ئه‌ڤرۆنیۆز، سالار دۆسكى
ژێده‌ره‌كى ژ كومپانیا مزگین یا فرۆتنا غازێ بۆ ئه‌ڤرۆ نیۆز ئاشكراكر كو ئه‌ڤرۆ هه‌ر بوتلێ غازێ دو هزار و500 دینار چووینه سه‌ر و بوویه 12 هزار و گۆت” گرانبوونا غازا مزگین یا به‌روه‌خته ژبه‌ر كو به‌ر گیرۆبو رێكا ئیرانێ بۆ سلێمانیێ هاتیه گرتن .
ژێده‌رى گوت” سوبه رێك دێ هێته‌ڤه‌كرن و دێ غاز گه‌هیته پارێزگه‌هێ ڤه و دێ هه‌ر بوتلێ غازێ بیته نه‌ه هزار و 500 دینار.
ئه‌ڤرۆ نیوز, رۆژهات لوقمان,
ئه‌فسه‌ره‌كێ بنگه‌هێ هاتن و چونا قه‌زا ئامێدیێ بو ئه‌ڤرۆ نیوز گۆت: ژبه‌ر كو ده‌ڤه‌را ئامێدیێ ده‌ڤه‌ره‌كا چیاى یه و گه‌له‌ك رویدان په‌یدا دبن و د سالا بورى دا ژ سه‌رجه‌مێ (18) رویدانان دا (63) كه‌س بووینه قوربانیێن رویدانێن هاتن و چونێ.
نه‌قیب رێبین جه‌میل ئیبراهیم ئه‌فسه‌رێ هاتن وچونا قه‌زا ئامێدیێ بو ئه‌ڤرۆ گۆت: د سالا بورى یا 2015 دا (63) كه‌س بوونه قوریانیێن هاتن و چونێ و ژ ئه‌نجامێ (5) وه‌رگه‌ریانێن ترومبیلان و (58) رویدانێن لێكدانێ,
ئه‌فسه‌رێ هاتن و چونێ دیاكرژى: ژ سه‌رجه‌مێ (63) كه‌سان (58) كه‌س برینداربوینه و (5) كه‌سان ژى گیانێ خو ژده‌ست دایه و گوت ژى: ژبه‌ر نه‌بونا موله‌تا هاژوتنا ترومبێلێ د سالا بورى یا 2015 دا ل سه‌رانسه‌رى قه‌زایا ئامێدیێ ( 172) كه‌س هاتنه ره‌وانه‌كرن بو دادگه‌هێ چونكه به‌رده‌وام بێ موله‌ت ترومبێل بكاردئینا و ئه‌ڤه ژى ئێكه ژ كارێن دژى یاسایێ.
ئه‌ڤرو نیوز،بارزان مزوورى
راید فیراس یاسین ،به‌رپرسێ راگه‌هاندنا به‌ره‌ڤانیا باژێرى ل ئاكرێ بۆ ئه‌ڤرو نیوز دیار كر كو ئه‌ڤرو 3/1/2016 ل سه‌ر رێیا سه‌ره‌كیا ئاكرێ بو هه‌ولێر ل نێزیك سه‌نته‌رێ ئاكرێ ترومبێله‌ك ژ جورێ ته‌كسى كوردستان وه‌رگه‌ریا و د ئه‌نجام دا شوفێر ب گرانى برینداربوو و هاته ڤه‌گوهاستن بو نه‌خوشخانا ته‌نگاڤیا ئاكرێ و زیانێن مه‌زن ب ترومبێلێ كه‌فتن .
ناڤبرى لدور ئه‌گه‌رێن وه‌رگه‌ریانا ترومبێلێ گوت: رێ بویه جه‌مه‌د ژبه‌ر هاتنا به‌فرێ و شوفێر نه‌شیایه ترومبێلا خو كونترول كه‌ت و توشێ وه‌رگه‌ریانێ دبیت.
ناڤبرى زێده‌تر گوت : ئه‌ڤرو دووه‌م ترومبێله ژ ئه‌گه‌رێ جه‌مه‌دێ د وه‌رگه‌ریێت .
ئه‌ڤرۆ نيوز:
ئه‌ڤرۆ ل سێمێلێ قايمقاميا قه‌زا شنگال ل گه‌ل هه‌موو به‌رپرسێن فه‌رمانگه‌هێن حكومى ييێن قه‌زا شنگال كومبوو و بريار هاته دان 15 ڤێ هه‌يڤێ ل هه‌ولێرێ كۆنفرانسێ سه‌باره‌ت ئاڤه‌دانكرنا شگالێ بهێته گێران.
راگه‌هاندنا قايمقاميا شنگال دياركريه كو د كومبوونێ دا چه‌ندين بريارێن دى هاته دان وه‌ك ڤه‌كرنا ده‌رگه‌هێ قوتابخانان ل شنگال و په‌يوه‌نديكرنا هه‌موو رێڤه‌به‌رێن فه‌رمانگه‌هێن خزمه‌تگوزارى وه‌ك ئاڤ و كاره‌ب و ته‌ندروستى شاره‌وانى.
ئەڤرۆ نیوز:
ل چەندین دەزگەھێن راگەھاندنا عیراقی ھاتیە بەلاڤەکرن یانا دالکورد بزاڤا ئینانا کابتنێ ھەلبژارتیێ عیراقێ یونس مەحمود کری یە بۆ ئیمزاکرنا ھەڤبەستێ ل وەرزێ بھێت .
ل دۆر ڤی بابەتی ژێدەرەکێ نێزیک ژ یانا دالکورد بۆ ئەڤرۆ نیوز دیارکری یە چو راستی بۆ ڤی دەنگوباسی نینە بتنێ ئەوان پەیوەندی ب سێ ھێرشبەران کری یە و ل نێزیک دێ ئەو ناڤ ھێنە راگەھاندن کو دو ژ ئەوان خەلکێ باشورێ کوردستانێ نە ل ئورۆپا یاریێ کەن لێ دەنگوباسی ئینانا کابتنێ ھەلبژارتیێ عیراقێ یان ھاتبیتە پشنیارکرن چو راستی بۆ وی نینە و کارگێریا یانێ لژنەیا ئینانا یاریکەران ھەیە و ئەو ناڤێن ھاتیە بەر دەستێ ئەوان ناڤێ کابتنێ ھەلبژارتیێ عیراقێ ل گەل دا نەبوو.
ھەر دیسان ناڤبری دیارکر ھژمارەکا ناڤێن یاریکەرێن عیراقی ل بەر دەستێ ئەوان ھەنە لێ ئەو یاریکەر ل ئورۆپا دژین.
ئه‌ڤرۆ نيوز:
ل قەزا خەبات یا سەر ب پارێزگەھا ھەولێرێ ڤە، پشتی شەش ھەیڤان ژ خەندقاندنا ژنەکا گەنج ھێزێن پۆلیسان دو تۆمەتبار دەستەسەکرن کو رابووینە ب ئەنجامدانا تاوانێ، ئەو ژی بۆ چەند پارچەیەکێن زێڕی ژنەکا جیرانا خوە ب کێبلا کارەبێ خەندقاندیە.
ملازم رێباز زێوەر، پەیڤدارێ رێڤەبەریا بەرەنگاربوونا توندوتیژیا دژی ژنان ل پارێزگەھا ھەولێرێ بۆ ئەڤرۆ گۆت” لر ِۆژا 16/7/215 ێ، ل تاخێ ئاشتی یێ قەزا خەبات یا سەر ب پارێزگەھا ھەولێرێ، ژنەکا خێزاندار ژ دایکبوویا 1994 ێ، وی دەمێ ل سەر بانی مژۆولی ھەلێخستنا جلکا بوویە، ژلایێ دوو کەسان ھێرشی سەر وێ ژنێ دھێتەکرن و ھاتیە خەندقاندن، پشتی گەھشتنا مەفرەزەیەکا نڤیسینگەھا خەبات یا بەرەنگاربوونا توندوتیژیا ژنان ل جھێ بۆیەرێ پشکنین بۆ روویدانا کوشتنا ئەڤێ ژنێ ھاتیەکرن، بادەکا ڤەکۆلینێ بۆ ھاتیە ڤەکرن و ھاتیە ھنارتن بۆ ھەمبەر دادوەرێ ڤەکۆلینێ، گۆتژی دادوەری ژی بڕیاردا پێڕابوونێن قانوونی ھەمبەر تۆمەتباران بھێنە وەرگرتن، دەستپێکێ تۆمەتبار نەھاتبوونە دەستنیشانکرن، بەلێ پشتی بزاڤێن زۆر یێن نڤیسینگەھا خەبات ب سەرپەرشتیا راستەوخۆیا رێڤەبەرێ گشتیێ بەرەنگاربوونا توندوتیژیان ل پارێزگەھا ھەولێرێ، شیان ل 20 ێ ھەیڤا چووی دو تۆمەتبارێن ئەنجامدانا تاوانێ دەستەسەر بکەن.
زێدەتر گۆت” ھەردوو زەلامێن ھاتینەگرتن ژلایێ ھێزێن پۆلیسان ڤە دانپێدان ب ئەنجامدانا روویدانێ کریە و تۆمەتبارێ سەرەکی جیرانێ ئەڤێ ژنێ بوویە و کەسێ دیتر ژی ھاریکاریا وی کریە، گورەی دانپێدانانا ھەردو تۆمەتبارا، دیتیە ئەڤێ ژنێ ل سەر بانێ خوە مژوولی پاقژکرنا جلکابوویە ول سەر رستێ داناینە، ھەردو تۆمەتبارا ھێرش سەر ژنکا جیرانێ خوە کریە و ب کێبلا کارەبێ خەندقاندیە، ملازم رێبازی ئاشکراکر ژی کو مەرەم ژ ئەنجامدانا روویدانێ دزینا چەند پارچەیەکێن زێڕی بووینە، کو ب ئەڤێ ژنێ ڤەبووینە و پشتی خەندقاندنێ زێڕ بریە و بەرەڤ جھەکێ نەدیار رەڤینە، پاشی زێڕ ھاتیە فرۆتن، دادوەری بڕیاردا ھەردو تۆمەتبار گورەی ماددێ 406 یێ سزادانا عێراقی بھێنە بەندکرن و ڤەکۆلین ھێشتا د بەردەوامن.
ئەڤر نیوز، زنار:
بریارە ئەڤ شەڤە ل دەمژمێر ١٠:٣٠ یاریەکا بھێز ناڤبەرا یانا ڤالێنسیا و ریال مەدرید ژ چارچوڤێ یاریێن گەرا ١٨ ژ خولا لالیگا ئسپانی بھێتە کرن ل یاریگەھا مێستایا یا تایبەت ب یانا ڤالێنسیا ڤە.
بەری نوکە ھەردو یانا ١٦٠ یاری ئەنجامداینە و تێدا ریال مەدرید ٨٣ سەرکەفتن تومارکرینە بەرامبەر ٤٣ سەرکەفتنا بۆ یانا ڤالێنسیا و ٣٤ یاریان دا ژی وەکھەڤ بوینە.
بەری ڤێ یاریێ د خولا ئسپانیا دا د ١٧ یاریان دا ریال مەدرید خودان بھێزترین ھێرشبەرە کو شیاینە ٤٥ گۆلان توماربکەن و نوکە رێزا سیێ د ب ٣٦ خالان دھێت بەرامبەر یانا ڤالێنسیا شیایە ٢١ گۆلان ھەتا نوکە د خولا لالیگا دا توماربکەن و نوکە رێزا یازدێ ب ٢٢ خالان دھێت.
ڤان ھەردو یانا بەری نوکە د ١٤ یاری ئەنجامداینە و تێدا یانا ریال مەدرید تنێ د یاریەکێ دا خوسارەت بویە بەرامبەر ھەشت جاران سەرکەفتن تومارکینە و ریال مەدرید شیایە د ڤان چاردە یاریان دا ١٧ گۆلان توماربکەت ل سەر ڤالێنسیا.
بەرامەر یانا ڤالێنسیا ل ڤی وەرزی د یاریگەھا خوە دا تووشی خوسارەتیێ نەبویە ئەگەر د ڤێ یاریێ دا ژی خوسارەت نەبیت جێ بیتە نمرەکا نوو یانا ڤالێنسیا توماردکەت .
پێکھاتیێ ڤێ یاریێ دێ ب ڤی شێوەی بیت.
ڤالێنسیا: خاومی، باراگان، ڤیزۆ، عەبدولنور، کانسێلۆ، سانتۆس، گۆمێس، پارێخۆ، دانێلۆ، ئەلکاسێر، نیگریدۆ.
ریال مەدرید: کیلور ناڤاس، دانێلۆ، سێرجیو ڕامۆس، پیپی، مارسێلۆ، کرۆس، کاسمێرۆ، مۆدرێچ، گاریس بەیل، ڕۆناڵدۆ، کەریم بنزیما.
ئه‌ڤرۆ نيوز، له‌زگين جۆقى:
د پرێسكۆنفرانسه‌كى دا ئه‌ڤرۆ رۆژا ئێكشه‌مبى رێكه‌فتى 3ى كانوونا دويێ 2016 سه‌رۆكێ لقا دهۆك يێ سه‌نديكا كرێكارێن كوردستانێ عيسا نسرى، دياركر كو ل سالا بۆرى 2015 ل سه‌رانسه‌رى پارێزگه‌هى 23 كارێكار بووينه قوربانى و ژ وان ژى 13 كه‌سان گيانێ خوه ژ ده‌ست دايه و 11 بريندار بووينه.
عيسا نسرى گۆت: “سه‌نديكايێ 50 هزار كرێكار يێن هه‌ين و ژ وان هه‌شت هزار يێن بيانى نه و ل سالا بۆرى سێ هزار كرێكاران سه‌نديكا بجهـ هێلايه”.
ده‌رباره‌ى ژمارا كرێكارێن دابينكرى ژى گۆت: “ژمارا كرێكارێن دابينكرى دگه‌هيته 8 هزار و 314 كرێكاران و ئه‌ڤ ساله ژى ل سه‌رانسه‌رى پارێزگه‌ها دهۆكێ دو هزار و 95 كرێكار هاتينه دابينكرن و يێن بيانى هزار و 32 هاتينه دابينكرن و ل سالا بۆرى ژى 162 كرێكار هاتينه دابينكرن”.
سه‌رۆكێ لقا دهۆكێ يێ سه‌نديكا كرێكارێن كوردستانێ گۆتژى: “كرێكارێن خانه‌نشينكرى يێ مووچه‌ى ژ حوكمه‌تێ وه‌ردگرن 150 كه‌سن و ل سالا 2015ێ ب تنێ هه‌شت كه‌س هاتينه خانه‌نشينكرن”.
نيشاندان