترالی یە و 25 سالە ل دەرڤەی عیراقێ دژیت و بەربژارێ نوری مالکی بوو، ھیشام عەلەوی بالیۆزێ عیراقێ ل باشوورێ ئەفریقیا ھەلگرێ رەگەزناما بریتانی یە و پترە ژ ٣٠ سالان ل دەرڤەی عیراقێ دژیت کو بەربژارێ لیستا دەولەتا قانوونێ یە، ئامال جابری ژی کو بالیۆزا عیراقێ یە ل مالیزیا و بەربژارا حزبا دەعوەیە ب ھەمان شێوەیە”.

ئه‌ڤرۆ نيوز:

مه‌قته‌دا سه‌در، سه‌ركردێ رێكخراوا سه‌در د راگه‌هاندنامه‌كێ دا كو ده‌زگه‌هێن راگه‌هاندنێ يێن سه‌ر ب وى به‌لاڤكريه‌ داخوازێ ژ خوه‌نيشانده‌ران ب گشتى و پشته‌ڤانێن خوه‌ ب تايبه‌تى دكه‌ت كو ئه‌ينيا بهێت ل به‌غدا بن و خوه‌نيشاندانان بكه‌ن و داخوازا چاكسازيێن ره‌ها بكه‌ن.