ئەڤرۆ نیوز:
راھێنەرێ یانا ئارارات دبیتە راھێنەرێ ئێکێ ژ پۆستێ وی دھێتە دورخستن پشتی بورینا دو حەفتیان ژ یاریێن خۆلا فاست لینکا کوردستانێ پشتی راھێنەرێ ناڤبری بریارا دورخستنا سێ یاریکەرێن تیمێ دای کارگێریا یانێ رەتکر ئەو یاریکەرێن خوە ژ تیمێ دوربخیت پاش راھێنەر دەست ژ پوستێ خوە بەردا.
سەمەد جەوھەر بۆ دەزگەھێن راگەھاندنا کوردستانێ وەسا دایە دیارکر ل یاریا ئەوان ل گەل کەرکوک ل دووماھی حەفتی سێ یاریکەر گیروبوون کو دبوو جارا سێ ئەڤ یاریکەران ڤێ رافتارێ دوبارە کەن پاش وی راپورتەک پێشکێشی کارگێریا یانێ کر ئەو ئەڤان ھەرسێ یاریکەران ژ تيمىَ یانێ دوربخێن لێ کارگێریا یانێ ئەو چەندە رەتکر بوو ئەو یاریکەرێن خوە دوربخێن .
ژێدەرێن دەنگوباسی وەسا ژی دیاردکەن کارگێریا یانێ گوتبو سەمەد جەوھەری تو یان ئەو ھەرسێ یاریکەران بخو بریارەکێ ھەلبژێرە و ئەو ھەر سێ یاریکەرێن راھێنەر بوویە قوربانی ئەوان ئەوژی ھەر ئێک ژ عەلی عەزیز و سیھات ھیمداد و ئەحمەد فەرخو بوون.

ئەڤرۆ نیوز، ھەژار مەعروف:
بریارە ل چەند رۆژێن بھێت دادڤانێ بەرنیاس ل سەر ئاستێ ئورۆپا فرانک دی بلیکێر ب گەھیتە پایتەختێ ھەرێما کوردستانێ ھەولێرێ ب مەرەما سەرپەرشتیا خولەکا ب ھێزکرنا دادڤانێن خولا کوردستانێ.
ئێکەتیا تەپا پێ یا ھەرێما کوردستانێ راگەھاندی یە  ل رۆژێن ١٥-١٦-١٧-١-٢٠١٦ خولەکا دادڤانی بۆ دادڤانێن خۆلا فاست لینک یا کوردستانێ ل باژێرێ ھەولێرێ دێ ھێتەرێکخستن دڤێ خولێ دا دادڤانێ بەرنیاس یێ بەلجیکی فرانک دی بلیکێر دێ سەرپەرشتیێ کەت.
ھەژی گوتنێ یە دادڤانێ بەلجیکی یێ ٥٠ سالی ئەوێ دەست ژ رێڤەبرنا یاریێن تەپا پێ بەردەی بۆ جارا دوێ یە دھێتە کوردستانێ کو جارا ئێکێ ل سالا ٢٠١٣ بۆ ھەر ب مەرەما خولەکا دادڤانی بوو، ناڤبری بەری نوکە چەندین یاریێن ب ھێز برێڤەبرینە  ل سەر ئاستێ موندیالا جیھانی و قارەمانیا یورو ھەردیسان قارەمانیا چامپیونس لیگ  ژ ئەوان یاریێن گرنگ یاریا کلاسیکو ژ قارەمانیا چامپیونس لیگ دناڤبەرا ریال مەدرید و بەرشەلۆنا ل سالا ٢٠١٠-٢٠١١ و ھەردیسان یاریا ریال مەدرید ل گەل لیڤەرپول و مانچستەر یوناید ل گەل سلتیک و چێلسی ل گەل پورتو .

ئەڤرۆ نیوز:

سەروکێ یانا رێڤەرپلێت یا ئەرژەنتینی رودولفو دونوفویر دیارکر د شیان دایە ل چەند سالێن بھێت ئەو بشێن ھەڤبەستێ ل گەل ھەردو ستێرێن ھەلبژارتیێ ئەرژەنتین و یانا بەرشەلۆنا لیونێل مێسی و خافیێر ماسکێرانوی ئیمزابکەن.
زێدەتر سەروکێ یانا ئەرژەنتینی دیارکر پشتی یاریا دووماھیا موندیالا یانا ل ژاپون ب دووماھی ھاتی ئەوان پیروزباھی ل ھەردو یاریکەران کر ل گەل یانا بەرشەلۆنا.
دونوفریو ئەو چەندە ژی بۆ راگەھاندنا ئەرژەنتینی دیارکری یە د شیان دایە لیونێل مێسی ژیانا خوە یا تەپا پێ ل یانا وان ب دووماھی بینت و دەرگەھێ یانا ریڤەرپلێت بۆ وی یێ ڤەکری یە ل چەند سالێن بھێت ژی ئەو بھێتە ل گەل یانا ئەوان و ژیانا خوە ل ئەرژەنتینێ ل گەل ئەوان ب دووماھی بینت.
سەبارەت ماسکێرانوی سەروکێ رێڤەرپلێت دیارکر یاریکەری بەری نوکە ژی دیارکری یە ئەو دێ ژیانا خوە ل گەل ڤێ یانێ ب دووماھی ئینت ژبەرکو ئەو کورێ ڤێ یانێ یە و پەیوەندیێن وی ھەتا نوکە ل گەل یانێ بەردەوامن.