ئه‌ڤرۆ نیوز: كاروان باعه‌درى:
نڤیسینگه‌ها راگه‌هاندنا سه‌رۆك وه‌زیرێن عیراقێ حه‌یده‌ر عه‌بادى راگه‌هاند كو حه‌یده‌ر عه‌بادى گۆتیه: دێ كاركه‌ین ل سه‌ر یه‌كسانى و دادپه‌روه‌ریێ و بجهئینانا چاكسازیێن من بریار لسه‌ر دای، و ژ وێ چه‌ندێ لێڤه نابم ئه‌گه‌ر ژیانا من گۆرى بیت.
نڤیسینگه‌هێ پتر دیاركریه :حه‌یده‌ر عه‌بادى گۆتیه هیچ به‌دیله‌ك بۆ چاكسازیا نینه و پێدڤیه چاكسازى بهێن ئه‌نجام دان چونكى ئه‌وژى ماڤێ ره‌وایێ خه‌لكێ یه.
ئه‌ڤرۆ نیۆز، قائید میرۆ:
په‌یڤدارێ ژینگه‌ها هه‌رێما كوردستانێ راگه‌هاند، ئاڤا بیرا چه‌مچه‌مال بكێری ڤه‌خوارنێ و چاندنێ ناهێت و ل پشكنینێ ده‌رنه‌چوویه.
لوقمان شێروانی، په‌یڤدارێ ده‌سته‌یا ژینگه‌ها هه‌رێمێ ب ئه‌ڤرۆ نیۆز راگه‌هاند” ده‌سته‌یا گشتیا ژینگه‌ها هه‌رێما كوردستانێ رێڤبه‌رایه‌تیا ژینگه‌ها سلێمانیێ راسپارد بۆ پشكنینا بیرا چه‌مچه‌مال یا به‌ری نوكه ئاگر دگه‌ل ئاڤێ دهاته ده‌رڤه، به‌لێ ژ ئه‌نجامێ پشكنینێ ده‌ركه‌فت ئه‌ف بیره بكێری ڤه‌خوارنێ و مه‌ره‌مێن چاندنێ ناهێت، له‌وڕا داخواز دكه‌ین لایه‌نێن په‌یوه‌ندیدار بۆ مه‌ره‌مێن دی بكاربنن، چونكو گوره‌ی ستانداردێ ئاڤه‌كا ئاسایی نینه.
شێروانی گۆت ژی” غاز دگه‌ل ئاڤا بیرا چه‌مچه‌مالدایه و دڤێت ده‌مه‌كێ بهێته گرتن، ژبه‌رو زیان بۆ ژینگه‌هـ و ساخله‌میا وه‌لاتیان هه‌یه و نابیت ئاڤا ئه‌ڤێ بیری بچیته ناڤا زه‌ڤیێن ده‌ڤه‌رێ.
ئه‌ڤرۆ نیۆز، قائید میرۆ:
ل قه‌زا شه‌قلاوه ده‌مێ گه‌نجه‌كێ 20 سالی دخواست برایێ خوه یێ بچیك ل روویدانه‌كا ئاگری رزگاربكه‌ت، بخوه دكه‌ڤیته ناڤا ئاگری و گیانێ خوه ژده‌ستدا.
موقه‌ده‌م كاروان خۆشناو، په‌یڤدارێ پۆلیسێن هه‌ولێرێ ب ئه‌ڤرۆ نیۆز راگه‌هاند” ل قه‌زا شه‌قلاوه یا سه‌ر ب پارێزگه‌ها هه‌ولێرێ ب ئه‌گه‌رێ شورتا كاره‌بێ ئاگر به‌ربوو زارۆیه‌كی، به‌لێ ده‌مێ برایێ زارۆی یێ ته‌مه‌ن 20 سالی دخواست ئاگری ڤه‌مرینیت ئاگر به‌ربوویێ و بڤێ ئه‌گه‌رێ گیانێ خوه ژده‌ستدا.
كاروانی گۆت ژی” هه‌ر ب ئه‌گه‌رێ كۆنترۆلكرنا ئاگری ده‌مێ تیمێن هه‌وارهاتنێ مژۆلی ڤه‌مراندنا ئاگریبوون چوار كارمه‌ندێن تیمێن ئاگر ڤه‌مراندنێ توشی ته‌نگه نه‌فه‌سیێ بوون و هاتنه ڤه‌گوهاستن بۆ نه‌خۆشخانێ.
ئه‌ڤرۆنیۆز ، سالار دۆسكى:
ل دووڤ راسپاردێن فه‌رهاد ئه‌مین ئه‌ترووشى پارێزگه‌رێ دهۆكێ، ب سه‌رپه‌رشتى و نوونه‌راتیا د.سه‌میان عه‌بدولخالق سه‌عدى رێڤه‌به‌رێ گشتیێ ئه‌وقاف و كارۆبارێن ئاینى ل پارێزگه‌ها دهۆكێ، خوارنه‌كا شیڤێ بۆ سه‌رجه‌م حه‌جیێن پارێزگه‌ها دهۆكێ هاته به‌رهه‌ڤكرن.
مالك ره‌مه‌زان رێڤه‌به‌رێ په‌یوه‌ندى و راگه‌هاندنێ ل رێڤه‌به‌ریا گشتى یا ئه‌وقاف و كارۆبارێن ل پارێزگه‌ها دهۆكێ، ل باژێرێ مه‌ككه‌ها پیرۆز بۆ ئه‌ڤرۆ نیۆز گۆت: ل سه‌ر راسپاردێن فه‌رهاد ئه‌مین ئه‌ترووشى پارێزگه‌رێ دهۆكێ خوارنا فرافینێ بۆ 957 حه‌جیێن پارێزگه‌ها دهۆكێ هاته به‌رهه‌ڤكرن و ئه‌ڤ كاره ل وه‌لاتێ سعودیێ هاته ئه‌نجامدان ب سه‌رپه‌رشتیا د.سه‌میان عه‌بدولخالق رێڤه‌به‌رێ گشتیێ ئه‌وقاف و كارۆبارێن ئاینى ل پارێزگه‌ها دهۆكێ و ئه‌ڤه وه‌ك رێزگرتن بۆ حه‌جیێن پارێزگه‌هێ و بڤى كارى هه‌موو حه‌جیێن پارێزگه‌هێ دلخوه‌ش بوون و دوعایێن خێر و خوه‌شیێ و سه‌ركه‌فتنێ بۆ ملله‌تێ كورد خواستن.
ئه‌ڤرۆ نیوز:
جێگرێ سه‌رۆكێ حكومه‌تێ و وه‌زیرێ دارایى ب هه‌لكه‌فتا رۆژا ژ دایكبوونا نێچیرڤان بارزانى سوپرایزه‌ك بۆ سه‌رۆكێ حكومه‌تێ دروست كرن و دیارى پێشكێشى وى كرن.
قوباد تاله‌بانى جێگرێ سه‌رۆك وه‌زیرێن هه‌رێمێ كوردستانێ و رێباز حه‌ملان وه‌زیرێ دارایى ئه‌ڤرۆ د كومبوونا لژنا نه‌ف و وزێ دا دیارى پێشكێشى نێچیرڤان بارزانى كرن، ئه‌ڤرۆ رۆژا دوشه‌مبى رۆژا ژ دایكبوونا نێچیرڤان بارزانى یه، ل په‌یجێ خوه یێ تویته‌رى سامى ئه‌رگوشى سكرتێرێ رۆژنامه‌ڤانى یێ سه‌رۆك وه‌زیران راگه‌هاند كو قوباد تاله‌بانى كێكه‌ك و رێباز حه‌ملان تابلویه‌ك پێشكێشى سه‌رۆك وه‌زیران كرینه.
ئەڤرۆ نیوز، نیوار محەمەد سەلیم:
جێگرا فراکسیۆنا پارتی دیموکراتی کوردستان ل پەرلەمانێ کوردستانێ د داخۆیانیەکێ دا بۆ ئەڤرۆ نیوز دیارکر کو ئەوان وەکو فراکسیۆنا پارتی پرۆژێ قانوونا گشتپرسیێ پێشکێشی پەرلەمانێ کوردستانێ کر.
ئامینا زکری گۆت: “د سەرەدانا خوە دا بۆ پەرلەمانێ کوردستانێ ل رۆژا ٣ی تیرمەھا ٢٠١٥ێ سەرۆکێ ھەرێما کوردستانێ دو راسپاردە دابوون؛ یا ئێکێ دامەزراندنا کۆمسیۆنا بلندا سەربەخۆیا ھەلبژارتن و راپرسیێ ل ھەرێما کوردستانێ و یا دویێ ژی دەرکرنا قانوونا گشتپرسیێ”.
جێگرا فراکسیۆنا پارتی دا زانین کو ل سەر وان راسپاردێن سەرۆک بارزانی کۆمسیۆن ھاتە دامەزراندن و نوکە ئەوان وەکو فراکسیۆنا پارتی پرۆژێ قانوونا گشتپرسیێ ژی پێشکێشکر.
ب گۆرەیی ڤی پرۆژێ قانوونێ دشیان دایە راپرسی ل دەڤەرێن کوردستانی یێن دەرڤەیی ئیدارا ھەرێما کوردستانێ بھێتە کرن و ئەو بڕیارە چارەنڤیسێ خوە بدەن کا ل گەل کێ بژین، ئامینا خانێ نەڤەشارت ژی کو پشتی ئەو دەڤەر ب خوینێ ژی ژ لایێ پێشمەرگەیی ڤە ھاتینە رزگارکرن، ئەوان دڤێت ھەر خەلکێ وان دەڤەران بڕیارا دووماھیێ بدەت.
گۆتژی: “ھەکە ئەڤ قانوونا نوکە فراکسیۆنا پارتی پێشکێشکری، ھاتە پەسەندکرن، ئێدی پێدڤی ناکەت پەرلەمان یان ھەر لایەنەک بڕیارێ ل سەر چارەنڤیسێ ڤان دەڤەران بدەت”.
ئامینا زکری ھیڤی ژی خواست کو ئەو کێشەیێن سیاسی یێن نوکە ھەین نەبنە ئەگەرێ گیرۆبوونا ڤی پرۆژێ قانوونێ.
ئه‌ڤرۆ نیۆز، قائید میرۆ
جێگرێ به‌رپرسێ میحوه‌رێ گوێڕ ئاشكراكر، تیرۆرستێن داعش شه‌ڤا بۆری خوه نێزیكی ناحیا گوێڕكربوو لبه‌ربوو هێرشی سه‌ر ڤێ ناحیێ بكه‌ن، به‌لێ هێرشا وان هاته ژناڤبرن.
حاكم جه‌مال، جێگری به‌رپرسێ میحوه‌رێ گوێڕ ب ئه‌ڤرۆ نیۆز راگه‌هاند” شه‌ڤا بۆری چوار ترۆمبێلێن تژی چه‌كدارێن داعش، خوه نێزیكی ناحیا گوێڕ كربوو، داعش لبه‌ربوو ژلایێ گوندێ كه‌نه‌ش هێرشی سه‌ر ناحیا گوێڕ بكه‌ن، به‌لێ هێزێن پێشمه‌رگه‌ی ب توندی به‌رسینگا وان گرت و شیان ئه‌ڤێ هێرشا داعش پوچ به‌ن.
حاكم جه‌مالی گۆتژی” پێشمه‌رگه‌ی چو زیان نه‌بووینه و زیانێن تیرۆرستانژی دیارنینه، به‌لێ ئه‌ڤرۆژی داعش ناحیا گوێڕ بۆردومانكریه و تۆپخانه‌یێن پێشمه‌رگه‌ی به‌رسڤا تۆپێن واندایه و و چو زیان نه‌گه‌هشتیه هێزێن پێشمه‌رگه‌ی.
ئه‌ڤرۆ نيوز:
کەسایەتی و سیاسەتمدارێ ناڤدارێ عیراقی ( میسال ئالۆسی) دبێژیت، گونەھە ناڤێ حاکمێ بەرێ یێ عیراقێ پۆل برێمەر و سەرۆک وەزیرێن عیراقێ نوری مالکی بھێتە دناڤ رستەکێ دا کو ناڤێ سەرۆک مەسعود بارزانی تێدا ھەبیت، چونکی سەرۆک بارزانی پێگەھەکێ نێڤدەولەتی ھەیە، ھەڤدەم ئاشکراکر، وی نەزانیە ھەرێما کوردستانێ پترۆلا خوە فرۆشت بیتە وەلاتێ ئیسرائیلێ، ھەلبەت ھەکە وە بیت ژی، ب رێیا کۆمپانیا عیراقێ (سۆمۆ ) ئەو کار ھاتیە ئەنجامدان، بەلێ ئەو دزانیت، نوری مالکی بوویە ئیمزایا ل سەر رێککەفتنا راکێشانا بۆریا پترۆلا عیراقێ بۆ بەندەرێ عەقەبە کو پترۆلا عیراقێ بگەھەیتە وەلاتێ ئیسرائیلێ ئیمزا کری.
ل گۆڕ باوەریا میسال ئالۆسی سەبارەت سەرۆک بارزانی دبێژیت، سەرۆک بارزانی ب سیاسەتمەدارەکێ وەکی نوری مالکی و کەڤنە حاکمێ عیراقێ پۆل برێمەری نا ھێتە ھەلسەنگاندن، چونکی مەزنە سەرۆکێ وەلاتێن جیھانێ( باراک ئۆباما ) بەرسڤا پەیوەندیێن تلەفونا وی ددەت و پێگەھەکێ نێڤدەلوەتی ھەیە.
سیاسەتمەدارێ ناڤدارێ عیراقێ، د بەرسڤا برسیارەکا د ھەڤدیتنا کەنالێ (NRT) دا، سەبارەت رەوشا سیاسیا عیراقێ کو دەرئەنجامێ ھەڤڕکی و ململانەیا (پۆل برێمەری) و (سەرۆک بارزانی) و ( نوری مالکی) بوویە؟ ، ئالۆسێ ب ئاشکرایی گۆت: گونەھە ناڤێ (پۆل برێمەر و مالکی ) بھێتە دناڤ رستەکێ دا کو ناڤێ سەرۆک مەسعود بارزانی تێدا ھەبیت، چونکی ب خەبات و تێکوشانا مللەتێ کورد ئەو ب ڕەوایی ناھێتە دیتن، سەرۆک بارزانی ب خەباتەکا مەزن بۆ ئازادی و مافێن مللەتێ کورد ھاتیە نیاسین.
ئەڤە پرسیارا کەنالێ کوردی کو دڤێت نەک بتنێ ئاریشێن کوردستانێ، بەلکی ھەموو قەیرانێن کورێن مەزھەبیێن عیراقێ ژی بئێخنە ستویێ (سەرۆک بارزانی)، ئەو کەسایەتیا سیاسی یا عیراقێ ب روھەنی گۆت: (پۆل برێمەر) وەک فەرمانبەرەکی بوویە، و دەستھەلاتێن وی ژ دەرڤەیی رەوشا ئاسایی بوون، ئەڤە رەوشەکا نالەبار بوو، ئەو رەوشا داگیرکەران بوو، ئەو داگیرکەر بوون چونکی خەلکێ عیراقێ ئازار دان، ھەر چو تشتەکێ وانا ئینا بیت یا دامەزاند بیت نەلوژیک و نەقانوونی و نە دستوری یە، ھەر مالکی ژی ئەو کەسایەتی یە یێ ل گەل وانا ھاتیە عیراقێ و ئامادبوونا وی ل گەل وان ھەموو تشتان بوویە، لەورا جوداھیەکا مەزن ھەیە دناڤبەرا مالکی و کەسایەتیێن سیاسیێن عیراقێ دا، ھەلبەت جوداھیەکا مەزنتر ژی ھەیە دناڤبەرا وی و (سەرۆک مەسعود بارزانی ) دا، چونکی شۆرەشا کوردان ب خەون و کەتوار ژی سەرۆک بارزانی ل گەل ژیایە، دناڤبەرا ھەرێما کوردستانێ و شاشیێن سیاسەتا بەغدا بابەتەکە من نەڤێت خوە تێدا ببینم.
د بەرسڤا پرسیارەکا دیا گۆمانلێکری یاکەنالێ ناڤبری دا، سەبارەت فرۆشتنا پترۆلا ھەرێما کوردستانێ بۆ وەلاتێ ئیسرائیل میسال ئالۆسێ ب ئاشکرایی گۆت: باوەرناکەم پترۆلا ھەرێمێ بۆ ئیسرائیل بھێتە رەوانەکرن، بەلێ ھەکە وەبیت ئەو بڕێیا کۆمپانیا (سۆمۆ) کو پترۆل فرۆشتیە ئیسرائیل ھاتیە ئەنجامدان، ھەروەسا نوری مالکی بوویە، ڤیایی وێ پترۆلێ رەوانەی وەلاتێ ئیسرائیل بکەت، نوری مالکی بوویە، رێککەفتنا راکێشانا بۆریا پترۆلا عیراقێ بۆ بەندەرێ عەقەبە ئیمزاکری، بەندەرێ عەقەبە دکەڤیتە دناڤبەرا ھەردو وەلاتێن ئۆردن و ئیسرائیلێ دا، نوری مالکی یە حەز دکەت ئەو پترۆل بۆ وەلاتێ ئیسرائیسل بھێتە فرۆشتن، چونکی وی پێدڤی ب پشتەڤانیا وان ھەیە.
سەرۆکێ حزبا ئوممە یا عیراقێ ھەروەسا خوەیاکر، رەنگە ئەو فرۆشتنا پترۆلێ ژ ئالیێ نوری مالکی ب ئاماژا وەلاتێ ئیرانێ بیت، ئەڤە پرسەکا مەزنە و دڤێن بھوری ھزر تێدا بھێتە کرن،
رەنگە ئاماژەکرنا ئیرانێ بۆ ئیسرائیلیان ب ڤی رەنگی بھێتە کرن، کو بڕێیا ڤێ بۆریا پترۆلێ پەیوەندیێن مە ل گەل ھەوە دخوشن، ھەروەسا دبیت ڤەژاندنا وێ ھێلا پترۆلا یا بەرێ بیت کو کۆمپانیا (PP) یا ئیرانێ ب کاری فرۆشتنا پترۆلێ بۆ ئیسرائیل رادبوو، کو پترۆل د گەھاندن بەندەرێ عەقەبە و حەیفا و یافا .
ب ھەر بھایەکێ ھەبیت نوری مالکی دڤیا وی کار بکەت، و د حوکمەتێ دا بمینیت، بەلێ جھێ مخابنیێ یە کو سیاسەتمەدارێن ب ڤی رەنگی ل عیراقێ ھەنە بازرگانیێ ب ھەر تشتەکی دکەن، میسال ئالۆسی ھەروەسا گۆت: من باوەری ھەیە، کو پترۆلا ھەرێما کوردستانێ مولکێ مللەتێ کوردە و دەولەتا عیراقێ یە، ھەر دو راستینە، ئەرکێ مەیە وەبەرھێنانێ د ئابۆری وزێ دا بکیەن، دڤێت ئابۆرێ کوراد ئادیا خوە ھەبیت، ئەز داخوازا سیستەمەکێ کونفێدالی بۆ عیراقێ دکەم، کو ھەموو مللەتێن عەرەب و کورد و تورکمان ژی تێدا ب ژیانەکا ژ ھەژی تێدا بژین، و ھەموو مافێن مرۆڤایەتی و دستوری تێدا بھێنە پاراستن.
میسال ئالۆسی سەرۆکێ حزبا ئوممە گۆت: ھەردەم ئەز دبێژمە خەلکێ مەیێ عەرەب، ئەز عەرەبم و شانازیێ ب خوە دبەم، بەلێ مافێ کوردانە ژ ئالیێ راگەھاندن و پەرلەمان و ئابووری و مرۆڤایەتی ئازادبوونا خوە ھەبیت، ھەلبەت ئازاد بوونا وان رامانا وێ ئەو نینە کۆ، ئەڤە ئەنجامێ خەلاتێ عەرەبێ بۆ کوردان بیت، بەلکی ئەنجامێ خەبات و تێکوشان و قوربانی دانا کوردایە ب درێژاھیا دیروکێ، ب خەباتکرنا ئالیێن سیاسی ژ دەرڤە و ناڤخوەیا عیراقێ ب دەستخوەڤە ئیناینە، ھەروە ئەز دبێژم رێیا ئازادبوونا کوردان نەگرن، وەرن بلا پەیوەندیێن خوە ل گەل کوردان باشتر بکەین، پەیوەندیێن مە بلا ل سەر بنەمایێ رێزگرتن و بەرژوەندیان بیت، کو ھێشتا پەیوەندیێن مەزن مە ل ڤێ دەڤەرێ ھەن کو ھەتا نھا ئەو پەیوەندی نە دموکمن.
ئه‌ڤرۆ نيوز:
ل کەڤانێ بەشداریکرنێ وی دا ل فیستەڤالا میوزیک دا، فەرهاد بەزلە باشترین سترانبیژێ کورد بۆ سالا ٢٠١٥ ب سترانەکێ هەیفا وەهبی و ئەحلام دئێختە سەمایێ.
ل فیستەڤالا Big Apple Music کو ل ولاتێ ئەلمانیا برێڤەچوو، تێدا فەرهاد بەلە ب باشترین سترانبێژێ کورد هات دەستنیشانکرن و سترانەک ژى گوت و تێدا هەیفا وەهبی و ئەحلام و چەندین ئەستێرە و کەسایەتێێن ناڤدارێن جیهانی تێدا ئامادەبوون، ل دەما گرتنا سترانێ ژى هەیفا وەهبی و ئەحلام سەما کرن.
د داخویانیەکێ دا ل سەر بەشداریکرنا وی د وێ فیستەڤالێ دا، فەرهاد بەزلە بۆ NRT2 راگەهاندبوو کو وەک هونەرمەندەکێ کورد بەشدرایا وێ فیستەڤالێ کریە و گوت” من شیایە ب ناڤێ کوردستانێ و کلتورێ کوردی ڤى خەلاتى بدەست بینم”.
هەر د وێ فیستەڤالێ دا هەیفا وەهبی وەک باشترین سترانبێژا ناڤەراست و ژنا هونەرمەند هات هەلبژاردن.
ژێده‌ر: NRT
نيشاندان