NO IORG
نووترين نووچه
Twitter

262

ئه‌ڤرۆ نيوز:

پۆليسێن پارێزگه‌ها دهۆكێ راگه‌هاند كو شڤێدى ئه‌و ل سه‌ر روودانه‌كا كوشتنێ هاتينه‌ ئاگه‌هداركرن كو ل دهۆكێ زارۆيه‌ك ب گوللێ ده‌بانجێ خوه‌ كوشتيه‌.

رائيد وه‌لات ئه‌فسه‌رێ نڤيسينگه‌ها كوشتنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز راگه‌هاند: پشتى ل جهێ روودانێ ئاماده‌بووين ديار بوو كو زارۆيه‌كێ هه‌شت سالى ب ناڤێ “دانا سالح عه‌بدولا ل تاخێ سه‌ربه‌ستى ل دهۆكێ ده‌ستكارى د چه‌كێ مێڤانه‌كێ مال دا كريه‌ ب ناڤێ “م.ر.ع” پشتى چه‌كێ خوه‌ ل به‌ر ده‌ست هێلايى و بوويه‌ ئه‌گه‌رێ كوشتنا وى و ل دووڤ به‌ندێ 411 ڤه‌كۆلين يا به‌رده‌وامه‌”.

ئه‌ڤى ئه‌فسه‌رى هيڤى ژى ژ وه‌لاتيان خواست كو گه‌له‌ك د هشيار بن ل جهێ دانانا چه‌كى و خواست كو چه‌كى ل نه‌هێلنه‌ ل به‌ر ده‌ستێ زارۆيان دا د پاراستى بن ژ هه‌ر ره‌نگه‌ روودانه‌

ئەڤرۆ نيوز:
ھندەک بزاڤێن نھێنی دناڤ ھەڤپەیمانیا نیشتمانی یا شیعی دھێنە کرن ژبۆ گوھۆرینا سەرۆک وەزیرێن عیراقێ حەیدەر عەبادی پشتی راگەھاندنا وی بۆ ئەنجامدانا پرۆسا چاکسازیێ و ئەڤ چەندە بوویە ئەگەرێ پەیدابوونا گرفتان ل گەل ھەڤپشکێن خوە د ھەڤپەیمانیێ دا.
ھندەک ژێدەرێن عیراقی بۆ رۆژناما (الشرق الاوسگ) یا لەندەنی دیارکریە کو ھندەک لایەنێن گرێدای ب گرۆپێن چەکدار یێن شیعی ڤە کو نێزیکی ئیرانێ نە، بەحس ل وێ چەندێ دکەن کو گوھۆرینا عەبادی کارەکێ فەرە، د دەمەکی دا مەرجەعیەتا شیعی ل نەجەفێ یا بەردەوامە ل سەر پشتەڤانیا عەبادی.
وان ژێدەران ئاشکراکریە کو ھندەک رێگری یێن ھەین د رێیا گوھۆرینا عەبادی دا کو جڤاتا بلند یا ئیسلامی ب سەرۆکاتیا عەمار حەکیم و رەوتێ سەدری ب سەرۆکاتیا موقتەدا سەدر دبێژن ھەکە عەبادی ھاتە گوھۆرین، نابیت چو کەسەک ژ حزبا دەعوە ( کو نوری مالکی سەرۆکاتیا وێ دکەت) ببیتە سەرۆک وەزیران”.
ھەمان ژێدەران دیاکر ژی کو ل ڤێ دووماھیێ شەرەدەڤک د ناڤبەرا عەبادی و مالکی دا ل بارەگایێ عەبادی پەیدابوو و مالکی ب تورەیی ڤە دەرکەفت و دگوت ھوون نوکەرێن بریتانیا نە وەکو ئاماژەک بۆ سەرکردێن حزبا دەعوە ئەوێن دگەل وی و پاشی چووینە پال عەبادی وەکو سادق روکابی و تارق نەجم و وەلید حلی کو ھەرسێ ھەلگرێن رەگەزنامە بریتانی نە زێدەباری عەبادی ب خوە.

ئەڤرۆ نيوز:
بەرپرسەکێ پارتی ل پارێزگەھا ھەلەبجە دبێژیت، لایەنێن سیاسی دشێن پۆستان بۆ خوە بەلاڤ بکەن، بەلێ بێ ئیمزا پارتی نەشێن کورسیێن جڤاتا پارێزگەھا ھەلەبجە بەلاڤ بکەن، چونکی ھەلبژاتن بۆ نەھاتینە کرن، لەوما پێدڤیە ب رێککەفتنا سیاسی بیت.
بەختیار سدیق کارگێرێ لقێ ھەلەبجە یێ پارتی دیموکراتی کوردستان بۆ مالپەرێ فەرمیێ پارتی گوت” ئێکەتی نیشتمانی کوردستان و بزاڤا گۆڕان سەرەدانا لایەنان کریە ل دۆر بەلاڤکرنا پۆستان، بەلی دەمێ سەرەدانان دکەن پێدڤیە بەرسڤێ ژی بدەن، لەوما سەرەدانا مە ژی کریە و ھەتا نوکە بەرسڤا مە نەدایە”.
بەختیاری گوت ژی” نە بەرسڤا داخوازیێن مە ھاتیە دان و نە ھاتینە داخوازکرن ژی بۆ کۆمبوونا دوھی، بەلێ ئەو وەسا ھزر دکەن کو دشێن پارتی پشت گوە بکەن و بێگومان نەشێن ڤێ چەندێ بکەن، چونکی بێ ئیمزا پارتی، کورسیێن جڤاتا پارێزگەھا ھەلەبجە ناھێنە بەلاڤکرن، ژ بەر کو ھەلژارتن نەھاتینە کرن ھەتاکو ل دووڤ ئەنجامان کورسی بھێنە بەلاڤکرن”.
ئاماژە دا وێ چەندێ ژی ” سەبارەت بەلاڤکرنا کورسیێن جڤاتا پارێزگەھێ، پێدڤیە ھەموو لایەنبگەھنە رێککەفتنێ و پاشی یاداشتەکێ کو ئیمزا ھەموو لایەنان ل سەر بیت بۆ وەزارەتا ناڤخوەیی لژنا قانوونی ل پەرلەمانێ کوردستانێ بھێتە بلندکرن، چونکی بریار یا ژلایێ پەرلەمانێ کوردستانێ ڤە ھاتیە دان و ل بەر وێ چەندێ ژی کو ئەو کەسانە دێ ھێنە دامەزراندن، نەشێن جڤاتێ دیار بکەن، بەلێ دشێن پۆستێن دی بەلاڤ بکەن”.

142

ئه‌ڤرۆ نيوز:

بازارێن بریتانی ھندەک کەپسولان ب زەیتا ماسیان دروست دکەن، ل ھەمبەر وێ چەندێ ئەو کەسێن ھەڤیانە دو ماسیان دخوون ب رێژا ٦% کێمتر تووشی نەخۆشیێن دلی دبن.
ل دووڤ ڤەکولینەکا نوو کو ژلایێ تیمێ زانکۆیا کامبردج و ھندەک زانکۆیێن دی ھاتیە دیارکرن دیاردبیت کو خوارنا ماسی نەکو زەیتا وان ھاریکارن بۆ کێمکرنا نەخۆشیێن دلی و خوینگێران ل دەڤ مرۆڤی، ئەڤەژی ل دووڤ وان پێزانینێن کو ل رۆژنامەیا دایلی تلگراف یا بریتانی.
ئەڤ ئەنجامە دەرکەفتن پشتی ڤەکولینەکا شروڤەیی ھاتیە کرن ل سەر ٨٠٠ ھزار مرۆڤان ل ١٥ وەلاتان، زانایان ئەنجامێن وان دیارکرن کو دەمێ مرۆڤ تەمامکەرێن خوارنێ وەکو زەیتا ماسیا ب کاربینیت دێ ژ مەترسیا نەخۆشیێن دلی ھێتە پاراستن و ڤەکولینێ گۆت: بازارێن بریتانی ھندەک کەپسولان ب زەیتا ماسیان دروست دکەن، ل ھەمبەر وێ چەندێ ئەو کەسێن ھەڤیانە دو ماسیان دخوون ب رێژا ٦% کێمتر تووشی نەخۆشیێن دلی دبن.

602

ئه‌ڤرۆ نيوز:

گەلەک مفا ژ دەرکەتنا مالێ ھەنە، سەقا یێ چاوا بیت پێدڤیە ب دەرکەڤی.
مفایێن دەرکەتنێ ژ مالێ پێکھاتینە ژ وێ چەندێ کو ٢٠% ژ بیردانک و ھوشداریا مرۆڤی زێدە دکەت، ئەڤە ل دووڤ ڤەکولینەکێ کو پەیمانگەھا رۆتمان یا کەنەدی ھاتیە ئەنجامدان، ھەروەسا بۆراندنا دەمی دناڤ سرۆشتی دا فشارا خوینێ و تێکچوونا زەڤلەکان کێمتر لێ دکەت.
ڤەکولەر دبێژن ھەبوونا مرۆڤی دناڤ سرۆشتی دا ئەو کێماسیا دمێشکی دا پەیدادبیت ڤەدگەرینیت و مرۆڤ پتر ئاگەھی تشتان دبیت، نە مەرجە ژی تو گەلەک حەز ژ سروشتی بکەی، بەلکو دەرکەتنا تە دمالدا مفایەکێ مەزن ل تە دکەت.

ئه‌ڤرۆ نيوز:

ھەڤسەرۆکێ پارتیا ئێکەتیا دیموکراتیک (PYD) سالح موسلم راگەھاند کو مە ب چو رەنگەکێ نەگۆتیە دێ رازی بین پێشمەرگێن رۆژئاڤا بھێنە رۆژئاڤایێ کوردستانێ و ھندەک دەزگەھێن راگەھاندنێ تشتەک وەسا بەلاڤ کرینە، ل رۆژئاڤایێ کوردستانێ YPG و YPJ ھەنە و مە پێدڤی ب چو ھێزێن دی یێن سەربازی نینن. ئەو یەک د دەمەکێ دایە کو بەری نھا ھاتبوو راگەھاندن دێ پێشمەرگێن رۆژئاڤا بچنە رۆژئاڤایێ کوردستانێ.

ئه‌ڤرۆ نيوز:

تورکیا بەر ب ھەلبژارتنێن پێشوەخت ڤە دچیت و وەک ھەموو جارێن بۆری کۆمپانیێن راپرسیان ل ھەموو باژێرێن تورکیا و باکورێ کوردستانێ دەست ب راپرسیان کرینە دا کو بزانن رێژا دەنگێ پارتیا ل گۆر ھەلبژارتنێن حەفتێ خزیرانێ کێم بووینە یان زێدە، کۆمپانیا گەزیجی یا راپرسیان کو راپرسیێن وێ جارا بۆری گەلەک نێزیکی ئەنجامێن ھەلبژارتنان بوون د راپۆرتەکێ دا دیار کریە کو ژ بلی دەنگێ ئاکپارتیێ دەنگێ پارتێن دی زێدە بووینە و دەنگێ ئاکپارتیێ ڤێجارێ دێ نێزیکی ٣٨% بیت و دەنگێ پارتیا کۆماری ژی دگەھیتە ٢٩% و دەنگێ پارتیا بزاڤا نەتەوەپەرست ژی دگەھیتە نێزیکی ١٨% و دەنگێ پارتیا دیموکراستی یا گەلان ژی دگەھیتە نێزیکی ١٤%.

د بەردەوامیا راپۆرتا کۆمپانیا گەزیجی یا راپرسیان دا ھاتیە دیار کرن کو پرانیا وەلاتیێن کورد یێن کو بەری نھا دەنگێ خوە دابوونە ئاکپارتی ڤێجارێ دەنگی نادەنێ و دیار دکەن کو ئەردۆگانی فێل ل کوردان کر و نھا دیسان گوندان کوردان دسوژینن و خەلکێ مەدەنی دکوژن و ژ بەر ھندێ ئەو ئێدی پشتەڤانیێ ل ئاکپارتی ناکەن و دێ دەنگێ خوە بدەنە پارتیا دیموکراتی یا گەلان و ھندەکان ژی دیار کریە کو ئەو دەنگ نادەنە چو پارتیەکێ و پشتەڤانیێ ل ئاکپارتی ناکەن.
ل پشکەکا دی یا راپۆرتێ دا ھاتیە دیار کرن کو ل باژێرێن مەزنێن تورکیا یێن کو پرانیا ئاکنجیێن وان تورکن رێژەکا زێدە یا خەلکێ ژ سیاسەتا ئەردۆگانی یا نھا رازی نینن و دژی سیستەمێ سەرۆکاتیێ نە و ناخوازن ھەموو تشت د دەستێ ئەردۆگانی دا بیت و دبێژن ئەردۆگان بۆ ئەگەر کو جارەکا دی رەوشا تورکیا ئالۆز بیت و بێکاری زێدە بیت و رەوشا ژیانا خەلکێ خراب بوویە و ژ بەر ھندێ ئەو پشتەڤانیێ ل پارتیا کۆماری دکەن و رێژەک کێم ژی دەنگێ خوە ددەنە بزاڤا نەتەوەپەرست و ناخوازن ئێدی وەک بەرێ ئاکپارتی ب تنێ ل سەر دەستھەلاتێ بیت.
کۆمپانیەکا دی یا راپرسیان یا ب ناڤێ سۆنار ژی ل پرانیا باژێرێن تورکیا دەست ب راپرسیان کریە و ل گۆر راپرسیا وێ کۆمپانیێ ژی دەنگێ ئاکپارتی ل گۆر ھەلبژارتنێن حەفتێ خزیرانێ کێم دبیت و ھەر سێ پارتێن دی رێژەک ژ دەنگێ وان زێدە بوویە و خەلک ژ شەرێ نھا ل تورکیا بێزارن و داخوازا راگرتنا شەری دکەن، ھەروەسا د ئەنجاما راپرسیێ دا دیار بوویە کو ژ بەر شەری زیان گەھشتیە بارێ ئابووری یێ تورکیا و وەلاتی زەرەرمەند بووینە و ژ بەر ھندێ ژی ناخوازن ئێدی دەنگێ خوە بدەنە ئاکپارتی و دخوازن ل تورکیا ئێدی ئێک پارتی تنێ ل سەر دەستھەلاتێ نەبیت.
چاڤدێرێن سیاسی ل تورکیا ژی دیار دکەن کو خالا کو دێ د ڤان ھەلبژارتنان دا کاریگەریا خوە ل دەنگدەران بکەت شەر و بارێ خراب یێ ئابووری یە، چونکو ژ دەمێ دەستپێکرنا شەری ھەتا نھا ب سەدان کەس ل تورکیا جانێ خوە ژ دەست داینە و بھایێ لیرێ تورکیا ھاتیە خوارێ و ھەروەسا ژ بەر شەری گەشتیار وەک سالێن بۆری سەرەدانا تورکیا ناکەن و وێ یەکێ ژی زیانەک مەزن گەھاندیە خەلکێ و ئەو خالە ھەموو دێ کاریگەریا خوە ل دەنگدەرێن تورکیا کەت.

ئەڤرۆ نيوز:
سەرۆکێ ناڤەندا ڤەکۆلینێن ستراتیژی یێن رۆژھەلاتا ناڤین ل موسکۆ راگەھاند کو کورد ھێزەکا گەلەک مەزنن ل دژی تیرۆرێ و شیاینە د ئاستێ جیھانێ دا بۆ خوە پشتەڤانێن مەزن دروست بکەن و ئەڤرۆکە ل سووریا و عیراقێ کورد بووینە ھێزەکا گەلەک کاریگەر و پرانیا وەلاتێن جیھانێ ژی ھاریکاریا وان دکەن، پۆتین شاشیەکا گەلەک مەزن دکەت کو ھەتا نھا چەک نەدایە ھێزێن پێشمەرگەە و شەرڤانێن رۆژئاڤایێ کوردستانێ.
سیمیون باگداسارۆڤ سەرۆکێ ناڤەندا ڤەکۆلینێن ستراتیژی یێن وەلاتێن رۆژھەلاتا ناڤین ل موسکۆ د داخۆیانیەکێ دا بۆ ئاژانسا سپۆتینگ یا نووچەیان دیار کر کو چەند رۆژ بەری نھا ڤیلادەمیر پۆتین سەرۆکێ روسیار راگەھاند کو ئەو دێ ب ھەموو رەنگەکێ ھاریکاریا رژێما بەشاری بکەن، لێ پۆتین تووشی شاشیەکا مەزن بوویە و ل سەر شاشیا خوە ژی یا بەردەوامە، چونکو نھا رۆژھەلاتا ناڤین بەر ب گوھۆرینەکا مەزن ڤە دچیت و کورد ژی د ناڤەندا وێ گوھۆرینێ دانە و ژ بەر ھندێ ژی ئەڤرۆکە ئەمریکا و وەلاتێن رۆژئاڤا گرنگیێ ددەنە کوردان و پەیوەندیێن باش ل گەل وان دروست دکەن، دڤێت روسیا ژی ئێدی سیاسەتا خوە ل ھەمبەر کوردان بدەتە گوھۆرین و گۆت: (کورد ل سووریا و عیراقێ بووینە ھێزەکا گەلەک مەزن ل دژی تیرۆرێ، تشتێ کو لەشکرێ دو وەلاتان نەشیان ل دژی داعشێ بکەن کوردان ب دەلیڤێن گەلەک کێم شیان دربێن گەلەک مەزن ل وێ رێکخراوا تیرۆرستی بدەن و ژ بەر ھندێ ژی وەلاتێن رۆژئاڤا و ئەمریکا گرنگی دانە کوردان و پەیوەندیێن خوە ل گەل وان باشتر لێ کرینە، لێ پۆتین بەرۆڤاژی وێ یەکێ ل ھەمبەر کوردان بێدەنگ مایە و ھاریکاریا وان نەکریە، ئەو یەک شاشیەکا گەلەک مەزنە و دڤێت روسیا سیاسەتا خوە ل ھەمبەر کوردان ب تەمامی بدەتە گوھۆرین و ھاریکاریا وان بکەت).
سەرۆکێ ناڤەندا ڤەکۆلینێن ستراتیژی ل موسکۆ د پشکەکا دی یا ئاخڤتنێن خوە دا ئەو یەک ژی دیار کر کو ھەموو کەس باش دزانیت کو داعش تنێ ب رێیا ھێرشێن ئاسمانی ژناڤ ناچیت، لەشکرێن سووریا و عیراقێ ژی نەشیاینە داعشێ بدەنە راگرتن، ئەو چەکێ کو د دەستێ وان دا بوویە کەڤتینە دەستێ داعشێ و ئەو یەک مەترسیەکا مەزن بۆ خەلکێ رۆژھەلاتا ناڤین دروست کریە، لێ ھێزێن پێشمەرگێن کوردستانێ و شەرڤانێن کورد ژ بەر ئەزموونا خوە یا شەری و روحی فیداکاریێ سەرەرای نەبوونا چەکێن پێدڤی شیان دربێن مەزن ل داعشێ بدەن و وێ رێکخراوا تیرۆرستی ژ گەلەک دەڤەران دەربخینن، ژ بەر ھندێ ھەکە چەکێن پێدڤی بکەڤیتە دەستێ کوردان ئەو دێ بشێن داعشێ ژ عیراق و سووریێ ژی دەربخینن و گۆت: (ئەمریکا و وەلاتێن رۆژئاڤا ل گۆر سیاسەتا خوە ھندەک چەکان ددەنە کوردان، لێ روسیا ھەتا نھا بێدەنگ مایە و چ نەکریە، ئەو یەک شاشیەکا گەلەک مەزنە، چونکو ھەکە روسیا بڤێت ل رۆژھەلاتا ناڤین ببیتە خوەدان سەنگ و ھێزا خوە ب پارێزیت دڤێت پەیوەندیێن خوە ل گەل کوردان باش بکەت و ھاریکاریا وان بکەت، ژ بەر ھندێ ژی یا نھا پۆتین دکەت شاشیەکا مەزنە و دێ پاشی پەشیمان بیت، ئەز پێشنیاز دکەم روسیا بلەز چەکی بدەتە ھێزێن کوردی).
ناڤھاتی د دووماھیا ئاخڤتنا خوە دا ئەو یەک ژی دیار کر کو داعش مەترسیەکا گەلەک مەزنە ل سەر بەرژەوەندیێن روسیا، چونکو ھەکە داعش ب ھێز کەڤیت دێ خوە بگەھینتە سنۆرێن روسیا و ئەزموونا بەری نھا یا رێکخراوێن ھشکباوەر کو شەری روسیا کرینە نیشا ددەت کو جارەکا دی داعش دشێت وان کەسان بکار بینیت، نھا پتر ژ ٢٥٠٠ چەکدارێن روس د ناڤ داعشێ دانە، ئەو ب خوە وەک بومبەکێ نە و دشێت ھەردەم بپەقیت و زیانێن مەزن بگەھینتە روسیا. پۆتین نھا ھاریکاریێن سەربازی ددەتە عیراق و سووریا دڤێت ئەو ھاریکاری بۆ کوردان ژی بچن دا کو د گوھۆرینێن دەڤەرێ روسیا ھێزا کوردان ژ دەست نەدەت.

ئه‌ڤرۆ نیوز: ڤه‌ده‌ر ره‌شاڤایی:
كۆمپانیا ئێنێرژییا نیشتمانییا ئه‌بۆزه‌بی كو ب (تاقه‌) دهێته‌ نیاسین، سكالا لسه‌ر هه‌ڤپشكێن خوه‌ ل كێلگه‌ها بلۆكێ ئه‌ترووش تۆمار كرییه‌ ژبه‌ر سه‌رنه‌كه‌ڤتنا هه‌پشكێن وێ د بجهئینانا پێگیریێن هه‌ڤبه‌ستێ دا.
(تاقه‌) تێبینیه‌ك پێشكێشی هه‌ڤپشكێن خوه‌، یه‌كه‌یا (GEP) (شامه‌ران) یا نه‌فتێ یا كه‌نه‌دی و (ماراتۆن) یا ئه‌مریكی كرییه‌ لسه‌ر وێ یه‌كێ كو نه‌شیایه‌ پارێ مفایێ دو مه‌هێن بۆری بده‌ن.
یه‌كه‌یا (GEP) (شامه‌ران) دیاركر كو وێ پارێ خوه‌ لدووڤ هه‌ڤبه‌ستێ داییه‌ و دێ به‌رده‌وام ده‌ت، (ماراتۆن) ژی دیاركر كو لێك تێنه‌گه‌هشتنا هه‌ی د چاوانییا پشكداریێ د ئۆپه‌راسیۆنا د رێكه‌ڤتنێ دا و نها كار دهێته‌ كرن بۆ چاره‌سه‌ركرنێ.
كۆمپانیا (تاقه‌) یا ئه‌بۆزه‌بی 39.9 سه‌دێ ژ پشكێن بلۆكێ ئه‌ترۆش یێ نه‌فتێ هه‌نه‌، (GEP) (شامه‌ران) 20.1 سه‌دێ، و(ماراتۆن) یا ئه‌مریكی ژی 25 سه‌دێ.
(تاقه‌) مفایێ ئۆپه‌راسیۆنێ ل بلۆكێ ئه‌ترۆشی ل سالا 2013 ب 600 ملیۆنان كریبوو لێ ژبه‌ر چه‌ندین ئاریشێن كو رووبرووبووی هه‌رێما كوردستانێ بووی ژ وان نه‌رێكه‌فتن لگه‌ل به‌غدا، یا پێشبینی كری بده‌ست كۆمپانێ ڤه‌ نه‌هات.
به‌رهه‌مئینانا ده‌ستپێكی ل بلۆكێ ئه‌ترووش دێ 30 هزار به‌رمیلێن رۆژانه‌ بن، و گۆپیتكا به‌رهه‌مئینانێ د پاشه‌رۆژێ دا چێدبیت بگه‌هیته‌ 100 هزار به‌رمیلێن رۆژانه‌ .

ئه‌ڤرۆ نیوز: ڤه‌ده‌ر ره‌شاڤایی:
فوئاد حوسێن سه‌رۆكی دیوانا سه‌رۆكایه‌تییا هه‌رێما كوردستانێ راگه‌هاند كو هه‌می ئالی د كۆمبوونا به‌رپرسێن ده‌زگه‌هێن راگه‌هاندنا پێنج حزبان دا : (پارتی دیموكراتی كوردستان، یه‌كێتییا نیشتمانیا كوردستان، بزاڤا گۆڕان، یه‌كگرتوویا ئیسلامییا كوردستانێ و كۆمه‌ڵا ئیسلامیا كوردستانێ)، لگه‌ل وێ یه‌كێ بوون كو هێرشێن راگه‌هاندنێ لسه‌ر هه‌ڤدوو براوه‌ستینن ، چونكی ئه‌ڤ یه‌كه‌ خزمه‌تێ ب به‌رژه‌وه‌ندا خه‌لكێ هه‌رێما كوردستانێ ناكه‌ت .

website security
WP Facebook Auto Publish Powered By : XYZScripts.com