NO IORG
نووترين نووچه
Twitter

ئه‌ڤرۆ نيوز:

كاروان ستۆنى نوونه‌رێ وه‌زاره‌تا ئه‌وقافێ بۆ كاروبارێن راگه‌هاندنێ د داخۆيانيه‌كا رۆژنامه‌ڤانى دا راگه‌هاند كو ئه‌ڤرۆ هه‌موو حه‌جيێن كوردستانێ ب مه‌ره‌ما بجهئينانا روكنێ سه‌ره‌كى يێ حه‌جێ به‌ر ب چيايێ عه‌ره‌فێ ب رێ كه‌فتن.

د ڤێ داخۆيانيا نڤيسكى دا يا دانه‌ك بۆ ئه‌ڤرۆ نيوز ره‌وانه‌كرى، ئاماژه‌ ب وێ چه‌ندێ ژى كريه‌ كو هه‌موو حه‌جيێن كوردستانێ ب سلامه‌تن و به‌رده‌وام تيمێن ساخله‌ميێ يێ ل گه‌ل دا و چاڤدێريا وان دكه‌ن و هه‌موو ئاماده‌كارى يێن بۆ هاتينه‌ كرن و خزمه‌تا وان دهێته‌ كرن.

ئه‌ڤ ساله‌ سێ هزار و 656 حه‌جى ژ هه‌رێما كوردستانێ بۆ ب جهئينانا فه‌ريزا حه‌جێ به‌ر ب سعوديێ چووينه‌.

حه‌ج (3) حه‌ج (2) حه‌ج (1)

387

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 22ى ئيلۆنا 2015ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 35000
1 گرام زێرێ  (ع) 21 40500
1 گرام زێرێ  (ع) 22 42500
1 گرام زيڤ 3000

 

323

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 22ى ئيلۆنا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1235
1 يۆرۆيێ ئه‌ورۆپى 1390
1 ليرێ توركى 410

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

320

ئەڤرۆ نیوز، سالار دۆسکی:

پشتی چەندین تورێن جڤاکی ھاتیە بەلاڤەکرن کو ھەر ئەندامەکێ پەرلەمانێ عیراقێ ٢٥ ملیۆن دینار وەک دیاریا جەژنێ وەرگرتینە، پەرلەمانتارەکێ کورد ل سەر بابەتی ھاتەدەنگ.
حاکم سەرحان سلێڤانەی، ئەندامێ پەرلەمانێ عیراقێ بۆ مالپەرێ ئەڤرۆ نیۆز گۆت: چ راستی بۆ دانا ٢٥ ملیۆن دیناران بۆ ھەر ئەندام پەرلەمانەکێ عیراقێ نین و بتنێ ئەڤە پرۆپاکندیە.
سەرحانی ئاشکراکر کو ئەڤە سێ جەژنە ل پەرلەمانێ عیراقێ و ھەتا نوکە چ جاران دیاریا جەژنێ نە وەرگرتیە و بتنێ ئەڤە پرۆپاکندە نە، گۆت: پارە نین و بتنێ ئەڤە پرۆپاكنده‌يه‌.

ئەڤرۆ نیوز، سالار دۆسکی:
ژ دھی وەرە و ھەتا چێکرنا ڤی نووچەی پتریا پانزیخانێن دھۆکێ سرا ترۆمبێلان بۆ وەرگرتنا پانزینێ چێبوویە، سەرۆکێ لژنا پیشەسازی و گاز و غازێ ژی ل جڤاتا پارێزگەھێ ل سەر ڤێ چەندێ ھاتەدەنگ.
عەبدوسەمەد تێلی سەرۆکێ لژنا پیشەسازی و گاز و غازێ ژی ل جڤاتا پارێزگەھا دھۆکێ بۆ مالپەرێ ئەڤرۆ نیۆز گۆت: دھۆکێ چو قەیرانێن پانزینێ نین و بەرۆڤاژی یەدەکەکێ باشێ پانزینێ مە ھەیە، بتنێ ب بریارەکا وەزیرێ سامانێن سرۆشی ٩٠٠ ھزار لترێن پانزینێ ھاتینە بەلاڤەکرن و پێشتر ملیۆنەک و ١٠٠ لیترێن پانزینێ دھاتنە پارڤەکرن.
تێلی ھێشتا گۆت: دیسان ژ بەر نێزیکبوونا جەژنا قوربانی خەلکێ پانزینێ دکەتە ترۆمبێلێن خوە و ئەڤە ژی ھۆکارەکێ چێبوونا سارا پانزینێ یە.

پانزين (1) پانزين (2) پانزين (3) پانزين (4) پانزين (5) پانزين (6)

479

ئەڤرۆ نیوز، سالار دۆسکی:
ب نڤسیارەکا فەرمی یا رێڤەبەریا ئەوقافا دھۆکێ کو ئیمزا رێڤەبەرێ رێڤەبەریا ناڤبری ل سەرە، ھەموو گۆتاربێژ ھاتینە ئاگەھدارکرن کو گوتارا رۆژا ئەینی بابەتێ خوەپاراستن ژ ننەخوەشیا کولێرێ بھێتە گۆتن و ئەڤە ژ بەر بەرژوەندیا گشتی یا وەلاتیان.
دھەمان نڤیسار داھاتیە کو ل د فەرمودێن پێغەمبەرێ ئیسلامێ محەمەد سلاڤ ل سەربن و دیسان قورئانا پیرۆز ژی دا گرنگی دایە خوە پاراستن ژ نەخوەشیان و لەوما پێدڤی یە ئەڤ بابەتە ل بەرچاڤ و بگرنگی بھێتە وەرگرتن.سێ راگەھاندنا بەرەڤانیا باژێرێ دھۆکێ ژی دیارکر کو ھەموو بنگەھێن بەرەڤانیا باژێری دێ ٢٤ دەمژمێرا د حالەتێ ئامادەباشیێ دا بن بۆ ھەر روودانەکا نەچاڤەرێکری تیمێن قورتالکرنی کو پێک ھاتینە ژ نقومڤان و کارمەندێن ئامادە ل رۆژانێن جەژنێ دێ د ئامادەباشیێ دا بن و ئەفسەرێن نوبەردار رۆژانە دێ د ئامادەباشیێ دا بن و ھێلەکا گەرم ژی ھاتیە دانان بۆ خزمەتکرنا وەلاتیان ئەو ژی وەلاتی دشێن پەیوەندیێ ب ژمارا ٠٦٢١١٥ بکەن بۆ ھەر روودانەکا نەچاڤرێکری.

ئەڤرۆ نیوز، لەزگین جۆقی:
رێڤەبەریا ساخلەمیا دھۆکێ و پۆلیسێن پارێزگەھا دھۆکێ و رێڤەبەریا بەرەڤانیا باژێری و رێڤەبەریا پۆلیسین ھاتنوچوونێ ل دھۆکێ پلانێن خوە بۆ رۆژانێن جەژنێ راگەھاندن.
حەمزە رەزیکی بەرپرسێ راگەھاندنێ ل رێڤەبەریا گشتیا ساخلەمیا پارێزگەھا دھۆکێ دیارکر کو رێڤەبەریا گشتیا ساخلەمیێ ل پارێزگەھا دھۆکێ وەکو ھەموو جەژن و ھەلکەفتێن دی بۆ جەژنا قوربانیێ ژی پلانا خوە دانایە بۆ پاراستنا ساخلەمیا وەلاتیان د رۆژانێن جەژنێ دا.
رەزیکی گۆت: “پلانا ساخلەمیێ د گەلەک واران دا یا ھەیی، ئەو ژی وارێ ئێکێ بواری چارەسەرێ دا ٣٤ تیمێن گەرۆک ھاتینە پێک ئینان ژ وانا ژی ١٨ تیم دێ ل بەرۆکێن شەری بن دژێ رێکخراوا تیرورستی یا داعش و ١٦ تیمێن گەرۆک یێن ساخلەمیێ دێ ل سەرانسەری پارێزگەھا دھۆکێ د کاری دا بن و د ناڤ کەمپێن ئاواران دا ژی بنگەھێن ساخلەمیێ دێ بەردەوام د ڤەکری بن ئەو کەمپێن بنگەھێن ساخلەمیێ لێ نەبن یان ل ژێر دروستکرنێ بن ل ناڤ وان دا دێ رۆژانە تیمێن گەرۆک یێن ساخلەمیێ ھەبن و بنگەھێن ساخلەمیێ یێن نۆبەدار ئەوێن بەری نوکە دەواما وان ژ ٢ی پشتی نیڤرۆ ھەتا ١٢ شەڤ دەست پێ دکر دێ د رۆژانێن جەژنێ دا ئەو بنگەە ھەموو د ڤەکری بن ھەر ژ دەمژمێر ھەشتی سپێدی ھەتا ١٢ شەڤێ دێ خزمەتا وەلاتیان کەن د گەل ڤێ چەندێ ژی پشکێن تەنگاڤیا ل ھەموو نەخۆشخانێن گشتی ھەر ژ زاخۆ ھەتا ئاکرێ دێ ٢٤ دەمژمێران د خزمەتا وەلاتیان دا بن.
ناڤبری ئەو ژی دیارکر کو د بوارێ خوەپاراستنێ دا ژی ژ بەر بەلاڤبوونا نەخۆشیا کۆلێرێ ل ھندەک پارێزگەھێن عیراقێ ساخلەمیا دھۆکێ ب فەر دیت ل ڤێ چەژنێ تیمێن زێرەڤانیا ساخلەمیێ بھێنە زێدەکرن ژ وانا ژی رۆژانە چوار تیمێن ساخلەمیێ دێ ل سەنتەرێ دھۆکێ دا بن دێ ھەموو مارکێت و جھێن بازرگانیێ و خوارنگەھان گەرن، ھەر تشتەکێ گۆمان ل سەر ھەبیت بزانن دێ کارتێکرنێ ل ساخلەمیا وەلاتیان کەت، ئەو تشت دێ ھێتە دەستەسەرکرن دیسا ل ھەموو قەزایێن پارێزگەھێ ژی دێ تیمێن زێرەڤانیا ساخلەمیێ ھەبن، رۆژانە ل ھەر قەزایەکێ دو تیم دێ د کاری دا بن دا کو خزمەتا وەلاتیان بھێتە کرن.
حەمزە رەزیکی گۆتژی: “خزمەتێن ١٢٢ ژی دێ بەردەوام د خزمەتا وەلاتیان دا بن وەلاتێ دشێن پەیوەندیێ ب ١٢٢ بکەن”، ھیڤی ژی ژ وەلاتیان خواست کو ل ڤێ جەژنێ زێدەتر ھشیاری ساخلەمیا خوە بن ژ بەر مەترسیا کولێرایێ یا ل سەر ھەرێما کوردستانێ ھەیی.
دەربارەی بەرھەڤیێن رێڤەبەریا ھاتنوچوونێ ژی، رائیدێ مافپەروەر ئازاد تەھا بەرپرسێ راگەھاندنا پۆلیسێن ھاتنوچوونێ ل پارێزگەھا دھۆکێ دیارکر کو وەکو ھەموو جەژن و ھەلکەفتین دی پلانەکا باش ھاتیە دانان ل ھەموو ترافیکلایتا دێ پۆلیس ھەبن و نابیت ترۆمبێلێن حوکمەتی تایبەتی ژی ھەکەر زارۆ تێدا بن ھاتنوچوونی بکەن و کامیرێن چاڤدێریێ دێ زێدەتر ژ جاران ل جەژنێ ھێنە دانان و ھێلا ١٨٨ دێ د خزمەتێ دا بیت، وەلاتی دشێن بۆ ھەر حالەتەکی پەیوەندیێ پێ بکەن ھەر ترۆمبیلەکا سەرپێچیێ بکەت و رێنمایێن ھاتنوچوونی بجە نەئینیت بھێتە دەستەسەرکرن، ناھێتە بەردان ھەتا پشتی جەژنێ و ئامیرێن پشکنینا مە ب تایبەت ل دەرنگی شەڤ دێ ل گەل مەفرەزان ھێنە دانان و یێ بێی مۆلەت ترۆمبێلی ب ھاژوت بھێتە گرتن دێ ھێتە رەوانەکرن بۆ دادگەھێ و داخوازێ ژ ھەموو دایک و بابێن ھێژا دکەین سویچێن ترۆمبێلان ل بەر دەستێن زارۆیان نەھێلن دا کو گیانێ ھەموو وەلاتیان پاراستی بیت ب خوشیی ھەموو جەژنا خوە بکەن.
رائیدێ مافپەروەر ھێمن سلێمان محەمەد ژی رێڤەبەرێ پەیوەندی و راگەھاندنا پۆلیسێن پارێزگەھا دھۆکێ دیارکر کو پۆلیسێن نەھێلانا گونەھباریان دێ جلکێن مەدەنێ د ناڤ گەرەکێن دھۆکێ دا بن و پۆلێسن ھەوار ھاتنێ ژێ ٢٥ خال دێ ھەبن زێدەباری مەفرەزکا گەرۆک و پۆلیسێن چالاکیێن مەدەنی ژی دێ ل چەندین خالێن تایبەت ھەبن د گەل ھەبوونا مەفرەزکا تایبەت بۆ ھەر روودانەکا نەچاڤەرێکری و ئەفسەر و پۆلیسێن نوبەدار دێ ل ھەموو بنگەھێن پۆلیسان ھەبن بۆ خزمەتکرنا وەلاتیان ھەر دوو ھێلێن گەرم ٠٦٢١٠٤ و ٠٦٢١٤٠ دێ ٢٤ دەمژمێران د خزمەتێ دا بن.
دا زانین ژی کو ئەڤ پلانا پۆلیسێن پارێزگەھا دھۆکێ دێ ل سەرانسەری قەزا و ناحیێن دھۆک ھێتە بجە ئینان.
رائیدێ مافپەروەر بێوار عەبدولعەزیز بەرپرسێ راگەھاندنا بەرەڤانیا باژێرێ دھۆکێ ژی دیارکر کو ھەموو بنگەھێن بەرەڤانیا باژێری دێ ٢٤ دەمژمێرا د حالەتێ ئامادەباشیێ دا بن بۆ ھەر روودانەکا نەچاڤەرێکری تیمێن قورتالکرنی کو پێک ھاتینە ژ نقومڤان و کارمەندێن ئامادە ل رۆژانێن جەژنێ دێ د ئامادەباشیێ دا بن و ئەفسەرێن نوبەردار رۆژانە دێ د ئامادەباشیێ دا بن و ھێلەکا گەرم ژی ھاتیە دانان بۆ خزمەتکرنا وەلاتیان ئەو ژی وەلاتی دشێن پەیوەندیێ ب ژمارا ٠٦٢١١٥ بکەن بۆ ھەر روودانەکا نەچاڤرێکری.

ئه‌ڤرۆ نيوز:

ل سەر داخوازیا رێڤەبەریا گشتیا ساخلەمیێ ل پارێزگەھا دھۆکێ دوھی ٢١-٩-٢٠١٥ ل کۆچکا پارێزگەھا دھۆکێ روونشتنەک د گەل ھەموو دام و دەزگەھێن پەیوەندیدار و قایمقامێن قەزایێن سەر ب پارێزگەھێ ڤە ژ بۆ خوەپاراستن و رێگریکرن ل نەساخیا کۆلێرێ ھاتە ئەنجامدان، رێڤەبەرێ کاروبارێن خوەپاراستنێ ژێ دبێژیت: پێدڤیە ئاڤا کلۆرکری بھێتە ب کارئینان و نابیت خوارنا پیس و سار بھێتە خوارن و گۆت: “ھەتا نوکە چو حالەتێن کۆلێرێ ل پارێزگەھا دھۆکێ پەیدا نەبووینە”.
بەھزاد عەلی ئادەم، پارێزگارێ دھۆکێ ب وەکالەت ئاشکرا کر، ھەر تشتەکێ ئەو بزانن دێ بیتە مەترسیێ یان ئەگەر بۆ بەلاڤبوونا نەساخیا کۆلێرێ دێ بڕیارا قەدەغەکرنا وی ھێتە دان و گۆت: “ئەو بریارێن ھاتینە دان ھەموو بۆ ھندێ نە وەلاتی ژ مەترسیا نەساخیا کۆلێرێ بھێنە پاراستن”.
بەھزاد دیار ژی کر، رێنماێن نوو ل سەر ھەموو قایمقامیێن قەزا و ناحیێن سەر ب پارێزگەھا دھۆکێ ڤە و دام و دەزگەھێن پەیوەندیدار بۆ خوەپاراستن ژ کۆلێرێ دێ ھێنە بەلاڤکرن، ھەموو رێڤەبەریێن پەیوەندیدار زێدەتر و خورتتر دێ کار کەن ب تایبەتی د ناڤ کەمپێَن ئاواران دا، دا کو رێگری ل بەلاڤبوونا وێ بھێتە کرن و گۆت: “ئەم داخوازێ دکەین پێگیری ب رێنمایێن ساخلەمیێ بھێتە کرن دا کو ژ ڤێ نەساخیێ بھێنە پاراستن”.
د. سەگڤان حەسەن عەلی، رێڤەبەرێ کاروبارێن خوەپاراستنی ل رێڤەبەریا گشتی یا ساخلەمیا دھۆکێ خویا کر، مەترسیا نەساخیا کۆلێرێ یا ل سەر دھۆکێ ھەی، چونکو ب رێیا ئاڤا پیس دھێتە ڤەگوھاستن، لێ ھەکەر رێنمایێن دروست یێن ساخلەمیێ بھێنە ب کارئینان چو مەترسی نابن، ئەو ژی ب کارئینانا ئاڤا ساخلەم و پاقژ یا کلۆر کری، دیسا خوارنا گەرم، ھەکەر خوارن یا سار بیت پێدڤیە دوبارە ب باشیی بھێتە گەرمکرن پاشی بھێتە ب کارئینان و نابیت ئەو بەفرا ل سەر جادان دھێتە فروتن بھێتە ب کارئینان و گۆت: “مە گەلەک پرۆگرام بۆ رێگریکرن ل بەلاڤبوونا نەساخیا کۆلێرێ ھەنە”.
د. سکڤان گۆتژی: “تیمێن زیرەڤانیا ساخلەمیێ دێ زێدەتر و خورتتر چاڤدێریا خوارنگەھان کەن، ھەروەسا پتر دووڤچوون و گرنگیی ب ساخلەمیا وەلاتیان ھێنە دان و تیمێن ساخلەمیێ باشتر قەستا کەمپێن ئاواران کەن بۆ پیشکنین و دووڤچوونا ئاڤێ و پاقژیێ”.

471

ئەڤرۆ نیۆز، رێوار مزیری:
ب ھەلکەفتا رۆژا جیھانی یا مۆزیکێ، رێڤەبەریا رەوشەنبیری و ھونەری ل دھۆکێ، رێڤەبەریا ھونەرێ مۆزیکێ ل دھۆکێ دێ رۆژا جیھانی یا مۆزیکێ ب گێرانا کۆنسێرتەکا ستران و مۆزیکێ ل رۆژا پێنجشەمبی ١-١٠-٢٠١٥ ل دەمژمێر شەشی ئێڤاری ل ھولا کۆنگرەیان ل زانکۆیا دھۆکێ ساخکەت.
سەمەدار مایی، رێڤەبەرێ رێڤەبەریا ھونەرێ مۆزیکێ ل دھۆکێ بۆ ئەڤرۆ نیۆز گۆت:” د ڤێ کۆنسێرتێ دا دێ چەندین ھونەرمەندێن باژێرێن (دھۆک، ھەولێر، سلێمانی) و تیپا رۆباد یا مۆزیکێ و کۆرالا پەیمانگەھا ھونەرێن جوان ل دھۆکێ پشکداربن”.
ناڤھاتی ئاماژە دا وێ چەندێ کو ھاتنە ژوورا ڤێ کونسێرتێ دێ یا بێ بەرانبەر بیت.

ئه‌ڤرۆ نيوز:

پارێزەرەکا دادگەھا دھۆکێ راگەھاند، زەلامەکێ کوردێ تورکیا بو خوە ژنەکا خەلکا دھۆکێ خواست وێ شوو پێ کر چونکو یا بێ خودان بو و دڤیا ل پشت ڤی زەلامی خوە ستار کەت، لێ وی بەرژەوەندییەک ل دووڤ ڤێ ھەڤژینیێ را ھەبوو ئانکو دبێژنێ (زواج مێلحە) ئەو ژی داکو رەگەزناما عیراقی پێ وەربگریت، ھێدی ھێدی ئاریشە دناڤبەرا واندا پەیدا بوون و ب جودابوونێ ب دووماھیک ھات.
پارێزەر سیپەل حەبیب ل دادگەھا دھۆکێ بۆ ئەڤرۆ دیارکر، پێکئینانا خێزانێ ل سەر بنەمایێ بەرژەوەندیێ ئانکو ھەڤژینیا بەرژەوەندیێ وەکو دیوارەکێ دەرزیە و زوو دھێتە ھەرفاندن، ئەڤێجا بو چو مەرەم بیت مەرەما جنسی بیت یان پارە بیت یان ھەر کارەکێ دیتر بیت و گۆت: ەلامەکێ کوردێ تورکی ژ دایک بوویێ ١٩٦٥ ێ بۆ خێزانەک پێکئینا بوو ل گەل ژنەکا ژ خوە مەزنتر کو خەلکا باژێرێ دھۆکێ یە و ژ دایک بوویا ١٩٥٧ ێ یە، ئەڤی زەلامی بەرژەوەندیەک ل دووڤ ڤێ ھەڤژینیێ را ھەبوو ئانکو دبێژنێ (زواج مێلحە) ئەو ژی داکو رەگەزناما عیراقی پێ وەربگریت.
پارێزەرێ گۆتژی: ھەر ل دەسپێکا ژیانا وان ھێدی ھێدی ئاریشان دەسپێکر چونکو ئەڤ ھەڤژینیە ل سەر بنەمایەکێ موکم نەھاتیە چێکرن ھەردولا د نەخویندەوار بوون و ئەڤ ژنە ژی یا بێ خودان بوو دڤیا ل پشت ڤی کەسێ ھەنێ ب خودان بکەڤیت، رۆژانە ناکوکی و شەر دناڤبەرا وان دا روودان و قەسێن زڤر و گەفکرن و قوتان و ل دووڤ گۆتنێن ژنێ جیرانەکا وان ژی ب سەر وان ھلببو دەمێ زەلامێ وێ توندوتیژی ل گەل ب کاردئینا. ئەڤێ ژنێ شکایەت ل زەلامێ خوە کر و دوو داوا ل سەر تومارکرن، زەلامێ وێ ژی دو داوا ل سەر وێ تومارکرن و گۆت نەیا باشە و ئاریشان ژبن عەردی د خولقینیت، دادگەھێ داوایەکا وێ ژنێ رەتکر و دیسا ئێکا زەلامی ژی رەتکر.
پارێزەرێ ئەشکەرا ژی کر ، ل دووماھیێ ژنێ داخوازا بەردانێ ژ زەلامی کر و گۆت ئەڤە پێنج سالە من تەحەمولا وی کری و ئەڤ سالە ھەموو بوری ب نەخۆشی من چو خوشی ب سەر ڤی مروڤی نەبرینە و گۆت: ل دووماھیێ ئەڤ ژنە ژ ڤی زەلامی ھاتە بەردان چونکو ل دەسپێکێ پەیوەندیەکا ب بەرژەوەندی بو و چو نیشانێن پێکئینانا خێزانی لێ دیار نە د بوون ئەڤ ژنە ھاتە خاپاندن ژلایێ ڤی زەلامی ڤە کو د ڤیا ب تنێ رەگەزناما عیراقی ب ڤێ گرێبەستا ھەڤژینیێ وەرگریت.
ل دووماھیێ پارێزەر دبێژیت: ژبەرکو ھەموو بزاڤێن دادگەھێ بۆ چارەکرنا ڤێ کێشێ دبێ مفا بوون و چ لایەنێن خێرێ ژی نەشیان ھەلویستێ وان ب گوھۆرن، ب تنێ چارە ئەو بو ھەر ئێک بچیتە سەر رێکا خوە.

website security
WP Facebook Auto Publish Powered By : XYZScripts.com